لكمـ أجمل تحية..مجاراة

[الموناليزا]

السلام عليكم ورحمة الله وبركاته


أحبتي...

كمـ شرفني فعلا تسجيل أجمل تلك الابيات التي كان لبوحها معنى آخر في تلك الأمسية..

تواجدهمـ..هو شرف لي..وحضورهم والتفاعلـ... هو الشرف بعينهـ...

كمـ أسعدني جداَ تسجيل محاورة جميلة ..مختلفة عن كل الذي كتبتهـ..وسجلته سطوريـ..

شرفنيـ.. مجاراة الشعراء الكرامـ..

شاعر الغربة(محمود الشاهين) & والظبياني أستاذ الشعر ( مركب بلا مرسى )...

وهو شرف كبير لي بأن انظمـ أبياتي لمحاورتهمـ... وحبيت ان انقل المحاوره هنا,,لأسعدكمـ..كما أسعدتنيـ تلكـ المحاورة..

شاعر الغربة :


يللي ماتسأل .. ترى أسأل عليك = ومهما تتباعد ترى فكري وراك


مهما تجفاني وتنساني .. أبيك = والوعد مني أنا ماعشق سواك


كيف أنا بنساك واحلامي بيديك = كيف أنا بجفاك .. والفرحه معاك


كيف أحب غيرك والدنيا عنيك = وماأظن غيرك أبد يسوى غلاك !!


بونيتا:


يامباعد دمع عيــــــــني.. يـــبيك = والبعد لو طال انا فكـــــــــري معاك

بعض همي ينجــــــلي بلمسه يديك = وباقي الهم يجلى ..لو بهمسه شفاك

خل الوصل بيننا ..وعيني اسميك = بأي اسم تبغيه.. كل مافيني فداك

لو بغيت فرحي والله مايغلا عليك = ياغناتي لجلك برخص الغالي فداك

[الموناليزا]

شاعر الغربة:


يابونيتا ياجعل منهو يبيك = تهتني بقربه .. ويتهنى معاك

نادر مانلقى لنا خير الشريك = نعشقه ونوفي ويبدلنا بذاك ؟

الوفا في ذالزمن أصبح ركيك = والخيانه عذبت مثلي وشراك

الهوى اصبح كما الطفل بسكيك = يفرك هدومه وسط غيله فراك !!

بونيتا:


خيرة(ن) من ربي تجيــــــــك = ولو مابغيت القرب ربي معاك


احفظ ودادك يالغلا براحه يديك = ولو ماعشته اليوم كل امسه فداك


ذي كلمة(ن) بقولها لناس(ن) تبيك = بعت زين(ن) وغالي واشتريت رضاك


كلمـــــــة(ن) ماني بقايلها عليك = لانك اكبر ولاني ماوصلت لمستواك

لك من أبيات القصيد اللي تجيك = والغرور اللي تجمل.. لو ماتعداك

[الموناليزا]

مركب بلا مرسى:

ياللي بايعني ومرخصني وابيك = يللي تجفاني ونا كلي معااك

يللي تتغلى ونا انتزل واجيك = كل همي يانظر عيني رضاك

بعتني وارخصت شاعر مشتريك = رحت تتعنى لشخص(ن)مايبااك

وانته لو تامر بعمري بين ايديك = ماهوت عيني ياعمري الا سواك

من صغر سني تراني مهتويك = وانت من صغرك تهاديني جفاك

ساهر(ن)ليلي واحاتي واحتريك = وانتظر كلمة تبشرني بلقااك


بونيتا:


سحاب دمعه كلمتي لو تجاريــــــــك =في غربتي صاحت ورودي اشـــواك

من خفوقي لي عذر ..به راجيــــــك = ولابحياتي رجيت غير رجــــــــــواك

من المعاني بغني لك وانـــــــــــاديك = والدمع سايل من عــــــروقي بجفاك

لو ما الصغر بالسن كني اضاهيـــــك = ياغير حظي ما انتخا رجوة محيـــــاك

انا غريب بالشعر ضايع مدلي يــــديك =وانا صغير بالهوى ..اسعفني برضاك

وسلامتكمـ..
بونيتا^_^

[صاحب الود]

ابداع


من شاعرنا وشاعرتنا الجميله


بونيتاا



:":

[الموناليزا]

ابداع


من شاعرنا وشاعرتنا الجميله


بونيتاا



:":

الله يسلمك ياخوي وشرفتنيـ بمرووركـ الكريمـ..

دمت بألف خير
بونيتا

[قصايد]

ابدااااااع شرات ماقال خويه صاحب الود ...

يعطيكوووو ألف عااافيه على المحاوره الراااائعه .. وربيه لا هانكوووو

يعجز اللسان عن التعبير ووصف هذا الجمال والابداااع ..

دمتوووو ...ودام ابداعكم ...

ومرحبا الساع

[جريح الحب]

صح الله لسانج يا ختيه على هالقصيد

[الموناليزا]

ابدااااااع شرات ماقال خويه صاحب الود ...

يعطيكوووو ألف عااافيه على المحاوره الراااائعه .. وربيه لا هانكوووو

يعجز اللسان عن التعبير ووصف هذا الجمال والابداااع ..

دمتوووو ...ودام ابداعكم ...

ومرحبا الساع

ربي يعافيج يالغلاا..

والابداع هو تواصلكم ومرووركمـ..

دمتي بخير

[الموناليزا]

صح الله لسانج يا ختيه على هالقصيد


صح بدنكـ..

وسلمت على هالمروور الطيب..

لاخلاا ولاعدم..

دمت بخير

[وردة غلا]

و الله انه ابداع .. .
لا هنتوا .. ننتظر يديدكم ...



وردة غلا ..

[الموناليزا]

و الله انه ابداع .. .
لا هنتوا .. ننتظر يديدكم ...



وردة غلا ..

تسلمين يالغلااا تواجدج هو الابداع

دمتي ولا هنتي