محاوره شعريه للشعراء فقط!!!

[الموناليزا]

السلام عليكم ورحمة الله وبركاتة


مرحباا



( لشعراء فقط )


او من يستطيع المجاراة


بداية

أحببت ان اضع هذا الموضوع لوجود شعراء في هذا القسم يملكون غريزة من الشعر

اخص بها ...!!

كل الشعراء في منتدى الهير



ننتظر من يبدى منهم المحاورة

والمحاورة تكون ثنائية او رباعية



لانحب الاطاله فالمشوار طويل بين الشعراء

أتمني ان تكون هذه المحاورة تلاحم بين الاخوان ولايوجد بها اي شوائب .

ننتظر شعرائنا ,,,,

ولكم مني اجمل تحيه واتمنى ان نجد مواهب شعريه والالتزام بالقافيه هو اهم شي في الشعر وان اختل فلا بأس بقليل..

سلامي لكم

[قصايد]

السلام عليكم ورحمة الله وبركاته

في البدايه اود ان اقدم خالص الشكر والتقدير لكي يا اختاه ...

على هذا الموضوووع الرائع .. الذي منه سوف تعم الفائده على الشعراء المبتدئين والمتمكنين ...

والذي ايضا يرفع من صرح المنتدى ...

الله يعطيج العافيه يا ختيه ...

ولي عوده ان شاء الله

[صاحب الود]

السلام عليكم

موضوع شيق
وجميل


:


وعندي كلمات ودي حد يجاريني او الذي يحب يجاريني ؟


:":":


خاطري له عاف وانشل = من خفوقي وانوي اسرياا

والوداد الماضي اختل = وزن حبه بات ابلياا

منه شفت الويل والذل = ومنه عفت النوم مولياا

حتى صار والورد يذبل = ماتت اوراقه بيديااا

والسموحه واتمنى من الاخوان يمشو على القافيه

:

وياهلاا

اخوكم

[الموناليزا]

حيااا الله قصاايد مرحباا بج شاعرتنا وهذا هو هدفي من الموضوع
والسمووحه خوويتييه ماشاورناكم سمحيليه فديتج

حياا الله صاحب الود ابدعتنا خويه بالحظور واتمنى منك التواصل فهي مسيره رائعه من كلماتكم خوي..


حي من صابه مصاب واعتل = لك سلام يفوق شطر المرايا
حي به صاحبٍ بالود يذهل = حي بحروف زانتبها سجايا
صاحبي خل الضيق واعقل = دامه نوا بالشين النوايا
في جداكم قلبي احتل = ديره بالزين خير العطايا
دام غيره جاك وافضل = فضل من ربك وسيد البرايا
واختم بهم من عد واجمل = زانت بكم صفحه سمايا


والسمووحه بهاالرد البسيط..
يعطيكم العافيه ياربي

[الموناليزا]

امممم بس جنيه كسرت الوزن يالله عدووها هالمره ^_^

[الشاعر الكعبي]

السلام عليكم

اشكرج اختي على محاوره شعريه بينا وبين كل اعضاء المنتدى

يعطيج الف عافيه



ولي رجعه ان شاء الله

[الموناليزا]

تسلم اخوي الشاعر الكعبي وبانتظار تفاعلك ويانا..


ببدأ محاوره بسيطه وأتمنا الاقى التفاعل المطلوب....

أبدعونا بتواصلكم كنا نتمنى تواجد اكبر تفاعل فالموضوع..



غريب عن داره ولو غــاب = يبقا ذكرهم في دماـنا
مهما تغـّـرب ربع وأحباب = كنهم نجوم بسمــــانـا
مخوة(ن) وعزّ أصحــــاب = من قربهم نروي ضمانا

وبإنتظـــار التفااعل..

ودمتم بخير

[صاحب الود]

<><><>



ابيات جميله منك يا بونيتااا:



واقووول :



هجر الغريب عن دار لصحاب = شروا المريض لي منه عانا
وهجر الحبيب به عوق مصطاب= في القلب خيم به حزاناا
لا عاد تذكر عام لي غاب = ارفق بحالي يا الدماناا
انسى دخيلك كم جسى وشاب = راسي وانا عمري ثماناا

[الراشدي]

تسلم اخوي الشاعر الكعبي وبانتظار تفاعلك ويانا..


ببدأ محاوره بسيطه وأتمنا الاقى التفاعل المطلوب....

أبدعونا بتواصلكم كنا نتمنى تواجد اكبر تفاعل فالموضوع..



غريب عن داره ولو غــاب = يبقا ذكرهم في دماـنا
مهما تغـّـرب ربع وأحباب = كنهم نجوم بسمــــانـا
مخوة(ن) وعزّ أصحــــاب = من قربهم نروي ضمانا

وبإنتظـــار التفااعل..

ودمتم بخير




لو بالغريب حب لصحاب= ما تغرب وذكره عنانا
قريب وذكره لنا طــاب=وفي ذكره نغني هوانا
قدر المخوه كما مد السراب=يقدرها عزيز النفس اللي حوانا


واشكررج ختيه على الطررح المميز .. والسموحه منكم على القصوور

[العقيد]

السلام عليكم

راح الغريب وغاب *** في ظرف يوم نسانا

تعلل علـينا وتاب *** من حبنا مع هـوانا

ولكم تحياتي

العقيد

[راعي رجاب]

يالي لقيت في عيونك سراب ...............تسرح وتمرح وانا داري

خليت الوصل غالق ابــــواب................وانا لجلك فتحت لك داري

عشرت ود وبعدها خــــراب................نسيت كل دمعه فيك ذاري

واليوم ترا ما اوطالك تـــراب................ غلطان يوم قلتلك شاري

[العقيد]

مرحباً

أنا الغريب اللي مشى يوم وانعاق *** وأنا الحزين اللي تعرفين ذوقي

وأنا السحاب اللي مشى يوم وانعاق *** شمسك تحدت في سماها بروقي

انهد عمري حزن وادموع وافراق *** ومجاهد التذكار صرم عذوقي

واليوم أعيش وخاطر الحب خفاق *** للصبح يوم الصبح عيا يفوقي

العقيد

[الموناليزا]

هلا ومرحبااا والله نورتو الموضوع اخواني بطلتكم وتواجدكم ...

صاحب الود.
.رائعه تلك الابيات وجميل ما ابدعت فيك لك أرق التحيه..
جميله هي المحاوره معك وننتظرك هنا للمحاوره التاليه..

الراشدي.
.سلمت وصح لسانك ولاهان ذا المنطوق ياخويه ودي اني اكمل الابيات بس اخوي العقيد بدا في محاوره اخرى..
نلتقي وإياكم هنا اخيا لكريم

بانتظارك في التالي..

العقيد..ا
نرت لنا الصفحه اخي الكريم ودائما جميل ماتخطه اناملك والحروف هي الشاهد على هذا..
وتسلم على التواجد الكريم لنا محاوره بإذن الله..

راعي رجاب.
.اسعدتنا طلتك هنا واثبتت حضورك ..
لك مني مودتي بانتظارك في التالي..

دمتم بألف خير

[الموناليزا]

مرحباً

أنا الغريب اللي مشى يوم وانعاق *** وأنا الحزين اللي تعرفين ذوقي

وأنا السحاب اللي مشى يوم وانعاق *** شمسك تحدت في سماها بروقي

انهد عمري حزن وادموع وافراق *** ومجاهد التذكار صرم عذوقي

واليوم أعيش وخاطر الحب خفاق *** للصبح يوم الصبح عيا يفوقي

العقيد


الغربه ماهي بعد .. وفراق = الغربه هي نفسٍ بليا خفوقي
لي تنتخي جرح منســاق = تصبح كما الغار خاوي رقوقي
ياصاحبي دمع عيني انساق = كيف وانا عزوته دمع موقي
صاحبي لك قدر(ن) وفــاق = العقيد ..اسمه تجلى بذوقي

وتسلم ياخوي وبانتظار المزيد..
بونيتا

[صاحب الود]

الله

ويستاهل العقيد


ونتريا الرد

؟


:":":


دمتوا بود

؟

[العقيد]

مرحباً بكم جميعاً

علمت أن المحاورة ( الكتابية ) لا يعود لها المرء مرة أخرى

إنما يكملها غيره حتى آخر واحد وتتغير

بقاف آخر بعد ذلك . على أية حال أعتذر عن فهمي الخاطئ

******

لا تـعذلي قـلـبٍ من الحــب خـفَّـاق *** الشـوق يملى بالـمودة عـروقي

أسهر طوال الليل واعيوني احداق *** عين سهرها شال حسرة خفوقي

هواه في قلبي سواليف مشتاق *** وجرحه يغطي كل ما امشي طروقي

يا بنت مقدارك ترى فوق الافاق *** بس إن محبتهم صرمت في عـلوقي

******

علماَ بأنني لست بشاعر إنما هي محاولات يغلب عليها الإقتباس

ويكثر فيها الكسر فعذراً ثم عذرا .

تحياتي : العقيد

[الموناليزا]

مرحباً بكم جميعاً

علمت أن المحاورة ( الكتابية ) لا يعود لها المرء مرة أخرى

إنما يكملها غيره حتى آخر واحد وتتغير

بقاف آخر بعد ذلك . على أية حال أعتذر عن فهمي الخاطئ*



مرحبا اخي الكريم العقيد..

المحاورة الكتابية(الشعرية) يعود فيها الشخص لأكثر من مره متى ماتطلب المعنى في الابيات للتوضيح
فالمساجله هي اللي تتغير إلى قاف جديده في كل حين..




علماَ بأنني لست بشاعر إنما هي محاولات يغلب عليها الإقتباس

ويكثر فيها الكسر فعذراً ثم عذرا .

كفييت ووفييت يالعقيد لك بصمه واضحه من دون لا اتكلم وامدح..

الله يعطيك العافيه وشرفنا تواصلك بانتظار بداية ثوب جديد لمحاوره جديده..

دمت بخير

[الموناليزا]

كل ماجيت بذكر غاليٍ لي جــــفا = انحنت بي دروبي واتعبني المســير
قال ماكل ربع(ن) ذكرهم ينخــــفا = فيه ناس(ن) تجامل وجرحهم مايبير
ذي حكمة خوي (ن) التزم بالـــوفــا = والزمتني ظروف اجبرتني فقيـــــر
فقر حظ(ن) رزين(ن) صافي نبع الصفا = ذي يبويه تلون مثل ترك الضمــيـر
وان دثرني حظوظي يوم ربعي نـفـا = ذيك قوم(ن) نسوني وانتخوني صغير
... بانتظار الرد ...

[العقيد]

كل ماجيت بذكر غاليٍ لي جــــفا = انحنت بي دروبي واتعبني المســير
قال ماكل ربع(ن) ذكرهم ينخــــفا = فيه ناس(ن) تجامل وجرحهم مايبير
ذي حكمة خوي (ن) التزم بالـــوفــا = والزمتني ظروف اجبرتني فقيـــــر
فقر حظ(ن) رزين(ن) صافي نبع الصفا = ذي يبويه تلون مثل ترك الضمــيـر
وان دثرني حظوظي يوم ربعي نـفـا = ذيك قوم(ن) نسوني وانتخوني صغير
...

