§®¤*~ˆ°سالفتنا°ˆ~*¤®§

[الموناليزا]

http://jrnas.org/uploader/uploads/iujziks.gif


موضوع سيجمع آرائنا من خلال المواضيع التي تحتاج لنقاش

هنا سنبدي آرائنا وسنطرح تساؤلاتنا بشكل دائم وسنسنع آراء الآخرين وان كان الموضوع بسيط
ماعليك سوى وضع تساؤلك ونناقشك فيه والغير يعطينا رايه


°ˆ~*¤®§(*§*)§®¤*~ˆ°سالفتنـــــــــا°ˆ~*¤®§(*§*)§®¤ *~ˆ°

عليكم اختارو موضوع ورمسوا عنه ولو مش مهم بس تبون تجمعون راي

هنيه نجمع الآراء ..


http://jrnas.org/uploader/uploads/hujhhg.gif

[الموناليزا]

ببدأ في موضوع عشان تعرفون كيف بيكون مجرى الحديث >> خخ جنه اخبار حشا ..

المهم عندي سالفه ابا ارمس عنها ونبا آرائكم

سالفه المدارس الحكوميه والخاصه >> شو الاحسن من رايكم وليش

انا اقول الخاصه للصغار احسن بوايد خصوصا تأسيس الصغير في الدراسه هو اللي بيأثر عليه على طول مراحل تعليمه

والمدارس الحكوميه مشكلتها التأسيسي مشكله كبيره .. المناهج ماتنفعنا لبعدين >> نفس الانجليزي التدريس ماشي..

المشكله انه محد معلمين او معلمات >>هذا ايامنا يوم كانن المعلمات مصريات >>خخ بس التفاهم بالظرب اما الحين فيه شي معلمات بس مادري عن تدريسهن اذا اوكيه ولا

اللي اقصده المراحل الدراسيه الصغيره مثلا الابتدائيه



شاااااااركوني آرائكم او حطو سالفه غيرها وبنرمس فيها ..

وسلامتكم >>

[كيـ عيناوية ـفي]

بونيتا

سلم لنا قلمكِ غاليتي

سالفتنا موضوع رائع ومفيد فيه نعرض أرائنا ونتعرف على أراء الآخرين ووجهة نظرهم حول المواضيع التي تمسنا .


سالفه المدارس الحكوميه والخاصه >> شو الاحسن من رايكم وليش

أخالفكِ الرأي غاليتي .. إن للمدارس الحكومية الدور الفعال في تنمية الطالب عقلياً ولكــــن هذا يعتمد على المعلــم و ولــي الأمر في الأول والأخير لمـــاذا ؟؟

قديماً كان الاعتماد على الحفظ في مناهجنا .. الطالب كان يحفظ المادة كحفظ ليس الا أما الآن فالمناهج تسعى إلى إبراز شخصية الطالب وحثه على السعي خلف المعلومة فتحتوي على بعض العبارات من مثل ( اطلاع الطالب على موقع الكتروني لستخراج المعلومة .. عمل أوراق عمل من أبدع الطالب .. الــخ ) المناهج تغيرت كثيراً عن السابق والحمدلله .. وعلى ولي الأمر المتابعة عن كثب ابنه في المدرسة والتعاون مع المعلم ومساعدته لتنميه ابنة وهذا يعتمد على مدى التقارب بين المدرسة وأولياء الأمور .

والآن أي معلم مقصر أو ليس لديه الكفاءة التي تخوله إلى تنمية الطالب أن يجعلهم ملمين بالمنهج أو انه يمكنهم من المنهج أو اللغة التي يدرسها ( الانجليزية ) سيتعرض للمسائلة في المدرسة والمنطقة .. والآن المعلم يتعرض من قبل المدير والموجة الموكلين علية بتقارير تقييميه لمعرفه مدى صلاحيته لهذا المنصب .. وعلى المعلم أن يعمل بذمة وضمير لان مهنة التعليم مهنه مشرفه وفي نفس الوقت تحتاج إلى الجهد الكبير والسعي للوصول إلى الرقي المعرفي بالطلاب .

وأقول في الأول والأخير ليس هناك مدرسة أفضل من مدرسة سوء حكومية أو خاصة فكلهم سواء .. لان هذا يعتمد على الكادر التدريسي ومدى إلمامة بما تحويه يديهم .. والخاصة ضعيفة من الناحية التمسك باللغة العربية والتربية الإسلامية فهي تركز على الجوانب الأخرى و تهمل هذين الجانبين المهمين .

