أحبك يا ولد العم ؟؟؟؟

[دلوعه المناصير]

الجزء الاول
الساعة 8 الصبح و بالتحديد في مدينة دبي
في بيت بو حمدان
كـادي: حمدان ما يخصني ملانة حوطني ودني اي مكان الدريول و ما تخلوني اطلع وياه طلعني انته
و ايي عبدالله اخوها: ايه انتو الواحد ما يقدر يرقد في هالبيت؟ ايه انتي بلاج اتزاعجين من صباح الله خير
كـادي: كيفي ما يخصك انته
عبدالله ياي يبا يضربها و على طول انخشت ورى حمدان
حمدان: سير ارقد و ما يخصك فيها اتحط عقلك في عقل ياهل
كـادي: انا هب ياهل
حمدان: اسكتي انتي الحينه يلا تلبسي بنظهر
مروان: وين سايرين؟
حمدان: يمكن بيت يدو.. بتي؟
مروان: هيه بيي
حمدان: نص ساعة اذا ما جهزتوا ماشي طلعة
_ _ _ _ _ _ _
_ _ _ _ _ _ _
حمدان: 24 سنة يشتغل طيب واايد يحب كـادي و كـادي بعد تموت فيه بعده مب متزوج فيه غمازتين اسمر و شعره شوي طويل و شكله عذاب ترى كـادي احيانا تزقره بابا ههههه ترى ابوها ما اتجوفه في الاسابيع
_ _ _
_ _ _
عبدالله: 22 سنة في آخر سنة جامعة ما يحب القعدة بالبيت يحب الهياتة و عصبي شوي و يحب ينكت اسمر و مغازلجي درجة 1
_ _ _
_ _ _
مروان: 20 سنة في الجامعة اسمر خقاق شوي يحب القنص و هالسوالف بس عيبه دوم متسرع في اي شي يسويه
_ _ _
كـادي: 18 سنة اجتماعية و حلوة و طيبة تحب الحفلات و ما تحب يلسة البيت بس عيبها انها وااايد حساسة يعني بسرعة تزعل تموت على حمدان حياتها كله حق حمدان(بطلة القصة)
على فكرة امهم متوفية من سنة
_ _ _
_ _ _

في بيت بو حامد
ام حامد: يا حامد يا ولدي انته ليش ما تبي تعرس؟
حامد: بس جي مابغي
ناصر: ماما انا ابغي اعرس
ام حامد: خل اخوك حامد يعرس و بعدين انته
حامد: واذا قلت لج اني مابغي اعرس؟
ام حامد: ليش ما تاخذ بنت عمك شذى ماشاءالله عليها قمر و شقراء و طيبة و بنت عمك و هي احسن من اي حد غريب
حامد في خاطره : شذى صح شذى هااي اللي تناسبني ... يصير خير
ناصر: ماما دوري لي بنت جي اوكيك
حـور في هالوقت غصت : و ليش اتدور بنات عمي موجودين؟
ناصر: اممم ماعرف
حـور: كـادي موجودة
ناصر: ماعرف لازم اجوفها و عقب يصير خير
سارة: زين بخبر كـادي
لين: هيه بنخبرها
ناصر: الله يستر هااييل منو يقول جدامهن شي حشى مو خوات عفاريت
_ _ _
_ _ _
حامد: 24 سنة ربيع حمدان الروح بالروح هو واايد حلو يتخبلون عليه البنات بس هو ما عنده هالخرابيط
ناصر: 20 سنة هذا خبلة مستعيل ع الزواج ويموت على شي اسمه بنات عاد يحبهم بجنوون يوم يكون في الجامعة ما ينتبه كل تفكيره فيهم بس تتوقعون منو آخر قلب بيحبها و منو اللي بتملك روحة و حياتة بس هو طيب و اي شي تقولون له يصدق بسرعة(كيفي احبه)
حـور: انسانة طيبة عمرها 18 سنة حنونة هادية و ما تحب تشكي لأحد
لين و سارة توام اعمارهن 10 سنوات هم حلوات بس وايد دفشات و يضحكوون واايد يحبون كـادي و شذى واايد
في بيت بو محمد
سيف: شذى باجر عندي امتحان آخر يوم
شذى: و القصد؟
سيف: قصي لي براشيم بعد شو
محمد: من غشنا فليس منا
شذى:اوفففف
ود : الله يعينج
غـلا: مسكينة دوم مشاركة في الجريمة
سيف: شو اسوي خطها اوكيك
_ _ _
محمد: 23 سنة انسان طيب و سوالفه تضحك
غـلا:21 سنة بنت واايد حلوة طيبة و على نياتها بس عيبها انها دوم مترددة و هي تحب حد ما بخبركم منو تتوقعون؟

