لماذا الفتيات يخترن الشاب الوسيم ؟؟؟ الموضوع للنقاش

[•ミ المكـَـ ح ــلミ•]

السلام عليكم ورحمة الله وبركاته

قد يكون ما اطرحه جرىء بعض الشىء ولكنه اصبح من احد الظواهر المتفشيه في هذا المجتمع ...


من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال

ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من

الوسامة الشيئ الكثير... بغض النظر عن رجولته وشهامته لدرجة أن بعض الفتيات يخترن شاباً

وسيماً لايملك من مقومات...الرجولة شيئ ويفضلنه ......

وبالنهايه السؤال هو...

لماذا اصبح تفكير بناتنا عقيم؟؟؟؟؟

لماذا اصبح لا يهمهم الا المظاهر؟؟؟؟

الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب

متطلبات العصر !!!

مارأي الأخوة والأخوات ؟؟؟

يمكن لان البنت صارت تختار شريك حياتها على اساس كيف شكله وأيش يملك وأيش عنده سياره

وأيش منصبه.. وتغاضت عن النواحي الثانية المهمه مثل الدين والخلق والصلاح والعقل .

الموضوع مطروح للنقاش

اتمنى ان اجد صداه بالاجابة الجريئه المقنعه وشكرا لكل من قرا وعلق على الموضوع
منقول

[عذبة السجايا]

يعطيك العافيه خويه على الموضوع المميز ,,,

من وجهة نظريه الاخلاق اهم من الجمال ,,,

والجمال فاني مع الايام بس الاخلاق دايمه ,,,

[الشامسية]

يمكن لأن الناااااااااااس ف هالزمن استوووا يهتمووون وااايد بالمظاااهر
ف حتى البنت اللي عندها بووي فرند "مب زوجها بعد" تحرص ان يكوون وسيم
ماعرف شو الاسباااب و الله اللي تخلي البنت تفكر بهالطريقة
و الله يعطيييييييييييك العافية

[مذهلة دبي]

أصلن الجمـــــــــــــــال من صفات البنات...بس مثل ما قلت..انجلبت الادوار...الولد قام يطالع المنظره اكثر من البنت...و البنت قامت تهمش الدين والاخلاق.. و تطالع الجمال و المال في المرتبه الأولى...و ها اللي سبب زيادة نسبة المشاكل الاسريه..و عنوسه البنات...خلصوا الشباب الحلوين.لوول
بس ما أقول الا...ليس كل ما يلمع ذهـــــــــــبا؟؟

[•ミ المكـَـ ح ــلミ•]

عذبة السجايا :

تسلمين على المرور..والجمال هو جمال القلب وهو أهم شيء لازم يكون في الرجل..


الشامسية:

زدتي الموضوع نور بردج ..وتسلمين على المرور الرائع..

مذهلة دبي:

ابهرتيني بردج وانا معاج فهاي النقطة وتعددت المشاكل الاسرية بسبب عدم اهتمام بلاخلاق والان أهم شيء الرجل وسيم وصاحب مال..وتسلمين على الطلة الحلوة..

[يـآس]

يعطيك العافيه اخويه عالموضوع الطيب والهادف

لماذا اصبح تفكير بناتنا عقيم؟؟؟؟؟
اتصوير تفكيرها عقيم لانها اصبحت بدون شخصية .. فكل الي تشوفه سواء في التلفزيون او برا البيت يجذبها وتنساق وراه .. كأن الحياه هي هذي الي تشوفها .. وللاسف منيمة عقلها وملغية شخصيتها. ( البعض طبعا)

لماذا اصبح لا يهمهم الا المظاهر؟؟؟؟
لان المظاهر صارت كل شي هالايام .. ماصرنا نشوف الشخص على طبيعته لازم متهندم ومتزقرت حتى لو بياع في مطعم
والبيت صار تحفه الواحد ماياخذ راحته فيه من كثر ماهو معدل ويخافون يخربونه ههههههههههه .. وصار الريال ديكور ينظم لهالاشياء .. ترا خلاص الحياه ديكور

