العبــــاءة الخـــــفاش (الفراشة)(الغـراب) ..

[اجتبية]

سؤال قبل بداية الموضوع

+ هل العباة للحشمة أم للشماته ولفت الانتباه +


الله يرحم أيام يداتنا اول ما يطلعن من البيت تشوفهن لافات عمارهن بالسويعيه من راسهن لين ريولهن
لكن الحين تعال وطالع وتشمت وأضحك.
ياما ناقشنا مواضيع عن العباة وخاصة بعد ماطلعت لنا العباة الفرنسيه الي تجذب الانتباه.
وطلعت لنا عبايا ملونه
لكن اليوم طلعت لنا عباة مضحكة وغريبة الشكل
على قولتهم عباة الفراشه
اعتقد الاغلبية شافها


ولا ازيدكم من الشعر بيت ... في عبي فيهن فتحات من تحت ... عاد الوحده مره من تمشي الريول والا البنطلون الجنز ظاهر يارهن الله اونهن مسميات عمارهن متسترات..

دينا الاسلامي فرض علينا مثل هالشيء للحشمة مش للاغراء و الشماته

استوت منكر .. و الوحده الي تبا الستر وتنقد هالمنكر ما تعرف الي تلبسه حلال ولا حرام .. استوى كل شي حلال فالبلاد ..

من فتره طلعوا في اخبار الامارات بتلفزيون دبي تقرير عن هذا الموضوع

وحده تقول عشان الموضه
والثانيه حب التغيير مليت من الشكل الجديم


ابغي اشوووف وجهات نظركم حوول هذا الموضوع وبالذات الشباب....


والسموووووووووحة

[اماراتيه كووول]

الي يسمونه عبايه الفراشه ولا الخفاش

شكل البنات يوم يلبسنهن جنهن مهبل

صدق الي بتلبسها ما فيها عقل امحق يسمونها عبايه

مصخره والله عاد خاصة الي تلقينها اطير بعباتها في السوق ولا في اي مكان

يسلمو على الموضوع

[F_16]

بيـــردون عليــج وبيقولولـــج هاي الموضــه وهالدنيــا جي ماشيـــه......بغيتـــي الصراحـــه..عقــل ما شيء

[اجتبية]

مشكورين خواني على المشاركة

وصدقكم والله عقل ما شي

[اللحظة الأخيرة]

تبين الصراحه يوم اسير مكان و اشوف وحده لابستنهن احسبها تبا تجذب الانتباه بالعاني

و البنت الحشيم اللي اهلها عرب حشاااااام ما تلبس هالسقم


و تسلمين اختيه عالموضوع

و اقول... لو وحده من بنات المنتدى تلبسها.. احسن الها تعقها لأن نظرة الشباب تكون خايسه و يتوقعونها من الخايسات اللي تبا المغازل و الدنيا... و أنا ادريبهن حد منهن حشاااام و مب القصد هالشي... بس هاي هي نظرتهم

فكن عماركن من الرمسه و الصدعه و تسترن

و السمووووووووحه


,
,
,

[اجتبية]

مشكوووووور اخوي عكس قانونه





وصدقك والله هاي عباة مش لستر والي تلبسها مش قصدها الحشمة

[مذهلة دبي]

هلا....
بصراحه لو قالوا عنه موضه...
اقول ان كل شي له وقته و مكانه...
يعني ما اظن ان مكانه السوق ولا طلعه...يمكن عزايم الحريم ولا الاعراس انسب مكان...
الا اذا كانت الوحده تبا تكشخ فيه للعامه في السوق..وانا ما اشوف الموضوع مستاهل؟؟؟؟ ما اظن ان الفتاه الاماراتيه اللي متمسكه بدينها و اخلاقها تسمح انها تكون سينما في السوق؟؟!!
كنا قبل نزعل لو جنسيه ثانيه لبست العباه بطريقه ملفته و شوهت صورة المواطنات و الحينه ما اظن نحتاجهن...؟؟!!!
و تسلمون عالموضوع....

[أصايل]

موضوع مهم للغايه


للأسف

الكثير من فتياتنا اليوم تتطلع الى ما هو جديد دون التفكير في شي آخر

كيف تكون نظره الناس لك


تفكيرهم يندرج في سياق محدود الا وهو

الموضه

اعاذنا الله واياكم منها

كيف لا تدرك الفتيات ابسط الامور وادق تفاصيلها

نعم هذه العبائه من فكره قديمه كانت غايتها الستر وتحولت اليوم

الى زينه

الا ترون اكثر فتياتنا غايتهن في العبائه هي الزينه؟؟


حتى نجد صغارهن اليوم تطلب من والديها لبس العبائه

لما؟؟


هل للتستر؟؟

بالطبع لا

تفكر بأن تتألق بها

وتتزين


يصعب علي المضي في هذا الامر

وكلما تعمقت في الرد زاد غضبي

واشتعلت حميتي

لا أنكر ان بداخلي شي من هذه الافكار

لكن في سياق المحدود



ادعوا لكل فتاه منا بالهدايه

وعسا الله ان يحفظنا واياكم اجمعين





،؛، كل الدلع ،؛،

[بنت النور]

السلااااام عليكم ورحمه الله وبركاااته

اول شي بيبن لكم انه في اختلاف بين عباه الفراشه وعباه الفراشه اليديه او (( الكنغر )) يمكن ماسمعتوبها تسمعون بس بالفرااشه..

