اتعبتني ياقلبي

[غلا العوامر]

مرحبا اخوانيه شحالكم
ربكم بخير انشاء

هذي اول قصيده احطها وبغيت رايكم فيها

اتعبتني ياقلب وش فيك ؟...
ادري انك من الشوق ولهان...

بس احب ابين لك ... ترى الخل مايبيك...
وان قلت لي يحبك تراك غلطان...

عمره مافكر ياقلبي فيك ...
وعمره ماذكرك برساله ولو بنقصان...

ولا قال فيوم احبك ولا ّ اغليك ...
وان كذبتني... ييبلي برهان...

لا تفكر ولا تنشغل به مايبيك ...
ولا تعترفله وتقوله فيك هيمان ...

اخافه يلعب بمشاعرك وعقبها يخليك...
عمر الحجر مايلين وخلك عمره مالان ...

خلك على صبرك ودور على شي ٍ يسليك...
نام واركد ... ولا تبات عليه سهران...

وانته ياللي قصدتك... ترى والله انا اغليك...
وحالتي وصلت لحالت شبه ادمـــــــان...

تولعت انا بك وصرت ماصبر عنك واطريك...
مارضى الغلط عليك ولو كنت غلطان...

انته عشقي وانته اللي لك قلبي, وبروحي افديك...
وان كان ودك ابتعد انته تامر ولو بتشتعل فاليوف نيران...والسموحة والعذر

((غلا العوامر))

[قصايد]

بدااااااااااااااايه موفقه يا ختيه ...

صح لسااااانج ملااااين ولا هنتي ...

اسلووووب وكلماااات ولكـــــن أين الوزن يا ختيه ...

القافيه حافظتي عليها ولكن الوزن لا ...

وان شاء الله ... اليديد يكون افضل ...

** من خلال متابعة القصائد وقراءتها سوف يتحسن الوزن عندك **

وانا متأكده بأن قلمك وااااعد ولديه الكثير ...

لذا لا تحرمينا الجديد ....

ختــــج / قصــــــــايد


ومرحبا الساااااااااااااااااااااااااااااااااااااااع

[نفحة الهيل]

صح لسانج فديتج والله كلماتج روووعة

لا تحرمينا فديتج من كلماتج

[المطلعي]

صح لسانج .. كلمات جميله واحساس اجمل







بالتوفيق لج ..

[amrya-miga]

تسلمين يالشاعره
بس ليتش تهتمين شوي بوزن القصيده خاصه اول بيت....

[غلا العوامر]

تسلمون اخوانيه على مروركم

وعلى تعليقاتكم

وانشاء الله الياي يكون احسن


اختكم غلا العوامر

[عيناويه وافتخر]

صح لسااااانج

يعطيج العااااافية

[حلو السجايا]

صح لســـانج الشــاعرة..
ونتريا اليديييد والافضل..

عنـــــــــــــود الصـــيد