سيف: 20 سنة في آخر سنة ثانوية تراه راسب سنتين خخخ دفش بس طيب و على نياته و يحب يفتن يعني يحب يشوف ناس يضاربون

شذى: 19 سنة ربيعة اخوها سيف انسانة هادية و رومانسية و ما يخصها في حد
ود: 18 سنة ربيعة حـور و كـادي و ما يخصها في الحب(حظها مفتكة من الحب و عوار الراس خخخ) هي طيبة بس اذا حد لعوزها و هي راقدة ما تعرف منو جدامها
_ _ _
في بيت ام خليفة (يدتهم)
مروان: بتصل حق سيف عسب ايي هني ملان ما عندي حد
جـوري: ليش نحن مو تارسة عينك؟
مروان: انا ابغي اظهر وياه ملان و انتو بنات
_ _ _
_ _ _
جـوري: العمة عمرها 20 سنة بالجامعة ربيعها ولد اخوها حمدان و حامد و هي ربيعة بنت اخوها غـلا الرح بالروح تراها دلوعة البيت و ربيعة اخوها زايد
زايد اخو جـوري عمره 29 سنة طيب و حنون و ربيع اخته بس لين الحين مو متزوج
_ _ _
نرجع لبيت بو حامد
في حجرة ناصر
ناصر: انا لازم اييب ايميلها و سار برع في الصالة و لقى لين و سارة
ناصر في خاطره: هاييل اللي بييبون لي الاييميل
تتوقعون ايميل منو يبا؟
و باي طريقة يقدر ياخذ ايميل ...؟
الساعة 11 كـادي روحت بيتهم و حتى مروان
في بيت بو محمد
محمد: سيفوو خف عالاغنية حرام
سيف يعاند و يعلي الصوت زيادة يغايظة يعني
محمد: اقولك خف
ام محمد: سيفوو يا النحس خف لا تلعوز اخوك
سيف: شو ها بالشينا بالمطاوعة في هالبيت
و ظهرت ود من المطبخ و سمعت الاغنية
ود: سيف سيف عل ع الصوت احب هالاغنية

[دلوعه المناصير]

