يااااااا بعد هلى

[خلف]

.........................لكم فقط ارسل هذه الابيات ...........................

ستنشر في مجله قريبا اتمنى انه محد يشتريها عشان اتم خلف ؟؟؟؟؟؟


كلك على بعضك حلو .. يأسمى تعابير الجمال

ـــــــــــــــــــــ يالناعم المترف على مثل البياض المخملي

يالي تثير من الكلام الكامن الي مايقال

ــــــــــــــــــــ يامنتهى الفتنه..وربي .. يالطراز الاولي

ياخلطة السحر العماني والخرافه والخيال

ـــــــــــــــــــ ياشامخ الحسن الدمشقي .. والتراث البابلي

يالفارع الفاخر لعب عودك على الساقي ومال

ــــــــــــــــــــ ورمانك الفاحش زمى فوق القوام الممتلي

يأشهى عناقيد العنب يالبارد العذب الزلال

ــــــــــــــــــــ يأبوثمانٍ ساطعه .. وسط الشفايا الذبلي

نبرات صوتك في فضاء.. سمعي تقاسيم ودلال

ــــــــــــــــــــ أنغام زرياب ولحن.. أحمد اسحاق الموصلي

يالمرمر الصافي يأبو ضحكه عليها حب خال

ـــــــــــــــــــــ ماهمني وأنا معك .. في أي جنبٍ مقتلي

يالكركمي يالفستقي يأحمر مثل دم الغزال

ــــــــــــــــــــــ يالمعة الماس الطبيعي والجواهر والحلي

يأشمسي الي لفها ليلاً سرى من دون شال

ـــــــــــــــــــــ يانجمي الي في سماء عمري مكانه معتلي

ياغايتي رغماًعن الناقد ولو جاله مجال

ـــــــــــــــــــــ يامنهجي وأنا على نهج الامام الحنبلي

نسيتني وأشقيتني ياصاحبي والهجر طال

ــــــــــــــــــــــ ولاجادت أيامك والا.. حتى بحبة خردلي

أدخلتني دوامةٍ فيها الحرام مع الحلال

ـــــــــــــــــــــ فتنتني فتنة هل البصره بسيدنا علي

وخليتني في مامضى أمشي على حد الهبال

ــــــــــــــــــــ ومستقبلي ياصاحبي بعدك مابي مستقبلي


تمت

[نفحة الهيل]

نسيتني وأشقيتني ياصاحبي والهجر طال

ــــــــــــــــــــــ ولاجادت أيامك والا.. حتى بحبة خردلي

أدخلتني دوامةٍ فيها الحرام مع الحلال

ـــــــــــــــــــــ فتنتني فتنة هل البصره بسيدنا علي

وخليتني في مامضى أمشي على حد الهبال

ــــــــــــــــــــ ومستقبلي ياصاحبي بعدك مابي مستقبلي



والله روووعة مووووت وصح لسانك ما فيك حيله انا اشهد جمعت الكثير من مفردات وكثير من مواقف في قصيده وهذا يدل ع قوة في عد القصيده

[خلف]

عاشقة زاخر يسعدني ويثلج صدري في هذا الحر اللي نعيشه

مرورج الكريم وكلماتج الطيبه الف شكر

[فوع الزعفران]

تسلم يالخوي خلف على هذي الابيات الجميلة ... وننتظر مزيدك ...

يالكركمي يالفستقي يأحمر مثل دم الغزال

ــــــــــــــــــــــ يالمعة الماس الطبيعي والجواهر والحلي <<<<< ابدعت ^_^

[خلف]

فوع الزعفران يفوح من كلماتج الطيبه الف شكر

يسعدني مرورج الكريم

[بدويه والكرم لزيمي]

أدخلتني دوامةٍ فيها الحرام مع الحلال

ـــــــــــــــــــــ فتنتني فتنة هل البصره بسيدنا علي

صح لساااااااااااااانك لا هنت..

[! حلو المزوحي !]

هذي قصيده تعجيزيه ما اقدر اقول شي عليها

تستحق التميز يا خويه

وصح الله لسانك

وللامام يا خلف

والسموحه منك

حلو المزوحي

[خلف]

بدويه والكرم لزيمي يشرفني مرورج الكريم وصح الله بدنج

[خلف]

حلو الموزوحي اشكرك على كلماتك الجميله

والطيب ما يطلع من الا الطيب

اخوك خلف

[أصايل]

صح اللسانك أخوي الشاعر

ولا هان منطوقك



تعبيرك جميل جدا


وتصويرك منمقك

لا شك انك محترف في هذا المجال

لك مني تهاني الحاره على هذا الابداع


من هذا اليوم سجل اعجابي أخي خلف


فمن مثلك يستحق



،؛، كل الدلع ،؛،

[خلف]

كل الدلع اعجز ان اجاري كلماتج الطيبه لو انه الكلام ما يعجزني

الف شكر لمرورج وكلامج

[الشاعر الكعبي]

صح لسانك

كلمات في غاية الروعه

ابدعت الغالي في التعبير

الى الامام

[خلف]

الشاعر الكعبي الف شكر لمرورك الكريم وكلماتك الطيبه