الجريح

[جريح الحب]

مرحبا عسى هالقصيدة تعجبكم

أاهِ واويـلاهِ
أاهِ واويـلاهِ مـن قلـبٍ جريـح **من حبيبه دوم ِمصطـاب الرّمـاح

دمع ِعينـي ذارفٍ منّـي نضيـح **يوم ِخلّـي بالجفـا جـازا وراح

ليلهـم راقـد ونايـم مستـريـح** ليلتـي دمـع ٍ كشـلال ِونــواح

أندمه حظي ومـن سبّـك أصيـح** والدمع جـرّح جفونـي بالقـراح

خلّي الجاسي مجهّزلـي ضريـح **ينتظر موتي ف ليلـي والصبـاح

يفرح ِ ابْدمعي ويوم انـي جريـح** جنّيَ اخْصومـه ودمّـي مستبـاح

مالكِ إلا يوم ِ مـن عالـي تطيـح **تشربه سمّك ومن نفـس القـداح

تشكي ِ الفرقه وفي فرشك طريـح **تطلب الرحمه وترجـي للسمـاح

ياحبيبـي مايصـح الا الصحيـح **حبكم هايج وهب سهـل ِ الجمـاح

ماليهْ مخـرجْ مفـرّ وْ لا نزيـح** عن هواكِ اليـوم ِ الا بالصـلاح

عاين ِ اسْلوككْ وخلّك بي صريـح** الصدق راحه وسـاس الانشـراح

غير ِ بالارشـاد منّـي والنصيـح **تاخذ ِ وْ تمشي بدربك في نجـاح

كامل ِ الاوصاف مابـه أي قبيـح **بالحقيقـه، لا وماهـو بالسـفـاح

من خدوده فـلْ معاعطـرٍ وريـح** والشذا والعود ِ منّـه يـوم فـاح

أظلمهْ إن قلتِ عنّـه بـس مليـح **للحواري توم هـو سيـدِ المـلاح

لي سمعت الصوتِ قلبي يستريـح **حزةِ الضحكاتِ في وقت المـزاح

مغرم ٍ والحبّ فـي دمّـي طفيـح** بالجهرْ والشوق ِ ظاهرْ بالوضـاح

المحبّـه قـربِ لكنـك تشـيـح** ماليَ ابْوصلك نصيبُ وْ لا فـلاح

ف المحبّه كمّ من عاشـق يصيـح **غارق ٍ ف الحبْ ومالـه بالسبـاح

ذايبٍ قلبه وفـي عوقـه يسيـح**في سجنْ جنّه ومسلوبِ السّـراح

لك وصاتـي إن تبانـي أستريـح **يوم موتي صار واحْبابـي نـواح

تذكر ِ الماضي، وقلبي لك صفيـح **عاذرنّك وانـتَ أسبـاب الجـراح

والختم صلّوا عـددْ ماهـبّ ريـح** عالرّسول ِ اللي كلامه ف الصحاح

لي مـلا الدنيـا بوديـان ٍ وسيـح** بالهدايـه والمحـبـه والسـمـاح

منقـــــــــــــــــــــــول

جريح الحب

[..:: قلــب بدويــه ::..]

سلاااااااااااااااااااااااااامي عليييييييك
وصح صح لسااااااااااانك جريح الحب ...
ونترييييييه اليديد منــــــــــــــــــــــــــــك..

[جريح الحب]

تسلمين يا قلب بدوية وماعليج زود وترها منقوله للعلم

[نفحة الهيل]

لي سمعت الصوتِ قلبي يستريـح **حزةِ الضحكاتِ في وقت المـزاح


ماااااااااااااا فيك حيله جريح ع النقله


وصح لسانك ولسان قايلها