غيـــرة الأصدقــــاء إلــى أيــــن ؟؟ بقلمـــــــي

[كيـ عيناوية ـفي]

غيـــــرة الأصدقـــــاء

موضوع غريب

هــــل الأصـــدقــــاء يغــــارون علـــى أصدقائهــــم ؟؟

هل سبق ان رأيت صديقا لك يتمشى أو يحادث زميلا له و أخذتك الغيـــــــرة و حاولت أن تنهاه بشـــــــده أن يحادث غيرك مع العلم أن صداقتك معاه متزنة و محترمة لأبعد الحدود ؟؟


وإلى أي درجه تصل هذا الغيـــــرة ؟؟

هل هذه غــيـــرة أم تمـــلك ؟؟

وكيف تتصرف مع هذا الصديق الغيور الذي في نظري متملك لأبعــــــد الحـــــــدود ؟؟


تقبلوا فائق احترامي

كيفي عيناوية

[يـآس]

السلام عليكم ورحمة الله وبركاته

الغيره شيء ان تعدت عن حدها صارت مصيبه .. بس بين الاصدقاء ..!!؟ نشوف الموضوع ونرد






غيـــــرة الأصدقـــــاء

موضوع غريب

هــــل الأصـــدقــــاء يغــــارون علـــى أصدقائهــــم ؟؟

بالنسبه للشباب لاتوجد غيره لكن دائما مطلوب الاحترام يكون متبادل وان خويك مايلبسك ان شاف غيرك .. اهنيه لازم نسفهه ونعلمه كيف ان الريال يتسنع وماينسى حد يالس وياه وربيع مخاونه


هل سبق ان رأيت صديقا لك يتمشى أو يحادث زميلا له و أخذتك الغيـــــــرة و حاولت أن تنهاه بشـــــــده أن يحادث غيرك مع العلم أن صداقتك معاه متزنة و محترمة لأبعد الحدود ؟؟

لا حشا بالعكس لازم الشاب يكون اجتماعي ويخالط عشان يكون شخصييته .. والغيره مش وارده ابدا





وإلى أي درجه تصل هذا الغيـــــرة ؟؟

مش موجوده ..بالنسبه لي




هل هذه غــيـــرة أم تمـــلك ؟؟

الشخص الي بيغار لهالدرجه .. اكيد بيكون تملك .. وعافانا الله من هالسوالف

بس ع فكره في شباب يغارون ع ربعهم وماعرف شو دافعهم بس اكيد بيكون انانيه مب غيره اذا ربيعك مايباك تكلم غيره .. شو هذا ؟؟!! بصراحه انانيه وقلة عقل




وكيف تتصرف مع هذا الصديق الغيور الذي في نظري متملك لأبعــــــد الحـــــــدود ؟؟

اخذه في يوم اتفيقله فيه .. واقوله : اسمع هالسوالف تراها هب سوالف رياييل وتسنع وخلك ريال .. والا لاعرفك ولا تعرفني



تقبلوا فائق احترامي


كيفي عيناوية





الف شكر لج ع هالموضوع والسموحه منج جان بدر منا تقصير

[...ملفته للنظر...]

وانا مؤيده لرايج ختيه كيفي عيناويه....


هــــل الأصـــدقــــاء يغــــارون علـــى أصدقائهــــم ؟؟

نعــم،،، ممكن انهم يغاروون إذا كنتي من أعز الاصدقاء عندهم وشافووج تعرفتي على حد غيرهم وكانوا مب ذااك الزود اللي تعرفتي عليهم يديد...يعني من باب الخوف علييج منهم..



وإلى أي درجه تصل هذا الغيـــــرة ؟؟

اذا كان الصديق عاقل وفاهم بيغار من شي معقوول يعني من خووفه علييج..بس اذا كان زايد عن حده هنيه بيكوون العيب وعدم التفاهم أحيانا..



هل هذه غــيـــرة أم تمـــلك ؟؟
وأنا معااااج 100 % لاني أعتبرها تملك لأبعد الحدود مثل ما أسلفتي سابقا..


والعذر منج يا ختيه والسمووحه على الرد البسيط..
كما أحب أشكرج على مواضيعج اللي أتبعها داااااائما


تحياااااتي لج أختي العزيزه::
ملفته للنظر

[% القلب %]

اممممم ممكن اغار ع ربيعتيه اذا حسيت انها تعرفت ع حد بياخذها مني،بس اذا تعرفت عادي ع ربع ماياثرون ف صداقتنا اكيد مابغار،لاني مابمنعها تكون صداقات هيه مب ملكي....

