يسمح خطاك

[تقوى الهجر]

دام الغياب اللـي بـدا يسمـح خطـاك !!
يشهـد .. ع قـوّة قلـب حضـرة جنابـك
ببعد .. فأمآن اللـي تـرك عمـره فـداك
ما دام ضلعي هـد صـدري .. و غدابـك
ما عدت أفرّق لـو معـك .. مـن بليّـاك
لأن الحزن أصبح .. معك و ب(( ذهابك ))
حتى غـدت أبشـع تصاويـري .. لقيـاك
وأروع محطّات العمر فـي .. غيابـك !!
ياللـي خطيـت فخافـقٍ .. دوم يـرعـاك
لـو تجمـع شتاتـه .. و تبنـي شبـابـك
من أجل وصلك .. رحّب بجـرح مضنـاك
هلاّ بجروحي .. في أمـل لـو تجابـك !
ما يوم فكرت الحـزن .. كـان لـولاك !
يشكي فراقي .. كثر مـا أشكـي عذابـك
عزالله إني أعشقك .. (( جرح )) و أهواك
من رحلـة فراقـك .. ل(طلّـة) إيابـك !
كثر الجروح .. اللي أعزفت يـوم ذكـراك
عند الرصيف اللـي تركنـي .. مصابـك
عند الأمل .. يـوم الأمـل صـار لقيـاك
وعند العشق يوم الهجـر .. صـار بابـك
بالله (( قفا نبكي علـى صـوت فرقـاك ))
ياللـي معـودنـي .. عقـصّـة عتـابـك
حتّى غديت أرقب من الليـل .. وأنصـاك
ياليـن لبّـسـت الـوسـاده ثيـابـك !!ّ!
ما هو غلا لكن لك الله .. مـا أنسـاااك !
لن إنـت .. أول شخـص قلبـي هذابـك
تدري أحبـك .. كثـر مـا أكـره جفـاك
وأرجع أحبك .. كثر مـا أرقـب سحابـك
حتى عشقـت مـن الولـه مـا عطينـاك
جرحي و عمـري و إنكسـاري و نابـك !
مـا دام .. كـل جـروح عمـري تمنـاك
وش حيلة اللي مات (( غم )) .. وحيابك !
حسبي عليك .. أنكرت لي كل مـا جـاك
بـس الطريـق اللـي يوديـك .. جـابـك
رح قلّهم .. إني علـى الوعـد .. بنسـاك
ما دام ضـاع العمـر .. يطـرد سرابـك
رح قلّهم .. يالعنبـو صـوووت مضنـاك
(( إنك تركت جروح قلبـي ... تهابـك ))
ليـش أنتظـر .. قلـبٍ تهنّـا بفـرقـاك !
والحزن فيني .. مثـل مـا هـو فجنابـك
لو كل عمـري .. لحظـه فعيـون دنيـاك
أقضيها فرقا .. وخل همّك .. كتابك !!!!!!!
ما تشوفني خالـي بـلا أحـلام أنخـاك ..
( هو حلم واحد ... وإنتهى في غيابـك ! )