ام محمد: اكتملت ود وصلت و ياحشرتها
(كانت الاغنية ليتني عرفتك لحمد العامري)
في بيت بو حمدان
كـادي يالسة في حجرتها الهادية و حاطة اغنية رومنسية و حاطة شموع و مبندة الليتات و فجأة يدش عليها عبدالله الدفش و خرب عليها الجو الرومنسي
كـادي: بسم الله جني من وين طلعت
عبدالله: من البرنتر يعني من وين
كـادي: هههه ضحكتني
عبدالله: انزين ما بخبرج السالفة
كـادي: لا لا تعال خبرني احبك والله (حق المصلحة )
عبدالله: زين بوسي راسي
كـادي: مالومك كوبي بيست من سيفوو
عبدالله: انزين اصلا مظطر اخبرج
كـادي: يلا قول
عبدالله: خطبوج؟
كـادي بلقافة: منو؟
عبدالله: واحد من الربع
كـادي: مابغي اعرس
عبدالله: انزين انتي اعرفي منو ؟
كـادي: هب لازم اعرف انا بعدني صغيرة قوله ماشي نصيب
عبدالله: براحتج بس حمد ما يطوف
في بيت بو حامد
الساعة 4 العصر في غرفة حـامد الحزين
كان حامد في حجرته زعلان مضايق ما يعرف شو يبغي بالظبط
بس قرر ان يتصل في ولد عمه حمدان عسب يظهرون
حامد: الو مرحبا
حمدان: مرحبا الملايين و لا يسدن
حامد:شخبارك؟
حمدان:بخير و من صوبك؟
حامد: الحمدلله
حمدان: بلاك مضايق؟
حامد: مادري تعبان يا حمدان شو رايك نظهر؟
حمدان: نو بروبلم نسير وافي
حامد: اوكيك يلا باي
حمدان: باي
في غرفة مروان
مروان يالس بروحة
مروان في خاطره: بتصل بيتهم يمكن هي اللي ترد بس يارب لا تخلي سيفوو الدفش يرد
مروان: الو
ود: الو ... ولا سيفو الدفش شل عنها التلفون
سيف: الو.. انته زين شو تبا؟(دفش عفان الله)
مروان: منو هاللي رد توة؟
سيف: هااي ود الخبلة
ود في خاطرها: هاللي بيفضحنا
مروان : انزين انته ليش جي دفش لا سلام ولا كلام؟
سيف: مو لازم بعدين الحين شو تبا؟
عاد الحين مروان تورط: امم شو رايك ايي عندك
سيف: زين بس ييب وياك عبوود
مروان في خاطرة: احسن بييبه بس عشان اجوف اختك و آخذ راحتي... اوكيك
في بيت بو محمد
في غرفة سيف
سيف يفتن بين خواته: ود تدرين غـلا و شذى شو قايلين عنج؟
ود: شو قايلين؟
سيف: يقولون انج عصبية و دفشة و غبية واايد درجاتج شرات ويهج
ود: انا درجاتي عالية يقولون عني جي براويهم
سيف: عندج اياهم في الصالة هم
سارت ود الصالة خذت قلاص الماي من ايد امها و صبته على ويه شذى و غـلا
غـلا: شو فيج اتخبلتي؟
و في هالوقت عبدالله و مروان جافو كل شي بس استحو يدشون
مروان: احم احم
و شردو البنات لحجرهن
في حجرة البنات
ود: ليش جي تقولون عني؟
غـلا: يعني ما تعرفين سيفو جذاب و يحب يفتن
ود: هيه صح براويه انا
شذى: ههه انتي تقدرين على سيفووو انتي اصلا جدامه نمله
ود: هيه والله سيفوو غـول
في مركز وافي (اللي في دبي)
حمدان: شو فيك؟
حامد: ماعرف مضايق
حمدان: من شو؟
حامد: شو رايك في شذى؟
حمدان: اكيد يبونك تخطبها
حامد:هيه انته شو رايك؟
حمدان: والله هي حلوة و طيبة و يعني هادية تناسبون بعض و بعدين انته تحبها؟
حامد: هيه احبها من سنتين
حمدان: من سنتين يا الظالم ليش سكت ع الاقل خبرني انا هب ربيعك
و لعلمك تراني احب اختها غـلا
في بيت بو حامد
ناصر: انزين يلا انا سويت لكم ايميل منو بتضيفون؟
لين: بضيف ود و ربيعتي
ناصر: متاكدة مافي حد ثاني؟
لين: امم هيه كـادي
ناصر في خاطره: وهذا اللي اباه
لين: بسير اتصل فيها
لين : الو
كـادي: مرحبا ببنت العم
لين: مو وقته ابغي ايميلج؟
كـادي: اممم سوري ما اعطي ايميلي حق يهالو
لين: انا هب ياهل
كـادي: بس اخاف حد ياخذه
لين: كيفج
كـادي: اوكيك لين يلا باي انا مشغولة
لين: باي .. و سارت حجرة ناصر
ناصر: ها يلا عطيني الايميل عسب اضيف لج اياها
لين: ما رضت تعطيني اياه
ناصر: ليش؟
