اتغشي هذا مواطن .................؟؟

[رواضـي]

السلام عليكم ورحمة الله وبركاته

اخواني واخواتي الاعضاء حبيت اعرض عليكم هالموضوع وبغيت اشوف آرائكم ..


اتــغــشي يابنت عن يشووفج المواطن...!!!!!
هذي العاده منتشره واااااااااايد ف مجتمعنا . تحصل البنت يوم تشوف المواطن او اي ريال من فرييجهم او اي مكان تحصلها على طول تتغشى
لكن اذا راكبه ويا الدرييول او بتشتري من المحل تحصلها مب متغشيه وجنه الهندي الي واقف جدامها مب ريال .
لا وبعد اذا وحده مثلا ف المول تحصلها لابسه العباه على راسها ومطلعه كمن خصله برع العباه او شويه شعر .
شو الغايه من انه تطلعين شعرج نصه او شويه منه .
حبيت احط لكم هالموضوع للنقااش لانه صدق ابغي اعرف ليش يعني هالشي يستوي
واعتقد كلكم شايفيين هذا الشي
والي اتمنى اعرفه ونتنااقش فيييه (( ليش البنت ماتتغشى ))



خويتكــم : رواضـــي

اتمنى اني القى التفااعل منكم والاجوبه ان شاء الله

[..:: قلــب بدويــه ::..]

هههههههههههههههههههه يمكن
لانه الهندي ما يتشوف يداا مثل المواطن خخخخخخخخخخخ
بس ايييه لا تحسبوني منهن :c01844:

[@بنت السيح@]

هيه بعض البنات مثل ما قالت الاخت قلب انه في بنات كذي تسون يتغشن من المواطن لانه واييد يناظر البنت اما الهندي ما يركز في البنت المواطنه وهاي اكبر غلطه تراهم كلهم ريال والمفروض تتغشى من الكل

[نحن اصحاب السعادة]

مب كل البنات هل البنات اهلهم رضو عليهم

الا جان ما خلوها تطلع بروحها للمولات او ويا الدريول ...حسبي الله عليهم ما ايخافون على شرفهم

وايد بلاوي تستوي من ورا الدريولية

[مذهلة دبي]

هلا...
أنا احس اللي تبا تتغشا...لازم تتغشى عن الكل...والريال...ريال سواء هندي ولا مواطن...
خلونا يا بنات نكون اعقل و ما نهتم للمظاهر....لازم نفهم احنا ليش نتغشى....
انا اشوف ان الحجاب كفايه..و العباه المستره...ما جربت اتغشى...بس احس خاطري اجرب مره....
ما ادري يمكن بحكم اني في دبي....غير شوي...وايد اجانب..محدعنده وقت يطالع الثاني
ترى البنات من المناطق الثانيه لما اييون دبي ما يتغشون...ليش يعني؟؟؟؟؟ انا بعد ابا افهم السبب

[الشامسية]

يعطييييييييج العافية ع الموضووووع
و انا أشوووف أن مب لازم البنت تتغشى بس بشرط ما تكون حاااااطه full make up
اما اذا كانت عادية مرتبة مب شرط تتغشى
بس ف العين شي ثااااني هههههههههههه
الواحد غصب عنه لازم يتغشى
عاد إنتوا فهمووووها
و السموحه

[احلى الوصايف]

لان الهندي احشم بنظري

[رمش الغلا81]

احمد ربي اني ماكنت من البنات اللى مايتغشن
الله ايثبتنا يارب

انا بصراحه انقم البنت اللى تطلع الاسواق وماتتغشاء.......

اكيييييييييييد انهن يبن يعرضن مكياجهن حق الناس يوم يطلعن السوق والا الخياط طلعن تارسات ويوهن من ذاك الطحين وراسمات اعيونهن وما مخليات لون ماحاطاتنه على عيونهن وما بيتغشن
حليلهن حرام حاطات كل هذا وتبونهن يتغشن خلوهن يعرضن مكياجهن
وتبون الصدق حد من البنات اذا كان وياها حد من اهلها مابتوح الغشوه
واذا ماكان حد وياها تستانس بتوح الغشوه واذا شافت حد يقربلها لا بتغشاء عشان ما يخبر عليها والا اذا شافت حد مايعرفها بتوح الغشوه عادي بتقول مايعرفني...........


