:: شفتـك بعد غيبـه ::

[• كـشـيـخ آل مـره •]

كاتب الموضوع
الشاعر حمد البريدي


مب كشيخ آل مره
ــــــــــــــــــــــــــــــــــــــــــ


..السلام عليـكم ..


.. مساكم خير ورضـا ..


للذكرى حنين .. وللحب ضنين .. وللدمع عين


لكن


هناك موقف يجبر احاسيسك ان تتكلم .. وانا من النوع اللي يحب


ان تكون قصائده ارشيف لحياته وذكرياتها ..


موقف جديد وقصيده جديده .. وقصه مدفونه في حنايا الابيات .. ولن يفهمها الا اللبيب



لتحميلها صوتيـه


( شفتـك بعد غيبـه ) (http://3zqtr.net/up/3zqtr_1815403811.mp3)




اقول وعمر السامعين يطول :







شفتك بعد غيبه .. وحاولت احاكيـك



مهوب من قلبي ولا مـن جراتـه !!



بغيت اقول / فلان وازريـت اناديـك



وكني سمعت اسمـي معـا لالتفاتـه



فزيت من نومي وانـا اقـول لبيييـك



وآثرك رويا .. فـي منامـي وجاتـه



صفقت كف .. وقلت يا حلم يشوويـك



جددت لي جرح ٍ هنـى فـي مباتـه



يا اللي شريت البعد .. ما غاب طاريك



حتى لو ان البعـد .. سـوى سواتـه



مهوب محزني .. على حاجـةٍ فيـك



إلا إن قلبي شايـف ٍ بـك غناتـه !!



كن الطيوف تقـول وشحـال غاليـك



وآقول راح .. وما بقـى الا غلاتـه



لو ان ما جانـي مـن الهـم ياتيـك



كان المصلي ما حفـظ وش صلاتـه



مريت شارعكم .. وصادفنـي أخيـك



واللي قطع كبدي .. حلاتـك حلاتـه



بغيت الخبط من دعايـاه ,, وادعيـك



واسمك وقف بين اللسـان ولهاتـه !!



وبغيت اجيب العيد وآقول : يرضيـك



فاللي وصاتي له .. وضيّـع وصاتـه



البعد شيّـب خافـق ٍ ميـت فيـك !!



والى مشى خطوه عثر فـي عصاتـه



مشكلتي / إن قلبـي يحبـك ويغليـك



ومشكلتك / انك شخص عايش حياتـه



كثر الجفا .. نار .. وحطبها تغليييـك



خف الحطب .. لا تزيد نار الشماتـه



إن ما احزنك جرح ٍ برجواه يدعيـك



ما عاد تفرق .. عيشته مـن مماتـه



قلبي وعمري .. كلهـا بيـن اياديـك



العمر فدوه .. لكـن القلـب هاتـه !!



وإن ما بغيت ترد قلبي مـا اوصيـك



احسن عزاه .. الـى دريـت بوفاتـه







وسلامتكم



اخيكم
ــــــــــــــــــــــــــــــــــــــــــــــــــ ـــــــــــــ



خوكم المري ( كشيخ آل مره )


:ndhharh:

[خيؤط الشمس]

قصيده في منتهى الرؤعه

صح لسان الشاعر

تسلم أخؤي على الطرح

الله يعطيك العافيه

[• كـشـيـخ آل مـره •]

صح بدنج


الله يسلمج ويعااافيج


منوره الموضووع شيختي


خوج المري