لين: تقول تخاف اعطيه لأحد و هي ما تعطيه حق يهالوو
ناصر عصب في هالوقت: محد ياهل غيرها هي الدلوعة و على طول ظهر من حجرته و كان موول محرج و شاف حامد جدامه ولا سلم عليه و ظهر
حامد: لين شو بلاه ناصر؟
لين : بس عشان كـادي ما عطتنا ايميلها و قالت ماعطي ايميلي حق يهالوو و عصب و قال محد ياهل غيرها هي الدلوعة
في بيت بو حمدان
الساعة 2 الفير
في غرفة كـادي اللي كانت تعبانة و متضايقة و ما تعرف شو فيها
كـادي: ليش رفضت ؟ المفروض اسال عنه و انا اصلا ليش حاطة في بالي ناصر لي؟ يمكن هو يحب وحدة ثانية .. يمكن ما يحبني... اووه انا شو يالسة اخربط احسن شي اسير لحمدان ارمسه عن هااي السالفة
(اكيد انتو مستغربين انها سايرة تخبر اخوها انها تحب ترى عادي اخوها قايل لها لا تستحين انا ربيعج خبريني اي شي لا تستحين)
وصلت لغرفته و ترددت شوي بس دقت الباب
حمدان: تعالي
فجت كـادي الباب: جني كيف عرفت اني انا؟
حمدان: ماعرف مجرد احساس
كـادي: حمدان انته busy?
(يعني مشغول)
حمدان: لا تعالي شو ورانا نحن
كـادي: امم حمدان انا متضايقة وااايد تعبانة ملانة ؟
حمدان: تحبين؟
كـادي: تبغي الصراحة هيه
حمدان: ناصر صح؟
كـادي: بسم الله شدراك؟
حمدان: امم حركاتج اقول كـادي هالكلام مب اوكيك نرمس عنه في البيت سيري لبسي عباتج بنسير نتمشى ع البحر
كـادي: الحين؟
حمدان: هيه شو فيها؟ انتي هب بروحج انا وياج يلا بسرعة
و ساروا البحر و كان هادي مافيه احد كان الجوو رووعة
حمدان: انزين يمكن هذا حب مراهقة؟
كـادي: لا ماظن انا حبيته و صار لي 3 سنين بس اخاف هو ما يبادلني نفس الشعور
حمدان: آآخ انا بعد تعبان احبها والله احبها
كـادي: منو هاااي؟
حمدان: ما بخبرج سر
كـادي: والله ما بخبر حد والله
حمدان: غـلا
كـادي من سمعت انها غـلا سارت و حضنته
حمدان: ايه فشلتينا
كـادي: مافي حد عادي
اليوم الثاني
الساعة 7 الصبح
في بيت بو خليفة
نشت جـوري الصبح و سارت تاخذ شاور و بعد ما طلعت من الحمام لقت عندها 4 مكامات لم يرد عليها و طلع 4 مكالمات من حمدان ردت تتصل في حمدان
جـوري: الو صباح الخير
حمدان: صباح النور
جـوري: شخبارك؟
حمدان: بخير دامج بخير
جـوري: امم متصل بغيت شي؟
حمدان: الحين الشيوخ بيقومون عسب نتريق تعالي عندنا انتي و عمي زايد عازمنكم ع الريوق خخ
جـوري: اوكيك انا عن نفسي فاضية بس زايد بشوفه
حمدان: اوكيك عيل انا بسير اوعي كـادي
جـوري: اوكيك باي
تلبست جـوري و حطت ميك اب خفيف و ظهرت من الحجرة و شافت اخوها زايد
جـوري بدلع: صباح الخير
زايد: صباح النور يا شيخة البنات
جـوري: مو مهم بنسير الحينة بيت قوم حمدان تراهم عازمينة ع الريوق
زايد: اوكيك شو وراية انا جاهز
في بيت بو حامد
الساعة 8 و ربع
أم حامد: ناصر اشفيك ما تاكل؟
ناصر : مافيني شي بس ضايق شوية
حامد: ناصر اليوم اربعاء بتي بيت يدو
ناصر: سيروا انتو انا هب ياي
لين و هي تصاصر سارة: اصلا ما يبا ايي بس عشان كـادي
سارة: ترى اكيد هو يخاف هي ما تحبه
حـور: ايه انتو تراني اسمعكن شو تقولون
حامد: عافان الله عفاريت
في بيت بو محمد
الساعة 4 و نص العصر
غـلا في حجرتها و ود و شذى يالسين عندها
غـلا: باجر سيفوو بيودينا القرية العالمية
شذى: يااي وناسة
ود: شو رايكم انخبر عيال عمي ايون ويانا؟
غـلا: هيه والله بيكون أحلى بواايد
شذى: الله لازم بيكون حلو
ود: ادري ادري غـلا عشان حمدان و شذى عشان حامد
غـلا: وانتي عشان مروان
ود: خسي انا ماحب حد
شذى: واذا قلت لج هو يحبج
ود : خله يولي
غـلا: اويه ود انتي ما عشتي مراهقتج يعني بتعيشينة و انتي عمرج 50
شذى: خخخخخخخخخ ما اتخيل اتحب في هالعمر هه هااي مال حب