والاختلاف في الرأي لا يفسد للود قضية

تقبلي فائق احترامي غاليتي

كيفي عيناوية

[يـآس]

السلام عليكم ورحمة الله وبركاته

سالفتنا سالفه

بصراحه فكره حلوه .. وعشان نختصر كلامنا والتعقيب يكون قريب من الاخرين
رايي في مسألة المدارس الخاصه والحكوميه وشو الافضل ..اتصور

1- الفرق الاساسي الي بينهن هو كيفية تلقي الطالب للمعلومه
ف في المدارس الخاصه هناك كادر مدرب لإيصال المعلومه لطفل بسهوله .. هذا غير الوسائل التعليمية المتاحه عندهم
والمدرسين كل فتره يتم تدريبهم على احدث وسائل التعليم والتدريس للطلاب
وهذا الشيئ مفقود في المدارس الحكوميه للاسف

2- المنهج الحكومي والخاص مايفرق .. كلا المنهجين جيد
الفرق في المدرسين وكفاءتهم

3- النظام .. في المدارس الخاصه النظام اقوى ومتواصل مع المنزل بشكل جيد
في الحكومه ضعيف جدا

4- الامتحانات في المدارس الخاصه تعتمد على اساسيات اكتسبها الطالب من هذي الماده ويركز عليها في الامتحان
والحكومه امتحاناتها تحدي بين الطالب والمدرس ومن الي بيكسب فيها ..!!


الخلاصه
وجهة نظري الخاصه لو يطورون المدارس الحكوميه وينهجون نهج المدارس الخاصه بيكون افضل
والى الان المدارس الخاصه افضل بكثير عن الحكومه والسبب ليس في المنهج ولا الطالب السبب في المدرس والنظام والاداره المدرسيه


اعتذر على الاطاله

[الموناليزا]

بونيتا
والآن أي معلم مقصر أو ليس لديه الكفاءة التي تخوله إلى تنمية الطالب أن يجعلهم ملمين بالمنهج أو انه يمكنهم من المنهج أو اللغة التي يدرسها ( الانجليزية ) سيتعرض للمسائلة في المدرسة والمنطقة .. والآن المعلم يتعرض من قبل المدير والموجة الموكلين علية بتقارير تقييميه لمعرفه مدى صلاحيته لهذا المنصب .
كيفي عيناوية

كيفي عيناويه ..
سلمتي على هذا التواصل الرائع عزيزتي ..

رايج ع العين والراس بس الراي بصراحه من وجهه نظري .. صحيح مافيه فرق بين المناهج هنيه وهناك بس فيه التعليم اقوى فالخاص .. حتى الروضه اللي هيه روضه للصغار اشوف الخاصه احسن .. >> واكيد هذا يرجع للكادر التعليمي >>المعلمين الكفاءة عندهم اكثر بس مادري ليش ..

عزيزتي .. المدارس الحكوميه يمكن انه مدارس البنات لانه معلمات مواطنات التدريس يمشي حاله وزين والباقي بجهد الطالبه بس كأولاد مستحيل الا ماندر وفي حالات قليله صراحه تقلين مدرسين زينين في مدارس الاولاد الحكوميه .. ويمكن من شطانة العيال المدرسين يزيغون منهم والتدريس ماشي .. الا اللي بيدرس من ضمير ..

بعد فيه سالفه بقولج ياها وهيه بخصوص المواصلات >> تدرين انه باص الخاصه فيه مشرفات لاي حادث طاري لاسمح الله حتى عيال الروضه وياهم مشرفه توديهم لين البيت >> يعني هذيلا يهال مايدلون ويبالهم انتباه .. راعي الباص مابيتم ايعدهم كل يوم .. الحكومي سيري شوفيلي بس روضه وحده تلقين فيها مشرفه على اليهال .. جان لقيتي هاي نعمه من الله .. قلة الاهتمام هو المشكله في الحكومي .. مع انه الحين شهدنا تطور المدارس الحكوميه مع تبديل المناهج اليديده بس الكفاءة قليله الا في مدارس البنات يمكن شوي اوكيه ..

