قصه حزينه وحلوة وايد اقروها يلا ههههههههه غصب

[الكايــد]

.... السلام عليكم........


عندما تجعل شخص معين في مكان كبير وتحط عليه امال كبيره وتجعله هو الذي حقق حلمك الذي كنت تحلم فيه طول عمرك .. وفي الاخير تكتشف انك عشت في كذبه كبيره .. في لحظه يتحول كل هذا الحب الى كره وجرح من المستحيل ان يعالج ..




علي : اقول سالم .. اسميني شفت غرشوب شو اقولك روووعه .. بس عيبها شغله وحده ؟

سالم : اكيد خشمها كبير ولا حلجها مغطي نص مساحة ويهها ..

علي : يضحك ... لالا شي ثاني من طبعها ؟

سالم : قول خلصني بروحي ضايق خلقي لانه العطله انتهت !!

علي : ما تعطي ويه ابد ..

سالم : ( وهو يعدل قذلته قدام وحده من مرايات السيارات الي واقفه في الشارع ) والله يا علي شكلك ما تعرف صاحبك .. انا ما عمري وقفت بنت في ويهي وانا سالم ..

علي : شوف اذا يبت راسها صدقني اعطيك الي تباه !!

سالم : الي اباه يا علي ..

علي : الي تباه ..

سالم : شوف الي اباه هو شي غالي عندك .. بس ابا اخلي السالفه اكبر علشان تكون تستاهل ولا تتردد انك تعطيني الي اباه ...

علي : شو قصدك ؟

سالم : انا ابا اوعدك اني ايب راسها واخليها بعد تي لين بيتنا .. المهم تي .. بس اذا سويت هذا كله خلال شهر واحد اباك تعطيني تليفونك اليديد !!

علي : ( بتعجب وسخريه ) تيبها لين بيتكم وهي تصيح بعد .. اتحداك ..

سالم : لا .... مو بينا جي ابا اخلي محمد يشهد عليك علشان ما تشرد ولا تجذب

وفي هذا الوقت كان محمد مار في الشارع الي كانوا فيه واقفين ..

سالم : محمد محمد .. تعال اباك ..

ويا محمد ويقولون له السالفه كلها .. ويشهد محمد على السالفه واستانس لما عرف منوا البنت الي كانوا يتكلمون عنها لانه عرف انها ما عمر ها عطت ويه حق أي واحد من الشباب وحب يشوفها وكيف يطيحها بعد ما كانت كلها كبرياء وشموخ ..



اليوم الثاني ..

كان سالم مار شارع البنت الي كانوا يتكلمون عنها ولا يشوفها تسقي الورد الي في حديقتهم ..

سالم : هلا !!

تطالعه البنت ولا ترد عليه ..

سالم : زين السلام !!

ما ترد عليه !!!

سالم : شكلج مش مواطنه تدرين خليني اكلمج انجليزي .. هاي ....

ما ترد عليه !!

سالم : لا انجليزي ينفع ولا عربي .. يعني تبيني اكلمج في أي لغه؟؟؟

عهود : ممكن تفارج عن ويهي على الصبح .. والله كديت خير اذا من صباح خير تصبحت في ويهك .. عز الله رسبت في الاختبار ..

سالم : وانا شعليه اذا سقطتي مش مني هذا من ويه امج الي تصبحتي عليه ..

عهود : زين جب جب .. وفارج عن ويهي اشوف ..

سالم : انا اصلا ابا افارج عن ويهج وان شاء الله يا رب ساقطه .. بس قبل لا افارج عن ويهج ... ابا اخذ ورده لو سمحتي .. تراني على فكره اول مره استاذن بعمري كلها واخر مره ...

عهود : لو فيك خير مد ايدك على الورد والله لا اهفك باكبر شي عندي

سالم : هذا لو لحقتيني ( ويخطف ورده ووشرد وهو يضحك)

وعهود تقوم تصارخ ..

وصار سالم كل يوم ايي الصبح يسرق من حديقة عهود ورده والظهر يتحرش فيها وهو راد من المدرسه .. لي مدة اسبوع ....

