فــــــــــاشن شــــوو .. في الهيـــــر

[يـآس]

السلام عليكم ورحمة الله وبركاته



ادري شكلي غلط يمكن في ركن المرأه خخخخخ بس يوم تعرفون شو السالفه بتعذروني

الله يسلمكم انا وربيعي كنا ملانين ويالسين في السياره جدام كافتيريا مرمر .. ومانعرف وين انسير .. جان فجأه تي في بالي فكره .. وخبرت خويي وقلتله : ليش ما نسوي فاشن شوو في الهير ..!! ونخلي الناس ترتبش شوي وتغير جو
قالي : ليش لا .. انا ناوي اعرس وابى كمن كندوره للحرمه
قلتله : امره ازهلها عيل السالفه .. زهاب الحرمه عليه
وعاد الحين عطيت الريال كلمه وتوهقت .. فسرنا اول شي وحجزنا قاعة الاعراس الي عندنا لمدة ثلاث ليالي متتاليه .. اليوم الاول خليناه لكبار الشخصيات والشيوخ .. اليوم الثاني للحريم خاص .. واليوم الثالث مكس للحريم ومن يرغب من مخاوين شما .. المهم عقب سرت الجمعيه وشريت دفتر رسم كبير .. واقلام رصاص ومحايات وبرايات <<<< خخخخخ عدي بهن من يوم ثالث ابتدائي .. عقب اطورنا في رابع نكتب بحبر جاف P:
ويوم جهزت العده الي بتحولني لمصمم ازياء عشان اوفي بوعدي لربيعي واجهزله المدام
سرنا سوق نايف والبستان <<< يت فايده من ورى امايه والله ... واشترينا كمن قطعه وسهرت عليهن فليل اصمم موديلاتهن وخلصتهن الصبح .. وغبشت انا وخويي ووديناهن عند خياط انطونيو الي خياطه في الشعبيه الوسطى خخخخخ اسويله دعايا
وعاد قلناله توصا في القطع وهالله هالله في الموديلات السنعه ظبطهن
واسميه ماقصر الا تهادينا شوي وياه وتقابضنا بالكشيش وتكافخنا يوم شفت الفاتوره ..وعقب حايزوا بينا وطلعت سالم <<< احم مب اسمي تراه .. المهم كملنا وسرنا القاعه .. ويومين كل شي زهب ووزعنا الكروت وسوينا دعايا
ويوم العرض .. تناناناااااااااااااااا .. نسينا العارضات ..!! والخيبه شو الحيله الحين
باقي ساعتين عن العرض من وين نيب عارضات .. !! ويلسنا نفكر وننطحن الين مايتني فكره ..وطالعت خويي
وقلتله : كم بشكاره عندكم
طالعني مستغرب : قال 2
قلتله : ونحن 2 .. يالله عليهن
وربعنا بسرعه يبناهن .. وخطفنا على صالون ريم الهير وشلينا الفلبينيه الي فيه .. وقلنالها يالله بيضيهن وعندج اياهن .. نبى شغل تمام

وتم كل شي في وقته .. وبدينا العرض





عاد قلت خساره مانصور ونعرض لكم الصور .. وشوفوا وعطونا رايكم في الفشن شوو مالي
جان عيبكم كل اسبوع بسويلكم واحد

http://up4.w6w.net/upload/24-03-2006/w6w_20060324130605589bc0d3.jpg
لول هذي اثيوبيتنا .. غضنتبي قلت خلها تشارك .. حشر مع الناس عيد



وطبعا مثل ما انتوا عارفين .. لازم نختم بفستان العرس
http://up4.w6w.net/upload/24-03-2006/w6w_200603241309257664312c.jpg
http://up4.w6w.net/upload/24-03-2006/w6w_2006032413102575397798.jpg
http://up4.w6w.net/upload/24-03-2006/w6w_20060324131740185afe2a.jpg

وهذا صورة من اجواء العرض <------ يا احلاااااااااااا
http://up4.w6w.net/upload/24-03-2006/w6w_2006032413195333775156.jpg


هذا كان كل شي بالنسبه للعرض .. واذا تم افتتاح اي فاشن شوو يديد راح نعلن ونخبركم بكل جديد

اتمنى ان الفساتين نالت على اعجابكم .. وذوقكم .. وانتظروا كل جديد وغريب من دلعوه اهله

<---------- اخوكم دلعوه اهله

[شوقي حمايم]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههه
ماشاء الله عليك مصمم فساتين بصراحه حلواات
ويعطيك الف عافيه

[يـآس]

الله يعافيج ويبقيج يا شوقي حمايم
اهم شي الموديلات حازت على اعجابج .. وتعالي كل يوم الشخه

:)

[...ســـرِّي للغايه...]

ياليتك ياخوي فكره شوي قبل ماتنزل صور بنات عاريات

مايانا التخلف الا فى تغليد الغرب .. وشراتك ياخوي تهاجم مب تساعد البنات فى التكشف<<اقصد الصور مش شي ثاني

ولو ظللت الاجسام كان صار احسن

والسموحه منك

[يـآس]

تسلم اخوي سري للغايه ... وصدقت انا مافكرت بهالسالفه
ولا يت في بالي .. كان في بالي شي ثاني

السموحه وبنشوف كيف بنحل الموضوع

[ملكة الحور]

كلام سري للغايه صحيح

ظلل الصور حتى لا تصير فتنه واثم

ومشكور على الموضوع وبنسميك ((( إيلي دلعوه اهله صعب ))))) شو رايك << الاسم مناسب عليك

والسموحه......

[يـآس]

حيالله راعية النيساااااااااااان <------------- العوق
وتسلمين على المرور الطيب والنصيحه وجعلها الله في ميزان حسناتج
وان شاء الله نسوي بنصيحتج بس دخيلج هذا شو يسمونه الصعب لاتطرينه .. انا غير .. متخصص في الخليجي
<<<< شوفي الموضوع بعد التعديل .. بس اخاف تيبين لي اسم هندي الحين والا بنقالي هههههههههههه


بونيتااااا مشكوره على التعديل <<<<<<<<<<<<وتريي بكمل قصتج قريب P:
والسموحه على الخطا الي صار ان شاء الله مايتكرر

[الفارسه]

والله صدقت السالفه واتصل حق ربيعتي اتخبرها

وبعدين كملت القصه وعرفت السالفه

ومت من الضحك يوم وصلت عن يوم العرض ونسيت العارضات

ما شاء الله عليك خيالك واسع

وفي انتظار الجديد والمميز منك

[يـآس]

هههههههههههههههههههه
الفارسة يا هلا والله .. ومشكوره على المرور الطيب .. بس شو قالتلج ربيعتج يوم اتصلتيلها .. هههههههههههههه
عاد اسميج ماتواحين على طول اتصلتي ههههههههههههه الله لا شلج

والف شكر لج ان شاء الله نرجع بموضوع احلى بس لايصيدونا فيه تراني ماتحمل <----------- وحليله دلوع

[بنت فزااع]

الصراحه واايد حلووه يسلمووو اخووي

[يـآس]

بنت فزاع الله يسلمج يارب نورتي الموضوع
بس هو كان احلى من جي بس ناس تعبلوا فيه وغيروا .. بس بعد يتم حلو دامني انا مسونه خخخخخخ

بس بنسوي تغيرات فيه لازم احم احم