>> لاني مجربه الحكومي وعارفه وشفت عيال الخاصه كيف دراستهم اوكيه

تسلمين خيتوو على الراي .. والتواصل وهذا اللي تعودته منج ..^_^

يعطيج الف عافيه ^_^ ردي وسولفي ويانا في ميلسنا ترانا نترياج كل يوم ^_^

[الموناليزا]

اخوويه المدلع ..
شكرا للمرور والراي المفيد .. بس تعليقات مانخلى منها في سالفتنا ..


4- الامتحانات في المدارس الخاصه تعتمد على اساسيات اكتسبها الطالب من هذي الماده ويركز عليها في الامتحان
والحكومه امتحاناتها تحدي بين الطالب والمدرس ومن الي بيكسب فيها ..!!
هي والله وكم عانينا من عذاب هالمعلمات الله يكون فالعون بس .. كأنه داخلين حرب مب دراسه .. وتعاون


الخلاصه
وجهة نظري الخاصه لو يطورون المدارس الحكوميه وينهجون نهج المدارس الخاصه بيكون افضل
والى الان المدارس الخاصه افضل بكثير عن الحكومه والسبب ليس في المنهج ولا الطالب السبب في المدرس والنظام والاداره المدرسيه

اكيد افضل بوايد بس ان شاء الله على السنوات اليايه يكون تغيير للأحسن ..

شكرا للمروور وتعال كل يوم عندنا سوالف وايده ^_^

[واحة نفسي]

اشكركِ اخت بنوته على الفكرة الرائعة

في رائي ان المدارس الخاصة افضل بكثير من المدارس الحكومية من ناحية الكوادر التعليمية والمدرسات وطرق تعاملهم مع الطالبة وطرق شرحهم وخلق سبل لتوصيل المعلومة للطالبة ...لماذا ؟

لو نظرنا الى المدارس الخاصة يطمحون الى عدد كبير من الطالبات فكيف يحققون ذلك بجلب مدرسات ذوات كواد عالية وميزات خاصة لكي يحافظون على سمعتهم لكي لا يخسرون الطالبات بالتنافس بين المدارس الخاصة فالمعنى هنا تحقيقات اقتصادية .

اما المدارس الحكومية فالمدرسات وللاسف لا يهتمون كثيراً لانهم توصلوا الى مبتغاهم فلن يحملوا انفسهم المشاق , تؤدي اقل من واجبها فتذهب .

اما من ناحية المناهج التعليمية فهي موحدة ولا فرق بينها لكن الفرق في التعامل مع الطالبات وطرق توصيل المعلومة والاهتمام .


اسعدني تواجدي في احدى صفحاتك

تقبليني في ورقتكِ

[الموناليزا]

تسلمين غناتي واحه نفسي ع المروور الطيب

لج الف شكر على التفاعل

عندي سالفه ثانيه وهي بخصوص الواسطه في العلم والدراسه

اكبر واسطه شفتها من يومين تقريبا كان بايام السحب والاضافه للمساقات الدراسيه

مساعد العميد او مادري شو حاجز كرسيين طبعا لحد من اهله رغم حاجه مجموعه من الطالبات لهامساق تم تأجيلهن وتمن على 3 مساقات بلا رفع سقف ولا حتى نظر في جدولهن بالعكس اللي قالته المشرفه انه عادي ايتمن على ثلاثه مع انه ظلم فيه بنات ياخذن خمسه وسته بس محد يقول

داشه الواسطه كل شي >> هالسالفه على لسان بنت اعرفها شافت هالموقف الحمدلله بعيده عنه هع مجدولة الكل هع

رمسو بسالفه الواسطه بالدراسه ورايكم فيها؟؟

وشو اسبابها ؟؟ بنظركم

[عيناوي فاستراليا]

اممم

يعطيج العافيه بنوته ع الموضوع الحلو

والهدف منه رؤية الاراء المختلفه في المواضيع الي تحطينهن

اممم

سالفة الواسطه فالعلم

انا مامرت علي

بس بحاول اقول رايي وان شاء الله اتقبلينا بصدر رحب

انا اسمع عن الواسطات في كل مجالات الحياه

بس الواسطه في مجل العلم هاي اول مره اسمعبها

اسبابها الشيخه

سالفة ربيعتج هاي ظلم واكبر ظلم صراحه

لسبابها م رايي

الصلاحيات الي عاطينها العميد

لازم ماتكون عند العميد هالصلاحيات

لو موجود الي يراقب هالعميد جان مستوت هالواسطه

بس للاسف حطو هالعميد ومسكوه منصب ومحد يحاسبه ليش مادري

بس بتخبرج هالعميد مواطن؟؟

اذا مواطن ويسوي هالشي والله مايستاهل انه يكون من عيال لبلاد

[يـآس]