صباح اليوم الثامن وكان الجو بارد ..

كان محمد يتمشى في الشارع متجه الى حديقة عهود لي يخطف وردها مثل كل يوم ويسمع صراخ عهود ..



يقترب سالم من حديقه بخطوات خفيفه علشان ما تحس فيه عهود الي كانت واقفه وحاضنه كتابها ومبين على ويهها ملامح التعب ..

سالم : هلااااااااااااا( بصوت عالي )

عهود : اوووووووووووووف ..

سالم : اليوم ياربي ما ادري شو اخذ الورده الحمره ولا الورده الخضره .. ولا البيضه اباج تساعديني في الاختيار يا حلوه ..

وير سالم ورده ويشرد .. بس استغرب انه ما سمع صوت صراخ عهود الي كل صبح متعود عليه ..ويرد لها

سالم : اقول شفيج اليوم ما تصارخين العاده اسمع صوتج لين اخر الشارع

عهود : اووووووووووووف يا ربي وانت شو تبا تبا ورده ولا صراخي ..

سالم : اثنين .

عهود : دخيلك فارج عن ويهي تراني حدي تعبانه .. ومريضه

سالم : لا سلامات خذي وردتج عيل ...

عهود : بعد شو ما قطفتها وذبحتها تقول خذيها ...

سالم : لا خلاص من يوم ورايح ما راح اخذ منج أي وردها الا من رضاج انتي ... ويالله مع سلامه ...



استغربت عهود من كلام سالم وكيف تغير بعد ما كان مطفرها كل صبح .. ولما رجعت من المدرسه .. شافت سالم كان توه مار في شارعهم .. ولما شافها رد علشانها ...

سالم: هلا .. شحالج الحين

عهود وهي تبا تدخل الى حديقة بيتهم .. لين الحين تعبانه ..

سالم : لا سلامات روحي نامي احسن لج

عهود: اوكي ...

سالم : مع سلامه

عهود : مع سلامه .

اليوم الثاني الصبح

ركض سالم لين شارع عهود .. ولما وصل كانت عهود تسقي ورد الحديقه ..

سالم: ياهلااا يا احلى ورده في حدايق الورد الي في الاماراات كلها .. شحالج

عهود : هلا

سالم : اخبار صحتج الحين .. لالا ماشاء الله عليج شحلاتج اكيد راح المرض عنج .

عهود: حمدالله .....

سالم : تصدقين اني احسد الورد عليج ... يااااااااالله ياليت انا ورده وانتي كل يوم تسقيني كل صبح

عهود : لا والله .. عيل خلاص ولا تزعل .. ( وترش على سالم ماي )

سالم : ( بغى يعصب بس تمالك اعصابه وضحك) الله يقطع ابليسج شو سويتي فيني كيف اروح المدرسه جي ...

عهود : وانا شعليه انت الي قلت ياليتني ورده وانا لبيت طلبك وشتبا بعد ..

ويجي الباص وتركب عهود الباص ويرد سالم لي بيت وهو متغرق في الماي ..

ويمرض سالم بانفلونزه اسبوع .. بسبت البرد لما رد لي البيت وهو غرقان ماي ..

واستغربت عهود غياب سالم لي مده هذه كلها وكانت كل ويوم تقطف وردها لين صاروا سبع وردات واليوم الثامن كان سالم يتمشى لين وصل بيت عهود وهي استانست لما شافت سالم

سالم : هلا والله يسامحج ..

عهود : هلا .. وليش؟؟

سالم : تذكرين لما غرقتيني في الماي وانا رديت لي بيت مرضت بسبتج .. اسبوع وانا على الفراش

عهود : انا اسفه ما كان قصدي ...

سالم : ومع هذا انتي احلى ورده في الامرات كلها .. وكيفي ولو تغرقيني في الماي مره ثانيه وامرض شهر ..

عهود : لا سمله عليك .. خذ هذه .. وتطلع له سبع وردات .. لما غبت عني كنت اقطف كل يوم ورده علشان اذا يت تاخذهم ..