لا تذكَّر زمان طاف لك وانجفا *** تتعب الروح صاحي والمقدر يصير

والمولع تبيِّن قصته وان خفا *** والجروح المريرة كايدة ما تبير

كم نصحني خليلٍ رايدٍ لي وفا *** بس قلبي دليلي دلَّني للعسير

الحظوظ الفقيرة ملازمة لي وفا *** لزمة اسهيل لليل الطويل العسير

والسموحة لقد انتظرت الرد ولكن طال الإنتظار

تحياتي : العقيد

[صاحب الود]

اسموحه مداخله بسيطه "



الخوافي تبين كل خافي خفا = يا رفيقي عسيرك به ميَسر يسير
لا تكدر مدامك لك محبه وفا = دام بالك مريح ما يهمك عسير
ضامي المورد يرى عطش ولا جفا = ما يهمه مكان بس وده ببير
لين يروي ضماه وعقب همه لفا = دار موطن يباشر به عسى منه خير
يا العقيد الميسر عند الي ضفا = خالق الكون كله خالقي له اسير

[الموناليزا]

لا تذكَّر زمان طاف لك وانجفا *** تتعب الروح صاحي والمقدر يصير

والمولع تبيِّن قصته وان خفا *** والجروح المريرة كايدة ما تبير


صاحبي لو ماتكدر بالـــــــــجفا = هذي الظروف اللي نعانيها تصير

جرح يبرا وجــــــــــرح لا ماشفا = وجروح تسهد وتشقي الجهد المنير

يا "العقيد" بعض الجروح طعن وجفا = وبعض الجروح من قل وتقصير




ضامي المورد يرى عطش ولا جفا = ما يهمه مكــــــــان بس وده ببير
لين يروي ضماه وعقب همه لفا = دار موطن يباشر به عسى منه خير




لي تورد للمياه اعطشا = وانسقى حر(ن) من البيرق حرير
ذي مثال ايه بظربه اكتفا = لو بأمثال وحكم ببقى صغير..

وشكرا على تواصلكمـ

[صبي كوميدي]

سمحولي عاد بيتين ولاني عارف هني على كيف تمشون والوزن اييني يوم صح وسنه يعاكس
ههههههههههههههههه


الصبر و الله كثره يحرقا = ما يصير الصبر دايم ما يصير
الدعا مقبول في جوف المسا = وربك الي بالاجابه هو جدير

[محمود الشاهين]

السلام عليكم والرحمه .....


أشكرك ِ بونيتا على موضوع هذه المحاوره

واشكر كل من شارك ويشارك ...

وسمحولي معكم ابدي بمحاوره جديده ... ولكم مودتي





توني دريت اني بقلبك سحـابه = مرت ولا شافت مطـر في حـياتك؟
توّه فقد قلبي عشانك صوابه = ياللأسف .. محد ٍ يسوي سواتك !
تركت قلبي في مواني عذابه =وانت الذي لاهي بمركب نجاتك !!


واترك لكم المجال ...

فاءق احترامي والتقدير


شاعر الغربه

[قصايد]

السلام عليكم ورحمة الله وبركاته

مرحبابك يا خويه ...شا عر الغربه يسعدنا تواجدك الكريم والمشرف


القلم محتار وهو يكتب اجابه = خايفٍ تجرح حروفه ذكرياتك
والفكر سارح يقول انهم ذيابه = ذوله اللي اسرقوا منك حياتك
واعزفوا لك احلى ألحان الربابه = واسلبوك انت شجونك وامنياتك
وانت تردد مرحبا به مرحبا به = ذا حبيبي وثم يتبعها سكاتك

وسلمتو ... ومرحبا الســـاع

[صاحب الود]

الله عليج يا قصايد






واعزفوا لك احلى ألحان الربابه
واسلبوك انت شجونك وامنياتك
وانت تردد مرحبا به مرحبا به
ذا حبيبي وثم يتبعهـا سكاتـك

[الراشدي]

مداخله بسيطه مني وعساها تحوز على اعجابكم




اهيعت وبيه جرح=جرح بليا طبيب
من ليعتي اشكي لسع=من لي خذاني سليب
بو عيون سود دعج=اطرحني بجرح غبيب
ثيبوني يا هل الشعر=ثيبولي قلب صويب

وسوااااااااااااااااالم ..

[! حلو المزوحي !]

راعي القلب الصــويب === لي يـــدور عن مثيب

مرحبا بــــه زود والله === عد مــــزنً هو صبيب

شيفتك تشكي فراقه === الغـر لي ثغره ذويب

لي تحلا بزيـن يوسف === لي جماله هو عجيب

كن خلك صـــــد عنك === صير له اقرب قريــب

لا تخلي الغير ياخـــذ === نور عيــنك والحبيب

سايسه بالقول يمكن === هو علاجك والطبيب

==========

هذااا ومنكم العذر والسموحه

والسموحه منك يا الراشدي ... لو غيرت الوزن شويه

والسمووووووووووحه

حلو المزوحي

[! حلو المزوحي !]

السمووووووووووحه منكم

بنغير القافيه

------------------------------------------


لسان الحال هو يشكي من الحســرات والضيجه ++++
++++ من الخل الذي قفى أبـــــــد ما راف بحساسي
حبيس الهم في صدري ولا بيصــــــــــير تفريجه ++++
++++ يلين اشــوف انا خلي قريب اقــرب من انفاسي
خليل صد بي يا ناس بلا زلـــــــــــة ولا عيــــجه ++++
++++ ولا عرف يا ملا والله علامـــــه بالطبـــع قاسي



حلو المزوحي

[بن متــرف]

بحور الشعر وامواجه اذا هاج بتلجليجه ==== يسلي خاطر الظايق ويمسي رافع الراسي

واذا بيت الشعر م الحلو لمزوحي تمازيجه ==== عليّه الشرط بنه يبري المجروح بمواسي

ترا للشعر ذوق وانته اذواقه وتفاريجه ==== يكفّي شووف بيت الشعر لي موزون بحساسي

وانا تلميذ في شعري مسحت الصخر تعريجه ==== واذا تسمح بنعشب جونا با الشعر بطراسي




.........

[! حلو المزوحي !]

هلا يا مرحبا بلي لزيـــم القلــــــب ورفيجه ==== هلا يا مرحبا بلي نسج شعــــره بلحساسي

هلا بك يا زعيم القوم هلا يا بـاري الضيجه ==== هلا يا من وصل قدره عــلاوه مالها اقياسي

يا بن مترف انا ظامي وحلجي ناشفً ريجه ==== وبي منك غديرً عذب صبيبً صب في كاسي


........

[الماسه]

هلا به عد رمل وبر ني طيجه ... هلا به حلو لمزوحي بلا قياسي
ابيات من الشعر بك تماريجه ... قصيدك ياخوّي الليل شيّد الساسي
كلامك دّر ياشاعر عرف نهجه... السموحه مني "قصيدي"درّ و"ألماسي"
ولو بدى قصيده وشعر تهريجه ... قصيدي لاملا بيت ولا فضا راسي
السموحه بس حرف ماطيــــــجه ... بلملم فيه كل ماضي احساسي

الماسه

[الكايــد]

يامرحبا بالماسه وحلو المزوحي وصديقه...قصيدا" يشوق بلي في الهوى ناسي

الحال واحد يالمزوحي في تصاويبه....عندي صديق قفى ولاحس بحساسي

[شوقي حمايم]

قصد عليه انزين يوم انت شااعر

[! حلو المزوحي !]

من افراق الوليف اليوم خفـوقي طاويً قيجه ==== يتف خمسه وسط لدروب يبي يلحق يلي ناسي

يا خويه شوف لي دبره انا لفــــراق ما طيجه ==== ابي خلي يرد ايشوف حبيبه كيـــــف محتاسي


والسمووووووووووووحه منكم


حلو المزوووووووحي

[شوقي حمايم]

انته حلو المزوحي قصد علييه

[الموناليزا]

السلام عليكم ورحمة الله وبركاته


اسعدتوني بهالتواصل الرائع لكم الف شكر


لي عوده بأبيات سابقه اتمنى منكم المجاراه او الرد

الا فضا لي الجو والدمع هّدار ... اليا شكيت الجرح منه اشتكينا
يامدمعي لاتظـــن ..صبّــــــار .... صابر وبحـــــــري بدون مينا
هيجت بالخاطر ريح واعصــار ... والـــــــــوصل عيّا لايــجينـــا
بعد الغـــــــــــــــدر هل مدرار ... قلت بمماتـــــــي "مات فينا"

لكم كل الود
بونيتا

[سليل المعاني]

السلام عليكم ورحمة الله وبركاته


اسعدتوني بهالتواصل الرائع لكم الف شكر


لي عوده بأبيات سابقه اتمنى منكم المجاراه او الرد

الا فضا لي الجو والدمع هّدار ... اليا شكيت الجرح منه اشتكينا
يامدمعي لاتظـــن ..صبّــــــار .... صابر وبحـــــــري بدون مينا
هيجت بالخاطر ريح واعصــار ... والـــــــــوصل عيّا لايــجينـــا
بعد الغـــــــــــــــدر هل مدرار ... قلت بمماتـــــــي "مات فينا"

لكم كل الود
بونيتا
انا دريج الحب واسجل اسطار000واقول وين الحب يالعاشقيـــــنا
نار المحبه فالحشا تشعل بنار000وين الذي بيثيب واليه يعيــــــنا
جأسيت ظرف الحب امرار وامرار000 ولاريت لي فالعشق قلبن يلينا
اتبع دروب الحب واعد الاشعار000وردد الونات وربعي مهتنيــــنا

[! حلو المزوحي !]

يا مرحبا مرضـــــــــــوف مليون تكرار === ومن فوقهن ريح الخـــــــزاما طوينا

وفي وسطهن عودٍ وقع في وسط نار === وفاحت طيوبه عطــــــر غالي ثمينا

للصاحب اللي خـــــــــط عاني بلشعار === للي يثيــــــــــب اللي معــذب حزينا

يا خوي يا نســـــــل الشرايف ولحرار === انا وغيــــــــــــرك من صروفه لعينا

الحب لي معـــــــــروف قاسي وجبار === لي من صروفه دوم دايم شكــــــــينا


والسموووحه منك يا سليل المعاني ع الرد البسيط

وتصبح ع خير

حلو المزوحي

[الموناليزا]

الحب لي معـــــــــروف قاسي وجبار === لي من صروفه دوم دايم شكــــــــينا

الحب ماهو نار او غيره وثار === هو بلسم اجروح افتكت فينا
ياغير حظ اللي تردا وحظنا بار === لي يهتني به واحد من الملايينا

وسوالمكم

تسلمون على هالمجاراه الطيبه

[صاحب الذوق]

الحب مثل السيف بتار***** الحب يذبحه عاشقينا
مثل الهجر ع القلب جبار**** ياويل حال المبتلينا

[الكايــد]

مساكم الله بالخير


بنغير القافيه ^ـــــــــ*


السمووووحه منك



ياصاحبي والله ماني بناسيك
لو الجفا يمشي معك مثل ظلك

أغليك من بد المخاليق وأفديك
ولو تطلب عيوني تييك محلك





ملك الحب

[الموناليزا]

ياشوق .. يامسك العطر لي يناديك
.......................... أدري غيابك صعب وادري بوصلك

لك بسمه من قلب حبك ويــــــغليك
......................... وبداك قبل الغير .... اظن قبل ظلك

..poneeta ..

[الكايــد]

انرجس والياسمين والفل بخـدودك
...................تبــــها وش علــــيك دام الـــورد اوصـافك
احبك موت ويـزيد الــــفرح بوجـــودك
.................. وربي تدخل الخافق ويحبك كل من شافك


...ملك الحب...

[الموناليزا]

الا بالله خبري الا ضاقت عليه حدودك ..
............................. الا بالله علمني الا متى عني تصد ابوابك
صحيح البعد يحرقني يموتني صدودك ..
............................. الا ياقلبي الشاقي تهنى ابعذابه وعذابك.