ود: جب جب زين احسن لي ما بتلعوز شراتكم بعيش مراهقتي و انا احب ريلي
في بيت بو حمدان
في غرفة عبدالله الساعة 5 و ربع يالس يغازل
عبدالله: حبيبتي والله بعد يومين انا بيي بخطبج
و دش عيه مروان و سمعه شو قال: لا صدق بتخطبها زين والله مبروك
عبدالله: اوكيك حبيبتي انا مشغول يلا باي

مروان: منو هااي؟
عبدالله: وحدة بنت شوارع
مروان: بس والله حرام عليك تلعب عالبنية
عبدالله: انته لا يكون تتحراني صدق احبها اصلا هااي مثل ما ترمسني ترمس غيري و لعلمك هااي صايعة
مروان: والله انته حر في تصرفاتك بس اللي تسويه غلط

الساعة 8 في بيت بو حامد يتجهزون عسب يسيرون بيت يدتهم
حامد: يلا ماما انا ساير السيارة و انتو الحقوني
ناصر: انا جاهز
حامد: اجوفك غيرت رايك
لين: بتسير عشان كـادي
ناصر: انا بسير عشان الاهل مب عشانها اوكيك و بعدين اصلا انا متى حبيت بنات دلوعات

انتهى الجزء الاول
توقعات
ليش ناصر غير راية و يبا يسير شو تتوقعون تحت راسة؟
كـادي: شو بيصير فيها يوم بتعرف؟
حمدان ؟
حامد؟
شذى؟
غـلا؟
ود هل بتضل جيه بدون حب؟
و عبدالله منو يحب؟
و حور؟
جـوري
زيدوا توقعات اذا تبون؟
اي ملاحظة خبروني اياها؟

و تابعوني في الجزء الثاني

[العيون السود]

تسلمين يالغالية على القصة
ونتريااا الجزء الثاني

[المـــــ دلوعة ـــــزاريع]

تسلمين
ولا تقطعينا من الجزء الثاني

[دلوعه المناصير]

الجزء الثاني
الساعة 9 الكل كان موجود في بيت بو خليفة(يدهم) بس حامد و حمدان سايرين المزرعة
و كانوا متيمعين في الصالة و يسولفون مع يدتهم
أم خليفة: كـادي منو هااي الفلبينية اللي لابسة قصير و معقصة شعرها تراها يالسة ويا البشاكير ربيعتج هااي؟
كـادي: و خخخخخ يدو ما عرفتي هااي منو؟ هااي بشكارتنا ربيعة عبوود
أم خليفة: عنبو شو من بشكارة هااي تارسة ويهها ميك اب (اسم الخادمة ايماليم) ايماليم تعالي بسرعة
سيف: شو تبغين فيها؟
أم خليفة: بنازعها بعد شو
عبدالله: هااي اللي بتشردها
ام خليفة: ليش ترمس بصوت واطي عندك كلام قوله جدامي
و يت ايماليم الخادمة:نعم ماما؟
عبدالله: ما تبا شي تبا ماي سيري ييبي لها ماي
ايماليم: ok my love و سارت
كـادي: ماشاءالله my love بعد والله حالة
و رن تلفون عبدالله: اووو انتي وقتج الحين يا شيخو
أم خليفة: منو هااي؟
عبدالله: عاد يدو انتي مول هب سهلة
ام خليفة : تتحراني مادري عن سوالفكم انته و سواف و نصوور
ناصر: حليلي يدو انا وراية زواج لا تورطيني
ام خليفة: هيه صدق على طاري الزواج انتو الثلاث بزوجكم عسب تتادبون
عبدالله: يدو شكلج ناوية تجرحين البنات اللي يموتون ع الارض اللي امشي عليه
أم خليفة: انا براويك خله ايي ابوك
عبدالله: لا صدق يدو خوفتيني
و دش عليهم بو حمدان: السلام عليكم
الكل: و عليكم السلام و الرحمة
أم خليفة: تعال جوف ولدك عبوود يالس يغازل ودحدة في الموبايل و سغازل البشكارة
بو حمدان: امي ها شي طبيعي كلنا قبل الزواج سوينا جي طيش شباب و بعد الزواج بيتغير
أم خليفة: انا براويهم: سيف و عبدالله و ناصر و مروان بتباتون عندي شهر و في هالشهر بطلع فيه عينكم
مروان: يدو انا شلي مسكين و بعيدن ليش اتخلين حامد و حمدان
ام خليفة: لانهم احسن عنكم خبروني يبون يعرسون ما تجوفهم مايو اليوم
مروان: يدو فكيني من هالحشرة بعد سنة بعرس
أم خليفة: بس بتباتون من اليوم عندي و ملابسكم ييبوا باجر و الحين يلا قوموا نتعشى
و بعد العشا مرة ثانية تيمعوا بالصالة
حـور: كـادي بغيتج شوي تعالي نسير الحديقة
كـادي: اوكيك يلا بنسير (و ساروا يلسون و ياكلو آيس كريم)
حـور: كـادي ادريبج انا انتي وايد تحبين ناصر
كـادي: أموت عليه
حـور: انزين تعرفين بنت خالتي نور؟
كـادي: هيه هااي يوم كنا صغار كانت اتي هني نلعب وياها بس دمها ثجيل
حـور: صدق هي بنت خالتي بس ما ادانيها واايد خقاقة و تراها وايد لاصقة في ناصر
كـادي: شوووو؟ اتخسي والله ناصر مالي انا هب مالها
حـور: بس ماعرف ليش احس ناصر يباها بس عسب يقهرج لانج ما تعطينها ويه
كـادي: هاا ويهي جان خذ هااي السبالة
مروان و سيف و عبدالله و ناصر في حجرة عمهم زايد
زايد: تستاهلون زين تسوي فيكم امايه
ناصر: زين بنخبرها عنك انته بعد
زايد: اصلا امي ما بتصدق مغازلجيين
ناصر: الله يخليك رمسها يالسة ترمس جدام كـادي انا كل ما حاولت اتجرب منها يدو تبعدني
زايد: يوم انك تحبها ليش تسوي كل هذا
عبدالله: نصوور هب جنك ترمس عن اختيه
ناصر: زين بسم الله انا ما باكلها انا بخطبها
عبدالله: اوكيك برمسها عنك بس عندي شرط
ناصر: اشرط انته بس
عبدالله: اخطب لي حـور
سيف: زين يا عبوود و your love?
عبدالله: لا والله انته صدق تباني انا آخذ هااي خخ والله هاللي ناقص انا آخذ بشكارة
سيف: كيفك فديتها
مروان في خاطره: ياربي انا كيف اتاكد ان ود تحبني عسب اخطبها


