دعوه "لقصايد" ومن يرغب في المشاكاه...

[الماسه]

السلام عليكم ورحمة الله وبركاته


مرحبا باللي حدرو هنيه ..

السموحه منكم قصيدتي اهداء لمن يرغب بالمشاكاه ..وهي ايضا مشاكاه لقصايد

اتمنى الاقي رد من قبل كل شخص يدخل هنيه..



جيتكم حامل باشواقي الكثير = صابرٍ صبر ايوب بما بلاه

في عيوني ود لاصحاب الضمير = صاحبٍ بعيوني غلاه

لوّل عن احواله خبري يصير = دومي اناشد عنه البداه

ماوقفت عيني عن الدمع الجبير = كسر قليبي بما حواه

اجفيت بعده غايب صياح النكير = واقبلت جرحي من بعاده عزاه

منيت له قربٍ وعزوه صغير = وامتحن في غرامي وهالود ياه

وش بعد باقي لعينه مايصير = حالتي عقبه ماهيه حياه

العذر هذي تهلويس حلمٍ صغير = بس واقع قربكم قلبي تمناه

اجبرت في قصتي طبعٍ نفير = واستطبعت في جوفكم شوفه غلاه

اليا ابتديت النوح هذا مايصير = اعذروني بديت البيت بقصه نساه

*العذر والسموحه لاني لا امتلك مضمون جيد في الوقت الحالي ابتديت ابياتي بقصه عن حلم راودني ذات ليله


كل الشكر
+!i!المـاسهـ !i!+

[قصايد]

الله الله علييييج اي ختيه

الماسه

صح الله لسسسسااانج ولا هنتي ...

كلمااااات تحمل اعذب المفردات واحسااااااس رااائع

طبع الحزن وغلب على هذه الحروووف الراااائعه ..

وان شاء الله يا ختيه بيووووصلج الرد .. واتمنى انه ينال رضاج ..

ولا تحرمينيه يديد منطووووقج العذب ...

ومرحبا السااااااااااااااااااااااااع

[الماسه]

تسلمين ربي يعافيج ياختيه ودائما ماتكونين مشجعه

لج الف شكر وبانتظارج على الود
الماسه

[الراشدي]

صح لسااانج ختيه ... ولا هان منطوقج الرائع

احساس مرهف من انسانه حساسه .. ابدعتي اختي الكريمه في خطج للحروف الرائعه .. وان شاء الله اتشوفي رد الاخت قصايد عليج .. ويسعدج ان شاء الله ..

ولا تحرمينا من كل ما خطه قلمج الرائع

[صافي القلب]

في عيوني ود لاصحاب الضمير
صـاحـبٍ بعيـونـي غــلاه
لوّل عن احواله خبري يصيـر
دومـي اناشـد عنـه الـبـداه


صح الله لسااااااان.......
الشاعر لي له بالقلب تقدير
ونهوى كلامه ولي سمعناه

ونبغي يديده من دون تقصير
.................................................. .. ع السريع

والسموحه
والسلام عليكم ورحمة الله

[! حلو المزوحي !]

السلام عليكم ورحمه الله وبركاته

شالحال يا خواني الشعرااااا

هذي قصيده ... رد على مشاكاة الاخت الشاعره (( الماسه ))

ويا عسى ان تنال على اعجابها واعجاب باقي الاعضـــــاء

::
::
::


مرحـــــبا بلي له الخافـق يسير ==== عد ما داسة على التربه خطــــــاه
او عدد صيحات من بايـت سهير ==== به وله من عقـب ما قفى ظــــــناه

شاعري بالله انا مـا ني خبــير ==== بس شعرك يجبر الشـــــاعر تــراه
يرسل ابياتً بها ريـح العــــبير ==== ولك يترجم كم مظمـــــونً قــــراه

المحبه بحــــــــرها قاعه غزير ==== والعشق مركب مشى وسط المياه
والمحَب ايهيم فالــدرب الخطير ==== يبحر ابشوقه جدى خلً هـــــــواه

من عشق يصبـر ولو حظه فقير ==== دام قلبــــه شاري الخــــل وبغاه
ويترك الايـــام تفشي بالسّرير ==== له توضح خافيً خـــــــــــله نواه

والعذر لو كان ردي هو قصير ==== ويعل ردي حـــــــاز مغزاك ولقاه
والختم يعل الفــرح دايم يسير ==== صوب قلبً هايمً عاشــــــــق ظناه


::
::
::


للشــــاعر // حــلــو الــمــزوحي

هــذا ومنــكم العـــذر والسموحه

[حلو السجايا]

صــــح لســـانك الشـــاعــر ولاهنــت..
أبــدعــت فــي القصيـــدة..مــا عليــها كــلام..
يسعــدني أنــي أكـــون أول مــن يــرد علــى هــذاا الإبداااع..
يعــلك فــي زووذ مــن هــذاا التميـــز..
تحيـــاتي لـــك..

[حلو السجايا]

صــح لســانج الغنـــاة ولاهنتــي عالكلمــات الرااائعة..
وفــي إنتــظار المـزيـد من التميـــز...

[قصايد]

في البدايه اقووول لخويه المزوووحي ... صح الله لسااانك يالشااااعر

ولا هان ذا المنطووووق ...



واقووو لختيه الماسه السموووحه جاد الا ابطيت عليج فالرد ...


حي جيل منك يا دعج النظير = حي قولٍ عانيّني ابمشتكاه


الحب لا هيّن ولا هو ابعسير = بس هو احساس الله يا حلاه


يوم انك مع محبك بألف خير = بس يوم الصد الله يا قساه


والحين انت تقول انا حظي فقير = يوم خلي جفّا عن قلبي ونساه


وحالتي صارت شرا حال الضرير = اسودت الدنيا بعينه والحياه


كل حلوٍ ذاقه ابطعمٍ مرير = والقليب ينوح يصرخ في عزاه


الحين اسمع مني يالقلب الكسير = لا تهل الدمع وتصرخ بـآه وآه


ولا تقول انك بتبقى له اسير = روح وقل له حبكم قلبي جفاه


ما اريد انسان معدوم الضمير = مايهمه غير نفسه ومبتغاه


وسلمتوووو ...

والسموووحه على القصووور في المنطوووق

[صاحب الود]

ابداع جميل من __ الماسه __


وهذا الرد :
لك قصدت مضمون قولي ولك نسير = يا الاه العرش يا حامي حماه
ولك عنيت القول يا فاهم خبير = اتلذذ في قوافيك ابحلااه
العذاب الي سكن روحك اسير = شاب راسك من هواه ومن بلاه
عزها نفسك وهيمن يا امير = على الحبايب دون غاليها وغلاه
دام اولها مشاكل بالكثير = كيف أتتبع من يعذبني طرااه

واسموحه


عاجل جداا

[غروووب]

صح لساااااااااااااااااااااااانج.............يالماسه

وتسلم يمناج على القصيده الطيبه ..........ونتمنى المزيد

اختج ..............غروووب ....