الاعجاب بين الفتيات ....إلى أين ؟؟؟؟؟!!!!!!!

[alkitbi girl]

السلام عليكم



اليوم اكتب الموضوع هذا ..وانا ادري بأهميته وخطورته ...



الاعجاب



يمكن البعض يحس انه ما يشكل اي اهميه ..وانه مجرد لعب بنات ...ولكن العكس ..



ظاهره انتشرت بكثره بين البنات ..وخصوصا طالبات المدارس << طبعا انا ما اعمم اقول البعض وما حد يقدر ينكر ...



يمكن بداية الظاهره كانت بسيطه وغير ملاحظه ..او انها ما كانت تأثر بأشي ...بس مع تطور الزمن لاحظنا ان البنات بدن يتمادن وخصوصا مع قلة الرقابه في المدارس ...

لاحظت انا كطالبه قبل لا اتخرج هالسنه يعني ..تصرفات غريبه من البنات ...

مثلا نلقى وحده تصيح ويوم انتخبرها جيه تصيحين ..قالت والله ((حبيبتي!!!!)).......(اسم البنت) تمشي ويا البنت الثانيه .....بما معناه غيره ...

ويوم الفلانتاين في المدرسه جنهم صابغينها باحمر الورود والهدايا كل وحده يايبه لحبيبتها ...على قولتهن ...





في البدايه كنت انا شخصيا اتحراهن ربع ..يعني زملا دراسه عادي ..او انها تعرفت عليها عن طريق المدرسه لا اكثر ...



بس اللي صدمني بعض التصرفات الشاذه من البنات نفسهن ...



تصرفات انا نفسي ما اريد اذكرهن ...



بس واللي انصدمنا منه ...تطور هالظاهره في الجامعه ..



بشكل اخطر واخس ....



انا ما اريد ادخل في المرحله الثانيه اللي هيه الجامعه



اكتفي بآرائكم





وعندي بعض الاسئلة اتمنى القى ردودكم عليها



1- في نظركم هل يعلم الاهل عن علاقات بناتهم العاطفيه !!!! في المدرسه أو الجامعه ؟؟

2- من هو المسؤول ؟؟؟ المدرسه ؟؟؟ام الطالبه؟؟؟ام الاهل؟؟؟

3- برأيكم ....هل تأيد مثل هذه العلاقات وخصوصا بعد اللي سمعناه عن تطور هالظاهره ؟؟

4 – شو اسباب الظاهره من وجهة نظركم ؟؟؟ وشو اساليبب العلاج ؟؟





والسموووووووووووووحه من الجميع



خويتكم


احلى اجتبيه

[alkitbi girl]

ويييييييييين الردوووووووووووووووووود

لهالدرجه الموضوع ما عيبكم ؟؟؟؟

[...ملفته للنظر...]

انا برد عليييج


بس بقولج يمكن هالموضووع ما بيرد عليه غير الفتياات

والموضووع ما يهم الشباب طبعا...

انا برد علييج باختصااار........أكبر غلط طبعا من شخصية البنت نفسها وثااااني شي ارده على مجتع البيت والعايله اللي عايشه فييه...


واهم شي ان البنت تكوون على علاقه قويه بينها وبين ربها ...وبتعرف ان اللي تسويه غلط..وهنيه بتتجه للطريق الصح...

والله المستعااان...وهذي من علامات اخر الزمااان.....


وتسلميين يا ختيه على طرح ا الموضوووع المفييد وكما اني اشكرج على اتاحه المجال لنا بالتعبير وا الاراء

[~العامريهـ]]

1- في نظركم هل يعلم الاهل عن علاقات بناتهم العاطفيه !!!! في المدرسه أو الجامعه ؟؟
مستحييل ولا لو دروا بيشوفونها شو تسوي الخيزرانه

2- من هو المسؤول ؟؟؟ المدرسه ؟؟؟ام الطالبه؟؟؟ام الاهل؟؟؟
الطالبه اللي تتحكم بتصرفاتها مب الاهل وهي اللي تغلط يعني هي السمؤوله

3- برأيكم ....هل تأيد مثل هذه العلاقات وخصوصا بعد اللي سمعناه عن تطور هالظاهره ؟؟
لااااااااااااا.......تلوووع كبدي....شاذات الله لا تبلانا

4 – شو اسباب الظاهره من وجهة نظركم ؟؟؟ وشو اساليبب العلاج ؟؟
يمكن تبا تحب حد....والعلاج خلوها تحب ولد عمها...خخخخ شكلي تكلمت زياده بس هذا الصدق...استخير احب ولد عمي ولا احب بنت

وتسلمين الغاليه عالموضوووع

[رواضـي]

انا مع الاخت ملفته النظر كلامه صحيح

طبعا لابد يكون في ربيعه غاليه عندناااااااااااااا صح والا لا ؟


تسلمين ع طرحج الموضووووووووووووووع الغاليه

[~العامريهـ]]

صح الكلام

بس اعجاب البنات وداهن بعيييييييد

ربيعتج الغاليه غييييييير من المعجبه

ربيعتج الغاليه تشوفينها في عينج شوه وتحبينها مثل ربيعتج

اما الاعجاب عند البنات انها تحبها مثل ما تحب ولد عمها<<ذا كانت تحب خخخخ

بس واللله جييييييه تفكيرهن والرسايل شغاله ويوم تشوفها اونها شافت ملااااك<<اللهم لا شماته

وتستحي منها وشو بعد ويوم تشوفها اونه تقول حق اللي عدالها قلبي يدقدق خخخخخخخخخخ

غبياااااات هالبنات وانا نص اللي في صفي مسويات هالسوالف ..واله لو تشوفونهن يا تستغربون منهن

كاهن بيعرسن ببعض<<استغفر الله

[alkitbi girl]

انا أئيدكن بصراحه


واكيد كل بنت لها ربيعه مقربه لها


وهذا مش معناته اعجاب


الاعجاب

والعياذ بالله


اللي نشوفه في المدارس والجامعات


يعني حركات استغفر الله


وتسلمن حبوبات على المرور


خويتكن

بنوتة الكتبي