السلام عليكم ورحمة الله وبركاته


بصراحه بتكلم عن الحاله الي وصلت الواسطه لهالمكان وهو الجامعه
نظام الجامعه عندنا سيئ جدا .. مادري ليش مستمرين فيه
ولا يحدثون اي تغييرات بالمره

وايد طلاب مايحصلون المساقات الي يبونها
حتى لو تقدموا متاخرين لهالشي

اتصور لو احدثت الجامعه نظام اخر وهو ان الطلاب يحضرون لتسجيل اسمائهم في المواد المراده
ثم تقوم جهات خاصه من الجامعه باحصاء الاعداد وفتح قاعات دراسيه تستوعب الجميع

بهذا النظام اتصور الي بيخلص في خمس او ست اسنين بيخلص في اربع
والناس تتطور فليش تظل نظمنا على ماهي .. والله نظم عفى عليها الدهر


والواسطه بتوصل كل مكان دام هم تربوا على هالشي ومافي اشخاص او مسؤولين يحاربون الواسطه
ابشري حتى في المستشفيات واصله تراها .. يعني مريض مايظهرولك حجره عدله الا بالواسطه
بعد شو بيصير اكثر من جذي ..!!


تسلمين بونيتا على الطرح الطيب
واسمحيلي على القصور

[فـــطـــامي]

انا مع اخويه دلعووه اهله بأن النظام في الجامعه حق التسجيل وجي مب شي

ختيه تسوي حالت استنفار في البييت قبل لا تسجل .. تقول انه توهم فاتحين الشعب .. وما يكملن 5 دقايق الا وهن متسكرات .. حليلها تتلعوز .. ورفع سقف ومادري شو

مره اول هالكورس تبا ماده وماشي سكرووه الكلاس .. فزعت الصبح حقهم .. اونها بتسوي رفع سقف .. راحت عند المسؤوول .. قالها شو اسمج .. قالت اسمها .. قالها هي بنت فلان الفلاني .. شو يستغل بوج غير انه ........... .. قالتله .. امره وقعلها عالورقه .. وراحت قالت ما خذت خمس دقايق .. خخخخخ ..

صدقك والله الحين في كل شي واسطه .. حتى انها وصلت لدرجه انهن يرابعن اللي يشتغلن في الكوفي والا اي شي عسبت يوم ايي بريكها تدقلها تلفوون وتطلب ويوصل الاكل لين عندها ..

[الموناليزا]

بس بتخبرج هالعميد مواطن؟؟

اذا مواطن ويسوي هالشي والله مايستاهل انه يكون من عيال لبلاد
هيه نعم مواطن

تسلم على التواصل وابداء الراي

دلعوه اهله ..
كلامك صحيح النظام هب شي
وخل نظام التسجيل هذا روحه يباله رمسه صدق ظلم احيد مره ربايعيه ثنتين وحده بتسحب مساق والثانيه بتضيفه يعني متفقات على انهن يتبادلن ويوم الاولى سحبته مالحقت الثانيه تبا تضيف المساق الا وتسكر الشعبه انها متروسه
صراحه موقف لايحسدن عليه الله يعينهن وهاي مشكله التسجيل يوم يتأخر ... صدق قهرر


يسلموو دلعوه على التواصل والمروور ..



فطاامي سالفج الاخيره ماتستوي خخخخ ماشي ربعه دارلينجات عسب الطلبات خخخ>> ان شاء الله فهمتي

هيه والله كله واسطه الله يعين الجميع


يسلموووو على المروور والتواصل وابداء الراي


.. يالله عطونا سالفه ثانيه

[فـــطـــامي]

فطاامي سالفج الاخيره ماتستوي خخخخ ماشي ربعه دارلينجات عسب الطلبات خخخ>> ان شاء الله فهمتي

هيه والله كله واسطه الله يعين الجميع


والله العظيم .. ان شي .. وانا بعيني شفت .. ربيعتي تتصل حق الدارلنج .. وتقولها اللي تباه وهي تيبلها ايااه .. يلين عندها ..