سالم : مشكوره والله .. يعني معنى كلامج كل يوم لي ورده ....

عهود : ( وهي تطالع لي حديقة الورد مالتها ) هي خربانه خربانه كل يوم تعال و لك ورده ولا تزعل ..

سالم : مشكوره .... وانا الحين رايح لي مدرسه مع السلامه ...

عهود: مع السلامه ..



ويمشي سالم لي مدرسه وهو يفكر في عهود ويقول بينه وبين نفسه والله طيبه هذه البنت مو جنه حرام الي راح اسويه فيها .. ( في هذه للحظه ) يسمع صوت الجرس يرن في المدرسه ويركض لي مدرسه وينسى السالفه ..



( داخل الصف )



علي : ها السلم بشر اشوفك كل يوم في شارع البنت ولا سمعت شي يبت راسها ولا لين الحين ؟

سالم : ( ياخذه الغرور) افا عليك موعدنا اخر الشهر وتشوف انا سالم هب حي الله .. ويضحك ...



الساعه 5 العصر كان مار سالم في شارع عهود وكان فاضي ولا فيه احد غير عهود الي كانت في الحديقه مثل الورده واحلى من الورده جمالها كان غير طبيعي .. اقترب سالم من عهود وهي ما تحس فيه لانها كانت منشغله في الحديقه تنظمها وتسقي الورد ..



سالم: مرحباا...

عهود : ( زيقتني ) بسم الله زيقتني من وين طلعت انت ( وتضحك)

سالم : هههههههههههه .. سوري ما كان ودي ازيقج انا اسف ..

عهود : شحاللك يا ...

سالم : اسمي سالم ويدلعوني محمد .....

عهود : ( تضحك ) الله يقطع ابليسك .. موتني من الضحك اسمك سالم ويدلعونك محمد .. كيف جيه ..

سالم : ما ادري سئليهم ..

عهود : اسئل منو؟ ربيعاتك ( قالتها وهي رافع حاجبها)

سالم : اعوذ بالله انا اصلا ما اعرف من الجنس الناعم غير امي وانتي ... انتي الي علقتي قلبي من اول ما شفتج انا قبل ما احب الورد حبيته لما شفتج تسقينه صدقيني انا قبل اضحك على الناس لما اسمعهم يقولون انهم حبوا من اول نظره .. وانا الحين صدقت ان في هذه الدنيا حب من اول نظره ..

كانت عهود تسمع كلام سالم ولا تحس في نفسها .. كانت سرحانه في عيون سالم وكلامه الي اول مره تسمعه وتصدقه ..

عهود : سالم خلاص اسكت ارجوك ما اقدر اتحمل اكثر .. ( وتحط ايدها على قلبها وتركض لي داخل البيت ) ..

ويرد سالم لي بيتهم وفي هذه للحظه كانت عهود في غرفتها وجالسه على سريرها وظامه ريولها على صدرها .. وهي تفكر في سالم ..

وتقول حق روحها .. يالله ياني كنت انطرك من زمان يا سالم انك تجي وترحمني من عذاب حرمت ابوي .. اه اه .. والله احبــــــــك ....



ويكمل سالم مشواره لين وصل لي اخر الشارع ويسمع صوت يناديه ...

علي : سالم سالم .. تعال

سالم : يلتفت سالم لي صوت ولا علي يناديه ..

علي : سالم ها اشوفك كنت عند البنت ها يبت راسها ولا ؟

سالم : ( وهو مرتبك ومتردد ) علي مب جنه حرام الي راح نسويه ويه البنت .....

علي : هاا يا ابو الحرام انت انت الي بديت ولا جنه ما عطتك ويه البنت والحين جاي تقول حرام ما حرام ..

سالم : اوكي خلاص وعدنا لين اخر الشهر مع السلامه

علي : وين رايح انت الحين راح بيون الربع وراح نلعب بلي ستيشن في الخيمه تعال العب ويانا !

سالم : ما لي خلق احس روحي تعبان .. نشوفك .. مع السلامه


وترقبووو الجزء الثاااااااني من القصه قريباااا

[بدوي الهير]

تسلم يا ملك الحب

عالقصه الروعه

ونتريا الجزء الثاني

وتسلم يالغالي...