نسير عند البنات يالسات في غرفة جـوري
جـوري: هيه صدق وناسة ورى باجر السفرة
كـادي: هيه صح بنسير ماليزيا و لا لندن؟
جـوري: لا ماليزيا
كـادي: ناصر بيسير؟
جـوري: هيه كلهم بيسيرون
و ع الساعة 12 ساروا الكل بيتهم
نسير عند بيت بو حمدان

الساعة 1 الفليل
في غرفة كـادي
كـادي تمشي في حجرتها و ترمس عمرها: معقولة ناصر يخطب نور لا مستحيل اخليهم ناصر مالي انا ,, انا بس و نور انا براويها ها ويهي جان خليتهم
و دش عليها مروان بدو ما يدق الباب(عافان الله هالعائلة فيها وراثة كلهم دفشين حتى الرقيقات )
مروان: عافان الله مينونة ترمسين عمرج
كـادي: كيفي ما يخصك انته شو تبا مني الحينة؟
مروان: سار و يلس حذاله
كـادي: شو سالفتك انته بعد؟
مروان: الله يخليج يا كـادي طلبتج قولي تم
كـادي: اذا قدرت اوكيك
مروان : لا تقدرين
كـادي: عيل تم يلا قول شو تبا؟
مروان: انا في خاطري اخطب ود
كـادي و هي مستغربة: شو؟؟ ود؟
مروان: هيه شفيها؟
كـادي: بس انته شدراك ان ود تحبك اصلا ود عمرها ما حبت ولو حبت دوم تكابر
مروان: انزين انتي رمسيها شو خسرانة
كـادي: زين يا مروان لا تعور قلبي بس اذا ما تباك مابغيك تتعلق فيها و تنساها و تشوف لك وحدة ثانية
مروان: اوكيك اوعدج بس انتي رمسيها
كـادي: ان شاءالله باجر الصبح بنسير ميركاتو رواحنا اونه بنتشرى حق السفر
مروان: سفر هيه صدق هي بتي؟
كـادي: هيه بتي بس مثل ما قلت لك اذا رفضتك تنساها و انا بدور لك غيرها
مروان: اوكيك تم و طلع برع و سار حجرته و هو متضايق
كـادي: ياربي انا الحين شو احل مشكلتي و يا نور و ناصر و لا انته يلا برمسها الحينه اكيد واعية ولا احسن شي بطرش لها مسج
في بيت بو محمد
الساعة 2 الفير
وصل لود مسج من كـادي و مكتوب فيه: اذا واعية اتصلي فيني ضروري اوكيك و اتصلت فيها
توت توت توت توت و ردت عليها كـادي
كـادي: هلا والله
ود : اهلين شوفيج خوفتيني شو بغيتي؟
كـادي: لا ماشي بس شو رايج باجر انا و انتي نسير ميركاتو بنتريق هناك وبعدها بنتسوق
ود: اوكيك نو بروبلم بس الساعة كم؟
كـادي : الساعة 8 تكونين جاهزة
ود: اوكيك بس وايد وقت
كـادي: احسن ماحب الزحمة
ود: امرج انا ولا تمريني انتي؟
كـادي: لا انا اللي بمرج


