ابوظبي بعد قرار المعاكسة الجديد ...

[مس كشخه]

السلام عليكم وحمة الله وبركاته ...

حبيت اطرح موضوع واظنه مب يديد ...

المهم .. في موضوع شدني وهو امرا تضرب شاب امام الجميع اللي كاتبتنه ورده ... عالعموم

بالنسبه للمعاكسات ... هالشي شين وعيب عالشباب اللي يالسين يسوونه ... والدوبه ما قصرت يوم تعاقب هالناس ... بس ليش نحن نصلح الغلط بالغلط ؟؟؟

يوم كنا نتمشى بمراكز بوظبي .. قبل القرار بحبس المواطن شهر .. كانوا البنات شوي محتشمات ... يعني ما انشوف وايد من بنات الحركات وبنات الضحكة المتعالية ... ولكن انصدمت في يوم من الايام يوم كنت اتمشى في المارينا وهذا كان بعد القرار .. اندهششششششششششت من اللي شفته ... وما صدقت ... قالي ربيعي من بوظبي ... خلاص البنت ما يهمها شي .. واللي فيه خير او اللي في .................... يسووي لها شي ... اتعرف انه في قانون يحميها واذا احد اتمصخر عليها وعلى اللي مسويته بعمرها راح تفضحه وتتبلى عليه ... يا اخوان هالسالفه صدق ...

يوم دبي اصدرت بالعقوبه ... زادت نسبة البنات المايعات ... وزادت حركاتهن ميوعه ... فليش ما يكون فيه قرار عالبنات مثل الشباب .... ترى النفس اماره بالسو ... وابليس اعظم من اليهود في هالسوالف ....

الله يستر عبنات بلادي ..والسموحه

م ن ق و ل

^_^

[سيد العذارى]

يسلم يمناج الغلا

ويعطيج العافيه الشيخه

يسلمووو لا هنتي ياربيه

[مس كشخه]

تسلم عالمرور
>>سيد العذارى<<

^_^

[رمش الغلا81]

يااااااااااااااا ليت الدوله تصدر قرار على البنات بعد ...

ومشكوره مس كشخه على النقل الرائع

الله يعطيج العافيه....


سلااااااااااااامي لج
ختج الصغيره::
رمش الغــــــ~ــلا81

[مس كشخه]

>>رمش الغلا<<

ياليت غلاي يصدرووونه..لان احيانا يظلمون الشباب..والغلط من البنات..

وتسلمين عالمرور
^_^

[!! دهـن العـود !!]

الى حاشمه عمرها محد بيرمس عنها والبنت الى مب حاشمه عمرها بتلاقي الرمسات صوبها
وبالاخير بتكون يابت الكلام لها ولهلها المشكله مب فالبنت والولد المشكله فالاهل وتربيتهم
والي عكسته على عيالهم ....


الشاب يوم بيعرس مابياخذ وحده صايعه وكاشفه عمرها فالمولات
وتحاول تغري الشباب

[مس كشخه]

>>سوفت ليلي<<
والله فديتج مب شرط الغلط يطيح على الأهل , يمكن ربيعاتها يأثرون فيها بس بطريقه غير مباشره..وهي بتتأثر اذا كان ايمانها ضعيف وما تخاف ربها.واذا كانت قويه وتقدر اتسيطر على عمرها وتعرف شو الصح والغلط بتم حشيمه طول عمرها ان شاء الله....وفديتج تسلمين عالمرور..

^_^

[خيال الامارات]

وبزيدج من الشعر بيت بعد

الى يمسكووونه يغازل يغرمووونه 60 ألف درهم هاذا غير السجن لمدة شهر

وسبب نزول هاذا القرار .

أن واحد من الشبااب يالس يتحرش بوحدة فالمارينا طبعن هااي البنت من هوامير البلد وبنت شيووخ (مابذكر أسم البنت) المهم الولد تم ورا البنت ألين أدخلت محل من محلات المالرينا عاد البنت شلت الغشا على شاان تاخذ أغراضها من المحل والولد واقف عند باب المحل يصورها بالتيلفووون وجان يشوفونه التحرياات وجاان يمسكوون الولد يالحليله اضربوووووه ضرررررب المهم بعد هااي السالفه نزل القراااار...


فالعين وفي العين مول بالتحديد شاب متزوج نازل من السلم المتحرك وفي بنتين تحت واقفات يصورنه المهم الريال يوم وصل تحت قال للبنتين لا تصورني و جان يشوفونه التحريات ويزخوونه وحكمو عليه شهر وغرموووه 60 ألف..قرار ظالم.

الريال متزوج من سنه تقريباً وهو فالسجن الله رزقه ببنيه قبل كمين يوم.

يعني القرااااااار ظاااااالم شويه وعلى فكر هاذا الريال أول من تطبق عليه القراار فالعين.


