عــبــاة بنات العصــر اليديد..ونظرة الشباب لها

[...ملفته للنظر...]

السلام وعليكم ورحمة الله وبركااته...

في بداية موضووعي أود القول بأننا وصلنا لنهاية الزمان (وعلى الدنيا السلااااااااام)


أخيتي فتاة الاسلااام ...هل عليك الالتزااام بما أمرنا الله أم عليك المحافظه على العادات والتقاليد...ام عليك مواكبة

عصرنا الحالي المتطور اللذي يسووء يوم بيوم....

أريد أناقشكم عن الظاهرة الجديده اللي انتشرت في مجتمع الامارات واللي هي (عباة الخفااش أقصد عباة الفرااشه)أظن فهمتوا قصدي عن أي عباة انا اتكلم...

بتكلم عن الموضووع بكل طلاقه وبدوون تكلف وبأسلووب بسييط...

بصرااحه هل هذا زي بنت الامارات المحتشه !! هل هو الزي المثاالي انها تفصل العباه على تقاسيم الجسم وتخليها

مثل الخفااش !!! (عافانا الله)

وما هي نظرة الشباب للبس هذه العباه!!!! وماذا سيقولون مجرد نظرتهم لهذه الفتاه اللي تريد لفت الانتبااه..؟؟؟

يرحم ايام الاول يوم الحرمه تطلع من بيتها أسود في أسود..وعباتها على الراس..والحين تلاقوون كل شهر نزلت موضه

لعباه يديه وبلقب يديد...شو هالفتنه !!!!!

والحين يوم بييون السياح الاجانب صدقوني ما بيصوروون المناطق الاثريه او المناطق السياحيه..تعرفون شو

بيصوروون؟؟؟

بيصوروون الرؤووس الفظائيه الغريبه اللي البنت قامت ترفع شعرها مثل أسنمة البخت وهذا اللي حرمه ربي(واسنمتهن

مثل أسنمة البخت المميلاات) ولا اللي يزيد الطين بله العباه اللي جنها شويه وبتقلع وبتطير من الارض...


خواني هذا هو واقع مجتمع الفتيات في الامارات...

هل هو في تحسن؟؟؟؟؟؟؟

هل ما زلنا نمشي على ما أمرنا الله من لباس وعلى ما أمرنا به رسووله؟؟؟

هل ما زلنا نحيي العادات والتقاليد في مجتمعنا (مجتمع الامارات)؟؟؟؟




والسموووحه من الجمييع لانها وجهت نظر لا اكثر ولا أقل واتمنى تعطروون صفحتي بأراءكم سواء كانت ضد ام مع

مع الفكره.....


سامحيني أخيتي :)


كاتب الموضوووع:::
أختكم
ملفته للنظر

[شموخ العز]

وعليكم السلام ورحمه الله وبركاته

موضوع رائع ومهم خاصة انه المنتدى فيه بنات وايد وبنشوف وايد ردود ووجهة نظر كل وحدة منهن ..

المشكلة في وجهة نظري ؟

ان العباية دشت في الموضة كل يوم ستايل يديد وشكل يديد لكن هب كل يديد مناسب وهب كل موضة ركضنا وراها

حلو الانسان يجدد ويغير ولكن بالشي الي يكون مناسب لنا ولعاداتنا.. ولكن حلات الشي في بساطته.

الحين هذيلا اللي يتلبسن العبايات الملونة ومرسوم عليها بكل شكل وهذي العبا اللي ذكرتيها ع قولت خويه طيور مهاجره هب بنات والله انه شكلهن يلوع بالجبد

غير انه في بعض العبايات يكون فيها الوان لكن ما تصلح للبنت تلبسها في السوق.

يعني العباية اللي مثل هذي وتحسين انها وايد اوفر ومبالغ في الوانها وحركاتها خليها حق الاعراس او المناسبات الي يكون فيها حريم وبس ..

ما تظهر جدام الرياييل والساير والراد يتطالع والعطر والميك اب .. وطبعا هذا هو اللي هي تباه .. تبا تلفت الانتباه لها ع بالها بيقولون شو هالكشخة هاذي البنت ازقرت ما تعرف انه كل حد بينتقدها وبيعقون رمسه عليها,,, اللوم كل ع الاهل يعني معقوله الاهل مايشوفون بناتهم وهن ظاهرات من البيت..

وهذا راي فالاختلاف ف الراي لا يغير في الود قضيه
عسا الله يهديهن ويصلح بالهن

ان شاءالله نتابع وياكم الموضوع

تسلمين ختيه ع طرحج للموضوع الرائع

[...ملفته للنظر...]

أختي السنافيه ردج على الموضووع ومرووورج عطر الصفحه ..وأسعدني كثيرا.....

وكل حرف وكلمه ما غلطتي فيها بالعكس كلام حلو وكلامج وسلس يخلي البنت تتقبله...

