والقهر مدري على ويش انتظرتك

[الرحال]

من بعد ماكنت احسبني نسيتك
مدري وش جابك على البال وذكرتك

ولا وعيت الا وانا قدام بيتك
ماتقول اني قبل مده هجرتك


ذا مكاني لا غفا الليل وسريتك
شف كم لي ماسريت ولا سهرتك

وذا مكانك لا تضايقت وجفيتك
وشف كم لك ماترجيت وعذرتك

وذا مكان قلوبنا لحظة هويتك
فيه عمري اختصرته واختصرتك


واقف وكني من احزاني بنيتك
جسر مابين الزمانين وعبرتك

اتذكر وش خذيت وش عطيتك
يوم كنت انغاض وبحبي غمرتك

واتذكر ساعة ادهوك وبديتك
كيف بجروحي عن جروحي سترتك


كيف بعت احلام عمري واشتريتك
وكيف كنت اشنع هزيمه وانتصرتك

وكيف كنت الملح ولكني رويتك
وكيف كنت الزيت ولكني ذخرتك

ادري اني جد من قلبي بغيتك
وادري اني رغم كل هذا خسرتك


انتظرتك عمر حتى اني لقيتك
والقهر مدري على ويش انتظرتك
:
:
:
:
:
كنت احبك كنت ولكني سليتك
ومابقى سلمته الريح ونثرتك

:
:
:
:
وانت لا تزعل ليا مني رثيتك
بعد ماخنت وتوفيت وقبرتك


والله اني لاحزنت و لا بكيتك
مثل ماعمرتك بقلبي دمرتك


بس تدري ليش عقب غياب جيتك
واهتدت رجلي على بيتك وزرتك

بشكرك على اخر طعونك فديتك
ليلة فراقك نسيت ولا شكرتك


راقت للمشاعر

شكراً

كبرياء الآلم

[هتلر بن كعب]

يسلامي على الكلمات

[خيؤط الشمس]

كلمات جميله ..راقت لي كثيرآآ ..


شكرآ لك على اختيارك الرائع دائمآآ رغم الحزن الذي يحمله اختيارك للكلمات ..


دمت بخير ..

[الرحال]

هتلر

شكرا على تواصل الشيخ

ماقصرت

كبرياء الالم

[الرحال]

الله يعطيكم العافية خيوط على التواصل

ماقصرتي

كبرياء الآلم

[[ زحمة شموخ ]]

رآآآآآآآآآآآآآآآآآآآآآقت لـــــــــــــي ..


صح لسسسان كآآتبهـــــــــــــــآآ ..


سلمت يمييين نآقلهـآآ ..



=)

[ماهتم فحد مايهمني]

يسلموو ع القصييده جنان وربي ^^
ونتريا كل يديدج ^^

[غرنجي]

بس تدري ليش عقب غياب جيتك
واهتدت رجلي على بيتك وزرتك
بشكرك على اخر طعونك فديتك
ليلة فراقك نسيت ولا شكرتك



نعم لابد من ان نتقدم بالشكر لكل من قام
بطعننا من الخلف لان ذلك يعني ولايب اننا
في المقدمه وخاصة في الحب،،،،،،،،
شكرا لذائقتك الراقية المميزة،،،،،،،،
دمت موفقا من المولى،،،،

[تابوت الحب]

صح لسان من قالها
يعطيك العافيه

[الا اموتها]

روعة نتظر كل جديد