لو سمحتي ... لو سمحتي..

[اشتقت للامارات]

بعد الغياب الطويل أتيت متلهفا لنقل مشاعري المتواضعة لذوقكم الراقي ,, عسى أن تكون عذرا لغيابي..

أتمنى بأن تنال استحسانكم...


ببتعد عن درب حبج بعد ما انتي رخصتي
وأبتدي رحله جديده وبتدي حبٍ جديد
لوسمحتي.. لا تناديني حبيبي... لو سمحتي
مات حبٍ قد جمعنا ونولد قلبٍ عنيد

كنتيَ أغْلى من حياتي مثْل ما كنتي ... وكنتي
ساكِنهْ في وسط قلبي والجوارح لج عبيد
لو بعتدي وبتعدتي مابعدتي .. لو بعدتي
في عيوني صورتج لو تبعدي عني بعيد

غرّج انج ماخسرتي كل ماجيتي طلبتي
ياحبيبه.... تحسبين ان كلّها الاْيّام عيد
ياكثر ماني سهرت وكم تركتيني ونمتي
نايمه... متهنيه... ساهر ونظم لج قصيد

لجْل لا قمتي سمعتي... وان سمعتي مافهمتي...!
ياحرام و ياحسافه وثْر شعري مايفيد
ياكثر منتي خذيتي وياكثر منتي بخلتي
وياكثر منتي جرحتي تحسبي قلبي حديد

والغريبه... ياغريبه... لا جرحتيني فرحتي...!
كنت أحسْب انج ربيع القلب وثرج له ضديد
استغليتي حنان القلب فيني ومارحمتي
مارحمتي.... لين نشفتي الدما وسط الوريد

بالعطا مثل البخيل لْيا وهب انتي وهبتي
بالعطيه لو عطا ما همّه إلا يستفيد
وياغريبه... تشبهين النار لا منج أخذتي
من عرفتج ماعرفتي غير ياهل من مزيد

لكن ان النار تحرق للأسف ونتي احترقتي
فالنهايه وانتهى ياللأسف حبن عنيد
لا تناديني حبيبي.. لو سمحتي... لو سمحتي
من غلاتج فالحشا ما عاد باقيلج رصيد:
:
:
:
:

دمتم بود

والى اللقاء


اخوكم
اشتقـــــــــــــــــــــــــــــــــت للامـــــــــــــــــــــــــــــــــــارات

[~العامريهـ]]

تســـــــــــــــــــــــــــــــــــــــلم اخويه

اشتقت للامارات عالشعر

ماعليه كلالالام

[الموناليزا]

تسلم ياخويه على هالنقل

قصيده جميله لشاعر متميز وتسلم على هالنقل

دمت بخير