..poneeta ..

[الكايــد]

دريت اني عالموعد اسابق خطوتي صوبك ...
.......................... اترجى نبضاتي لاتبين لهفتي لقلبك
ما قدر علــى بــعدك ومـا قـدر على صدودك...
.........................بـصبـر على هجرك ولـــو طال ويـلك



..ملك الحب..

[الموناليزا]

غبت عنا ولاقدمت الاعذار ..لمحبوبك
........................... هانت عليك ايامنا .. وخطوات في دربك
ضم بعيونك غناتي صوره احدودك
........................... وارسم بجفنك .. شوق.. وتذكار حبك

.. poneeta ..

[الموناليزا]

.. السموحه بنغير القافيه ..


.. امتلكته وامتلك قلبي وذاتي ..
.................................... ماهي حلمٍ او مجـــــرد ذكرياتي ..
..هذا طيفٍ .. لاخيال ولا حقيقه ..
..................................... بس احسه مثل ظلي في حياتي ..

.. بونيتا ..

[الكايــد]

آآه آه أنا لو شكيت مابي يعجز لساني
.................................... أبتسم للناس وانا مجروح وضاني
هاتي عطيني وزيدي جرحي بهمـي
..................................هلابك وهلا بطيفك اللي لفاني



ملك الحب

[الموناليزا]

لاتزيد الجروح اللي بزماني
............................... لاسكت في موج الكلام انطقتني
انته ادرى من عذابي كم اعاني
............................... مالي غير حرفٍ تكسرّ ولا فهمتني

.. بونيتا ..

[صاحب الذوق]

لاتعاني يا حبيبي المرحباني
دام راسك يا حبيبي فوق متني
خلانا نحيا ف حلوات الاماني
دامها الدنيا غناتي علمتنـــي

[الراسية]

كساني الحزن ثوب الاهوالي
والهموم من بعيد لفتني

ابكي زماني في اول وتالي
ابكي والدموع حيل احرقتني

[صاحب الذوق]

انا للحب والله ما ابالــــــــي
عزيز النفس نفسي ارفعتني
سهير الليل كلها ع الطوالي
اشوف الموت والدنياء رمتني

[الراسية]

ماهمتني الدنيا على طول الاحوالي
كل همومها وبشعيل نارها كوتني

صابر على جرحي طول الليالي
ومن الصبر روحي غصب فارقتني

[صاحب الذوق]

انا ونيت يوم الزين سالــــــي
دريج الحال وهمومي ضوتني
اساهر نجمتي طول الليالـــي
ونيران المحبه ولعتنـــــــــي

[الراسية]

دمع العين من العين سالي =والدنيا بكثير همها حيرتني
محروم يا يوم الفرح والتسالي =احزاني وسط قبري ادفنتني

[الكايــد]

مرحبا مليون عد ماهل همالي
...............للهنوف للي بحرفها اسحرتني

ليت حظي يعطيني مجالي
.................. اوفي ..اللي بشعرها اطربتني

[الراسية]

حروف الشعر بروقها تلالي =ترعد ومن قوتها حطمتني
جيت بشكي من حزن حالي =هلت دمعتي واسبقتني

[الكايــد]

وش حصل يالصاحب الغالي
....................... شفت ضيقه بالشعر جتني

قلبج شكى والدمع سالي
..................... من موق عينج الحزيني

[الموناليزا]

الله الله عليكم ياخواني صح الله لسااانكم وبارك الله فيكم محاوره جميله

اسمحولي وهذي بدايه لمحاوره جديده

بايت انادي وسط نار ولهايب ..
............محروز ياللي من تصاويبــــــــك ارماح
ارميتني فاليوف بظلم الحبايب ..
.............وامسيت انادي وسط دمـــــــع فضّاح .

.. بونيتا ...

[الكايــد]

شبيت في اقصى ضميري لهايب
........................ وابطيت وانته تمزر الروح بجراح
ادعيت قلبي مـ العنا صدق ذايب
................... ياويح قلب (ن) شاف زينك ولا طاح


ملك الحب

[الراسية]

بونيتا

دموع الحزن بايته سكايب=والهوى كله هموم وجراح
ويلي انا من هجر الحبايب=اللي عليهم القلب ناح

[الكايــد]

الراسيه

بايت على روس السحايب
................... واكذب عليك واقول مرتاح
يومك على الخفاق غايب
................... وشلون بهنا في يوم بفراح

[الراسية]

ملك الحب تحياتي لك يالشاعر

واقووول :

معذور دامك في الهوى ذايب=تبكي السهد من زود الاتراح
غايب الفرح عن سماك غايب=ضاع الهنا والعمر راح

[الكايــد]

طب عوقي والقلب شايب
....................وعوقي بالقلب هم ماراح
راعني بالود والود طايب
.....................لاتترك اللي بالحب ناح

[الموناليزا]

بونيتا

دموع الحزن بايته سكايب=والهوى كله هموم وجراح
ويلي انا من هجر الحبايب=اللي عليهم القلب ناح

ان قلت مجروح قلبي نهايب ..
........ قالو جراحك عّد برّاق لاح ..

وان قلت ماهنالي اطايــــب ..
...... قالوا جنيت بيدك ارمـاح ..

بونيتا

[الموناليزا]

طب عوقي والقلب شايب
....................وعوقي بالقلب هم ماراح
راعني بالود والود طايب
.....................لاتترك اللي بالحب ناح

شفت ذي دنيتي ياهي عجايب
............. ان جيت بالزين جاك الشين لوّاح

وان عسروك القوم ربع وقرايب
............ اصبحت لاظي من مهاليك وجراح

لاتنوي الشينه ترا الظن خايب
........... وان قابلوك بزين .. ياخير مرتاح

.. بونيتا ..

[الكايــد]

بونيتا



كم وكم جاسيت التعايب
...................وكم غيري بالهوى طاح
وكم زاد بالقلب ذايب
.......................من زود حبه زاد لنواح
آخذ مع الود ورد الطلايب
.................ووقتي خذمني كل لفراح
ما بقى بالحيل الا العطايب
...................وانا بدنيتي همت سواح
اسرح بفكري فوق الغرايب
....................والفكر تاه مني وشاح
آه يا دنيا وكل المصايب
....................وآآه من همن عليه طاح
ترفق يا محبي وخلنا حبايب
.................. وندمل العوق وكل لقراح
من فراقك اصبحت شايب
......................وزاد بي الشيب وصاح

[الموناليزا]

بونيتا



كم وكم جاسيت التعايب
...................وكم غيري بالهوى طاح
وكم زاد بالقلب ذايب
.......................من زود حبه زاد لنواح
آخذ مع الود ورد الطلايب
.................ووقتي خذمني كل لفراح
ما بقى بالحيل الا العطايب
...................وانا بدنيتي همت سواح
اسرح بفكري فوق الغرايب
....................والفكر تاه مني وشاح
آه يا دنيا وكل المصايب
....................وآآه من همن عليه طاح
ترفق يا محبي وخلنا حبايب
.................. وندمل العوق وكل لقراح
من فراقك اصبحت شايب
......................وزاد بي الشيب وصاح

لوبزيد البيت بحروفٍ طلايب
................ ماهو ودي اتعب الشعر بمزاح
يوم نومي انحرم عيني سلايب
............... هذي دنيا يوم اقفى عنك وراح

لاتزيد المواجع منها صوايب
.............. انجرح الاحساس من ظلم الافراح
ادعي ربك تنفرج هالنوايب
.............. مايرد الشـــــين لا اورد وفــاح

[الكايــد]

لوبزيد البيت بحروفٍ طلايب
................ ماهو ودي اتعب الشعر بمزاح
يوم نومي انحرم عيني سلايب
............... هذي دنيا يوم اقفى عنك وراح

لاتزيد المواجع منها صوايب
.............. انجرح الاحساس من ظلم الافراح
ادعي ربك تنفرج هالنوايب
.............. مايرد الشـــــين لا اورد وفــاح


طاب القصيد من عندك طايب
...............وطابلي الوقت يوم البرق لاح
واستراح القلب من بعد التعايب
.................وزالت لهموم من قلبي وشاح
اغلى الصديق بالبعد غايب
..................... خص اذا جتني منه الحاح
رافع الهامه فوق السحايب
................... راعي المعنى ومعناه فاح

[الموناليزا]

طاب القصيد من عندك طايب
...............وطابلي الوقت يوم البرق لاح
واستراح القلب من بعد التعايب
.................وزالت لهموم من قلبي وشاح
اغلى الصديق بالبعد غايب
..................... خص اذا جتني منه الحاح
رافع الهامه فوق السحايب
................... راعي المعنى ومعناه فاح

عجز وصفي عن احساس الغرايب
................... وصدق شعري بموج البحر لاح
الا ليت الذي ابدى الـــــــطلايب
.................. يمد الخافي ويطــــوي الجراح

[الراسية]

وين الاهل وين راحوا القرايب؟=وين الذي يبدل حزني بانشراح؟
مات الوفا والظن صار خايب =دنيا الوهم مابها زين يا صاح .

[الكايــد]

آبشر بقلب يشيل همك والمصايب
........................آبشر بقلب يبدل احزانك أفراح
باقي الوفا فّيه ولو كان غايب
.............عطني همومك يا عسى آتكون مرتاح

[الموناليزا]

الافراح راحت يوم اقفو لهايب
........................ استكثرو جيه على مر ما راح
لو ما الملامه كان دمي سكايب
...................... واستنكرو يوم الدمع لي طاح

[الكايــد]

حلم عقب فرقاكم ماهو طايب
....................... والقلب ترا والله صابه آجراح
بلسم جروحي في يدين الحبايب
................. يا طب جرحي ويا مصدر الافراح

[الموناليزا]

معذور ياللي من جراحك عطايب
.......................... مسموح لو ما اخطيت بجراح

تخطي ونعذر .. بحكم القرايب ..
........................ تبقى خوينا.. وسيــد الملاح

بونيتا

[صاحب الذوق]

العوق انته وانت طب الطبايــــب

تشفي جروحي وانت اليه جراح

مادريت الحب للعاشق مصايـــب

وانتهو العشاق في حب الملاح

[الراسية]

الهم للروح كله عذايب =والدمع من العين غصب طاح
القريب قبل الغريب صار عايب= حتى الصديق ظله اقفى وشاح

[واحة نفسي]

لا تكشف همومك للغرايب

واحذر صديقك لو هو فلاح


ما للهم شريك ولا صحايب

خل همك في قدرك لو فاح


الف شكر على الموضع المميز

[الكايــد]

مايبوح بالأسرار ياغير خايب
........................والسد مايبغيله آفضاح
خاوي الذي في الشد نايب
.......................وآبعد عن الي يبالك آتراح

[صاحب الذوق]

أمير الشعر وعندي له كتايـب

اعد الشعر فــي وصف المـلاح

انا والله فكري دوم طايــــــب

طاح الشـــعر عندي واستراح

[الراسية]

والله انك يالخوي في قولك صايب=صعب تلقى لك شخص نصاح
دنيا العجب تشوف منها العجايب=كلن فيها ينوي كسب الارباح

[صاحب الذوق]

سهرت الليل وفي صدري لهايب

دريج الموت أسأل ويـــــن راح

تركني وسط عيات الهــــــبايب

وخلى القلب يتسقى الجــــراح

[الموناليزا]

طريت الوقت الفتني مصايب
.....................فكل ساعه دمعـــــات الصياح

واذا ابقيت عبراتي لهايب
......................يضيق الدهر وافراقي سماح

[صاحب الذوق]