[الكايــد]

ويمشي سالم في الشوارع لين ظلمت الدنيا وهو يفكر في عهود .. ويقول بينه وبين نفسه حرام الي اسويه وياها .. ويرد لي شارع عهود ويلقى عهود جالسه في الحديقه وبين من ملامح ويهها الحزن ...



سالم : مرحبااا ...

عهود : تمسح ما كان على خدها من دموع هلا هلا سالم ...

سالم : شفيج جنج صايحه ؟؟

عهود : مافيني شي ..

وتقرب عهود لي سالم ويكون بينهم سور الحديقه القصير ويتكلمون ..

سالم : شفيج حبيبتي من الي مزعلج ومصيحنج ؟

عهود : والدمعه من عينها تنزل حرمت ابوي ..

سالم : شفيها ؟

عهود : هي الي مسويه فيني جي ..

سالم : ليش؟

عهود : ما ادري هي جي اذا عصبت سوت فيني جي .. والحين هي طالعه ...

سالم : زين يا .... أي صدق انتي شو اسمج تصدقين ما اعرفه ..

عهود : ( قالتها بصوت حزين ) عهود ..

سالم : يا عمري يا عهود .. زين وين ابوج وين امج ..؟؟

عهود : امي توفت الله يرحمها .. واما ابويه كله طالع ولا اشوفه الا اخر الليل ..

سالم .. ابي اسئلك سؤال واحلفك في العزيز الغالي عندك ؟ ممكن انا ما وصلت لي مرحله انك تخليني العزيزه الغاليه عندك؟

سالم : ( يسكت لحظه وينزل راسه لي ارض ويرفعه) تفضلي شو سؤالج ؟

عهود : انت تحبني يا سالم ولا تضحك علي ؟

سالم : ( كان خايف من هذا السؤال مب لانه حلفته في العزيز غالي لانه قلبه ما اعمره كان فيه عزيز وغالي ولا كان يقدر احد ويعزه لي نفسه .. بس لانه ما كان وده يضحك على عهود .. وبكل صعوبه ) أي احبك ..

عهود : (تمد ايدها لي سالم وتمسكها ) سالم انا محتاجه لي حب انسان مثلك وصدقني اني محتاجه لك ورفجه خلك بقربي يا سالم .. بديت احس اني احبك يا سالم ..

وعهد علي وانا عهود ادوم احبك ما دمت تحبني لين اخر عمري ..



(يرتعش قلب سالم من كلام عهود .. ويحس بشعور قوي يهز كيانه كله .. )



سالم: اوكي انا ابي اخليج الحين واشوفج بعدين

عهود : وين رايح يا سالم خلك وياي تراني حدي متململه .....

سالم : انا اسف عهود لكن عندي امتحان باجر ولازم اروح ادرس ...

عهود : عيل اخليك روح تدرس احسن لك .. وبالتوفيق يا رب ...



سالم : تسلمين ..



ويروح سالم متجه لي بيتهم ويجلس في حديقة البيت وهو يفكر في عهود وهل هي تستاهل الي يسويه فيها .. ولا يدري شو يسوي ويتمنى انها ما اتفق ويه ربعه انه يسوي في عهود جي ..



وبعد ثلاث ايام غابهم سالم عن المدرسه وعن عهود .. ويحترق قلب عهود شوق لي سالم ..

اليوم الرابع الساعه 8 بالليل كانت عهود جالسه على كرسي وسرحانه تفكر في سالم وليش كل هذه الغيبه .. في هذه للحظه كان سالم واقف قدام حديقة عهود وهو معزم انه يقوله الحقيقه ..

عهود : ( بفرحه وشوق) هلا والله يا غالي وينك اشتقت لك موت ..

سالم : ( وهو خايف متردد ) موجود و ...

عهود: ( تقاطعه ) اشتقت لك موت والله وكنت خايفه اني ما اشوفك لانه في موضوع كان ودي اقوله لك ..

سالم : خير ان شاء الله ..

