" حلوه القلاعه "

[بدويه مقلوعه]

................


يامن في امتداد التفكير أشوفك ..
تطري لي .. مثل .. " حلم وردي "
أشوفك تضحك لي .. أتقرب من ذاك الحلم ..
كل خطوه مني صوبه .. تبعده وتخفيه ..
أرجع وأنا حايره .. ليه يتراجع ويبتعد ؟
تستقر الهواجس فيني وتسكتني أفكاري ..
أرجع وأفكر ..
تراوالي بين غربة افكاري خيال طيفه ..
أمد يدي صوبه .. ودي بلمسة يده ..
يبتسم من زوايا شفاته .. ويمد يده صوبه ..
تلامس أصابعي وهم يده .. يضحك ويبتعد ..
ليه !!؟
أرجع لمر تفكيري وغربتها تعذبني ..
أشوف ذاك الحلم بين عيني وبين حنايا الروح ..
تضمه حيل أشواقي وعيوني تصير مسكنه ..
تطيرني الفرحه .. وحلـــو أحساسي ينسيني ..

تصحيني غربة أفكاري .. يالمقلوعه .. تراه حلم!!
أصحى على دهشتي .. كيف هالحلم .. وليه أحلم به
يا عذابي ..
تنعس عيني الخجلى .. وابتسامه حلوه كسوله ما تفارقني
أحاور نفسي ..
" ليه غربة افكاري خوفي منها "
.. مجرد حلم .. صعب أوصله ومستحيل أفهمه ..
لا حبيب .. ولا قريب .. ولا للقلب نصيب ..
مجرد حلم .. صعب أوصله وألقاه ..
أرجع أبتسم .. وفخاطري أضحك .. " حلوه القلاعه "
حيــــــــــــــل حلـــــــــــوه ..


..............

نشالله عجبتكم :)
اتريا ردووووووووووووووووودكم يعلني لا خليت منكم ..
حيل مقلوعه ..

[راعية العزبه]

مرحبا الساااااااااااااااع والله .....


حبيب .. ولا قريب .. ولا للقلب نصيب ..


فنتك مقلوووووووووووعه ...;)


ونتريا يديدج ;)



والعذر والسموحه منكم ياعربااااااااان زاااااااااااااايد:o

[بدويه مقلوعه]

يعلني افدااااااااااااااااااج والله
تسلمين على مرووووووووووورج وتعليقج
انتي زقرت :)

[الـلاّل]

بدوية مقلوووعه..

مرحبا..

أعجبني كثيرا هذا الوصف الهاديء

تنعس عيني الخجلى .. وابتسامه حلوه كسوله ما تفارقني

تملكين احساساً جميلا ولديكِ موهبة استمري في دعمها بترتيب احساسك بالكلمات حتى تتألقي أكثر..

اختاري العنوان المناسب لأن مشاركتك رائعة و تستحق أن تكون مثلك جميلة ..

إلى الملتـقى عزيزتي ..

الـلاّل

[راعــ ريمه ــي]

مشكوره يا مقلوعه

نتريا يديدج