اعد الشعر ودموعي سكايب@@@ودمع العين فوق الخد طاح
انا ونيت من حبه السبــايب@@@سهرت الليل لين الفــير راح

[الموناليزا]

صح الله لسانكم على هالمحاوره

نبا قافيه يديده ونتريا حد يبديها منكم يالشعراء

[مرحبـاني]

صارلي مده ما شاركت في المنتدى

وحاضرين انا الي ببدأ بقافيه يديده


يا من ملكت الفكر رده
................................. خفف على روحي شويه
بنشدك قلبي وش يشده
................................. اظن به سوى سويـــــــه

[بن متغرّب]

هذا الهوى و اسباب ودّه=ماهي حروز ولا سويّه
باب الوله ماروم أسدّه=ياليتنا نخلى سويّه

[الكايــد]

الفكر مشغول ياخل حده
..............................فكري معك انا بليا هويه
القلب ضايع من يرده
...............من هو طعني في الضهر طعنه قويه

[بن متغرّب]

سعدي انا يا صاح سعده=عشقه روى جاشي رويه
لو شام عنـّا بس مده=اعيش في لحظه شقيه

[شماسي]

في تلايا الليل والنفس معتده
زارني طيفه واجتمعنا سويه
الدمع همالي مب رايم ارده
اشتكي ظلم غايب عن خويه

[بن متغرّب]

ياليتني خاتم ف يده=أبغيه أنا ولي بغيّه
يا ماحلا جزره ومده=راعي الطباع العنجهيه

[الراسية]

ويل اليوم من باح سده =وروحه تشكي من نار كويه

كوت القلب وصار له نده=واظلم الكون من بعد الضويه

[الموناليزا]

امتد ومد بحـــــده
................ راعي المعاني الابجديه
حرفه سطا بموده
............... وامســـا بوجدٍ ســامريه
الحب لغيره مصده
............... والصد هب بيديــــــــــــه


.. poneeta ..

[صاحب الذوق]

صدات قلبي ياحبيبي موده

مادام روحك بالمحبه سخيه

ماعاش من قلبي يصـــــده

ولاعــــاش من يبخل عليــه

[الموناليزا]

البحر يجري بضــده
................... والدمع ضل عنيه
ان ماشكيت بصده
.................. ماظن اشكي الجيه

[الراسية]

ياطيب الوقت ويا زين سعده=وعيون الشوق تشوفها هنيه
والفرح للقلوب مرده مرده=ولو بات الحزن يقسى عليه

[واحة نفسي]

ضاقت حروف القصيد في رده

كأن الزناد فوق رأس الضحيه


اذا بنا تعدى على بناه وهده

بحجت المنقود لا ياخذ على خيه


صار الناقد كل واحد (ن) يرده

كأنه على ريموت ويحركون الخطيه*





الخطيه :: الخطوات

[الراسية]

مهما طالت غيبتك وطالت المده=تبقى المشاعر لك دايم وفيه
يزيد الوله فيني من زود الموده=ياعساك تحن وتعود ليه

[بن متغرّب]

شرايكم نغير القافيه؟؟

بسم الله...



,,,,,,,,,,,,,,,,,,,,,,,,,,,,,,,,,,,,,,,,


اهواك ل ماقلت انا اهواك=اهوى جمالك مع معانيك
اهوى مصافح كف يمناك=والقى الجمال اليوسفي فيك

[الموناليزا]

يامولعي ياكيف بنساك
...... ياكيف قلبي يرتجيك
دمعٍ مورد من محيـــاك
..... والحسن ضافي يناديك

حيااك الله ياميكي رووح الله لاشلك

لنا عوده ان ششاءالله

[صاحب الذوق]

ماباك يا البطران مابــــــــــــاك
عفته ودادك من تغلـــــــــــــيك

[بن متغرّب]

ماباك يا البطران ماباك=عفته ودادك من تغليك
هذاك لاوّل يوم انا اباك=هايم بودك كنت وارجيك
خنت العهد والود هذاك=واجفيت من لي كان يبغيك
مدناك عندي اليوم مدناك=من قاصي الوجدان بنفيك

[مرحبـاني]

يا صاحبي قررت انا انساك
وانسى ودادا كان مغليك

لول تساوي عندي امـــــــلاك
وابيع نفسي لجل اشريك

واليوم قال القلب ما ابـــــــاك
ابعد يعل ربي يهنــــــيك

[بن متغرّب]

لوّل هناتي يوم انا وياك=بالروح انا والمال اشنيك
واليوم انا يا الشين ماباك=عفته جمالك مع تغليك

[مرحبـاني]

شو رايكم نغير

يله.....

درب الهوى اعلنت رفضــه
........عنه ولا لـــي اي دروب

وش فايدت لي ضاع وقته
.........ويهب وين تهب الهبوب

[بن متغرّب]

يا المرحباني..شفيك عفته؟=آحيدك موفق بمحبوب
باب الهوى لا لا تسده=ارجع و قصّر معهم الدوب

[مرحبـاني]

شورك يا ميكي ما برده
............. بشوفي لي حل مطلوب
صغيراً في السن شفتـــه
............. عني وغلق كل لــدروب
بسعى لشخص ما أملــه
............ فاهما ً ما فيه عــذروب

[صاحب الذوق]

عانق حبيبك لاتصـــــــــــده### مدام عندك ترف الينوب
وطبع الهوى كالسيف حده### غالب وللعشاق مغلوب

[بن متغرّب]

قولك صدوق و مانرده=حتى ولو نقراه مقلوب
هذا الهوى كالسيف حده=طالب وانا له صرت مطلوب

[الراسية]

اشوف بوز الزعل ناوي تمده=وتكثر القول وتزيد الذنوب
لا لا يااخوي حالك غريب عده=ماتعودنا طبعك فيه عيوب

[الموناليزا]

يــ..ـالراسيه افضيت سري بمدهـ
........ واخفيت لي بالخافي ايبين مغلوب
عديت حرفي ولو طالت المدهـ
....... والصبر طوّل مثل خيــــطـ الغـروب


.. بونيتا ..

.
.

[صاحب الذوق]

هذا العشق طبعه موده#### اتهيم به ان كنت محـــبوب

ولاتخاف من جزره ومده####خلك على الشدات مذروب

وان قلت قولن لاتـــرده#### لازم توفي كل مطـــلوب

[بن متغرّب]

قولك صدوق وفيه حده=والقول لأهل الذوق منسوب
الله يديم إلك الموده=وتصير للبسمات مطلوب

[صاحب الذوق]

ابشر يا ميــــكـــي بالموده###بكون لك فالحـــب محبوب
صافي غرامك كـــــــم نوده###صافي زلالك صدق معذوب

[بن متغرّب]

ادعوا أنا المعبود وحده=لي يغفر الزلات و يتوب
تهنى معا من لي توده=كاس السعد بيصير مسكوب

[الموناليزا]

صباحكم ورد وشعر

.

تسلموون على هالمحاوره الجميله ابدعتوا ..

بدايه لقافيه يديده

.

صباح الخير يازين العــوايد ..
.. صباحك نــور مع وردِ نديــــــه ..
عسا كل عام لك هالشهر عايد ..
.. اقدملك شمـــوع العمـر بإيديـــــه ..

.

وسلامتكم وكل عام ومواليد هاليوم بألف خير ان شاء الله

[الكايــد]

الا يا حي من آهدا القصايد
.................فيها شذا عود النرجسيه
بقدوم سنه فيها فوايد
................. بالفرح والانس اغلى هديه

[مرحبـاني]

دون وسجل في الشهايد
................. فرحة مود شاف غاليــــه

مبروك ويعلها بالسعايد
................. مع من تود ومن تهويـــه

[صاحب الذوق]

خلي على الغزلان قايد

كامل جماله مع معانيه

متقلدن احلى القلايد

يالله عسى ربي يخليه

[مرحبـاني]

يا صاحبي ما توفيه الزوايد
......... والا القلايد ما تكفيـــه

بعينه على القلب قايـــــــــد
......... حاكم ولا لك من شبيه

[مروض الخيل العنيده]

ابشر بمردود القصايـــــــــــد

الشعر نفهم في قوافيـــــــه

بمد من شعري مدايــــــــــــد

صافي قوافي الشعر بعطيه

يا مرحباني لا تحايــــــــــــد

وافهم حبيبك لا تشجيـــــــــه

[مرحبـاني]

بزيد على البرزه وسايد
..... وبرويه من شعري وبسقيه

قناص ما اظني احايد
..... دام الشعر تعرف قوافيــــه

عندي خويأ في الشدايد
.... اعزاه ويردلي لبيـــــــــــــه

[مروض الخيل العنيده]

يا مرحبا راعي العوايــد

يلي بعيد الدار يلفــــــيه

بنظم انا رد القصــــــايد

والشعر توه في مباديه

اجمع وسايد مع وسايد

وريح فوادك لاتشجـــيه

[مرحبـاني]

الا يا حي من رتب قصايد
..... وبحلى حروف الشعر يغنيه

قناص يا راعي العوايـــد
.... يالله عسى ربي يخليه

[الكايــد]

..مرحباني..

ياحي من ابدع بقوله وزايد
..................من شخص بقلبي دوم آغليه
آبدع بكلامه ويابه نشايد
..................مثل العسل مالنحل يرويه

[مروض الخيل العنيده]

بصوغ من شعري قلايــد

مدام شعري له معانـــــيه

وبخط زينات القصايــــــد

في شف خلن ميتن فيــه

[الموناليزا]

مرحباني قايدٍ للشعر قايـد ..
... يسكب المعنى بحسنه معانيه ..
وقانص الزين للخفرات سايد ..
... يلم الحرف يجمع به ويعطيه ..
وكل الشعر لاجله شاب عايد ..
... ملك الحب افعاله تسبق طواريه ..

دمتم

[بن متغرّب]

يعطيكمــ العافيه ماقصرتوا...

وشرايكمــ نغيّر ؟؟

التجديد يمدحونه؟


هلا بك هلا بك يا سيد الملاح=تفضّـل وقرّب في لب الضمير
وصالكـ فديتك يبرّي الجراح=و وقتي معاكمـ مثير ويسير

[واحة نفسي]

مبارك عليكم قرب شهر الفلااح

أعاده المولى عليكم بكل خير


ازف التهاني من بلاد الانشراح

لبلاد زايد ونخص اهل الهير


والسمووحه عن كل يوم رااح

النفس تخطي ويعاتبها الضمير




مباااركم عليكم جميعا شهر رمضان المبارك


اعاده الله لكم بكل خير ومسرة


اختكم
واحة نفسي

[مروض الخيل العنيده]

لك سلامي ترسله طيور الصباح

ويوصل ديارك على جنح الاثير

مرحباء مليون ياسيد المـــــلاح

ومرحبابك زود يالغر الصغيــــر

[مرحبـاني]

سلامك اثر في قلبي انشراح
.. وزاد المحبه وتوني صغيــــر

الا من لعبي لعب الريــــــــاح
... وسبب في قلبي جرحا خطير
.

[مرحبـاني]

..مرحباني..

ياحي من ابدع بقوله وزايد
..................من شخص بقلبي دوم آغليه
آبدع بكلامه ويابه نشايد
..................مثل العسل مالنحل يرويه

بعد غيبه حبيت ارد على ملك الحب ببيتين شاكاني اياهن من مده ...

وتراه يستاهل..

