ذاكرة الطفوله...

[الموناليزا]

ذاكرة البراءة


مرت بنا هذه الدنيا ...
هي... كالكتاب..
نطوي صفحاته ..وبكل صفحه سطرنا فيها... نبضات يوميه..
حملتنا معها بعيدا عن ضوضاء المدينه..
ندركها بقوه .. فنعلمـ انها مرت ولن تعود..
مرت وبقي منها همشات اسطر..على تلك الصفحات..

\
/
\
/

نبضات نرويها بفرح..
تدغدغ ذاكرتنا...
وتعلو على وجهنا الابتسامه
ابتسامه الذكرى التي مرت علينا..من ذلك العهد السالف...

أي لحظات نرويها بسعاده كتلك الأيام التي مرت...
سطرت لنا أروع معانيها..
في صفحاتنا ...وقلوبنا..فطبعت علينا شعاع الأمل الذي كان..

\
/
\
/
أتيت هنا ولا أعلم ما الذي أتى بي ..لهذه الصفحه..
ربما لرغبتي في بعثرة هوامش صفحتي الطفولية...
...
ومشاركتكم لي بهذه الصفحة...

أنثر معنا لحظه ... من ذاكرة الطفولة..موقف...
أحزنكـ .. أو أسعدكـ..
أو..
أثر فيكـ...وقلب موازينكـ...




لي عوده بورقتي الأولى مع ذاكرة الطفولة...
دمتمـ بكل خير
Poneeta

[الموناليزا]

..::..ورقتي الاولى..::..



موقف كل مامر بذاكرتني ..أضحكني وربما ترك بمخيلتي..منظومه..

( كنت الدلوعه) وبسبب هالدلع لم أبالي بما حولي..

^_^ إليكمـ موقف مررت به ..سطر في كتابي أروع الصفحات..

كنت في سن السادسه..
في ذلك اليوم...أعياني المرض ولم أقوى على اللعب كباقي أقراني..
فلمـ أجد طريقه للراحه سوى الالتفاف بذلك الفراش خلف باب غرفة أحد اخوتي...:c024:

مرت سويعات أفتقدني فيها والداي..والكل (اتروع) بعد البحث في أركان المنزل ولم يجدوني..
اللي يدخل الحجره ماينتبه انه حد فالفراش..ويطلع^_^
اللي يدور برا البيت واللي يتخبر الييران..
واللي يباغم خخخخ حد يقوول دعمتها سياره وحد يقول البنت انصرقت خخخخ:a227:

وهم يالسين ايدورون .....>>>>قامت الحبيبه عاااد شبعاانه رقاااد...والعيون متنفخه تقول مضاربه ويا حد..:c020:

يوم سرت برا عندهم ..طبعا زايغين وين سرتي شوياج..منو ضربج..
^_^ وانا واعيه من الرقااد...قلت الهم كنت راقده خخخ .:a234:.

صدق ذاك اليوم كان فنان يبين غلاتك عند اهلك...
انا ما اتذكر السالفه بس دوم يطرونها جدامي ...والله حلوه هالحركه يبالي اسويها الحين اشوف غلاتي^_^

<<<<<<الرمسه منقعه شي بالفصحى وشي عامي هههه لا تلوموني بس ماعرفت اعبر اكثر بالفصحى
قلت اسوي مكس احلى^_^:c031:



هذا موقف اتذكرت فيه ايام مرت علينا تركت لنا بصمات في حياتنا..

اتمنى انكم اتشاركوني مواقف مريتوا فيها فعهد الطفولة ..
جميلة تلك الأيام ..ذهبت دون رجعه .. فتركت بصماتها في قلوبنا...
حملنا تلك الذكرى بين مخيلتنا ...

بانتظار تفاعلكم ولو بالشي البسيط..
دمتمـ بكل خير
poneeta

[شمـوخ]

اتذكر يوووم اتضاربنا انا ونتي عدااال بيتنا وصفعتج ومطيييت كشج وصيحتج وووو...........<< كله جذب

ودي ااشاااارك بس للاسف ماا اتذكر اشياااا وااااااااااااااايد من صفوولتي صدق

مشكووووره بونيتا ع المشاااركه الحلوووووه واذا اذا اذا طلع واتذكرت اي احداث حلوه وكااامله مب مقطعه وماعرف شوو الساالفه بكتب إن شاء الله..

خويتج،،

[الموناليزا]

اسعدني مروورج الغلا...


