لماذا تغطي المواطنة وجهها عندما ترى مواطن..؟!

[F_16]

مواقــــف قد تستوقفنـــا كثيرا وتزيد من حيرتنـــا حيـــرة فوق حيـــره ..

وهو عبـــاره عن ســـؤال قد يكـــون تبـــادر للأذهـــان كثيـــرا ..

وهو عنـــد دخـــول المواطنـــه"بغــض النظـــر عــن الجنسيــه"..

لمحـــل لتشتــــري شيئـــا او لتتفـــرج علـــى شــــئ قد اعجبـــــها..

وهــذا المكــــان يغــص بالجاليـــات العربيـــه والاجنبيــــه وقد يكـــون البائــــع هنــدي__ عربــــي___ أفريقــــي...

تفاصيـــل وتكاسيــر ووجههـــا مكشـــوف وشعـــرها قد انســدل على جبهتهـــا..

ولااريد ان ادخل في تفاصيل مكياجها او لبسها ولكن ما ان يدخل مواطن..

تحت اي ظرف من الظروف او حتى اسوئها..

تراها قد تغيرت وتغيرت خارطة وجهها وتلثمت وصاحت بصوتها

(وابـــــويه مواطـــــن)....

هنا اطرح أسئلتي:-

1_
هل البائع ليس رجلا ولا يحس او يرى ماهن امامه من نساء ؟

2_
هل الموجودين من الرجال من الجنسيات الاخرى حلال عليهم

مشاهدة المواطنات ؟

3_ هل الموطن دخوله للمحل لحظه وجود المواطنه يعتبر بدافع المغازله دائما ؟


4_وين الوازع الديني قبل كل شي ؟

؛؛؛ودمتم سالميي

[اللحظة الأخيرة]

الصرااااحه صدق هالرمسه

و انا اشوف انيه انا اشوف بنات بلاديه وهن متكشفات عن ما يشوفهن الغريب

و فعلاً هن يعتبرن الهندي و غيره مب ريال بس المواطن يتغطن عنه

ما يفكرن بربهن و حسابه......

و السمووووووووووحه


.
.
.

[شــما]

ههههه هيه والله صدق بس ذكرتني بموقف استوالي وشفته بعيوني بنااات مواطناااات الكشخه فول ابشن ولا العبي اللي تقوول راايحه عرس والمكيااج فول

كانوا شله من شاافوا مواطنين داشين يالله سترك طاح عليهن مستحي وربي اني مت من الضحك عليهن صدق ماعندهن سااالفه خخ ....لييييش ؟؟ لانه الهندي ماشي منهااا يعنى لا بتعرسبه ولاشي اما المواطن لازم يشوف انهاا ماشالله عليهااا ادب واخلاق جدامه وهن من تحت لتحت خخخ يمكن يصاادفهاا حظهاا وياخذهاا خخخ..

وبالنسبه لي اممم بصرااحه مااغطي ويهي بس اعدل الشيله وخلاص تسد داام الشعر مو ظااهر ....

ووويسلموو ع الموضوع الحلو ....

[% القلب %]

والله انا بعد استغرب من هالبنات،انا عن نفسي ف السوق اتنقب من الجميع مواطنين ولا غيره...

مره استغربت من بنات اعرفهن يوم دخل هندي ماغطن شعرهن قالن الا هندي،قتلهن ليش الهندي مب ريال؟؟!!

وتسلم اخووي ع الموضوع

[[ قلب مضنوني ]]

السلااام عليكم


صح دووووووم اشوف بنات يكشفن ويوهن عند الهنووووووود ومن يشوفن مواطن تغشن ليش ؟؟ جيه هاذاك هب ريال ؟ وغرييب بعد ؟؟









والسموحه

[!! دهـن العـود !!]