ملك الحب

يا عزوتي في وقت الشدايد
............ سلام لك خالص مصفيه

غالي وشاكاني بقصايــد
............ وش حيلتي يالربع فيـه

[كيـ عيناوية ـفي]

حبكم سطا في خاطري
........................ واسسله في الحشى بيت

ليتك تعلم بما في قلبي
....................... جان سطرت الدروب ويت

[مرحبـاني]

حبكم سطا في خاطري
........................ واسسله في الحشى بيت

ليتك تعلم بما في قلبي
....................... جان سطرت الدروب ويت

حي منطوق(ن) ياك من كيفي
..................... جاك وكل دروبه استريت


من خاطري بدعلك بشعـــري
...................... دامك تنظم قافيه بيــــــت

[بنت_المطر]

بين كل الانس حسنه مثلما حور الجنان .. صوره ربي وانا اللي طحت في يده اسير
بن خلف ياعزوةٍ لي لك غلا عندي وشان .. ثيب منهو صار امره من عنا همه عسير
يالذريب ويالسنافي لك قدر مايوم هان .. يعلم الله مالقينا حد غيرك نستشير
ادعي الله يعل يود السحب واهطال المزان .. سيل عا حتا الين تعم بالخير الوفير
يارك الله ياخفوقن شطبه دعج العيان .. مغتمر والحب تاحه في بحر لجه غزير

الوسمي

[بن متغرّب]

هكذا طبــع المحبــه ذابحتنــا مــن زمــان=خــلف قضبان الـمـوده كم من عاشق أسير
لو كتمت الشوق فيني من عيوني با يبان=كيف اكتمها المشاعر وانت حتفي والمصير

[الموناليزا]

على كثر الغياب وكثر االاحزان .. لاتحدا عاشق لك مولع للضمير
مولع في ضميره شبت النيران .. لاتحسب انه مريح وهو لك اسير

.. بونيتا ..

[صاحبة الاحزان]

لاتراهن فالمحبه انت هب قــــــــد الرهان@@@كم غيرك فالمحبه اشتكـــى قلبــه كسير

وانا منهم ياجماعه صابني حـــب الحسان@@@اجتلن قلبي ورحي وانا فــي سنن صغير

شيبني فــــــــي شبابي ووهقني من زمان@@@وفالهوى شطن فوادي واتعبني فالمسير

شفتي موتي في عيونه واطرحني بالعيان@@@من عقب ابصرت انه العشق اصله خطير

[صاحب الود]

افهميني يا فلانه كيف لك عشق وحنان : : دام وقتك في زمانك كله احزان تثير

اجميعي حزنك ترى يا بنت ما له من مكان : : كل موجه في خفايا النفس ترجع لك تسير

دام راعي الذات يجلبه على كف الرهان : : ضاع وقته والعمر توه على وقته صغير

أفهميني واسمعيني وركزي بكل الذهان : : ابعدي حزن الزمان هذا المقدر والمصير



.....

[كيـ عيناوية ـفي]

الحب صوع بقلبي وغربلني
مالقيت به طـعـم المنامي

أهاذي بالحب وأتشكى
وصرت بالحب مخرشي

أجاسي وكل صحبي متهني
وأنا صريع الحب وغرباله

أذرف الــدمــع سجابي
وأبات اللــيــل أنوحي

وأشاكي نجم سهيل وأوني
من غرشوب سلب حالي

وهذا الحب يا عرب شاقني
كســر حالـــي واشقانــي

[كيـ عيناوية ـفي]

يا من ودعته في بلاد الأغراب

............................... صورتك في خيالي و وجودي

ادري ان ما كل الاصحاب بأصحاب

.......................... لكن صحبتك يا الحب منبت ورودي

اسمك سكن قلبي و الالباب

............................ وشيد داخله قصور و صروحي

ادري ان قصيدي حمل و اتعاب

..................................عليه وعلى كاتب الردودي

أخـــويـــه ^_^

[الخيل]

المحبة ما تبا أسلوب الذياب والهــــوى معــــــــروف به طبع الجروحي

كل واحد فينا يشــــكي الاغــــتراب لا فقد حـــس المــــحبة والوضــوحي

صاحبي أرجوك يكفـــــــيني مصـــــــاب دام حبك بان لي لعـب ومزوحـي

كم لك أرميت حالي في عذاب ليــــن ما شــــــفت الجنوب لــغرب يوحـي

وأن نشدني شخص عن علم الجواب شاف بي يزداد همي وسط روحي

والسموحة عالمجاراة

الخيــــــــــــــــــــــــــــــــــــــــــــل

[صاحب الذوق]

الهوى غلاب ياترف الشباب@@فالهوى مجروح من طرفن ذبوحي
صابني فالقلب كاطعن الحراب@@لابخبر ولا بشاكي ولابنوحــــــي

[الخيل]

يرحم الله الوقت لي هو ما يعــاب ،،،، وقت جدي وجدك اصحاب الصروحي

لي لهم شرع السنع مذهب يهـاب ،،،، ما هو مثل اللي يراوغ بالســـــيوحي

قلتها عقب المعيـــــــــشة للتراب ،،،، برجع وبرقد وحــــــــــيد لــي بروحي

ولا بعد بلقى ونـــيس ولا صحاب ،،،، غير من هو عامل الخــير ونصــوحي

بسأل الرحمن عـــــنده لي ثواب ،،،، والسمـــاح بما لفا الجـــــــيل ويبوحي

الخيـــــــــــــــــــــــــــــــــــــل

[قصايد]

مرحبا السااااااااااااااع ...

بأعزائي ... ومرحبا ملاييين بالخيـــــل ،،، يالله حي ذا الشووووف

اسعدني تواجدج غناتي ..


يا حي طلت حرفك الباهي **.** في ربوع الشعـــر يالغالي


قصــــــايـــد

[الخيل]

قصايد

المرحب لاهان يا ختيه

والقسم منور بوجودكم يا شعرانا



مرحبا ملـــــــــيار بالزاهي ،،، لي زهت به روض الجبالي

أو عدد ما شــــرغ الراهي ،،، دار قومـــــه وطاب له فالي

الخيـــــــــــــــــــــــــــــــــــل

[صاحب الود]

هلا بشاعرنا الخيل نورت وزاد نورك

يالغالي

:":

كف فنجانك واجلب الشااهي .. يا حلاته له طعم حاالي
هيل طعمه صح هالطااهي .. ما بخل ابترس لدلالي


وسواالم

[الخيل]

صاحب الود

المرحب لا هان يا أخويه

الخيـــــــــــــــــــل هاوية حالها حالكم

والنور نوركم يا شعراء الهير

وباذن الله نفيد ونستفيد من شعراءنا الكرام

غاية أهدافي من أبياتي رضاه ،،، لي بدا الترحيب لي بأول سطر

قال مرحب بالشعر ياك بنـــداه ،،، والشعر لولاه ما أتسمى شـعر




الخيـــــــــــــــــــــــــــــــــــل

[صاحب الذوق]

مرحباء بالخيل لي توه فصباه### مرحبابه زود فاهم فالــــــشعر
له حروف الشعر تتبع له خطاه### فاهم المعني ويمشى في حذر

[الخيل]

صاحب الذوق

المرحبا لاهااااااااااان يا راعي الذوق كله


حي من بالقول هادي لي مــــعناه ،،، والمعاني المنــــتقاية بالنـــظر

صاحبي لك ود ما تلـــقى شـــراه ،،، لوتـــساوم به عـلى كـل البشر

الخيـــــــــــــــــــــــــــــــــــل

[صاحب الذوق]

حي من بالرد يلفينــي نبــــــــاه؛؛؛؛ والمعاني وافيـــه مثل القمــــــر

الشعر فــي ذمتي طايب معــــاه؛؛؛؛ والقوافي تنتخي من كل بحـــــر

مثل وصف الخيل ياخذ مالحلاه؛؛؛؛ له معنق صافـــي وجيد ونحـــــر

ماخلق فالكون مثله او شراه ؛؛؛؛ له خصر يا ناس قـــــده كالفتــــر

صاحب الذوق؛

[الخيل]

مرحبا بصاحب الذوق،،،،،،،،،،،،،

أقبلت الحروف ترسل ما هداه ،،، شاعــر وافــــي وله أعلى قــدر

لا رسل الأبيات تشفع له تراه،،، وننسى من حرفه ملامح هالبشر

حرفه الراقي بنسمع له صداه ،،، لو بعد عند الســــــحايب والقمر

لأن طبع الحــــــر يتميز بـجاه ،،، فاق عن كل الطـــــــيور لي تسر

مرتعه شمخ الجبال ومتعلاه ،،، ولا قبل عالصــــــــيد صيده ما يفر


الخيـــــــــــــــــــــــــــــــــــــــــل

[صاحب الذوق]

كل شي لــه بدايه ومنتهــــاه&&& والشعر في مدحكم ماله عمر

ياحلاة الشعر عندك ياحلاه&&& القوافي لجـــــــــل عينك تفتخر

[الخيل]

مرحبا مليــــــار اهلا بالغناه لي يساوي الروح عـندي والنظر

به نرحب لا قبل عندي محلاه يشـبه اقمــار اللــيالي كالبـــــدر

فاق كل المبدعين بمستواه وترضــــــخ الابيات عــنده وتنجبر

عاشقنه يا ملا ويلي بـــــلاه لا بعد قلـبي في بعــــــده ينفـــــطر

مثل لي ضيع من ايدينه ضناه وتاه في وسط الشوارع منكسر


الخيـــــــــــــــــــــــــــــل

[صاحب الذوق]

ياحروف الشعر سيري فمعناه &&&& وانتقيله قاف يشبه ع الدرر
لي شراته غر فايق فالحـــلاه &&&& كالدماني فاق ع الظبي العفر

[الخيل]

أه ويل اللي فــــــقد حبه وغلاه وضاع عنده الود والمعنــــى جهر

وأنصــــــدم بالموت وهو بما لفاه ذاق طعم الموت مع طعم القهر

صار كالمــجنون لا من هو طراه وافزعه صوت المدوي بالسهر



الخيـــــــــــــــــــــــــــــــل

[صاحب الذوق]

كان درب الــــــــــــود سببج بلاه ***اقلعيه الدرب وتوخي الحذر
الهوى معروف ساسه ومنتهاه *** فالبدايه السم والتالي خطر

[صاحب الذوق]

ياخطوط الشوق خطيله وصاه&& واجعلي دمي وسيله كالحـــبر

اخبريه اني متيم فــــي هواه&&واخبريه اني على وصله مصر

دام بحر العشق اطماني طماه&& مانهاب الشوق لو وصله خطر

[صاحبة الاحزان]

طاب عد الشعر واطربني هواه ### مرحبا مليون يا ذخر الهـــير
مرحبـــــــابك زود ياأبن البداه ### لك تراحيبن من الخاطر عشر

[صاحب الذوق]

مرحباء بلي نلبـــــــيله نداه&&& مرحبابه زود مليون وعشر
الشعر لجله معلي مستواه&&& وينتقيله الدر من نص البحر

[الخيل]

صاحبة الاحزان،،،،،،،، مرحبا الساع

شرفينا يا وخيه كالمـــــهاه وانقلي له صوت خيــــــــــله بالخــبر

وأبشريه أني على الدرب لسواه ما نويـــــــــت ولا توخيت الحذر

لين طحت وشاب راسي من غلاه وهلت عيوني الدمع لي انهمر

وأحرقت خدي من الدمع وجراه وارسمت لي حظ يشكي م الكدر


الخيــــــــــــــــــــــــــــــــل

[صاحب الذوق]

الهوى والحب يكفيني بلاه&&& لاحشى ماقدر اساير فالخطر

صغير على الحب ههههههههههههههههههههههههههههه

[الخيل]

من خشى الاعصار يشـــعر بالرداه والقوي يصبر ولوما به صبر

لازم الاخـــــبار تلفي من جداه والخبر لا ياك هـــــــب نفس الخبر

ناس تسعى لك ببغـض وبالعصاه وناس تطلب حبك بحشمة ووقر

والذكي لي هو يمــــــيز مبتغاه هوب شروى الذيب يهـــجم ويغدر




الخيـــــــــــــــــــــــــــل

[صاحب الذوق]

الرداه بعيـــــد عنــــي الرداه&&& ولد نــــاس وعزتي تبقى فخــر

الهوى والحب اعرف مبتغاه&&& عارفنه العشق في سن الصغر

ولاتخلي الذيب في وسط اشياه&& يغدرك ان كان ما عندك
خبر

[الخيل]

السلام عليكم

وصبحكم الله بالخير يا عرب الهير

كـــم أعـانــي بانـتـظـاري تيـلـفـونـك . . . . . . . لا اتـأخــر بـإتـصـالـك لــــي وجــــب


لـو دريــت ابـمـا إتسببـلـي شـؤونـك . . . . . . . والسبب مـن ينعـرف ضـاع العجـب


مـن ايـدق افــز لــه واقــول عـونـك . . . . . . . واستمع في لهفه او شوق او طرب


زلـزل الهاتـف جنونـي مـع جنـونـك . . . . . . . او من عواطفنا اشتعل نار او لهـب


الحـلاوة فـي حديـثـك مــع شجـونـك . . . . . . . تنـتـقـي الألـفــاظ بـاسـلــوب او أدب

[! حلو المزوحي !]