عهود : ولد عمي ياني يخطب اليوم بس انا رفضته تصدق كذا مره اي ويخطبني وانا ارفضه ....

سالم : عهود ليش رفضتيه ؟

عهود : قبل كنت ارفضه لاني ما احبه .. واليوم ارفضه لاني احبك انت ولا ابي غيرك انت ..

سالم : بس انا لين الحين توني طالب في الثانوي في اخر سنه ما ادري اطلع منها ولا ما اطلع منها ..


عهود : لا ان شاء الله تطلع ..

سالم : بس يا عهود شو فيه ولد عمج ليش ما تخذينه ؟؟

عهود : ( ترفع حاجبها ) شكلك ما تباني وتضحك علي يا سالم .. سالم انا حلفتك قبل وابا احلفك الحين انت تحبني ولا تضحك علي؟

سالم : ( بخوف ) لالالالا يا عهود انا احبك والله بس ..

عهود : بس شو ؟

سالم : بس الوقت تاخر ولزم اروح الحين مع السلامه ..

عهود : خلك وياي ضايق خلقي والله بروحي والبيت مافيه احد غيري ..

سالم : ( بتردد ) لالا انا عندي اختبارات يا عهود ..

عهود : ( تنزل راسها ) اوكي براحتك ...

سالم : شفيج عهود تغير صوتج؟

عهود: ( تلتفت لي اتجاه الثاني ) لا مافيني شي بس خلاص روح ادرس قبل لا يروح الوقت عليك ..



سالم حس ان عهود محتاجه له وعزم انه يقعد ويها يجبر في خاطرها ...



سالم : عهود بس باجر الخميس !!

عهود : ( تلتفت وترفع راسها ودمعه علي خدها كانت تنزل ) من صدقك تصدق ناسيه عيل خلاص خلك وياي ..



سالم : خلاص ابا اقعد وياج شعليج .. سالم الي هو انا يقعد وياج يوم السبت روحي قولي حق ربيعاتج انه سالم كان وياي يالله روحي تخققي عند ربيعاتج..

عهود : تضحك .. اكيد ابا اتخقق فيك بس بروحي لانه اباك روحي ولا ابا احد شريك فيك تكون حقي انا بس ..



سالم : وانا اباج تكونين لي انتي بس يا عهود ؟ ( كان متردد وخايف سالم من عهود وان يصارحها )

عهود: شفيك سالم .. كل شوي تقول بس وتسكت واشوف في عيونك كلام شو ودك تقوله قوله .. لا تخاف انت شي داس عني شي ؟

سالم : ما ادري ....

عهود : سالم وقفتك الحين قدام الباب مش حلوه شوف انا ابا افتح باب البيت من باب الوراى ونقعد في الحوش وتعال انت هناك .. علشان ناخذ راحتنا

سالم : اوكي



ومشى سالم وكانه شايل هم كبير حاول انه يدور له فكره علشان يوضح لي عهود سالفته بس ما لقى !!

ولما دخل بيتهم وجلس في حوش البيت وكانت عداله عهود كانت حاسه انها طايره من الفرحه ..

عهود : والله عارف اني الي اسويه الحين غلط في دخلتك عندي في البيت بروحي .... بس والله لو هي غلطه فهي اعتبرها احلى غلطاتي ... سالم تدري ابا اقولك سر .. بس لا تضحك علي

سالم: ماراح اضحك عليج ....

عهود : ( وهي منحرجه) تصدق لما شفتك اول مره مدري شو صار فيني لي درجه لما شفت ويهك من بعيد نزلت راسي ولما كنت تحاول انك تسلم علي كنت ارد عليك من داخلي بس بس ما سمعتك لاني يا سالم ما عمري كلمت شباب كنت بس ازفهم في الشارع ولا في السوق لاني ما احب هذه السوالف .. بس كنت تطفرني لانك كنت تسرق الورد لي كنت اعتني عليه وايد من هو صغير .. بس والله فدوه لك وغالي لي غالي يا اغلى غالي .. ( وتحط ايدها على ايد سالم) سالم امانه يا حياتي انا محتاجه لك لا تخلى عني .. محتاجه قلب حنون وايد ناعمه تمسح دموعي من عذابي الي اشوفه من ايد حرمت ابوي .. سالم صدقني انا احبك من كل قلبي ..

