عندي مشكلة

[دموع الشوق]

السلام عليكم ورحمة الله وبركاته

اخواني الاعضاء عندي مشكله وابغي منكم الحل
الخجل
عندي خويتيه في الجامعه
خجولة بشكل فضيع
وااااااااااااااااااااااااااايد تستحي لدرجة انها تستحي من ابوها وامها
تكون محتايه شيء بس تستحي تطلبه من ابوها او امها
وما تخالط الناس
عيزت وياها احاول اخليها جريئه بس ما قدرت

ابغي مشورتكم

والسموحة

دموع الشوق

[الشامسية]

يا دموووووووووع الشووووووووق دام إنه أختج دخلت الجامعه
خلااااص خليها للأياااااااااااااااام
الجامعه تخلي اللي يستحي
غصب عنه ما يستحي ( مب معناته عاقه المستحى مرررررررة ) لا بس يكون فيه جرأة.

انزين ف اقتراح ثاااني
خليها تسجل ف المنتدى و تتعود ع الرد و المشاركات( يعني تاخذ و تعطي ف الكلام) يمكن تستوي جريئة

[بنوته طرر]

وانا اقوول مثل اختي الشاامسيه مادااام هيه في الجاامعه الا بتكون جريئه
وبيني وبينج الحيااء زين للمرأه
والسمووحه منج اختي دمووع الشووق

[يـآس]

خليها تسجل في المنتديات نفس ماقالت اختي شامسيه وان شاء الله تتعلم تتحاور وتناقش وتطور من اسلوبها وشخصيتها
والخجل مرغوب بس مب لهالدرجه الي في ربيعتج . بس هيه يبالها تختلط اكثر بالمجتمع وتقرا اكثر
وفي حل ثاني خليها تعبر عن مشاعرها على الورق .. وتطلع الي فيها .. يعني تكتب خواطر او قصص ويكون الها هدف من هالكتابه مب تربع تكتب عن الحب وخرابيطه .. مثلا اختاري موضوع انتي وهيه وكتبن يعني مثل موضوع لقصه قصيره
وخلنا نشوف شو بتهببن وعرضنه النا خخخخخخخخخ وبنتحمل تنقيعاتكن عادي بس الهدف تطلعن شي

ومع الوقت باذن الله بتتعود انها تكون منفتحه وتخوز عقة الخجل الي فيها