مديرة مدرسة تطلب في طابور الصباح تشجيع العين !!!!

[oo قماري oo]

السلام عليكم ورحمة الله وبركاته

غلبها حماسها وولعها الشديد بنادي العين الرياضي فلم تستطع مديرة إحدى المدارس الحكومية في أبوظبي أن تخفي اعجابها ب “الزعيم” وبفوزه على النصر 3/2 وتأهله للمباراة النهائية لكأس صاحب السمو رئيس الدولة فقد طلبت مديرة المدرسة من التلميذات خلال طابور الصباح تشجيع نادي العين في مباراته النهائية.

وقال ولي أمر تدرس ابنته في المدرسة في اتصال مع “الخليج”: فوجئت بابنتي بالصف الثاني الابتدائي تدخل علينا البيت بعد عودتها من المدرسة وتقول لي: “أريد أن اشاهد مباراة العين مديرة المدرسة طالبتنا في طابور الصباح بأن نشجع نادي العين في المباراة النهائية .. متى بتصير هاي المباراة؟”

ويضيف محمود الحوسني والد التلميذة: لم أصدق ما سمعته من ابنتي وحتى اتأكد قمت بالاتصال بجيراننا حيث تدرس ابنتهم في المدرسة نفسها فأكدت لي صحة ما قالته.

ويقول الحوسني: أنا حريص على ألا يشاهد ابنائي وبناتي المباريات حتى لا يضيعوا وقتهم رغم متابعتي لها فهل تشجيع الأندية أصبح من الأمور التربوية التي يشار إليها في طابور الصباح؟

منقول من جريدة الخليج

[الموناليزا]

والله لاتستغربون ذكرتيني بموقف ياقماري بالسنه الماضيه...اذكر مره كانت فايزه العين بس مادري على اي فريق..
المهم وفي اخر الطابور الصباحي قالت مقدمه البرنامج الصباحي(وهي معلمه نفتخر فيها والها احترام من قبل الجميع) طالبتنا بالتشجيع فالطابور واداء تحيه عرفانا بجهود الزعيم<<<<<<عاد يافرحه بنات المدارس حد ايقولهن جذيه..

ما اعتقد انه المفروض هالاشياء اتكون في المدرسه صحيح كلنا انحب العين والامارات واي شي ايخصها بس مب من المفروض انه الانديه تدخل لمدارسنا وتشجيعها بينا وبين انفسنا على الاقل المعلمه اتكون قدوه للطالبات وتنصحهن باستثمار وقتهن في شي مفيد مب تشجيع كوره او نادي رياضي... انا مب ضد تشجيع وتحفيز الانديه بالعكس هذا يزيد من حماس النادي واللاعبين...بس اللي ما يعجبنا هو اللي نشوفه فالمدارس من مظاهر التشجيع خلو الكوره على صوب والعلم على صوب شو دخل هذا في هذا...

مشكوره قماري على الموضوع والله يعين المدارس اليوم بعد فوز نادي العين ....

وماخفي فيها اعظم...^_^ شفنا الدوام مختلف عينااوي اليوم ..كل الشوارع اعتقد لووول...ماناقص غير يعطونا مساقات فالجامعه بخصوص نادي العين ^_^>>>>والله يافرحه البنات ذيج الساعه...

دمتِ عزيزتي بكل الخير
بونيتا

[الحر_العنيد]

مشكووووووووووووور على الموضوع .......... بس ارجوا ان لا يوصل هذا التشجيع الى المدارس ويجم معاقبه القائمين على هذا الاساس ............... والموضوع مهم جداا جداا جداا ادخل شؤن الانديه في المدارس شو الفايده من هذا


احسلها هالمديره تقدم استقالتها وتروح نادي العين احسن لها ............

والسموحه

[شنقيطو]

صدق يوم قالو نادي العين روح الامارات

شنقيطو

[oo قماري oo]

هلا بونيتا تسلمين الغناه ع مرورج الاروع ,,,,,,وصدقج حتى انا اذكر ايام المدرسه يخترشن البنات ,,, والمدرسه تكون كلها عيناويه ,, من شرايط يربطنهم ع راسهن وايديهن وبلونات واشياء وايد << الله يعين بس ...


لكن السالفه لو سالفه البنات بس جان بنقول ,,,,, لكن توصل ان التحيه تكون في الطابور وبامر من المديره ,, الصراحه مب حلوه

[oo قماري oo]

احسلها هالمديره تقدم استقالتها وتروح نادي العين احسن لها ............

