البرقع (تهمة وسؤال )

[اماراتيه كووول]

بسم الله والحمد لله

البرقع وما ادراك مالبرقع

يقول الشاعر العربي

جزا الله البراقع عنا كل سوء

يخفين الجمال عنا فلا نراه

ويرتديهن القباح فيزدهينا

وقس على ذلك اللثام والحجاب

سؤال يحتاج اجابة من الجميع ؟

لماذا وما السر في ان البرقع او النقاب او اللثام يزيد من جمال وجه من يرتديه ؟؟؟؟؟؟؟؟؟؟

الرجاء مشاركة الجميع وخاصة اصحاب الشأن

[الموناليزا]

لوول منو اصحاب الشأن :)

المهم البرقع للستر وبعد للزينه
ماتعودنا انشوف الحريم الكبار بلا براقع ومب حلوه انها حرمه عوده وبلا برقع

يعني البرقع >>الوطني >> حلوه هاي الوطني اقصد البراقع العاديه شي اكيد مهم للحرمه الإماراتيه يعني العوده ما اقصد كل الحريم ..

بس البراقع الثانيه ماعندي علم شي يرجع لأصحابه ^_^

تسلمين ختيه على الطرح الحلو الموضوع الحلوو

يعطيج الف عافيه

[عيناويه وافتخر]

اشكرج ع المووضووع

البرقع للستر بس البعض يستخدمه للزينة

انا اتنقب احس انه اريح للوحدة تقدر تاخذ رااحتها يعني محد يطالع شكلها طبعا للحشمة

مب لزينة اللي تبا الناس غصب يشوفونها

السمووحة

[غرشة عسل]

كل واحد و نيته...

انا نيتي الستر... بتلاقينه ضيق و حشيم... نيتي اللعبة؟ بيكون و الله انه ...رايح فيها


كل واحد و نيته... بس البراقع الجديمه ...براقع النيل اقصد... هاي تحلي الحرمه لانه يخفي الحيات ...و يرقق الخشم... عشان جيه يقول لك...


لو الحرمه خشمها طويل؟ مش حلو عليها البرقع النيل.... لكن لو خشمها قصير ... يكون حلو عليها...




تحياتي لكم

[اماراتيه كووول]

أشكركم ع المرور

[رواضـي]

أشكرج ختيه ع موضوعج

أول شي أحس انه البرقع ما نقدر نقول عنه شي لنه من عاداتنا وتقاليدنا

وبعدين في حريم يلبسن خمار وهذا الخمار فاضح بعض الشي

النقاب احسن عن الخمار

وتسلمين ختيه ع موضوعج

[فوع الزعفران]

البرقع بشكل عام للستر .. وبعض الاحيان للزينه في الاعراس ^_^
فكل برقع يختلف عن الثاني ...

النقاب أو الغشوة :- (( الساتر طبعا )) من اسمه غشوة فلازم يكون كل شي مغطااي والنقاب .. لازم تفهمون معناه النقاب مب مال الزينه وما اعرف شو لاا النقاب صح أنه يظهر العيون بس ما يظهر مفاتنهااا ... يعني مايكون واسع ...

اللثامه ... من أسمها رايحين فيها اذا الحاجب طلع خلاص عيل طلعن الويه بكبره هههههه ^_^
والستر زين ^_^ وتسلمين ختيه على هالموضوع ... وعلى مشاركاتج المستمرة في هالقسم ولج ألف شكر ....

[العقيد]

بسم الله والحمد لله



لماذا وما السر في ان البرقع او النقاب او اللثام يزيد من جمال وجه من يرتديه ؟؟؟؟؟؟؟؟؟؟

الرجاء مشاركة الجميع وخاصة اصحاب الشأن

السلام عليكم ورحمة الله

مرحباً امارتية كول

لست من ذوي الإختصاص ولكن كرأي خاص

إنني أرى الجمال من ثلالث نقاط:

الأولى أن الإنسان من طبعة يحب أن يستكشف ما خفي عنه فيزداد تولعاً بما خفي .

الثانية أن الجمال في العفة والستر وعندها ( نستطيع إن الجمال جمال الستر ) .

الثالثة أن البرقع يسلط نظر المقابل على العينان والعيون لها جمال آخذ .

لك تحياتي وتقديري

العقيد

[LiFe in DxB]

و الحينه ماريتوو المنكر اليديد برقع شرا الخط ؟!..


ابذمتكم هاه اش خانته لا هوه لــ الستر ولا لــ الزينه


بس الحريم الله ايهداهن يتحرنه حق الزينه وين زينه و اتقول ماخرنه فار


و تسلمين فديتج ع الموضوع


و السموووووووووووحه

[الحر_العنيد]

اول شي مشكوووووره اختي على السؤال

وثانياا انا ما طالعت ردوووود الربع اللي رادين على الموضوع هذا

وثالثا الانسان او الرجل ينظر الي المرأء وهي لابسه النقاب او البرقع او او ..... الخ

يبا يشوف هذا الجمال اللي مدسوس عنه وهذا من وجه نظري طبعاا وسلامكم



تقبلوا تحياتي
الحر_العنيد