واخيرا:
اقول الله يهدي كل وحده ما تتغشاء
واحب اقول ان المواطن والهندي كلهم واحد
والهند والله انه ينقم اكثر من المواطن

وسلااااااااااااااااااااااااااااااامي لكم
اختكم الصغيره:رمش الغلا81

[Code Bar]

السلام عليكم ورحمة الله وبركاتة

اولا احب اشكر الاخت رواضي على موضيعها الي انا اشوفها في مكانها وهيه مواضيع حساسة تمس مجتمعنا.

اما بنسبة للغشوة عن المواطن انا اشوفها انها مش بسبب العادات والتقاليد وليس بسب انه في فرق بين المواطن والهندي. ومادام ان البنت او الحرمة متحجبة ومبتعدة عن العباة الرصصة فما عتقد انه في اي مشكلة الى اذا ان البنت كانت ذو جمال اعتقد انه يستوجب الغشوة عن الهندي وعن المواطن........

واحب ان اعقب على اخر كلمة لـــ رواضي وهيه ليش البنت ما تتغشا خلينا نقول ليش البنت ما تتنقب........ ولكم جزيل الشكر

[angel eyes]

السلام عليكم و رحمه الله

انا عضوه يديده في هالمنتدى..و بصراحه موضوع الاخت رواضي لفت انتباهي فكان اول موضوع اشارك فيه

بصراحه كلامج صحيح اختي انه اللي بتتغشىلازم تتغشى من الكل..يعني الريال ريال..مافي شي اسمه مواطن او هندي...لان اللي تتغشى المفروض انها تتغشى عشان ما تظهر مفاتن وجهها لرجل غريب...
لكن وقفت عند نقطه ان (ليش البنت ما تتغشى)...
الغشوه اختي عمرها ما كانت فرض علينا كمسلمين...هذي عادات اتخذها اجدادنا و توارثوها..يعني اللي ما تتغشى مب مفروض عليها الغشوه..طبعا اذا كانت بحشمتها و حجابها و كانت خاليه من المكياج...
وللاسف اللي نشوفه اليوم الكثير من اللي يتغشون يستخدمون الغشوه لاغراض اخرى عشان محد يعرفها ..كان تكون متواعده مع شباب او غيره و مابغي اوضح اكثر
غير اللي يلبسون الغشوه في امارتهم او مدينتهم و يوم يسيرون دبي يفصخونها...

مابغي اطول عليكم...بس حبيت اوضح وجهه نظري..الغشوه عمرها ما كانت فرض ..

والسموحه

[وصااايف]

حبيبتي مشكوره عالموضوع صج صدته من واقع

بس ابي اقول رايي بالموضوع الصراحه الي شايفته ان المراه بهالوقت صارت فتنه وايد بسبت هالعبايا الي طايحين عليها وفيه الي حفت الحواجب ولبست الثامه وفيه وفيه وفيه ما بخلص من الي نشوفه باسواقنا واحس ان المفروض تالبسن الغشوه برائي

[alkitbi girl]

مشكووووووووووووووره ختيه عالطرح الرائع



وبالفعل ظاااهره منتره بكثره ...

وطبعا دايما يكووون المبرر


((بالنسبه للدريول يقوللك: عنبوه هوه بيسوق وإلا بيتم يتأمل ويهي ))
((وبالنسبه للاسواقيقوللك: شو بشوف انا ...))

اختيه اذا انتيه تبين تشوفين عندج خيار ثاني وهو النقاب وهو استر طبعا ...


واساسا لازم الاهل يكون لهم دور ...وهم يوجهون بنتهم



تحياااااااااااااااااتي

ختكم الحلوه



اجتبيه

[المـــــ دلوعة ـــــزاريع]

والله صدقج نحنا ليش نفرق بين المواطن والهندي يعني مب كلهم رياييل؟؟؟؟؟؟!!!!!!!
بس تدرين يمكن لأن الهندي لو شافنا ما بيعرف ولا بيرمس اما المواطن بيقول
والله انا اليوم شفت فلانه بنت فلان وعاد خذي من هذيج الرمسه اللي ما تسر .>>>>>>>>>>>><<<<<<
وبحطون الف عله وعله فيهاهالبنت المسكينه
وانا ما اقصد كل الشباب انا اقصد بس اللي ما عندهم مذهب[quote]