نزل راسه سالم ولا قدر يقول شي حس انه انربط اللسانه ولا قدر يقول شي ..

عهود : سالم سالم شفيك ساكت ؟

سالم : لا ابد ما فيني شي بس عطشان ممكن تيبين لي كللاس ماي ..

عهود : أي اسف ما ضيفناك .. لحظه وييك ..

وراحت عهود ومرت غرفته تحول تور أي شي تعطيه لي سالم ذكرى .... ولا لقت شي تحس فيه القيمه وطلعت من غرفتها وراحت لي مطبخ وجابت كلاس ماي ولما يت لي سالم شافت دمعه في عينه تنزل وهو ساكت .. ويطيح كلاس من ايدها ..

سالم : شفيج عهود ..

عهود : ( تحظن سالم بين ايدينها ..) سالم انت فيك شي قولي شو فيك ما اباك تصيح جيه ريحني ولا تخليني جيه ..

سالم : ( يمسح الدموع الي خد عهود ) صدقيني يا عهود ما فيني شي ...

عهود: ( تنزل راسهاوتنتبه لي سلسله الي كانت في ايدها ) تنزع السلسله عهود وتحطها في ايد سالم .. سالم هذه سلسله عزيزه على نفسي وايد لانها من امي .. وانا ابي اعطيك ايها .. خلها وياك ..

سالم : لالا هذه ذكرى من امج الله يرحمها ..

عهود : ( تحط ايدها على ايد سالم ) حلفتك في معزتي عندك تخليها عندك .. امانه يا سالم ....

سالم: احبـــــــــــك يا عهود ... ( ويقوم من مكانه ويطلع وكانت دمعة على خده ) يطلع سالم وراح لي بيته ...

وعهود سهرت طول الليل تفكر في سالم ..

كانت عهود تتصل في سالم وهو يتصل فيها كل يوم وكل يوم كانت عهود تجدد حبها لي سالم في شوفته .. لين جاء اخر الشهر .. اليوم الموعود


............ترقبواااااااااااااااا الحلقه الاخيره قريباااااااا

[العيون السود]

تسلـــــــم اخويـــــه علـــــى القصـــــــة
وايــــــــــد حلــــوه

ونتريـــــاااا الجـــزء الاخيـــر بفارغ الصبـــر

[₪ لبيـــه ₪]

تسلم أخوي علي القصه

الصراحه مافيها حيله

ونتريا التكمله بس لا تطوول علينا

^_^

[..:: قلــب بدويــه ::..]

تسلم خوي عالقصـــــــــــــــه الحلوه ^_*

[غرشوبة الهير]

مشـــــــــــــــــكور اخوي ملك الحب على القصه

[قصايد]

تسلم يا خويه على القصه ... بس ابا النهاااايه ... لا تبطي دخييييلك ..


ومرحبا السااااااااااااااااااااااااااع

[الكايــد]

الحلقة الاخيرررررررررره
عند باب بيت سالم كان جالس محمد وعلي ..

علي يا لله السلم روني وعدك الحين اخر الشهر .. محمد أي والله يالله خنا نشوف افعالك ..

سالم : يا جماعه شو رايكم نخلي البنت في حال سبيلها .. تراها والله مسكينه..

علي : شو من صدقك انت ولا لما حسيت انها ما عطتك ويه تقول الحين مسكينه ....

محمد : سالم انت تعرفت عليها ولا ..

سالم : هيه وياليتني ما تعرفت عليها .. دخيلكم خلوها في حال سبيلها ..



وصار كل من محمد وعلي يضحكون على سالم .. لين عصب ومسك تليفونه ودق على عهود ..

سالم : ( وهو يتظهر انه تعبان ) عهود ابي اشوفج الحين .. تعالي لي عند بيتنا ..

عهود : شفيك وقفت قلبي ..

