الــــثــــقـــــة .. بقلمــــي

[كيـ عيناوية ـفي]

الــــثــــقـــــة


نجد اصدقاء كثر .. لصداقتنا لهم نطلعهم على خصوصياتنا وقد تكون خصوصيات هامه واخرى غير هامه .. والبعض يحتفظ بها .. والاخر (ينغزك) بها .. واخرون ينتظرون الفرصه المناسبه ليستغلوها ضدك .


لمن نهدي ثقتنا ؟؟


موضوع تبادر الى ذهني .. الثقة .. نكون واثقين من اشخاص وفي الاخير يخونونها .. وخيانة الثقه وقعها مزلزل على الشخص المخان .. فيفقد الثقه بمن حوله ولا يعد يثق باي احد مهما كانت مدى صلته به .


لمن نهدي ثقتنا ؟؟

هل لصديق او لقريب ؟؟

هل الثقه موجوده الآن ؟؟

الى اي مدى تثق بصديقك ؟؟

تقبلوا فائق احترامي وتقديري

كيفي عيناوية

[بوجسيم]

تسلمين اختي عالطرح المميز

للاسف مااثق فحد الا شخص واحد بعد هالشخص ماقوله كل شي عني الا الامور الي تصعب علي وابالها حل اطلب شوره فالموضوع

الثقه موجوده بس تكون عمله نادره صعب الحصول عليها مب كل من هب ودب تثق فيه



الى اي مده اثق فربعي امممممم الحمدلله الله منعم علي بربع يستاهلون الثقه وانا اثق فيهم مب ثقه عميا بس الثقه فيهم زايده شوي

والسموحه

اخــــــــوج

[عـــيـــن ابــــوهـــا]

تسلمين اختي ع الموضوع

بس للاسف هالزمن مافيه حد يستحق ثقه ^__^

يعطيج العافيه

[سليل المعاني]

لمن نهدي ثقتنا ؟؟ الي نحبه ويحبنا

هل لصديق او لقريب ؟؟ الاثنين معا اذا كانو محط ثقه

هل الثقه موجوده الآن ؟؟ الحمد الله الثقه موجوده

الى اي مدى تثق بصديقك ؟؟ على حسب الصديق شي منهم الثقه العميا وشي منهم مااروم اتنصخ جدامه

وتحياتي للجميع

[...ملفته للنظر...]

طبعا انا عن نفسي اقول ما اثق الا في نفرين في حيااتي وبسسسسسسسسسسس


ومب بكل شي بعد....


للثقه حدوووود...


وتسلمين يا خيتووو على الموضووع..


تحيااتي:::

[الخييلي]

الحمد الله الثقه بعدها موجوده

لاكن هب عند كل الناااااااااااااس

مع التحيه

[كيـ عيناوية ـفي]

دلـ وع الصغيـ رونه

تسلم اخويه

المميز حضورك الرائع اخي الكريم

من كلامك ان الثقة موجوده بس نادره وبعد تعتمد على الشخص اللي نوجه له ثقتنا .ز وهذا الشخص ما نوليه ثقتنا الكامله يعني ما نطلعه على السرارنا الشخصيه .

والحمدلله ان فيه ناس تقدر الثقه اللي نعطيها لهم ولا تخونها .

مسموح بالحل اخويه

وتشرفت بمداخلتك في موضوعي

تقبل وافر شكري وتقديري
كيفي عيناوية

[كيـ عيناوية ـفي]

عـــيـــن ابــــوهـــا

تسلمين غناااتي

الله يعافيج يالغلااا

موجوده غناااتي بس تعتمد علينا نحن كيف نختار اصدقائنا الذين نفرق بينهم في مدى اخلاصهم لنا في كتم اسرارنا .. فيجب علينا ان نختار الصديق الكتوم الذي يحفظ بالسر مهما تدهورت علقتنا مع بعضنا فإنه يبقى مخلص لهذه الثقه التي في يوم من الايام وضعنها فيه .

مشكوووره غناااتي على مرووورج الحلوووو

وتشرفت بمداخلتج

تقبلي احترامي وتقديري

كيفي عيناوية

[كيـ عيناوية ـفي]

سليل المعاني

تسلم اخويه

مشكووور على اجابتك عن الاسئلة

صدقت والله ناس اللي ما نروم نتنصخ جدامهم هم اللي ينقلون الخراريف والاسرار عشان جيه ما نثق في حد بسهوله الا اللي جربناه وعرفنا انه محل ثقه .


تقبلي احترامي وتقديري

كيفي عيناوية

[كيـ عيناوية ـفي]

...ملفته للنظر...

تسلمين غناااتي

تشرفت بمرورج الكريم

حدود بنسبه للاشخاص اللي صدقتنا معاهم مب لين هناك

تقبلي احترامي وتقديري

كيفي عيناوية

[كيـ عيناوية ـفي]

الخييلي

تسلم اخوية

مشكووور على مشاركتك

تقبل احترامي وتقديري
كيفي عيناوية

[الكايــد]

يعطيج العاااافيه على موضوعج الذي يستحق طرحه في وقتنا الحالي ..


قبل ان أهب ثقتي لاحد لابد أن يكون شخص مثالي يضرب به الامثال ..
وهذا قلة في مجتمعنا ..



وثقتي سوف اعطيها لله وحده وهذه هي خير ثقة على وجه الارض ..



لكي مني أرق تحيه

ملك الحب

[كيـ عيناوية ـفي]

ملك الحب

تسلم اخويه

الله يعافيك

اشكرك على مرورك الكريم

ونعم بالله انها خير ثقه في الوجود كما ذكرت اخي الكريم

تقبل فائق احترامي

كيفي عيناوية

[الموناليزا]

الثقه موجوده بس بحدود

وثق بنفسك يكفيك ثقه بغيرك ..

سلمتي ولاهنتي

[عصبية المزاج]

السلام عليكم ورحمة الله وبركاته

كيـ عيناوية ـفي

تسلمين يدوووه على هذا الموضوع ..

ومثل ما قالوا خواني وخواتي الثقة موجودة ..

بس ما تنعطى لأي حد وإن بتعطين ثقتج عطيها بحدود لأن في هذا الزمن ومثل ما تعرفين الغدر صفة صار البعض يحب يتحلابها ..

بس مع هذا أقولج بعدها الدنيا بخير فيها الناس الأخيار والطيبين وايدين ولله الحمد ..

عصبية المزاج

[كيـ عيناوية ـفي]

poneeta

تسلمين غناااتي

الله لا هانج يالغلااا

الثقة بالنفس هيه اللي تخلينا نختار الاصدقاء اللي نحط ثقتنا فيهم ونختارهم صح

تشرف موضوعي بوجودكِ

تقبلي ودي واحترامي

كيفي عيناوية

[كيـ عيناوية ـفي]

وعليكم السلام والرحمة

عصبية المزاج

تسلمين غناااتي

صدقتي والله ما تنعطى لحد ولازم نعطيها بحدود ولا ناس تستاهلها وتأمنينها عليها والناس تخلت عنها بطريقه من الطرق .. والله يستر .

الحمدلله الله يكثر من المثالهم

تشرف موضوعي بطلج الحلوووه غناااتي

تقبلي ودي واحترامي

كيفي عيناوية