1-هل البائع ليس رجلا ولا يحس او يرى ماهن امامه من نساء ؟

البائع رجل بس مب موااطن <<< ركززززززز وووهووو مب منقووود يعني امها مابتقولها تغشي
وحتى لوو سولفت وضحكت معها مب مهم ترااه مب مواطن ......( الحمدلله على نعمه العقل )

2-هل الموجودين من الرجال من الجنسيات الاخرى حلال عليهم مشاهدة المواطنات ؟

مب حلال بس عادي تراهم مب مواطنين الا<<< ركززز هنود وسوريين ومصريين وحتى يمنييين ( والام فى خبر كاان بروحها عندها عادي )



3_ هل الموطن دخوله للمحل لحظه وجود المواطنه يعتبر بدافع المغازله دائما ؟

يمكن يكون بدافع المغازله ويمكن يشترى شي بعض الظن اثم


الاجووبه مب رايي الاجوبه من الووووقع

.................................................. ...............


الحشيم حشيم مع مواطن ولا مع الهندي ولا معى اي رجل

هذااا رأيي


4_وين الوازع الديني قبل كل شي ؟

[واحة نفسي]

اشكرك اخوي اف 16 على الطرح


اتريد ان تعلم السبب

السبب بسيط جداً هو انك ايه المواطن اذا رائيت فتاه متحشمة تحبو خلفها وتلاحقها ولست ملاماً لانك لست متعود على ان ترى فتاه بما يحكم ديننا وعاداتنا اما هذا الاجنبي فلن يأثر علية فتاه ففي بلادهم رجالهم كنسائهم ولن يلحق بها اية ضرر لانه اتا ليبحث عن قوتة وقوت ابنائة الذين ينتظرونة بفارغ الصبر وينتظرون غداً مشرق فلن توسوس له نفسة بان يقدم على شئ ...,,, اما انت ايه المواطن المستأمن يامن ينقصك الوازع الديني تريد ان تكتشف اشياء عده من بني جنسك والفراغ يصنع اشياء كثيرة ..

اكرر شكري

[دلوعه اجتبيه]

سلمو عالطرح الرائع

بصراحه ظاهره منتشره بكثره ..


الدريول أو الهندي ...يعتبر مب ريال ..ليش ما ادري ؟؟

وبصراحه حتى في الجامعه ..

الاحظ هالشي

يعني حتى في كلاسات الرياييل نلقاهن بلا غشا واحيانا شعورهن ظاهره ... واول ما يظهرن من الجامعه صوب الباركنات تغشن ..مع انه شايفينهن على طول اليوم في الجامعه كاشفات ...

وفي الاسواق نفس الحال ..من تدخل عقت الغشا وقبل لا تظهر ردته ...!!!!!!!!


ما ادري ليش التهاون بالهندي

تراه إلا ريال


ومثل ما قالو

(( ان لم تستحي فافعل ما شأت ))

وما اعتقد وحده تستحي بتسوي هالشي



تبقى وجهة نظر


والسموووووووووووووحه

[شليويح]

لا اعرف السبب الحقيقي وراء ذلك ولكن الفتاة وان كانت ساذجة ستكتشف نظرات من تتعامل معه فهناك من يعاملها

في المحل معاملة عادية وهي معاملة الزبائن وهناك من يتفحصها كأنها خاضعة لفحص شامل .

اختي واحة نفسي صورتي المواطن بأنه مخلوق متوحش ينتظر الفرصة السانحة للهجوم على فريستة وفي الجانب الاخر

الوافد المسكين الذي يكدح ويعمل من اجل ابنائه فقط .. هناك من المواطنين ينظرون للفناة نظرة عفويه وهناك من

الوافدين من ينظرون لها نظرة شيطانية حتى ولو كانت في المهد وهناك حوادث كثيرة يشيب لها الرأس من افعالهم

ولكن في النهاية على البنت ان تلزم الاحتشام مع كل الاطياف ولا تلغي احتشامها لان المقابل لها اقل مكانه منها .

حتى ولو كان هذا الشخص كفيف وفي ذلك روي ان ام سلمة قالت: كنت انا و ميمونة عند النبي صلى الله عليه و آله

فاقبل ابن ام مكتوم فقال: «احتجبا عنه‏» فقلنا: انه اعمى، فقال: «افعمياوان انتما؟ ! »

ولكم جزيل الشكر