واتصور البنت متأثرة بشكل البطل الوسيم في الافلام والقصص وعلى بالها كل بطل وسيم .. وتبى تعيش الدور معاه هههههههههه اتصور جذي


الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب
متطلبات العصر !!!
مارأي الأخوة والأخوات ؟؟؟


رايي ان بيدنا نغير هالشي .. وكل شخص يبدأ في بيته .. ماشي مستحيل .. نرجع لدين وتربية اهلنا وعاداتنا وتقاليدنا .. ونتمسك في الترابط الاسري والطلعات اللوليه ونخلي البنت تفج عن التلفزيون وتتثقف في دينها .. اهنيه بتحقق ذاتها وبتنور طريقها .. وبتغض بصرها عن الشاب الحلو <<<<<<<<<<< ياربي تعقد من البنات P:

هههههههههههههههههه

تسلم اخويه على الموضوع وماقصرت

ننتظر يديدك

[عاشقه نذله]

تسلم اخوي على الموضوع الرائع ويعطيك الف عافيه

لماذا اصبح تفكير بناتنا عقيم؟؟؟؟؟
انا اهني على ما اعتقد بسبت القنوات والطرب والافلام الهنديه خخخخخخخخخخخخخخخ

لماذا اصبح لا يهمهم الا المظاهر؟؟؟؟

لانه المظاهر بهالزمن اهم بوايد الي يهتم بمظهر له شخصيه شي شي يعني اهو الازم الواحد يهتم بمظهره بس مظهر يختلف عن مظهر اخر

الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب

متطلبات العصر !!!

مارأي الأخوة والأخوات ؟؟؟

هيه بس شو تسوي الشاب قام يغار الله يخلي الصالونات خخخخخخخخخخخخخخ

[•ミ المكـَـ ح ــلミ•]

دلعوه اهله:

ابهرتنا بردك المميز والحمد الله يوم شفنا اراءكم في هذا الموضوع وتسلم على الطلات الحلوة..


عاشقة نذلة:

تسلمين على الرد ومشاركتنا في الموضوع بتفاعلج المميز والجميل بس الصالون ماله خص في جمال الرجل وطلب المرأة ان يكون شريك حياتها وسيم وهذا من وجهة نظري وانا احترم رأيج...

[عيناويه وافتخر]

هذا اللي يصير ها الاياام بعض البناات ما تهمهم الا المظاااهر والمظهر ما يدووم
ولو اختارته لمظهر وعقب لا قدر الله استوى شي لرياال شو بتسوي البنية
هي ما اختارته الا على شكله ونست الاموور الاهم وهي دينه وخلقه

الله يهدي الجميع

تسلم ع المووضووع

[•ミ المكـَـ ح ــلミ•]

عيناوية وافتخر::


الصراحة انا وياج في هذي النقطة شز فائدة الرجل بدون دينه واخلاقه وتسلمين على تفاعلج ويانا في الموضوع..

[خقاق بن خقاق آل خقه]

السلام عليكم ورحمة الله وبركاته


لماذا تبحث الفتاة على الشاب الوسيم؟"الحلو"

من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال

ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من

الوسامة الشيء الكثير... بغض النظر عن رجولته وشهامته لدرجة أن بعض الفتيات

يخترن شاباً وسيماً لايملك من مقومات...الرجولة شيء ويفضلنه ......



وبالنهايه السؤال هو...



لماذا اصبح تفكير بناتنا عقيم ،،، وليس كلهم ؟؟؟؟؟



لماذا اصبح لا يهمهم الا المظاهر ؟؟؟؟



إللي أعرفه أن الجمال للمرأة فقط ولكن يبدو أن الرجل بات ينافس المرأة في هذا المجال

ليواكب متطلبات العصر !!!



مارأي الأخوة والأخوات ؟؟؟ وألا ترون إن الطلاق كثر في الاونه الأخيرة وما علاقته بهذا

الأمر ؟؟؟؟؟؟؟؟



يمكن لأن البنت صارت تختار شريك حياتها على أساس كيف شكله وشو يملك وشو عنده

سياره وشو منصبه.. وتغاضت عن النواحي الثانية المهمة مثل الدين والخلق والصلاح

والعقل .