في بيت بو حامد
الساعة: 2:30

في الصالة لين و سارة و حـور سهرانين
لين اتصاصر سارة: افف مليت متى حـور بتسير ترقد
سارة: لا هي تسهر
لين : اففف زين يلا قومي ندق باب على ناصر و حامد و نشرد
حـور: تراني اسمعكم جوفوا لو يو يضربونكم انا مالي خص و بعدين يعني لازم قبل ما ترقدون تحصلون ضرب
لين و سارة مطنشينها و ساروا قسم حامد و ناصر
(لين وايد تشبه حامد و سارة كوبي بيست من ناصر)
لين: انا بدق على حامد و انتي دقي على ناصرو بنشرد بنسير الصالة اوكيك
سارة: اوكيك
و سارت سارة تدق على ناصر بصوت قوي و دفش و الشيخ كان في سابع نومة و يوم نش كان مول مفول عليهم اما عن حامد طنش لين و رقد مرة ثانية
سارة كانت تركض تدور في الصالة
ناصر: تعالي والله بضربج بضربج يلا بسرعة انزلي
سارة: آسفة والله آخر مرة
ناصر: زين بييب العصا و بضربج
سارة كانت ندمانة و ميتة من الصياح
اليوم الثاني في بيت بو حمدان

كـادي لبست عباة سادة و سكارف لون برتقالي و حطت ميك اب خفيف وطلعت شوي قصتها و لبست نظارتها و شلت شنطتها و ظهرت من الحجرة و شافت مروان يالس في الصالة
كـادي: صباح الخير
مروان:صباح النور
كـادي: شكلك هب راقد من أمس تحاتي حضرتك
مروان: هيه والله خايف بس اذا هي ما تباني انا ماباها
كـادي: فديتك جي انته اخوي المهم انا بسير عند حمدان باخذ منه بيزات لأني بعزمها على ريوق و بعيدن بتسوق حق باجر
مروان: حمدان راقد انا بعطيج بيزات
و سارت كـادي السيارة
كـادي: ودني بيت عمي بو محمد و يوم وصلت اتصلت في ود
كـادي : صباح الخير
ود: صباح النور
كـادي: انزين يلا فديتج انا عند الباب
ود: اوكيك انا ياية


في بيت بو حامد
في حجرة حـور ناصر يالس عندها
ناصر: ها شو الراي؟
حـور: ناصر انته تخبلت تبا نخطب نور عسب تخلي كـادي تغار يعني و بعدها بتترك نور و بتسير عند كـادي جيه نور ما عندها احساس؟
ناصر: اووو يعني انا شو اسوي عسب اخليها تحبني
حـور: والله هد المغازل و سير بيتهم و اهتم فيها
ناصر: اووو انا ما يخصني منج اللي براسي بسويه
حـور: زين بس اشدراك انها بتغار يمكن البنية في واحد في بالها
ناصر: ما يخصج انتي انا بخبر يدو اني بخطب
حـور: هيه صدق يدو ما قالت لك بات عندي جيه ما ما سرت ها؟
ناصر: انتي متفيجة والله انا و الشباب شردنا و اظني هي ناسية السالفة
في بيت بو حمدان
عبدالله في الحديقة يلعب مع البشكارة كرة
عبدالله: يلا my love تعرف تلعب عدل
ايماليم: oh abood i love u
عبدالله: مالت عليج و على اللي يلعب وياج ايه انتي تراني بعرس
ايماليم: why i love u
عبدالله: من زين ويهج يلا سيري غسلي ملابسي
ايماليم:i hate u i love swafee
عبدالله: يعلج الموت
في ميركاتو
الساعة 8 و نص ود و كـادي يتريقون
كـادي: شو رايج في اخوي مروان و بصراحة؟
ود: انا شخصيته هو فارس احلامي بصراحة بس انا لو فكرت بالزواج باخذ واحد هب من اهلنا و مروان احس به اخوي لا غير والله يوفقه مع اللي بيحبها
كـادي: ود والله ان مروان يموت ع الارض اللي تمشين عليه الله يخليج فكري سنة بس الله يخليج انتي ما تعرفين لو مروان ما خذاج شو بيستوي فيه فكري بس دخليج لا تقولين لا انا مروان احبه مابغيه يتعذب مثل ما انا تعذبت ود نحن بنسافر و اظني بتعرفين مروان اكثر و هو قالي اذا ود ما وافقت انا بنساها و بدور غيرها بس انا اعرف مروان مستحيل ينساج و بيتعذب انتي ترضين ان مروان يتعذب
و ما اظني بيعرس من بعدج
ود: والله ماعرف شو اقول ؟
كـادي: فكري و انا قلت لج بتترعفين اكثر عليه في هالشهر اللي بنسافر فيه
ود و هي تبتسم : ان شاءالله يلا نسير نتسوق
و دشو محل فيه اسكارفات
ود: كـادي.. شو رايج في هذا؟ بيعيب مروان؟
كـادي و هي طايرة من الفرح: هاا ؟ هيه مروان يموت ع الاخضر
ود: اوكيك باخذه
كـادي: زين تعالي شي اسكارف رووعة بنطقم انا و انتي و بشل حق حـور بعد
ود: الله يخبل
كـادي: ان شاءالله يعيب نصووري
ود: هيه والله بس ناصر يحب الوردي
كـادي ما صدقت اكثر الاغراض اللي شرتها لونه وردي

