عـاد عـيـدك يـاحـبيـبي ~

[Bin7areb]

حاضر ٍ عندك وغايب .. في جبينك والذوايب .. في عيونك يا عيوني ..
رمحها مخطي وصايب.
&
لا تجمعنا حبايب .. ولا تفرقنا قرايب .. بيتي بصدرك وبيتيك ..
عانق ألـ شـم السحايب.
&
جيت أبارك لك واهنّـي .. يا سعد قلبي وفنّـي .. عاد عيدك يا حبيبي ..
وحزنكم با الدوم غايب.
&
يا عسى فرحك رياده .. من زياده في زياده .. كل عام ٍ وأنت حبي ..
يا عسل سكر وذايب.
&
ما نسيتك لو دقيقه .. خذها من قلبي حقيقه .. كل ما طيفك لفاني ..
شبت بقلبي حرايب.
&
ما نسيتك ولو نسيتك .. ما افطن ألا عند بيتك .. لك غلا بالدوم حاضر ..
ما تزع زعه الهبايب.
&
مانسيتك يا غرامي .. ساعي ولابس حرامي .. قدم عيني دوم زولك ..
لو يصير الراس شايب.
&
يا فرح سالم وطبه .. يا هواه اللي يحبه .. لو غلاكم صار ذنبي ..
عنّكم ماني بـ تايب.

[بو الريم]

صح لسان الشاعر على القصيدة الجميلة

وطرح مميز

حضورك رائع منك Bin7areb

[غرنجي]

بن حارب
كلمات راقية شكلا ومضمونا
اختيار مميز وحضور راقي