صبحكم الله بالخير

طبعن بعد ما نشرب الجاي حقت الحليب ههههههه نكون رايقين لو الفكر ضايق

ف نقووووووول

---------------------



اذا سجيت بفكاري فطـــــــــــــنت اوقاتنا وأيام === وكلماتن نرددها وذكرى مــــــــع علوم جدام

ليالي كان اهو فيها مصادر للشعر ولهااااااام === يحرك ساكن احساسي اذا حسي هدى او نام


والسموحه منكم

[الخيل]

هلا يا مرحبا بشاعر يجر الحــرف له نــــهام ،،، يردد ما جرى بأمسي ويذكر لي علـــوم العام

ربى بين الحشا واليوف وشلنا له غلا ينسام ،،، ورتبنا قوافيــــــنا لشف الشــــــاعر المـــقدام


الخيـــــــــــــــــــــــــــــل

[! حلو المزوحي !]

الا يا الخيــــــــــل من بعده فـ قلبي تنكّست لعلام === وقلبي دايــــــم احـــداده وربي شاهدٍ علاّم

بني كنت انا حبه وبي يجــــــــري شرى الانسام === واني باجي احبـــــــــــه ولو طالت بنا ليام

ولكن صعب نتوالف لانه في عــــــــــــدوي هام === وحبه بس لعنادي وانا عارف ولو هو دام

وانا مغزى قصيدي اليوم ولي خطت به الاقلام === أبد غيرج ما يدريبه ولو مرن كثير اعوام


والسموووووووحه

حلو المزوحي

[الخيل]

مرحبا الساع بالمزوحي

عجب من هالظروف اللي تلف بنا مــع الأيام ،،، تصور له هوى غيره وهو لي بي سكن م العام

عجزت افهم غرامي وين دامه لـي بدا بملام ،،، وقلبي لشوفته حــــــنت حبيــــبي لو ترى بأحلام

تخيلت الفـــــــــضا خالي ولو به ملة الأنسام ،،، مدام الكون بعيونه يســــــــاوي ألف عام وعام

رجيت يعود لي مرة وينظر كم بنا م اســـــقام ،،، وحالي اشبه بحال اللذي محــــــــكوم له باعدام



الخيــــــــــــــــــــــــــل

[صاحب الذوق]

كلامك يا بعد عمري احطه فوق صدري وسام،،، وحبك ساكنن روحي ولا ينقص ع حول العام

تسلح بالصبر واصبر وطريح الحــــب ماينلام،،،،عسى بعد الصبر تهنى وتنهي عســـرة الايام

ترى عقب الصبر راحه ودرب السعد لك نهام،،، دورب السعد لك تفتح وتجلي عنك الاوهـــــام

[! حلو المزوحي !]

السلام عليكم ورحمه الله وبركاته

وصبحكم الله بالخير

ويامرحبا بالردود الطيبه منك يا صاحب الذوق ومن الخيــــــل

انــجيـــــن

ويقوول لمزوووووووحي

ثبت حبه وسـط قلبي وركّز في حشايــه اخيام === طنوبه سارت ومرت ودشت في وسـط لعظام

مثبت مرتكز عرشه على المعلاق نــش وقام === ودفعات الغلا مني طوابيرٍ تجي كـــــــــ الزام

ولو ني قلت بتصبر حشى قلبي ابــــــد ما رام === يصبر ني على ذكره ولو في غفـووة الاحلام

وعقب وعقب ما فارق غدى طبعه طبع ظلاّم === وانا من عقب لفراقي سعد حظي تغطى ونام

وتصبحون على الف الف خير

يالله بتغطى وبرقد تراني

[صاحب الذوق]

صباح الخير يا عالم صباح تلاعبه الانسام=== صباحن محتوي ورده وريحه من هبوب الشام

[الخيل]

السلام عليكم

شغل غياض بغير القافية خخخخخخخخخ

ريت شخص دوم أنا أتمنى حظوره ،،، يرتقي ويكتـب على أجزل قوافي

بالهوى جرحي ترى يجبر كسوره ،،، لو عنــيته جا ووضح لي الخوافي

اشعر براحة اذا بين شـــــــعوره ،،، ويشعـــر بحبي اذا جاه أعـــــترافي

ما رحم قلبي غزى أعظم قصوره ،،، وأحتواني بصدر طول العمر وافي


والسموحة لاني غيرت القافية (( التجديد حلووووووووووو تراه هب بكل شئ هههه ))

الخيــــــــــــــــــــــــــــل

[صاحب الذوق]

دار فكري يا مـــــلا تسعــــين دوره،،، مثل لي فالعقل صــابه اختفافـــــي

مادريت ان الهوى صعبه امــــــوره،،، لين ذقت الحب من كاس السنافي

كم سقاني الحب من صافي خموره،،، والهوى تلف ع حالي باختلافــي

[الخيل]

غارق ف بحر الهوى وهضت ببحوره ،،،، وصاحبي بي يا ملا ما يــوم رافي

لا عرف قدره وسط قلـــــبي وشعوره ،،،، وقام لي من زود غيضه لي يجافي

ووضح أن القلب بي عمـــــه غروره ،،،، وقلبي المــــسكين صايبه إنجرافي

صوب لي شل العـــــقل قوله ومروره ،،،، وشيد خيامه وسط عرش الخوافي




الخيـــــــــــــــــــــــــــــــــل

[صاحب الذوق]

راسملج فالحشاء سبعين صـــــــوره،،،، وهاض ما بالجاش من لب الخوافي
الهوى يـــــا الخيل نتدارك امـــــوره،،،،دام درب الـــــود صـــــابه انجرافـــــي
كان درب الود يمشي في خطــــوره،،،، أصبري صــبرن جمـــــيل ولاتخافــــي

[صاحب الذوق]

فالهوى يلعب على كيفه وشوره،،، مايخاف الظلم والله مايخافي

لاعببي مثل ما لعــــــبة الكوره،،،، فالهوى لعيب عنده الاحترافي

[الخيل]

صابرة يالـــشاعر اللـــــي جا بدوره ،،، يرسم بلون الشعر حس السنافي

وللهوى شطـــت حواسي بالوعوره ،،، وعاصرت بركان شوقي بالفيافي

لكن ف بعض الوقت المس خطوره ،،، حبهم لي جارفنــــــي للتـــــــلافي



الخيـــــــــــــــــــــــــــــــل

[الموناليزا]

حي قاصد حروف موزونه بحوره
....................... حي من رتب قصيد(ن) احترافي
مرحبا مليون يا طــاغي حظوره
...................... اشهد انه الشعر لك سيد الاشرافي
صاحب الذوق ترجم حروف اشعوره
....................... والخيل معناها مالــــه ابد انصافي

poneeta

[الخيل]

poneeta

مرحبا الساااااع والله بهالاسم الغالي عليه



مرحبا مليار يا نبع الوفا واجــــــمل سطــــوره ،،، مرحبا باللي تجيـــــنا وحرفها للشعرضــافي

ضاف حس الشوق فيني وهيج الخاطر عبوره ،،، وانتشيت بشوق قلبي عقب ما هو بات غافي

صدقيني يا poneeta لج غلا باح بجهوره ،،، مثل ما بانت غلاتي بوسط شعري وله تشـافي

الخيـــــــــــــــــــــــــــــل

[عيوز مزوده]

بيض الله ويكوا ع هالقصيد الزين

اللي يطرب الاسماع ويحرك الشعور

وعندي رد بسيط ومتواضع ع القصيده

وانشالله انها تنال اعجابكوا.....

حي قولن يزيل الهم وكدوره
بشعرن منقا كما الدر لي صافي
امر الهوى ونمشيله ابشوره
ومالنا في الهوى بد وخلافي
حتى أنا طحت في غبة ابحوره
ولا فادني طبيب ولا اسعافي

والسمووووووووووحه

[صاحب الذوق]

ياااااااااااااااسلام تفاااااااااااااااااعل قوووووووووووووووووووي صاير فالمحاوره ربي لاهانكم

[صاحب الذوق]

عااااااااد هالمره دوري اغير القافيه

ياروح روحي لاتعانــــــــد&&& خل التغلي والتعنيـــــــف

فالحب كل شي صار وراد&&& والحب ما يحتاي تعريف

ان قلت احبك حب وايــــــد&&& يعني احبك حب ع الكيف

[الموناليزا]

عجزت اروض طير شارد ..
.................... كما المزن يمشي على الطيف ..
حبك تعسكر نار(ن) وبارد ..
................... وزلزل خفوقي صدق هوب زيف ..
ثّبت ع قلبي بطبع الجرايد ..
.................... صادق صدوق بدون تحــــــــريف ..
القلب مشتاق والفكر شارد ..
.................... حراّق مثل الشمس فالصيــــــــف ..

