-= قــلــة أدب بعض الخليجين =-

[اماراتيه كووول]

السلام عليكم ورحمة الله وبركاته
حبيت اخبركم موقف يصير في الدول الخليجية وخاصة في مصر واللي يسونه الخليجين بس بنحدد الاماراتين عيال بلادنا اللي مشوهين صورتنا .........
طبعا انا سافرت هل الفترة المغرب ولبنان واخر شي مصر في واكثر المواقف اللي تخلي الواحد يستحي يوم يشوف هل الاشكال من عيال بلاده طبعا في مصر وخاصة في المراقص مصر معروفة بالمراقص وفليل مالك مكان الا المرقص عشا وشيشة وفرقة ادق ومطرب صوته مثل التيس يوم يطرب ورقاصة ترقص وعاد يود المواطنين يدخلون بغترة وعقال وضارب الغترة نشا بعد والكندورة جويت ونعال ابيض تقول داخل ميلس شيخ ولا وزارة ولا جنه داخل مرقص وفي يده الخيزرانه ويرزف وينثر فلوس على الرقاصة والمغني ولا يطلبون من المطرب يغني الله يا دار زايد كرم الله اسم بو خليفة عن هل الاماكن واللي يقول تحية للعين واللي يقول تحية لوظبي واللي يقول تحية لدي وهات انته والناس تضحك عليهم خلف الكواليس وبو الشباب يتحرى عمره مسوي جو وانه مالك الجو وكل الانظار بأاتجاهه ما يدري انه مصخرة طبعا في المرقص يكون فيه 20 واحد ولا 30 واحد تقريبا من دولة الامارات والباجين خليجية والمصرين شغالين نصب فيهم وهم يفرون فلوسهم وينثرون على شي تافه وين الله بيرزقهم بفلوس وهم جي يفرون النعمة ويتبطرون ؟؟ .
كل هاذا شوي كله ولا اليوم اللي قالو في مرقص عش البلبل هاذا اسمه طبعا قررو انهم بيسون حفلة عيد جلوس الشيخ زايد وين في مرقص !!! شوفو الوقاحة يايبين خالد حرية ودق معلاية وتنثير فلوس والله يا جماعه ولا 100 الف جنيه منثرين تيمعو حوالي 50 مواطن ويفرون فلوسهم ويرقصون ويرزفون جنهم في عرس ، دنيا والله دنيا هذه هي البطرة بعينها

[الموناليزا]

الله المستعان ختيه

بس الدنيا فيها الزين والشين

ع العموم تسلمين على هالموضوع

[جريح الحب]

هالشي هب محدد على الشباب كلهم وهم قله قليله بس شو نقول غير الله يهديهم للصواب وتسلمين يا اماراتيه على هالموضوع ^_^

[المـــــ دلوعة ـــــزاريع]

الله يستر على شبابنا الباقين
والله يهديهم

[ملكة الحور]

الله يهدي شباب المسلمين

هذا ما يريده اليهود والنصارى , ضياع شباب المسلمين في المحرمات والكبائر

حتى يسهل على الاعداء فرض سيطرتها على العالم الاسلامي

ولا ننسى قول احد اليهود ( كأس وغانيه تفعل بأمة محمد ما لا تفعله الف دبابه ومدفع ...)

اللهم اهدي شباب المسلمين الى الحق واهدنا إلى اتباع كتابك وسنة نبيك ..

جزاك الله خير إماراتيه كوول على التنبيه ..

[غرشة عسل]

لا انا اذكر بعد يوم خواني كانوا رايحين مصر...

واحد فيهم كان يصور فيديو...


و اول ما دشوا الفندق...قال لهم راعي الفندق...عاوزين حاقة ؟ قاللوله خواني لا ما نبا


قال لهم ...اكيد؟؟


قالوله اكيد...مشكور...


قال ...مش عاوزين كدا و لا كدا يعني؟ بنات يعني ؟؟


قالولة اعوووووووذ بالله......لا ما نبا

و بعدها بشوي قالولة وين اتجاه القبلة ؟؟


قال لهم ليه؟؟ قالوله بنصلي !! ... قال...ليه هو انتوا بتصلوا؟؟



شوفو الوقاحه كيف...




الله يهدي الجميع :)

[اماراتيه كووول]

مشكورين ع المرور ولا تحرمونا من ردودكم

[رواضـي]

الله يهديهم ويهدي شباب اليوم

الدنيا مثل ما قالت ختيه فيها الزين وفيها الشين


والله يستر علينا وعليهم


تسلمين ع لموضوع

[مس كشخه]

تسلمين غلاي>>امارتيه كول<<
اول شي مثل ما قالوا الشباب..هذا الشي مب كل الشباب يسووونه..وما اقول غير الله يستر عليى شبابا الباقيين ^_^

[فوع الزعفران]

اماراتيه كوول ... تسلمين على الموضوع ..

الدنيا تزداد خراب ساعه بعد ساعه ويوم بعد يوم .. ونحن نقف مكتوفي الايدي ولكن مالعمل فلا نستطيع ايقاف فرد تلو الفرد فالافراد تتحكم بهواها في هذا الزمن ... وهذا مايتمناه الغير العيش على حساب الغير ... واطلب من الله العلي القدير أن يهدي هؤلاء الفئة المستهترة والطائشة ...