المساعد الشخصي الرقمي

مشاهدة النسخة كاملة : ((المجاملات والواقع......)))


بدوي الهير
30-05-2006, 07:14 PM
السلام عليكم ورحمه الله وبركاته

أشحالكم وعلومكم
اليوم كاتبلكم موضوع بعنوان ( المجاملات والواقع )
وهو موضوع شاغل تفكيري من زمان وحبيت أني أطرحه الكم
وأشوف أرائكم ووجهات نظركم

يعني

واحد كتب قصيده أو نزل موضوع أو خاطره

كيف بيكون ردك على هالموضوع أو كان فالحياه مب شرط فعالم النت

الموضوع عادي ما يستاهل أكثر من الدعوه للتقدم والشكر
وأنتا تكتبله رد عباره عن مقال طويل وعريض
بس علشان ما ينحبط كاتب الموضوع والخ .....
أو
هالشخص عمل عمل بسيط وأنتوا خليتوه أنه حرر فلسطين
من شكر وشهايد وحفلات وترقيات والخ ......

برايكم هالشي ضد أو مع هالكاتب
وسبب أختيار أنك أتكون ضده ووسبب أنك أتكون معاه

ولا تحرموني من أراكم في هالشي


اخوكم..بدوي الهير
نفحة الهيل
31-05-2006, 01:03 PM
ويااه لانك بتشووف الاستمرار النجاح وتطوير النجاح

بعطيك مثل بسيط اليهال مثلا لو مره بالحظ يابووا علامة طيبه بتشووف هله عطووه هدايا وحوافز اليهال نفسه في الامتحان الثاني بيب علامات مرتفعة لان شي محفزنة وينتظر شي من هله

ويعني الكثير لوو انته منزل موضوع من ابداعك وردوو علك الاعضااء بكثر انته من نفسك بتظر الابداع اكثر في المره الياية

وجذيه الدنيا جذيه تمشي

وبقوولك شي

الدنيا مصالح ...

يسلموو ع الموضوع ما قصرت
بدوي الهير
31-05-2006, 01:17 PM
يسلمواا يا عاشقه زاخر

وما تقصرين ع الرد الجميل...

ولاتحرميناااا من ردودج الجميله
نفحة الهيل
31-05-2006, 01:28 PM
افاااااااااااااااا نحن في الخدمة انته ما قصرت ع الموضوع

يسلموو ثاني مرة مبدع دايما
الشامسية
31-05-2006, 05:30 PM
تسلم ع الموضوووووووووووع

بس أشوووووووووف إنك اذا جاملت حد ،،، إنت قاعد تجذب عليييييييييه
مثلا انسااان كاتب قصيده او خاطره او أي شي .....
و هاذي الكتابات مب شي
و الله مب زيييييييييين تقوووووووله أوووووووف ما فيك حيله و كتاباتك رووعه
لا لا
ع الأقل قووول حلوة بس فيها أشيااااء يبالها تعديل أو اي شي

لازم نكووووووووووون واقعيييييييييييين في كل شي

و السموووووووحه
بدوي الهير
01-06-2006, 04:06 AM
أشكرج يا الشامسيه ع الحضور الجميل
رمش الغلا81
01-06-2006, 10:56 AM
مشكور اخوي بدوي الهير الله يعطيك العافيه

وانا من رايي انك ماتجامل اكثر من الازم
يعني اعطه رايك اللى انت اتشوفه يستاهله حسب الموضوع
بس صح انك اذا جاملته ها الشي ايخليه ايطور مواضيعه اكثر واكثر
بس شو الفايده انك كذبت عليه وخليته ايصدق
وانا بصراحه عن نفسي ما احب اجامل حد والا احد ايجاملني احب اعطي كاش في الويه

السموووووووووووووحه



سلاااااااااااااااااامي لك
اختك الصغيره
رمش الغلا81
شبيه الريح
01-06-2006, 04:36 PM
مشكوور اخويه بدوي الهير..... على طرح الموضوع الرااائع.... والشيق......بس غريبه مب منقووول ولا مكرر............هههههههههههه

الصرااحه مافيه احد فالدنيا مايجامل ولووو شوي بس........بس مب في كل الحالات...... انا ماحب اجامل ولا احد يجاملني......يمكن شخص نفسيته طايحه........وانته جاملته وارتفعت..........هكذا الدنيا يا بنى آدم.............اخووووك شبيه الريح
بدوي الهير
02-06-2006, 10:16 PM
أشكرج يا رمش الغلا ع المرورالجميل

يسلموا يا شبيح الريح ع المرور الجميل
مذهلة دبي
02-06-2006, 11:52 PM
بصراحه....
انا معاك يا بدوي الهير....انا لاحظت في المنتدى كميه مجاملات...حتى ان الموضوع لو كان شيق...يندفن بسرعه لعدم التفاعل...حتى لاحظت ان لو اي حد كتب رد و جامل...كل حد كتب وراه...و بدون قراءة الموضوع الاصلي....اتمنى من الاعضاء قراءه المواضيع و الرد بدون مجاملات....ولا شو الفايده من طرح المواضيع؟؟؟؟؟؟؟؟
و انا ما اظن ان المشاركين ينتظرون بس كلمة(( موضوع روعه..صوره طرررررررررر... ما فيه حيله.....يسلمو....الخ)) الموضوع معروض لتبادل وجهات النظر و الافكار...
بدوي الهير
03-06-2006, 01:34 AM
صح صدقتي يا مذهله

ويسلموا ايا اختى ع التوضيح الجميل