تحياتي لج الغلااااا

[كيـ عيناوية ـفي]

وعليكم السلام ورحمة الله وبركاته

دلعــ~ـوه اهلـ~ـه

تسلم اخويه

العفووو

صدقت اخي الكريم ان تعدت الغيره عن حدها اصبحت مصيبه ومصيبة كبيره .

الاحترام ومراعات مشاعر من كنت معهم قبل ان ترى صديق لك وتدعهم وتذهب له وتتركهم لوحدهم هذا لا يعد احترام بل استخفاف بهم ويجرحهم هذا الفعل الذي قمت به .

هذا الفعل ( الغيره على الاصدقاء ) لاصغر شيء يعملونه هو تملك بحد ذاته .. وهذا الفعل منفر يجعلك غير مرتاح معه لانه يدقق على كل صغيره وكبيره تفعلها .

صدقت اخي انها انانيه .. بحيث يقوم الصديق بتكبيل صديقه و لا يجعله يحدث احد الا غيره !!


المواجهه بالفعل هي احسن الطرق .. ولكـــن هل من معتبـــر ؟؟


مسموح بالحل اخويه

كفيت ووفيت والله

تشرف موضوعي بمرورك الكريم

تقبل فائق احترامي

كيفي عيناوية

[كيـ عيناوية ـفي]

...ملفته للنظر...

تسلمين يالغلااا

يعني غيرتهم بتكون خوف عليهم مب غيره بمعنى تملك ومحاسبتهم على كل تصرف يسونه ... والعاطفه تاخذ الاصدقاء ويتحسسون اذا حسوا بس مجرد احساس ان ربعهم بيبتعدون عنهم عشان ناس مايستاهلون .. وللغيره حدود لازم ما تتعداها لان بتعديها بنتعدى على خصوصيات الصديق .. ولازم يكون التفاهم من بينهم مب على اي شيء تغار على ربيعتها .. والغيره ان زاده اكثر من حدها تنجلب تملك وتنفر الاشخاص من بعضهم .

مسموحه بالحل يالغلااا

كفيتي ووفيتي غنااتتي ولا عليج قصور يالغلااا

العفوووو يالغلااا

وتتشرف مواضيعي بمرورج عليها غناااتي وردودج عليها شرف لي بعد :)


يعلني ما اخلا منج يالغلااا

تقبلي ودي غاليتي

كيفي عيناوية

[كيـ عيناوية ـفي]

% القلب %

تسلمين يالغلااا

علينا ما نجبر اصدقائنا يحددون صداقاتهم بسببنا لان هاي فيها تعدي على خصوصياتهم .. واذا شفت ان في صداقه يديده وبتأثر على صداقتنا بنصحها باللي اقدر عليه وان شاء الله تنتصح .

مشكووووره على المرووور الحلوووو

قبلي ودي غاليتي

كيفي عيناوية

[شليويح]

هلا اختي كيفي عيناوية مشكورة على الموضوع

ونا في حياتي اقع في بعض هذه الاشكالات لني بصراحة اكون بين صديقين متنافرين دائمن

يعني كل واحد ما يحب الثاني ونا حلقت الوصل في النص ...مرات اطفر منهم ومرات اضحك عليهم

وتسلمين على الموضوع

[كيـ عيناوية ـفي]

شليويح

تسلم اخويه

العفوووو

الله يعينك اخويه .. الصراحه موقف ما تنحسد عليه >> مريت بهلاموقف والصراحه طفره من الخاطر .. لو منك بخليهم وبروح عنهم خاصة ان كانوا موجودين في نفس المكان .

بس تقدر تفهمهم انهم لا يحطونك في موقف محرج وياهم ان تموا على هالاسلوب .. وفهمهم ان اسلوبهم مب حلو وانه مايعيبك ولازم يحترمون انك ربيعهم بثنيناتهم ومب ملزوم ما ترابع واحد عشان الثاني مايستلطفه .. وعلمهم ان هذا الاسلوب غلط في غلط وان الله ورسوله وصوا على تحسين العلاقات بين الناس .

وتسلم على التواجد الرائـــع

تقبل تحياتي

كيفي عيناوية