والسموووحه على الاطااالة

[الاعلامي]

الله يهدي الجميع

[الماسه]

انا من اول المؤيدين لفكره قانون للبنات بعد رغم اني اشوف كل الغلط على البنت >>لو كانت محتشمه وهب بروحها وياهلها ماحصلت الرمسه العوفه..

تسلمين ياختيه على الطرح

[مس كشخه]

>>خيال الأمارات<<
تسلم الزياده....بس كان بأمكان الشاب الي زخوا فالعين مول يقول للتحريات شوفوا تلفون البنات لانهن كانن يصوروني..!! مب يسكت *_*

عاد البنات ما صدق يوم نزلوا القرار قالوا فرصه نلعب لعبتنا والتحريات بيشوفون الغلط غلى الشباب..!

^_^

[مس كشخه]

>>الأعلامي<<
تسلم عالمرور..

امين ^_^

[مس كشخه]

>>الماسه<<
وانا ويتج فديتج..بس مب شرط يوم البنت اتكون ويا اهلها اتكون محتشمه ..والله شي بعضهم حتي ويا اهلهم يسووون هاي الحركات.. وعلى اعموم تسلمين عالمرور الطيب.
^_^

[الحر_العنيد]

جزاج الله خير يا الكشخه ........ على الموضوع الذي يستاهل النقاش ....


تحياتي
الحر_العنيد

[مس كشخه]

>>الحر العنيد<<

الله يزاجيك من خيره ان شا ءالله..وتسلم عالمرور الطيب.

^_^

[..ღولـٍـٍد§العوامـٍـٍرღ..]

ان شاء الله ينزلون قرار .. ومشكوره ختي على الموضوع ..


سموحه

[مس كشخه]

>>ولد العوامر<<

مرحبا الساع..ان شا ءالله ...وتسلم عالمرور الطيب

^_^

[المـــــ دلوعة ـــــزاريع]

الصراحه بنات البلاد صار ما حد اميع عنهن ضحك ومصاخه ودلع
اون هن يخففن دمهن يبالهن هالنوعيه هالقرار انا سمعت هالايام انه البيت هيه اللي ترقم الولد مش هوه
وين راحت التربيه والعادات والتقاليد ليش ما يحترمن عمارهن وين الوصايا اللي كان يوصيينا عليها زايد وانا الصراحه عمري ما شفت واحد
ياي صوب بنيه الا اذا هيه لفتت انتباهه بحركه سخيفه
وما قول اللا الله يهديكن

[مس كشخه]

>>دلوعة المزاريع<<
صدقتي غلاي..لان الولد ما يرقم البنت الا اذا شاف منها حركه مايعه..او ضحكه...وتسلمين عالمرور الطيب

^_^

[دلوعه المناصير]

صح والله وااايد بنات بوظبي الحين تشوفيهن في المول يتميعن في مشيتهن بعد لقرار الي ظهرته بوظبي وليش مايظهرون قانون على البنات بعد لان الخير يخص الشر يعم والله يهدي الجميع؟

[مس كشخه]

>>دلوعة المناصير<<

عاد البنات ما صدقن يوم ظهر القرار... ^_^

تسلمين عالمرور الطيب غلاي

[جنون الحب]

فديتج والله

تسلمين عالموضوع يا الغاليه

[مس كشخه]

>>جنون الحب<<

الله يسلمك..وتسلم عالمرور الطيب.. ^_^

[..ღولـٍـٍد§العوامـٍـٍرღ..]

..السلام عليكم ورحمه الله وبركااته..

بس حبيت اني قولكم انه امس يمكن ولا اولت امس قريت في جريده الخليج على ماظن انه في دبي قبضو بنات يتحرشن في شباب وحبسوهم وان شاء الله يطبقون القرار على كل الامارات..

وسموحه

[مس كشخه]

>>ولد العوامر<<
صدقت ..وان شاء الله يحبسونهم ويحطون القرار..لان القرار اشوي ظالم للشباب ^_^

[الريم المنهالي]

إن شاء الله يحبسونهن ونفتك من هذي الأشكال

[الريم المنهالي]

--------الريم المنهالي--------- --- وبعد يشددون الرقابة مش بس في دبي بل في مكان في الإمارات---

[مس كشخه]

>>الريم المنهالي<<

العفو فديتج..وان شاء الله نفتك من هالأشكال مثل ما قلتي..وان شاء الله يحطون القرار فالأمارات ..^_^

[خيال الامارات]

ابشركم من كمن يووم زااخين بنتين يغاازلن الشبااااب عالممزر في دبي

طبعاً احجزو السيارة و عطو البنتين تعهد بعدم التكرار

[بدويه والكرم لزيمي]

الله يستر على بنات البلاد
وان شاء الله يعاقبونهن..

[مس كشخه]

>>خيال الأمارت<<

احسن هذا اقل عن يزاهن...وتسلم عالمرور ^_^

[مس كشخه]

>>بدويه<<
تسلمين عالمرور..^_^

[الريم المنهالي]

يعطيج العافيه ومشكوره على الخبر