بونيتاا

[الخيل]

أهلا هلا بشهــــم العوايد ،،،، لي ينفرد بمجــــابل الضيف

مرباه وين الريـــــم سايد ،،،، دار الظـــبي واليود رضيف

أرجاك عــــــني لا تبـاعد ،،،، وقلبي تعـــــفه م التحسيف




(( صبحكم الله بالخير ))


الخيــــــــــــــــــــــــــــل

[عيوز مزوده]

يامرحبا بأميرنا والقايد
..........................عد الهبوب وبارد الريــــــف
قولك مايباله شهــــايد
..........................متمكنن عن الخطـا والزيــــف
شاعر وفيك الشعر سايد
............................وتروّضه ويمشيلك على الكيف


والسمووووووووووووووووووووحه

[الخيل]

ساعديني واسعفيني يالقصايد لأجل اعبر عن جروحي والـــنزيف

وأشرحي قصـــدي لخلي بالوكايد وذكريه بعهدنا بوقــــت الخريف




الخيـــــــل(( بعض الناس غيروا القافية وشردوا ))

[صاحب الذوق]

ماخاف من عـــد القصايد،،،، ولاعادتي اشرد عن الضيف
فيه الكــــرم والزين زايد،،،، راعي كرم وادرى المواليف

[صاحب الذوق]

شعــــري اسطـــــربــــــه مدايد ،،،، وفالشعر عندي وسام تشريف
اورد علــــى روس المـــــوارد،،،،، مثل الظباء في موسم الصيف

[صاحب الذوق]

افا يالخيل شو هالرمسه انا الي غيرت القافيه بس ماشردت انا القافيه مغيرنها من امس هب اليوم ولادخلت

[صاحب الذوق]

زاري ضوى والجو بارد،،،، وشعري ضوى مع ناسم الريف

وابديت في عد القصـــايد،،،، صفيت شعـــري صدق تصفيف

ماكنت انـــا ياناس شارد،،،، ياكيف اشـــــــــرد م المواليف

انا انتظر ساعة مواعــد،،،، مـــــدام عــــــــندي رايق الكيف

[صاحب الذوق]

ربي لاهانك ياالسلطان ورحلتكم كانت طر بس يوم تسييرون المره اليايه خبرونيه بخاويكم وتحياتي لك وللي كانو عندك

[الخيل]

حي القصيد اللي يعايد ويشف حسه بحـــرف ن رهــيف

ما ألومكم والرب شاهد ولاني من اللي لوصلك يعـــيف

أطلب رضا من كان قاعد وال يا حظر حرفي انا ضعيف



السموحة ثم السموحة ثم السموحة يا صاحب الذوق

واذا سوالفي تزعلك مرة م اليوم بنهجر القسم ولا عاد بتشوف لي ملفى


الخيــــــــــــل

[صاحب الذوق]

لا والله يالخيل انا هب زعلان واموري الحمدالله رقص وكسر تيم وماله داعي تقولين بتظهرين من القسم

نفس ما قال السلطان كل شي على مايرام والامور جدام الجدام ههههههههههههههههههههه

[سنافي بس حافي]

انا حاب اشارك وياكم.. بس اشوف الوزن شوي صعب علي...

ان شاء الله راح اكون وياكم عندما يتغير الوزن ... او يتغير الشعراء ههههههههههههههههه

تحياتي لكم... وما بين الاخوان زعل... :)

[الخيل]

صاحب الذوق ((الخيــــــــل ما تزعل من ادنى الامور يالشاعر أفا عليك ))

الامور بعدها طيبة

سنافي بس حافي (( فالك طيب يا أخويه بنغير القافية ،،،،، بنغايض بعض الناس ))

الـسلـطـان (( ادري به وني عارفة قصده بس سو سوالف جان تبا توالف ))


يقيدني من شعوره وانا له بالهوى مسلوب ،،، عرف طبع الهوى وجرب علينا اروع أدواره

جعلني بالوداد أسرح واسج بدنيته وأذوب ،،، ولو هو شاطر يوضـــح شعور الحب بأشعاره




الخيــــــــــــــــــــــــــــــــــل

[سنافي بس حافي]

تسلمين اختي الخيل على تغييرج الوزن :) والسموحه جان خربنا عليكم ..

وهذا ردي..

اقول


شعور الحب ما تفتح لمثلك يا هوى مكذوب=وقلبي مــا تلاعبه صغير القـوم بدياره
تجاريني وانا الشاعر ترا والله اشق الثوب=عليك الله تسد الباب وتترك كذب افكاره

[الخيل]

مرحبا الساااااع بالحافي




سلام على على شخص ن غدى كالخايف المنهوب ونفسه بالهوى تضعف وصدق الحين منهاره

فلا عنده من اللي هو بضيـــــق الوقت له بيــــنوب ولا من يذكــــره مرة اذا ما طالت أســـــــفاره

شريد الذهن متكدر شرى من بالرمح مصـــــيوب يعـــــزر سمـــه بقلبه وشق اليــــوف بأغـزاره


الخيـــــــــــــــــــل

[صاحب الذوق]

نهب قلبي على كيفه وسوى فالضمير دروب،،،انا راضي وتحت امره ابد ما خالف اشواره

يشرقبي ويـــغربي ومــــره يسيربي الينوب،،، ومـــره يشلنـــــي عنده ومره بعيد عن داره

[الخيل]

هلا بالوافي الصـــادق هلا بك يا نسل العروب هلا بشـــعورك وحسك بوسط القلب مقداره

علت لك راية العليا وشقت لك عسير دروب يا منبع ذوق باحساسك وتعرف صدق معياره




الخيـــــــــــــــــــــــــــل

[صاحب الذوق]

هلا بالجوهر الصافي هلا يالغض يا الرعبوب هلابك عد مـــــــا الوسمي يمطرنا بأمطاره

[سنافي بس حافي]

السلام عليكم .. اشكر فنكم على هالتواصل

اقول



تخليني شريد الذهن أثرك ساحر موهوب=دخلت بداخلي وعرفت كل اسراره
تضحكي بكلماتك ترا كله عليك حسوب=عليك الله تخبرني كلامك كيف معياره
تقلدها نصايح وشكلك ياهل ن عذروب= حرام تخسر وليفك بعد ما عز مقداره

[الخيل]

نعم كل ن له اسلوبه ولوهو من العشق متعوب ترى نبع الهوى عندي ابد ما جفــــت انهاره

بجاري الشاعر المغرم وبغلب من غدا موهوب وبكتب من طرف حرفي بيــوت تصيب جباره

بصون اللي عرف قدري وني في ناظره مرغوب وبترك من غدى خاين يموت بحسرة اقداره





وصبحكم الله بالخير

الخيــــــــــــــــــــــــل

[عيوز مزوده]

مطايا شعريه شدت صوبكم خبوب
...................جدى المتميز الوافي العالي مقداره
جريح الهوىياخوي ماظني يتوب
...................يعيش بلوعته وعيت تنطفـي نـاره
يوصله ياخوي ولو مهلكات دروب
...................يوصله.... ويوصله لـو بعـيد ديـاره

والسمووووووووووووووحه

[سنافي بس حافي]

صبحكم الله بالنور...المفروض نكتب رد يفتح النفس ع الصبح..بس ماشيين على موضوع ييب الهم هههههههه

اقول



دروب الحب ما ضني ابد عنها احد بيتوب= وحتى قيس من ليلى لقى حتفه بخساره
وانا والله عجبني رد وعليك برسل المندوب=يفند كل ما حطته انامل شخص محتاره
واذا نهرك غدى يجري شرا سيل ن هل صبوب= اببني سده العالي وحكم كل اسواره

[عيوز مزوده]

السلامـ عليكمـ ورحمـة الله وبركاتـه

اللحين دوري أغير القافيه>>>>>

ياعـرب حالـي تعـلل ومن له أشكيلـه
.....................وأنا أدري الشكوى لغير الله مذلّه
شو ذنبه اللي من الانجليزي انهد حيله
....................وشو ذنبه اللي من الضب صابته علّه
حملي ثقـيل ولاا قـوى حالـي يشـيله
...................وأنا بعدنـي في بدايـة الـدرب وأولـّه
ياليتني وزيره للتعليم والله ل أزيله
...................ها الانجليزي يعـل ربـي يعلـّـــــــــــه

*ألفاظ من القصيده>>>الضب:استاذ الانجليزي>>>هع هع

دعواتكم لي بالنجاح في هالكورس

والله خست في الأساسي

والسمــــــــوـوـوـوحــه

[الموناليزا]

رووووووووح الله لاشلج مبتليه من الضب خخخخ

ماعرف ارد الحين هع هع ان شاء الله يوم بتفيق لوولز ,,,


سلاامي عليج يالمزوده طلعت فايده التزويد لوول ^_^

[الخيل]

مرحبا باللي شكت لي حزن وهموم ثقيلة وم اللغة هليت دمعي وخد خـــيل الشعر بله

والزمن لاما رحـمني ولا من سنيني الطويلة شفت يوم ن فيه راحة والسعاد مسـتهله

علتي من جرح خافي ومن طرف عين ذهيله ذاهلتني وعاودتني بالشــــعر ياللي أدله




الخيــــــــــــــــــــــل

[صاحب الذوق]

مرحباء بخلي هـــــلابه عد ما هلت مخيله ،،،،او عدد ما لض بارق من مزونن مستجله

[صاحب الذوق]

ببتدي عد المثايل وبنتقــي احلـــى وسيــله**وبمدحه يلي فوادي ياملا صــــــدق استحله
مادرى بحالي بأني صدق روحي في عليله** علتي داخل حشايه فالضمــــــــاير مستعله

[الخيل]

مرحبا مليار ياللي الدمع دونك نســـتهيله ،،، والخفوق لي نطـــرك اليوم زادت فـــيه عله

شاقيني ومجعلني لك على الوعد استخيله ،،، حرفك اللي اليوم وينه يا ولد من خـير مله




الخيــــــــــــــــــــــــــــل

[صاحب الذوق]

مرحبا بحضرة جنابج يالخـــــيول الاصيله**جامحات فوسط قلبي والعشق قـــلبي يهله

[الخيل]

هي احسن الكون فرح شوقي وأنتــــشيله ،،، من عرفت الشعر وأني اعرف الكم استهله

ما بغبي اللي غمرني والحنان اللي اشيله ،،، دام حســــه مثل حـــسي والحواس الهم تشله





الخيــــــــــــــــــــــــل

[صاحب الذوق]

بالشعر اطرب وغني والشعر غايه جميله،،،حسني الاحساس حسه افتهمـــــــــــله وافتطنله

[صاحب الذوق]

داربي كرسي الغرامي وقلت مافاليد حيله،،،غير اني قــلت بصـــــــــبر والهوى العاشق يذله

[! حلو المزوحي !]

صاحبي فالحب والله من جعل نفسه ذليله === صاحبه عافــــه وصده وبتعــــد عنه ومله

والرجل لو ما تحلا بالطبــــوع اللي ثقيله === ما يوالف من يحبه واحلــف وعندي ادّله


والسموحه

[شماسي]

السلامـ عليكمـ ورحمـة الله وبركاتـه

اللحين دوري أغير القافيه>>>>>

ياعـرب حالـي تعـلل ومن له أشكيلـه
.....................وأنا أدري الشكوى لغير الله مذلّه
شو ذنبه اللي من الانجليزي انهد حيله
....................وشو ذنبه اللي من الضب صابته علّه
حملي ثقـيل ولاا قـوى حالـي يشـيله
...................وأنا بعدنـي في بدايـة الـدرب وأولـّه
ياليتني وزيره للتعليم والله ل أزيله
...................ها الانجليزي يعـل ربـي يعلـّـــــــــــه

*ألفاظ من القصيده>>>الضب:استاذ الانجليزي>>>هع هع

دعواتكم لي بالنجاح في هالكورس

والله خست في الأساسي

والسمــــــــوـوـوـوحــه


وعدتج ارد على هالكلمات ولا يهونون الباقين بس وعد الحر دين عليه
والله يقدرني


ياحي مكتوبن لفاني ف صدري آشيله
يبرد نارن في يوفن صابته عله
ضاعت حروفي وافكاري مستخيله
ودي بردن عيونج ما تمله
ولا ودي اكون في حروفي بخيله
لكن في اليوف مليون عله
الانجليزي وضعت انا في دليله
كنت احسب اني في يوم ما امله
لين شفته وانخسف حالي بليله
ضبن وضبه وانا اشهد كلهم عله
كل يوم كويز والحال صار يرثيله
وضعت انا واصبحت حالتي مستمله
كفن وصفعه اند رفسه الضب يبغيله
وامصخره وعليه اضحّك كل خلق الله
واخليه يصيح واضحك واقول يحليله
وانتقملج ياللي روحج منه معتله
اضحكي وانسى همومج مافيج حيله
بنت العرب انا اشهد انج بنت فله
لايهمج الانجليزي ماهو لغتنا الاصيله