بس انا أقصد لباسها ونظرة الشباب يعني أقصد في الاماكن العامه...اما في المناسبات والاعرااس بالعكس كل وحده منا تحب تتفنن في أخترااع موضااات لان هالشي فطري في البنت..

ولكن الاسوء يوم تطلعبها في السوق او اماكن عامه...هنيه المشكله تسووء في المجتمع ككل...


والسمووحه منج أختي السنافيه ....واشكرج على التواصل...

:)

تحيااتي لج::
ملفته للنظر

[كيـ عيناوية ـفي]

وعليكم السلام والرحمة

...ملفته للنظر...

تسلمين غاليتي

الصراحه هاي ثاني مره اقرا موضوع يتكلم عن العباه الفراشه .. او الموضه اللي طالعين فيها الحين .

الصراحه عني مفصله مثلها بس حق الاعراس ومب ربشه مثل اللي نشوفهن الحينه الا نقيشاتها بسيطه لاني ما احب الدفاشه .. الحمدلله فيني عقل ما البسها في السوق لاني احسها مب لسوق هاي حق مناسبات مب حق اسواق والكل يطمش عليج .

ومن اشوف البني لابساتنهن في السوق ماعرف اقول هييل وين عقلهم هاي حق مناسبات مب سوق ولا خاصه اذا كانت تربع تبا تتلاحق شيء خوزي عنها لا تشلج .. والا البنات اللي مفصلات العباه كلها شك من ساسها لراسها وسايرتبها السوق صدق صدق اقول هييل مايستحن ان العرب تيلس تطالعهن من يدخلن لين يطلعت الوحده تستحي تلفت النظر حقها وين عايشات ؟؟ استر العباه المسكره اللي مافيها شيء حق السوق .

الصراحه نظره الشباب غيييير حق البنت اللي جيه يستخفوبها ويقولون اشياء وايد عنها .

عشان جيه على البنت انها تبتعد عن الشبهات .

والسموحه

تقبلي فائق ودي واحترامي

كيفي عيناوية

[...ملفته للنظر...]

تسلميييييين يا أختيه كيفي عيناويه..

كنت انتظر مرووورج لي....


وانا معااج في كل نقطه قلتيها....


وأشكرج على ما خطت إيدج من وجة نظر...



تحيااتي لج:::
ملفته للنظر

[قائد الفيلق]

لقد صدقتي في كل كلمه قلتيها

و الظاهره هاي بدت تنتشر بسرعه بين بنات الامارات


تقول مفصلينها حق استعراض الجسم


وكم لاحظت في الموووولات بنات لابسات عبيييي


راصات وايد على جسمهن


وسمحولي

[...ملفته للنظر...]

تسلم أخويه المتفيج على وهجة النظر..


وصحيح مثل ما اسلفت ان هالشي قام ينتشر بسرعه بين بنات الامارات...



وكم أسعدني مروووك الكريييم .....



أختك:::

ملفته للنظر

[عبسي]

الصراحه عبات الوقت هذا كلها اغراء في اغراء

[F_16]

ملفتــــه للنظــــر.....اعطيــــج 5 سنيــــن..وسلمــــي عليها العبــــاه...راح قدرهــــا وقدر الي لبسهــــا....

[...ملفته للنظر...]

تسلمون يا خواني على المرور الطيب الي اسعدني


تحياتي لكم

ملفته للتظر

[[ قلب مضنوني ]]

السلاااااام عليكم

وتسلميين يا ملفته على هالموضووووع الحلو


وصدقتي الحين كل البنات يلبسن هالعباااة بس شو بيستفيدن مادري انا كل ما اشوووف وحدة لابستها في اي مكااان اقووووووول هاي تسوي حركااات للشباب وعلى فكرة كل الشباب يشوفونها حركة او اغرااااء ....









والسمووووووحه

[...ملفته للنظر...]

تسلمووون على المرور الطيب اللي أسعدني..



تحياتي الكم


أختكم
ملفته للنظر

[صاحب الذوق]

مشكوووووووووووووووووووووووره يا ملفته على الطرح الفنان ونترقب يديدج
وتحياتي لــــــــــــــــــج
صاااااااااااحب الذوووووووووووووووووووووق

[بدوية مرتبشة]

الصراحة صدقتي في الي قلتية
الحين كل ماسرنا مكان لقيناهن لابسات عبي
مشكوكات من فوق لين تحت تقول سايرات عرس
ولا الحين بعد طلعن بعباة الفراشة الصراحة هاي
ماتنلبس في السوق وتلفت بعد

(( أسمـــــــــــــــــــــــيـهن انهن ظيعن المذهـــــــــــــــــــــــــــب))
الله يهديــــــــــهن

وتسلميـــــــــــــــن على هالموضوع ^ ــــــــ ^