..!..عمـــــــــــــــــــرك..!..

[رواضـي]

عمرك حسيت بالغربة ..
وإنته في بلادك وبين أهلك وناسك ..
عمرك حسيت بالغربة مع إن كل شي حولك يقول لك إن هذا هو الوطن اللي عمرك ما عرفت غيره ..
عمرك حسيت بالرغبة في الصياح بدون سبب ..
ويلست تصيح ..
وتصيح ..
كأنك تصيح أيام عمرك .. يوم يوم ..
تصيح أشيا مالك ذنب فيها ..
عمرك حسيت بهالغربة ..
غربة الروح ..
عمرك حسيت بإنك مجرد جثة ..
جسم بليا روح ..
تحس إنك ما تسمع غير صوت صياحك ..
وما تحس إلا بصوت أنفاسك ..
والألم اللي في داخلك يقطعك ..
وكأن الحزن والهم خاووك ..
ومخوتهم كلها وفا ..
خلتهم يحلفون بإنهم ما يتركونك لحظة ..
عمرك حسيت بإن الهم إنولد في حياتك في يوم ولادتك ..
عمرك حسيت بشوية راحة ..
وفي نفس الوقت ..
ياك شخص ..
أو صار موقف ..
أو خبر ..
خلاك تنسى كيف الناس تفرح ..
تحس كأن في حد يا .. وخش صبوعه في يرحك اللي بعده ما برى ..
عمرك حسيت إن كلمة وحيد .. هي الكلمة الوحيدة اللي توصف إحساسك ووضعك في هالوقت ..
عمرك حسيت بإن الدنيا ضياع وألم وهم ..
عمرك حسيت بهالإحساس؟؟
تلجأ لشخص يحاول كثر ما يقدر بإنه يخفف عنك .. ويمكن الموضوع ياخذ معاه ساعات عسب بس يخفف شوي من الحمل اللي تشيله ..
وإيي شخص ثاني وبكل برود في دقيقة ..
يزيد همك هم ..
ويزيد حزنك .. حزن ..
عمرك إبتسمت وحسيت بإن هالإبتسامة من ورا خاطرك وإن مالها طعم أو معنى؟؟ ..
عمرك حسيت باليتم وأهلك قاعدين معاك ..
يمك ..
وغربة الروح اللي إنته فيها بتذبحك ..
بتجتلك ..
وتحسسك بإنك ميت ..
وإن ماشي يربطك في الدنيا اللي حولك غير الهوا اللي تتنفسه ..
والأكل اللي تاكله .. هذا إن كلته .. والماي اللي تشربه ..
وإلا الحياة كلها بالنسبة لك موت .. ضياع .. ألم وآه .. مالهم لا بداية ولا نهاية ..
وتحس فجأة بإن الإيد اللي كنت ضامنها بين إيديك إنسحبت منها ..
حد سحبها ..
أو إنسحبت لروحها ..
عمرك حسيت بإن الموت هو أحسن حل لك ..
وإنته هو الشي الوحيد اللي بيريحك ..
عمرك حسيت بإنك ميت ..
ميت بس يتنفس .. ويمشى ..
وياكل .. ويشرب ..
ويجامل .. ويبتسم عسب ما يجرح شعور حد ..
وإنته شعورك حتى الهوى يجرحه ..
بإنك وحيد ..
غريب ..
ميت ..
" السمــــــــــــــــــــــــــــــــوحة "

[الحر_العنيد]

شي هي شي لا .............


ومشكووووووووووووووووره رواضي على الموضوع الحلو ..............


اخوج الحر_العنيد

[عذبة السجايا]

رواضــــــــــي ,,

كلمات معبره ,,,

يعطيج العافيه وتسلمين على المشاركه الجميله ,,,

[بنوته طرر]

تسلمين اختي ع الخاااطره الحلووه
وخاااطرج تغررررم ما عليهاا كلاام
وكلامج صح 100%
ويعطيج العاافيه

[@المتفيجه@]

تسمين ع الكلماااااااااااااااااااااااااااااااااات الحلووووووووووووووووووووووووووه

[أصايل]

رواضي

هذه ليست الخاطره الاولى التي اقرئها لك

وكل يوم تتجدد باسلوب جميل

تميزت بالعفويه والاحساس المرهف

تعجبني جدا مشاعرك الشفافه

فهي تحمل الكثير

[رواضـي]

مشكورين ع المرور


ومشكوره كل الدلع ع هالكلام

[رمش الغلا81]

مشكوره يا رواضي على الموضوع الحلو

ابدااااااااااااااااااااااع في ابدااااااااااااااع

الله يعطيج العافيه


الله لايحرمنا منج ومن مواضيعج الحلوووووووووووه




سلاااااااااااااااااااااااااامي لج


ختج الصغيره::::

رمش الغـــــــــــ~ـــــــــلا81

[دانـــو]

تسلمين اختي رواضي ع الخاطره الحلوه

[غروووب]

«®°·.¸.•°°·.¸¸.•°°·.¸.•°®»رواااضي«®°·.¸.•°°·.¸¸.•° °·.¸.•°®»
ابداااااااااااااااااااااع يالغاليه وتمييز

اختج

°ˆ~*¤®§(*§*)§®¤*~ˆ°غروووب°ˆ~*¤®§(*§*)§®¤*~ˆ°

[شليويح]

رواضي ... لماذا هذا الحزن والضياع .. لماذا هذه الحيرة والاغتراب ؟؟

فالحياة جميلة ولحظات السعادة فيها كثيرة .. ولكن كيف نستحضر تلك الذكريات السعيدة .. ربما بجلسة في مكان

هادئ لنتذكر تلك اللحظات التي ضحكنا فيها ومرحنا .. تلك الايام الجميلة سواء كانت ايام الطفولة او ايام قضيناها مع

من نحب .

انزعي الحزن من قلبك .. فقلبك الرائع لا يستحق كل هذه الاحزان ..

دمتي سعيدة وخالية البال من تلك الاحزان .

[كيفي عيناويه]

مشكوره يا رواضي على هذي الكلمات الرائعه
سلمت يمناج

[نفحة الهيل]

ليش كل هذا الحزن رواضي ......... الله يصبرج وينسيج همج


الخاطره رووووووعة كلمات معبره وكلمات قويه تعبر عن الخاطر بكل احساس


فلا تحرمينا من احساسج يا الغلا

[رواضـي]

مشكور شليوح و معاشقة زاخر وكيفي عيناويه

الانسان لابد فيه حزن لكن الناس ما يدرون بحاااله