الموضوع مطروح للنقاش .. ..


سلاااامي

خــقـــــــــــاق

[[ قلب مضنوني ]]

تسلم اخويه الخقاق عالطرح الحلو ,,

موضووع يستحق المناااقشه ,,



الحين الكل يهتم بالمظاااهر ,, مادري ليش ,, والمفروووش البنت يوم بتشوف الريال تشوفه بمريلته وبشهامته مش بشكله لان الشكل مستحييييل يفيدهاا بشي ,,,



والسموووحه ,,,



,
,
,

[،.. شيخة الحلوات ..،]

وعليكم السلام والرحمه الله وبركاته


تسلم اخويه خقاق ع الطرح الغاوي


والله ماعرف بس هب كل بنات يختارون ريال الحلووو

مثلاً شي بنات يوم ريال حلوو عسب يخقوون يدام اربيعاتيه

وانا مابقص عليك شي حريم يتنافسون بهالشي

الحينه لو هاييج عندها ريل مابقول خسف لانه الله خلق الانسان باحسن صور

بيتمووون الحريم بيتطنزون عليها بيقولون ماحصلت الا ها ومادري شوو ليش هوو متين ومادري شووو طاعوو وطاعووو والله لين باجر مابيخلصوون منه

عسب جيه البنات الحينه يخافوون ياخذووون واحد حلووو عسبت بس رمسة الحريم

هالشي الي مخوف البنات

عن الفلوووس والجمال والبيت شوو عنده من سياييير وكم في رصيده

هالشي بعد البنت من محقها تعرف صح ولا لا

بس يعني لازم البنت هب كله تفكر في البيزات ومادري شوو فكري عدل احسن لج والله

عقب انتي الي بتخسرينه هب هو الي بيخسرج

بس مادري شو اقولك خيووو نفوس البشر الي تغير هب زمن

ماقول غير

الله يعينا في لياي

[•°× ياويــل حــالي ×°•]

امـــــــــــــا عنــــــــــــــــــــــــــي احــب اشوووووووووووووووووووف الريـــــــــــال اول شي بطيبه
قلبه واخلاقه وسوووالفه وعقب افكر بالجمــأل وع فكرة الجمال جمال الروووح هب جماال الشكــــل..

وانــأ هب مع البنـــــــــــــات الي يشوووفوون الرياال بشكله واللله ماعندهن ســالفه ...


تسلملي يالخقاااااااااااااااااق ع الطـــــــــــــرح المميز الصــــــــــــراحـــــــــــــــــــــــه..

تقبل مروووري المتواضع..

ختك..


وووييلللوو..

[***بدويه كسرتيم***]

انا عن نفسي ما يهم الشكل .. لان الشكل ما بيتم طول عمره جذي بيتغير ... احلا ما في الانسان الاخلاق الزينه ...

وتسلم يا خوووي ع الموضوع المميز

[رَحِيْلُ الْودّ]

موضوع جميل ..

ولكنه مكرر أخي الكريم ..تحية

[رحــــــاله]

أنا بخذ الأسئله و بناقش :wink:


لماذا اصبح تفكير بناتنا عقيم ،،، وليس كلهم ؟؟؟؟؟

لانه في زمن يجبر الجميع للوصول إلى ألافضل و الجمال مب زد عن هالأشياء كلما زادت القدره على التغير كلما اطورت السالفه أكثر ..يعني الحين الشباب ما يخلو صالون ما يروحونه ( مب كلهم ) بس أنا أرمس عن مجموعه منهم لا و ينافسون الحريم في هالشي ..
دام يت العمليات و هالسوالف و بغى الريال الحرمه حلوه تراها بتضطر انها اتكون حلوه عشانه ..عمليه مب عمليه ..مب مهم أهم شي ترضيه .. التفكير العقيم عبارة عن ردت فعل .. مثل يوم اييك واحد يخطب وحده و يوم ما تعيبه يدور غيرها احلا عنها جي صارن البنات .. مب حلو !! بحصل غيره ..هههه



لماذا اصبح لا يهمهم الا المظاهر ؟؟؟؟

لانه هالشي اتشوفه قبل لا اتشوف إلي داخل ..