سالم : تعبان حيل ولازم اشوفج في شي ابا اقوله لج .. كنت داسه عنج من زمان ..

عهود : اوكي انا يايه لك ..

وتركض عهود وتاخذ السايق وتروح لي بيت سالم .. وعند الحديقه كان واقف سالم .



عهود تنزل من السياره بسرعه .. وتروح لي سالم ..

عهود : شفيك سالم خبرني شفيك ؟؟ ( وتصيح )

ويا محمد وعلي يوقفون عدال سالم .. والله قدها يا سلم والله تستاهل تليفون ويعطي علي تليفون في ايد سالم ويروح هو ويه محمد وهم يضحكون على عهود ويتريونن عليها ....

عهود : سالم شو السالفه قولي سالم شو فيك؟

يطيح التليفون من ايد سالم على ارض ويتكسر و يحس سالم انه الدنيا تفر فيه ولا يقدر يسوي شي ويدش لي بيت ويخلي عهود بره ....

وتم عهود تدق على سالم ولا يرد عليها لين في اخر شي عزم يرد عليها

سالم: عهود سمعيني دخيلج ابا اقولج وانتي سمعيني ....

عهود : ( وهي ما تملك روحها من الصياح ) سالم شو السالفه خبريني ؟؟؟

سالم : شوفي .. انا تواعدت ويه ربعي اني اخليج في شهر واحد بعد ما تعرف عليج انج تين لي بيتنا وانتي تصحين .... وصدقيني هذا كان كلامي قبل لا اعرفج .. والله من بعد ما عرفتج مدري شو صار فيني تغيرت وايد

عهود : زين يوم طاوعتهم لما قالوا لك بعدين ..

سالم : ما قدرت اسوي شي قدامهم تموا يضحكون علي

عهود : ما قدرت تقول لا حق ربعك .. خفت منهم وغرورك ما خلك ولا خفت علي انا وهانتي قدام يمعة هذيل ربعك .. حرام عليك ياسالم حرام عليك ( وتسد تليفون في ويه سالم )



ويحاول يدق عليها ولا ترد عليه ..



الساعه 3 الفجر

دقت عهود على سالم وهو كان سهران يفكر في الي صار له ... ويرد عليها

عهود : سالم اسمعني عدل ..

سالم : ان شاء الله بس

عهود : ( تصارخ ) لا بس ولا شي اسمعني يا سالم .. تذكر لما قلت لك ياسلم انت تحبني ولا تضحك علي وحلفتك في العزيز عندك .. انت جذبت علي

سالم : يقاطعها .. والله احبك يا عهود ..

عهود: تصارخ .. ما تحبني لا تجذب على عمرك ولا تقاطعني ارجوك ..

( تاخذ نفس وتردله بسرعه ) شوف ياسالم يشهد ربي الي خلقني وخلقك اني حبيتك من كل قلبي .. قلبي انت انت واهلك ما يستاهلونه .. انت جرحتني جرح كبير ما عمري في حياتي راح يطيب .. سالم انت دمرتني دمرت ما بقى فيني .. سالم عهد علي وانا عهود اني اكرهك طول عمري واكره كل انسان تسمى في اسمك .. عهد علي يا سالم اني ما اسامحك طول عمري .. عهد علي وقدامي ربي اشهده عليك اني ادوم طول عمري كل ما اتذكرك العن هذيج الساعه الي عرفتك فيها .. عهد علي وانا عهود اني انس انساك طول عمري واذا بقى في ذكرى في قلبي ادوس عليها وامشي .. ( وتسد تليفون )

وتسد معاه اخر كلمه سمعها سالم من عهود .. وبعد شهر سمع سالم خبر زواج عهود من ولد عمها على لسان علي وسمع انها رفضت تسوي عرس بس حفله صغيره في بيتها ويجي المعرس ياخذها من بيتها ..



