للبناااااااااااااات .... والله تهمكم

[راعية السدو]

مرحبااا الشيخااااات
فديتكم حطيت لكم هااي القصيده وانا ادري انهااا تهمكم





لاتحسبين العرس توفـي وكتكـات
ولا تحسبينـه توكـس والا بونتـي

ولا تحسبين العر س كيكة وطرطات
وصلـة قطعتيهـا ووصلـة بلعـتي

ولاتحسبين العرس تصفيق واصوات
وانت على صوت الغطاريف همتي

ولاتحسبين العرس كوشة ولمبـات
وانت كما الطاووس فيهـا جلسـتي

ولاتحسبين العرس احلام في الشات
يامـا بنيتيـهـا ويـامـا هدمـتـي

ولا تحسبين العرس روحة وجيـات
هيا اقضبي بيتك عسـى مانهبلتـي

ليلة سعيدة وانت احلـى الجميـلات
تشخص عيون الناس اذا حضـرتي

(واللاينر)حطيـه بـلا زيــادات
لا يخـرب المكيـاج اذا دمـعـتي

(والمسكرة)تحتاج لطف ومـدارات
حتـى يبـان ازيـن اذا غمضتـي

(والاسبريه )رشيه حتى البصيـلات
ينسك شعرك زين ولـو كـان زدتي

وترى(المحدد)فن يحتـاج رسمـات
يبـان رسمـه زيـن اذا ابتسمـتي

العـرس يابنيـة ماهـو شعـارات
تفنـى مراسيمـه وتبقيـن انــتي

ويبقى شريك العمر راعي الطويلات
هذا هو العرس الحقيقـي عرفتـي؟

اول نصيحة لك حفـظ الصلـوات
صلي العشا والفجر في كل وقـتي

وفي ليلة العرس الموفق وبالـذات
ادعـي الكـريـم الله اذاسـجـدتي

والتعري لاترضين عند الكوفيـرات
ولبسـك يملـي العيـن اذا لبسـتي

واللي على زوجك تحرضك مرات
ارجـوك شوتيهـا شوتـت بلنتـي

والصبر في العشرة حتى على فتات
ياماحـلا فعلتـك يومـك صبـرتي

واذا حفظت السر مـع المـدارات
زوجك ترى في عيونه انت كبـرتي

والسوق يعني هاه وقت الضرورات
والاتـرى زوجـك يـدور لمفتـي

زيدي الغطاية وكثري في العبايـات
والله يرضـى عنـك اذا سـتـرتي

اوصيك بالكبسـة وكثـر اليدامـات
حتى لوانـك مـن سببهـا متنتـي

وخلي الرجيم اللي فشلت فيه مرات
سويـه مـرة واحـدة لا ولــدتي

اوراق شاعر يرسل ازكى التحيـات
خصيـه بالـدعـوة اذا دعـوتـي

منقول للاهميه

[بنوته طرر]

وخلي الرجيم اللي فشلت فيه مرات
سويـه مـرة واحـدة لا ولــدتي
ههههههههههههههههههههه صح لساان قايلها
وتسلمين اختي ع القصيده الحلووه
ويعطيج العاافيه