ما قدرت اكمل هههههههههه
وقفت عندي القريحه اذن الاذان
يمكن اكمل وقت ثاني تراني لا وزنت ولا سويت شي مالي خص في هالامور
بس حبيت ارد عليج
يعطيج العافيه
والله يوفقج ان شالله امييييييييييييييييييين
وتطلعين من الاوجرو الطفس

[مروض الخيل العنيده]

ياويل حالي عليكم شدين حيلكم ما شاءالله ورقيص

||قلبي خذه لي ساكن دبي غرن جميل ورهف اسلوووووووووب|| يابس يابس يابس

اسمحوليه من النشاط الزايد قمت ايبس هههههههههههههههه

تحياتي لكم جميعا فالمقدمه طبعا اخويه صاحب الذوق واختي صاحبة الاحزان والشاعره اليديده الخيل والسنافي وشماسي وحلو المزوحي وكل من ساهم في هالتفاعل الكبير

[صاحب الذوق]

تسلم يا قناااااااااااااص

علومكم يالربع وينكم مااشوف حد فالميدان هل من مبارز هههههههههههههه

[الخيل]

السلام عليكم

ممكن بعد أذنك يا صاحب الذوق اغير القافية


بأطلبك ياللي تارك القلــــب بأنزاف تترك ضميرك يحكم بحق مره

والحب لي هو عندك اليوم ينشاف أترك تصاريفــــه وداريه شره



الخيـــــــــــــــــــــــــــــل

[سنافي بس حافي]

السلام عليكم..

تحياتي للجميع

اقول


حرام دمعك يهل ع الخد مذراف=وإللي هجرك اهجره مليون مره
وإللي تركك يا شيخ سوله طاف=وابعد عن دروبه لا شفت وكره

[صاحب الذوق]

الحــــب ماشي فيه احكام الانصاف الحب لهل الحب اصله مضره

ناسن تقول الـــــحب رائع وشفاف وانا اقول الحب ياناس عثره

[الخيل]

هلا والله وصح لسانهم شعرانا

صدقت يا صاحب الذوق (( الحب اكبر عثرة ))




اللي يعامل صاحب الحب بخـــلاف لابد ما يلقــــاه بالــــشين قــدره

واللي بيفهم دنية الود بالراف بيـــكون عايش وسط جنات خضره




الخيـــــــــــــــــــل

[صاحب الذوق]

معروف طبع الحب يالخيل تلاف عسره دروب الحب بالحيل عسره

مالـــــه علاج وطــب ينشاف ما فـــاده الدختر ولا حــــبوب وابره

[سنافي بس حافي]

اقول...



يا صاحب الذوق ما كنت شفاف= ولا ضن مثلك يقوى على زود هجره
مثلك ضعيف القلب لاهزبه راف= يا صاحبي تضحك وانا شوف حسره

[صاحب الذوق]

وقت المراجل يالخوي دوم انشاف&& شعال مثل سهيل عند المجره

ماهمني مــــن قال فالشعر شفاف&& اصل العواذل تنتقد بس حسره

[الخيل]

مرحبا الساع بصاحب الذوق والحافي


معلوم يالشاعر على سبعه ارضاف الحب كايد والغـــنادير فشره

واللي بلاه العشق محكوم باتلاف يا رب يا معـبود يكـــــيفك شره


الخيــــــــــــــــــــــــل

[سنافي بس حافي]

هههههههههههههههههههه الله يستر ...

افا عليك يالغالي.. شوي شوي علينا .. الله عالم ما بغينا من وراها شي. بس انا ما كتبت هالابيات .. إلا وفي نفسي شي.. أبغي اشوف ابيات تطلع من داااااااخل قلبك ..وتكون قوية وجاسيه

وعز الله انك ما قصرت..

ومثلك عزيز وغالي.. السموحة منك

[صاحب الذوق]

ههههههههههههههههههههههههه لاعادي الامور طيبه وانا اصلا يالس اضحك ههههههههههههه

[صاحب الذوق]

الله حماني من غنادير الاخفــــاف انا غريمي فالعشق زان قدره

قدره تعلى من مشاريف الاشراف راعي ادب مـــايقول المضره

[صاحب الذوق]

ساري سرى واسرى مع البرق زفاف وحبك رماني وسط بحره وبره

[صاحب الذوق]

ياويل روحي صابها منك اتلاف قلبي كسير الحب مالقيت جبره

[صاحب الذوق]

ان قلت احبك يالغلا ولد الاشراف افهم كلامي يالغلا لاتفره

[الخيل]

مثلك صويب الحال والشوق ينشاف في وسط عينه والوزى ما يسره

عقب الحسن م الهم مصيوب بهياف والجـسم بايد وأبتلى بالمــــضره

عاف المبيت وصابه الخل بخـــــــفاف من يوم ماهــو قال :: لله دره




ومساكم الله بالخير


الخيــــــــــــــــــــــــــــل

[! حلو المزوحي !]

السموحه منكم بنغير القافيه شووي

يقوول لمزوووحي

البارحه ســـــــاري وبي هم وفكور ++++ وعبد الكريم ايزيد ع القلب لوجاع

غنا بصوت الجرح والقلب مكسور ++++ حسبي على الايــــام والخل لي باع

حلو المزوحي

[الخيل]

مسكين منهو عايش الصـــدق بالدور وهـو بدوره خايــــن الود بيـــــاع


لي كنت أحسبه يجبر لكل الكسور وأثره خبير بكــــسر قلبي والأضـلاع


ياهي حسافة نبدي الحـــــب بالنور والغــير ينوي غدره بظـــلم وأخداع


الخيـــــــــــــــــــــــــــــــل

[صاحبة الاحزان]

ببدا بسلامي والــــغلا ورد منــــثور&& وازكى التحايا للــعرب ورد فواع

وببــدا بحديثـــي دام جاني الـــــدور&&وببــــحر بمركب يوم عندي شراع

عندي صحيح العلم والعلم لي نور&&والنور لـــــهل النور ياناس ينشاع

[صاحب الذوق]

يامرحباء يلــي على الخافق يــــدور***دار فحشايه وانتسل بين الاضلاع

معذور راعي الحب ياناس معــــذور***دام العشق طبع على طبعه اطباع

بعبر طريق الحب راضي ومجبــــور*** مدام عندي القلــب للحـــب طماع

كانك طلبت الحب وامشيت لي شبور*** رفجه عليه لطوي الدرب بذراع

[بدوي زاخر]

سلامـــي عليـــكم يا الشعـــراء
وسمحوليه بجاريكم في القصيده


مشيتوا في درب الغرام وانا ياني الدور === في بحر الحب ابتليت ولا عندي اشراع

من شافني يا ناس لا بد يقول معذور === من 3 شهور سارح بفكري وملتاع

اعتلــى حبهـا في قلبي دوراً ورى دور === ما درابي كم هويته بو عيون وساع

خلو الزمن يروح ويدور بي دور === صابر على مر الليالي والاوجـــــاع



خويكم ( بــدوي زاخــر )

[! حلو المزوحي !]

فاهم وترجم كل حرفٍ ف لسطور ==== وفهم مغازي كل بيــــــتٍِ ومطلاع

يلي اتنـغز اعرفك صــرت مقهور ==== مني لاني ممتلي زيــــــــن وطباع

لا لا تحاول وفهم القصد والشـور ==== لا تحثني ارد هالصـــــاع بالصاع

لو ثار دمي ما تطفيه لبحـــــــــور ==== خلك مكانك دام هالقول هو شاع


حلو المزوحي

[الخيل]

السلام عليهم شعراء الهير

ما شالله شادين الحيل اشوفكم

بنغير القافية يالمزوحي أسمحلي عاد

وين شوفك يا ضيا عــــيني ما أتحمل طول الغيابي

حبك اللي ساكنن فيني وبالحـــــشا لك فاتح أبوابي

مدخل الله لا تجافيني شوقي لك واضح من أهـدابي

لي نظرني قال وش فيني ما درى وش سبة مصابي

لو تعرف البـعد والبيني وما يأرث بين الاحــــــبابي

كان بأول خط بتجيـــــني ولك بزيد الجـــيل ترحابي




الخيــــــــــــــــــــــــــل

[صاحب الذوق]

المحبه غزرت فيني وكم لذيذ الشوق عايبي

صابني فرط المحبيني والهوى ياناس غلابي

[الخيل]

السلام عليكم

وصبحكم الله بالخيـر

تنتعش بي الـروح وتزيني دنيتــي وتتطيب الأرحـابي

لا نظرت لحرفه الزيني ولي شرح نبضه والأصعابي



الخيــــــــــل

[مروض الخيل العنيده]

صباح النور علومج الخيل وشو هباتج ؟؟

انت ياسيد المزاييني يالغــــــــلا ياسيد احبابــــي

ابوجودك تزهي سنيني والفرح يوقف على بابي

[مروض الخيل العنيده]

خيل عذراء اثرت فيني انهبت قلبي مع اعصابي

ثابته فكـــل المياديني والشعر تصنع لـــه كتابي

ساهراًً والهم يطمييني يـــــوم كلاً بالكرى طابي

ماتغضي بالكرى عيني والسبب من تلع لرقابي

يامحبي لاتشقيني ذاب قلبـــــي فـــــالهوى ذابي

راجينك لاتخليني أرحمنيه وخفــــف اصوابــــي

[عيوز مزوده]

حيـهــووووووووووووووووووا

ماشالله شادين الحيل ولكم هالابيات المتواضعه

مدخل الله لاتخليني --بالهوى تلعبي أعصابي
روف بي ولا تعنيني--كان لي قدر واعجابي
نظرتن منك تكفيني--هي منايه وعز مطلابي[/poem]
والسمـوـوـوـوـوحه

[الخيل]

صباح النور علومج الخيل وشو هباتج ؟؟

مرحبا باللي شكي البيني لي رمى بي سهم نصابي

لا تشقي القلـــب يالزيني والهوى به نوح وأنهـابي

وبه من اللي مختلف شيني لي ترك بي هم ومصابي

مشعلن بي نار تلضـيني والحشا به عظم الانشـابي

ناشبني نشبة الهــيني لي سرى وابعد جدى الغابي

واثر بيه عوق ن دفيني صايبني بحـزن واعـــذابي

طالبنك يالخوي عيني وراع لي ترمـــيه بعـــتابي

الخيـــــــــــــــــل (( والسموحة عالمجاراة ترانا ما نروم عليك يالشاعر ))

[اللحظة الأخيرة]

ويل حالي يا مشقيني
معذبنه ترف الاينابي

كامل الحسن و الزيني
ماخذ العقل و اصوابي

و سوااااااااالم

.
.
.

[مروض الخيل العنيده]

نداء حق اخويه صاحب الذوووق

ثيبني يالصاحب الحيني طحت في وهقه مع احبابي

ابتليت بحـــــبه الزيني لــــي عنالــي رد الكتابـــــي

فالشعر حقه دواويني وللقوافــــي يطلــــق البابــي

خيل فاقت ع المزاييني من حسنها الصخر ذابـــي

انتظر ردك بيلفيني مدخل الله رد لــــــي جوابـــــي

[اللحظة الأخيرة]

الهوى قلّب موازيني
علني و لا له اطبابي...

ترفّق يالغضي فيني
داوني و ريّح أعصابي...

.
.
.