في ليلة العرس

كان سالم واقف من بعيد يطالع لي بيت عهود الي حس انه مظلم على كثر انوار الي فيه كان مظلم في عيون سالم .. واقتربت سياره مرسيدس كان فيها المعرس واخو المعرس ويت عهود ومبين في نظراتها الحزن في ثوبها ابيض وكنت اصوات الزفه يزيد كل لحظه بس كانت عهود في كل خطوها تحس انها تبي تموت فيها .. وغير شعور طاحت عين عهود في عين سالم من بعيد وكانت بينهم لغة العيون الي هي ابلغ واروع من أي لغه في عالم وكان بينهم هذا الحديث

عهود : تدري وين رايحه يا سالم ..

سالم : وين ؟

عهود : رايحه في قبري الي هو بيتي .. بيت زوجي يا سالم ...

سالم : سمله عليج فال الله ولا فالج ....

عهود : دمرتني يا سالم ..

سالم : سامحيني

عهود : ذبحتني يا سالم

سالم: سامحيني يا عهود

عهود : شو اسامح ولا اسامح على جذبك ولا افعالك..

سالم : (تنزل دمعه) سامحيني يا عهود امانه .....

وتركب السياره عهود ويلست عدال زوجها ومرت السياره عدال سالم وكانت اخر نظره من عهود لي سالم وقالت فيها

عهود: روح يا سالم وانت مش مسامح طول عمرك ..

ويمشي سالم في طريق طويل من عذاب على الي سواه في عهود


انتهت القصه ...


تصدقوون عااد والله القصه حزنتني وااايد
تقطع قلبي عليهم

اخوكم ملك الحب

[مشكان]

قصه جميله بما فيها من مشاعر واحاسيس .
شكرا على القصه الحلوه.

[راعــي الاستندر]

سلمت ع القصة

((كول))

[مالك الحزين]

روعه ولا في الأفلام
تسلم أخويه على القصة الحلوه و جميلة جداُ
والله القصه أثرت فيني وحسستني معنى الحب
مشكور ونتريا يديدك
مع تحياتي لك بالتوفيق

[فتـ المشرف ــي]

مشكوووووووووور اخويه ع القصه الحلووه
يسلموووا

[الكايــد]

مشكورررررررررررررين على المرور الطيييييييييب
ويسلمواااااااااااااااااااااااااااااااااااااااااااا اا

[بنت زاااخر]

مشكور اخووي مللك الحب على القصه الحلوه اللي ماعلييه كلااااااااام

وتسلم يمناااااك

[فتـ المشرف ــي]

مشـــــــــــــــــكور اخوي ملك الحب على القصه

[تـلـوبـح الـراشــــــدي]

تســـــــــــــــــــــــــام خيوووووو ع القصـــــــــــــــــــــــــــــــــــه

[معآڪس آڷحڪۅۅمه]

تسلم خيوو القصه رهيبه

[العيون السود]

تسلــــــــم اخويـــه علـــــى القصـــة الحلــــوه
والله يعطيك العافية

[عاشق الهير]

قصه روووووعه

مشكوووووور اخوي على هاي المشاركه

الله يعطيك العافيه

:.: اخوك عاشق الهير :.:

[قصايد]

:c021: :d010:


حرااااااااااااااااام ليش النهايه حزييييينه ...


تسلم يا خويه على القصه ...


ولا تحرمنا من المزيد ...


ومرحبا السااااااااااااااااااااااااااااع ...

[₪ لبيـــه ₪]

تسلم أخوي عي القصه

النهايه كانت حزينه :c021::c021:

[فتـ المشرف ــي]

مشكوووووووووور ملك الحب ع القصه الروعه
يسلموووووووووووا

[الكايــد]

مشكوررررررررين على المرور الطيب

[الشامسية]

يالله كيف مؤثرة القصة


و يعطيك العافية

[الكايــد]

الله يعافيج من الشر
ويسلمواا على المرور
تحياتي
لج

[الكايــد]

الله يعافيج من الشر
ويسلمواا على المرور
تحياتي
لج

[عاشق الهير]

تسلم اخوي على القصه الرووووووعه

سلاااااااااااااااااااااااااااااااااااااااااااااااا مي

[الكايــد]

تسلم عاشق الهير

يسلموا على المرور

تحياتي
لك