مارأي الأخوة والأخوات ؟؟؟ وألا ترون إن الطلاق كثر في الاونه الأخيرة وما علاقته بهذا

الأمر ؟؟؟؟؟؟؟؟

زاد و نص .. و اتعرف بعد شو زاد اهنيه في الامارات نسب الزواج من أجنبيات .. في هالزمن ماحد يتحمل عمره وسط هالحال إلي عايشين فيه .. و إلي اعرفه ان الامارات من أول الدول العربيه إلي زادت فيها نسب الطلاق ..
و الأسباب لو بتشوفها شو يعني بتكون ..المهر / مب حلوه / البنات , والله بنكمل تعليمنا عشان يطفش و يودرها هذا إذا ما عيبها شكله ....



..

أما عن نفسي فما أظن أني بطلب يكون إلي برتبط فيه حلو .. جماله ما بينفعني في شي ..

...



تشكر ع الطرح يالخقاق

تحياتي لك

[مغروره ومعذوره]

مممممــ
الصراحه مظهري يهمني بس موب لين هنااك ..
ولو ع الشاب الوسيم انا مايهمني الجمال المهم شكله يكون مقبول .. ^ـ^

ويسلموو ع الموضوع

[خقاق بن خقاق آل خقه]

تسلموون على المرور ..


شاكر توواصلكم الطيب ..

ربي لايحرمني ..

[خقاق بن خقاق آل خقه]

بناقش شويه..

والله ظاهره منتشره بشكل وانا عن رايي انه اكبر غلط البنيه جي تفكر...لان اكيد الريال ما بيختار الشكل الي يباه يعني شي شباب مخلوقين حلوين وشي شينين يعني مب بيدهم الشغله هذا بيد ربنا والمفروض البنيه تحط هـ الشي ف عقلها .. وثانيا شو فايده واحد وسيم وهو مب فالح ف دراسته (كل همه متى الويك اند عسبه يتمكيج ويظهر) . وشو فايده الوسيم اذا هو ما يصلي ولا بيوعي عياله وبيته..

يعني ما ادري انا شو السالفه بضبط وهذا السالفه البنات هن المفروض يفهمنا..

وشي ثاني:
شي بعضهن يبون واحد حليووو عشان ما تتفشل جدام ربيعاتها ..
و ما يقولون لها يوه ما صدقت لقت واحد خسف و شلته .. تبا تلحق على عمرها .. << ( و تلاقيهن هن اللي مستعيلات يالله يالله ايينا واحد ) ..!

و اذا بتحط في بالها كلام الناس بتتعب وايد ولا بتتوفق ..

عندج حل واحد بيفيدج ان شا الله لو ياج واحد يتقدم لج ...

( استخيري ) .... و ان شا الله خير

سلاامي خقاااق

[عاشقت العوامر]

الجمال مو جمال الشكل جمال الروح صح؟؟؟؟؟؟

[الــحــره]

:

( الجمال جمال الروح ) ..



كلام جديم ملينا منه ..

يعني الوحده يوم بتاخذ واحد شو كاضنها تجبر عمرها تعيش مع واحد ما تروم تجابل وييه لو خمس دقايق

صحيح الرجوله والشهامه مطلوبه .. ولكن مب على حساب الجمال الظاهري ..

يعني بقول هذا ريال بس مب لازم يكون شكله اللهم ياكافي ريال بس بصوت .. ما يمشي الحال . !!!

ان الله جميل يحب الجمال ..


اللي تبى تعرس تعرس وتاخذ الريال برجولته وجماله .. تقدر تجابل به الناس وتقول هذا ريلي .. بالصوت والصوره ..

:

احترامي //
الحره

[الولايات المتحده البدويه]

مرحبااا الشيييخ

اناا هب ويااا اللي تاخذ الريال او تنعجب عسبت شكله

الريال بهيبته ومريلته والشكل عادي اهم شي انه يكوون قلبه طيب

والسمووحه