في بيت بو حمدان
في الصالة يتريقون
يو حمدان: مروان اشفيك ابويه ما تاكل؟
مروان: ها؟ لا ماشي شبعان على اذنكم
عبدالله: غريبة مروان ما ياكل
حمدان: والله مارعف شو سالفته هو و كـادي

في بيت بو محمد
الساعة 9 بالباظبط
غـلا: سيفو انته نجحت؟
سيف: طبعا يبت 93,3
غـلا: ماشاءالله نسبتك زينة
شذى: هيه زينة الله يخلي البراشيم
سيف: جب جب اصلا انا وايد ذكي بس البراشيم عسب اتاكد من الاجابات

في السيارة كـادي تبا توصل ود بيتهم
كـادي: لحظة قبل لا تنزلين؟ شو اقوله؟
ود: قولي له بتفكر و بترد عليك بعد السفرة لأن في ماليزيا بتعرف عليه اكثر
كـادي و هي مستانسة: اوكيك يلا باي
ود: باي


الساعة 10 و نص وصلت كـادي البيت و سافت مروان و حمدان قاعدين في الصالة و مروان على اعصابه
كـادي: سلام عليكم
مروان+حمدان: و عليكم السلام
مروان: هاا بشري؟
كـادي تعال حجرتي و بخبرك
و ساروا حجرة كـادي
مروان: ها كـادي بشري شو صار؟
كـادي: قالت بتفكر و في السفرة بتتعرف عليك اكثر و الجواب بعد السفره و اظن الباجي عليك يا مروان بايدك تقدر تخليها تحبك
مروان: ان شاءالله بخليها تحبني مثل ما انا احبها
نهاية الجزء الثاني
جوفوا هالمرة ما يخصني ابغي توقعات و لا صدق بزعل و لا بكمل
و تراني اشوف وايد يقرون القصة بدون ردود
و هااي التوقعات ياريت لو تتوقعون

شو بيصير بين ناصر و كـادي ؟
هل ناصر بيخطب نور و لا كـادي؟.
شو بيصير في السفرة؟
و مروان بيقدر يخلي ود تحبه؟
و جـوري شو بيصير فيها في المطار؟
و زايد شو دوره في القصة؟
غـلا و حمدان؟
و شذى اللي تعبت و ياست من حامد شو تتوقعون يصير بينهم؟
شو بيصير بين نور و كـادي؟
كل هذا بنعرفه في الجزء الياي
في الجزء الثالث

جب زين انتي ما يخصج فيني

ياويل حالي هذا فارس احلامي

ايه انته شو بلاك تخبلت

بحضر زفافك يا حياتي
هالكلام بيستوي في الجزء الثالث منو بيقوله حق منو؟
ترقبوني في الجزء الثالث

[كيفي عيناويه]

تسلمين اختى على هذي القصه الروعه

وانا اتوقع انه ناصر هو الى بيقول حق كادي

بحضر زفافك يا حياتي

مشكوره يا الغاليه على القصه مره ثانيه
واتمنى انج تستعيلين شويه في الجزء الثالث


في انتضاء الجزء الثالث

[شح شح]

حتاا انا احبك يااولد العم تسلمين دلوعه المناصير ع القصه