الفرااشه ..تكون عباه عاديه بس فيه زوائد من الجانبين من الايد لين التحت وتخلتف من عباه لاخرى حد يخليها وسيعه ولا تبين الجسن وتكون وايد مستوره من العباه العاديه وحد يخلنها امره ظيقه كنها فستان سهره وعليه ميه لون..

الكنغر .. الي تكون فيها كسرات وايده ومرفوعه عند الصدر بدبوش ولا شغل ملون من ورا قدام نفس الشي احس ان هذي العباه هيه صدق ملفته ..

اما يااخواني وخواتي عباه الفراشه يوم تكون سااده ووسيعه بالعكس وايد مستوره وامره مااتحدد الجسم بالعكس تبين الوحده متيبنه..

اي عباه يكون فيها شغل كثير وملوون ماتنفع للسووق سواء اسلاميه او فرنسيه او فراشه او كنغر..

تسلمين اختي على الموضوع ....

[قلب حربي]

صحيح كلام بنت النور

انا اشوف ان العبايه اللي يسمونها الفراشه استر بكثير من العبايه العاديه ..
لان العاديه تكون مايله شوي للمخصره ... لاحظي هي مو مخصره لكن تميل للمخصره ..

بالعكس الفراشه عبايه ساتره وواسعه ولاتبين محاسن الجسم ...


اما الغراب والخفاش ما ادري عنهن صراحه ..

مشكوره عالطرح

[اجتبية]

مشكورات خواتي على المرور الكريم


وانا صراحة اعارض رايكن بالعكس عباة الفراشة واااايد واييييد ملفته


والعباة الاسلامية وسعيها مب لازم اتسوينها ضيقة وتقولين انها ما تستر شرات الفراشة



ومشكورات خواتي على المرور

[مس كشخه]

والله لو قالولي فصليها ابلاش ,,ما بفصلهـا
وع وع وع وع وع شكلها غبي اذا لبسها البنت ,,,^_^

[شماسي]

اختلفت التسميات وماتت الحشمه
وانتحرت العبايه

وضاعت بنات المسلمين وهي تجري وراء الموضه من حفره الى حفره اعمق منها


عباية فراشه >>>>>قصورها راعيتها تطير
عباية كنجرو >>>هذي اللي صج تقول مهرج
عباية الفرنسي >>>مبينه كل ملامح الجسم
عباية الراس بعد صار فيها حركات مغريه

كل العبايا


انا وحده البس صح عبايه على كتف لكنها مستوفيه شروط الحشمه ومب ضيجه ولا شياته
ومن اول ماطاحت الفراشه ونحن مستنقدينها وبعدين يوم طاحت الكنجرو جان نضحك من استهبال البنات


بس ابا اعرف اللي يلبسن هالعبايا ما عندهن اهل ؟؟
ولا اخوان يردونهن ؟؟
معقوله يعني ؟؟


تسلمين على الموضوع العقيم لانه البنات اللي يسون جيه للاسف تعرفين شو اسمهن

بنات الامارات

حرام والله فئه ضايعه من البنات تخرب على سمعة بلد بكامله

الله يستر علينا

والله يهديهن

[بنوته طرر]

البنت العاقله والرزينه واللي دور لعمرها الستر ما تلبسها هاي العباه
والله يتسر على امة محمد اجمعين

[شبيه الريح]

والله الموووووووووووووووضووووووووووووع مهم وااااااايد.............. وانا كوااااحد من الشباب انا اعتبر البنت اللي تلبس عبااه المخصره ولا شيء ثاني........... نقص في عقلها وماشي حيا ولا مستحي ............والخطا على الاهل يوم تشوووووفه تلعب شوي حط العصا عليها................الله يستر على امه محمد...............والله يثبت الدين والايمان والصلاااه


وانا اريد كل وحده ردت تحلف انه ماتلبس هل العبايا............................؟............ مجرد سؤاال..............................



شبيه الريح

[دلوعه اجتبيه]

يسلمو عالطرح

عباة الفرااااشه

بصراااحه كشكل ....العباه ما فيها زوووود حلاه ..

وبصراحه زياااغ ..يعني خلو وحده ترفع يدها وانت وراااها ...

جنها خفاااش مب ادميه ...

وبعدين الستر مطلووووووووب ... وبصراحه البنت نفسها المفرووووض تحاسب نفسها اذا اهلها ما راقبوها ..

وبعدين بصراحه نستغرب يعني عادي تلقى وحده في السوووق ومب بس العباه حتى الويه فل ميكاب ومع ابووها وإلا خوانها ...

يعني وييين الغيره ...

وكيف يرضاها لنفسه يمشي وخواته وإلا بناته بهالشكل ويااااااه !!!!!!!!!!!!!!!!!!!!!!!!!!!

<< حاسبو انفسكم قبل ان تحااااسبوا>>

ويسلمووووووووووووو عالطرح

[Bu mohad]

يا ناااااااااس شو تبون بالبنات خلوهن كل حد حر بنفسة و نحن مالنا خص فيهم الصراحه اللي مش عاجبنه لا يطالع الناس اذواق و يحبون التغير بس ما تكون العباية ظيقه و انشالله تخليها هاليكوبتر برايهم خليهم يعيشون حياتهم .... و الله