يبا حد يروح يقترح عليها هالاقتراح ,,,,, << يمكن تفرح دامها تحب الكوره هالقد ,,,,

وتسلم خويه ع الطله الحلوه ,,,

[oo قماري oo]

صدق يوم قالو نادي العين روح الامارات

شنقيطو

عدنا في الدوله اكبر حزبين << حزب اصحاب السعاده وحزب العيناوين

وكل واحد يقول فريقه روح الامارات <<< الله يعين ع الياي

ويسلمو خويه شنقيطو << شو معنى نكك هههه

[رومانسيه رقيص]

ههههههههههههههههههههههههههههههههه
والله هالمديرة عيناويه متعصبة الله يستر في الايام القادمة
شو بيصير اذا المديرة تطلب من الطالبات التشجيع!!!!
عيل بالايام القادمة شو تطلب منهم ؟؟؟








اختكم
رومانسيه رقيص

[oo قماري oo]

ههههههههههههههههههههههههههههههههه
والله هالمديرة عيناويه متعصبة الله يستر في الايام القادمة
شو بيصير اذا المديرة تطلب من الطالبات التشجيع!!!!
عيل بالايام القادمة شو تطلب منهم ؟؟؟

ما نقول غير الله يستر ,,,,,

وتسلمين الغناه ع مرورج ,,

[شوقي حمايم]

ههههههه الصرحه مالومها تحب نادي العين ومن مايحبه بس مب لهدرجه تشجع البنات للمتابعه

[oo قماري oo]

ههههههه الصرحه مالومها تحب نادي العين ومن مايحبه بس مب لهدرجه تشجع البنات للمتابعه


هههههه ما قاصر عليها الا تسوي مسيره ,,,,

ويسلموو شوقي حمايم ع المرور الحلو

[بنت العراقيب]

حليلها خلوهاا تستااانس بفريقها
وانا ما جوف فيها شي لو قالتلهم شجعوا نادي العين
والسموحه

[ريم الدماني]

السلام عليكم

ليش وايد مكبريين السالفه::كلتوها اكل هالمديره حليلها::
انا احس انه عادي وما فيه شي

>>اذكر قبل يوم كنا في الاعدادي فازت العين عالوصل
وشو سوو فالمدرسه حفله واليوم كله لعب ما شي دلااسه
واونه وماجآآت عيناويه ::حلو كان واستانسنا::

ومشكووره اختيه عالموضووع الحلوووو

ولا تزعليين منيه ترا هذا بس رااااااي


اختج
ريم الدماني

[ريم الدماني]

جنيه وايد نقعت
دراسه*

مفاجآآت*

[~الشيخه:عوشه~]

http://www.reemdubai.com/uploader/2006/bf5bf7e860.gif (http://www.reemdubai.com/uploader)
،،
،
مرحبا بـ
(قماري)

عادي عادي وايد تستوي هاي السوالف

من كنا صغار تقريبا عشر سنين واكثر

تعودنا نشجع النادي في الطابور لوول

تسلمين على الخبرر
،
،،

http://www.reemdubai.com/uploader/2006/1bff153936.gif (http://www.reemdubai.com/uploader)

[شاهين الامارات]

حليلها عيوناويه خلوها تستانس
لووووووووول

يمكن باجر تلعب في الفريق

[oo قماري oo]

حليلها خلوهاا تستااانس بفريقها
وانا ما جوف فيها شي لو قالتلهم شجعوا نادي العين
والسموحه


عادي عادي وايد تستوي هاي السوالف

من كنا صغار تقريبا عشر سنين واكثر

تعودنا نشجع النادي في الطابور لوول




السلام عليكم

ليش وايد مكبريين السالفه::كلتوها اكل هالمديره حليلها::
انا احس انه عادي وما فيه شي

>>اذكر قبل يوم كنا في الاعدادي فازت العين عالوصل
وشو سوو فالمدرسه حفله واليوم كله لعب ما شي دلااسه
واونه وماجآآت عيناويه ::حلو كان واستانسنا::



محد كلها هههههههه << ليش هي بيتزا عسبة ناكلها <<<< تحال تنكت ههههه

يا اخوانى ترا الا موضوع محد الحينه منعها ,,,,, وكل واحد كيفه ,,,
واختلاف الراي لا يفسد في الود قضيه ,,,

وجه نظركم نحترمها

ودمت بالف ود يالطيبين ,,,,

[oo قماري oo]

حليلها عيوناويه خلوها تستانس
لووووووووول

يمكن باجر تلعب في الفريق

ههههههه تبا الصج كل شي جايز

ودمت بخير