وانا قلت الحينه هااي بتفضحني..من كثر المواقف اللي تضحك يوم كنا صغار...


رديت والبسمه تلعو وجهي...

والله فرحت يوم شفتج رديتي على موضوعي...

وجان اقوول بفضحج وبقول موقف استوا مبينا انا وسر الغلا...^_^

>>>>>>>>>الحين بروووح منها الله يعين بس..

الموقف..ككككك ابا اكتب وابا اضحك ....يالسه ارمس الغلا ع التيلفون واكتب وناقعه من الضحك ومبوني مريضه عاد مادري شو تسمع الصوت رايح...بس بالاشاير ارمس..عافانا الله....


تسلمين خيتوو ع المروور الطيب ويوم بتهدا الاعصاب برد اقول احلى المواقف وياج مال اول لوووول...


دمتِ بكل خير
poneeta

[الظبي]

تسلمين بونيتا على الموضوع.....
بالنسبةلي مواقف كانت عندي أني أنا كنت صديقة أولاد أكثر شيء يوم كنت صغيرة ويوم كبرت افتقدتهم واشتقت لسوالفنا ولعبنا يوم كنا صغار وحد منهم الحين مشاركين هنيه في المنتدى بس ما بقول منو هم ( ههههههههههه) ....

كنت دوم اضارب وياهم حتى حد منهم ضاربني ضربه معلمة فيني لين الحين من عوافتهم اضني لو يشوفني الحين ما يذكر ويهي من ايام صف رابع سنين ماشالله...
وكنا الظهر دوم نسير الدكاكيين ما خلينا دكان في الشعبية ما سرناله ..........

الله ما احلى هالايام ليت يوم بس يرد منهن...........

[الموناليزا]

الظبي ..سلمتي الغلا على المروور والتواصل...

وهذا اللي يميزج ...
في ذاكره الطفوله...أمس استوا موقف فاتذكرت موضوعي..

شفت ردج والسموحه على التأخير ..وماشاء الله طلعتي مامقصره امأدبتنهم خخخخ

....موقف مر وضحكت عليه فعلا كنا بسذاجه الطفوله...

بالأمس كنت مع أخي من خلال تجولنا في منطقه من مناطق العين...أوقف السياره ونزل..للسياره اللي كانت تأشرله..
سلم على اللي فيها وهوه ربيعه..ويلس ايسولف وياه يمكن حوالي نص ساعه..
قلت فخاطري أكيد هذا ربيعه وايد..

يوم يا الكشخه شاقه الحلج ايقولي عرفتيه..استغربت الشكل وماعرفته ...
قال هذا (القطو) ..ما استوعبت السالفه عقب اتذكرت هيييييه هههههه هذا كان فحارتنا أول...
الحين الريال كبر واشتغل يرحم أيام لول ياحليله القطو ماعاد قطو....
سبحان الله مسرع الايام...

^_^ والله سوالف ذيج الأيامـ...كانت من أحلى الايام..

براءه الطفوله التي نحملها...
وسذاجه الأطفال لكل منا (غياضه) انغايضه فيها..حين الغضب..^_^

...::::::::::::::::::::::::::::::::::...

تسلمون على التواصل الغلا..
وماردت سر الغلا عشان اتقول موقف استوا يوم كانت اصغيره ...


تمنيت اني أجد هذه الصفحه زاخره بذكريات الطفوله ولكن للأسف..منا من لايدرك معنى ذكريات الطفوله..
فهي تعني لنا الكثير ..شاركونا أحبتي ولو بجزء بسيط منها..

دمتمـ على خير
poneeta

[مشكان]

السلام عليكم ورحمة الله وبركاته

ذكريات الطفوله كثيره شي منها يرسخ في الذاكره ومواقف تكون منسيه ولاكن نسترجعها يوم نشوف شخص معين او نطوف في مكان معين.
البارحه زارني واحد من الربع ونزلي في كمبيوتريه اغنية في الهير ويوم شفتها ذكرت حديقة الهير يوم كن نركض العصر من البيت انا وخواني ويـ عيال عمي الين المطعم وناخذ سندويج ولا براتى حاف ونشله وناكله في الحديقه ونلاقي عيال الشعبيه وبعدين نبداء اللعب فيها ولا نلعب كوره في الملعب الوراني .

الله يرحم ايام اول وطيبتها ولمتنى اما الحين نتلاقى في المناسبات.

[بنت زاااخر]

مشكوره الغالييه على الموضوع وتسلم يمناااج