راشد بن طناف رحمه الله

[بو حمد الوشاحيـ]

في المدرسه عني ايدرّس = يقرا كتاب الالف والبي
خلانيه يالس و أكرّس = بمضغ لحمهم ناضي وني
يامارس المهجه تمرّس = تسحب وصد القلب با اللّي
دمعي على الوجنه ايخّرس = حبك بلاني يوم انا اصبي
لوشفتني شيبه وافرّس = وامشي بعكازين وارتي
والله والله ماتعرس = مادام راسي باجي وحي
وانا الذي ساجي واغرّس = بيداركم خرفوا لي اشوي
عيزت كم اطبخ واهرّس = ويوم اغرفوا مابدنّي شي
كلّه كله ذاك لمضرّس = لي يايب اخطوطه من دبي
واجف على بابي واحرّس = مرةٍ افج ومرةٍ ازلي
مادوّق اشراعي امترّس = ولانزّل الفرمن عن الصي
تصبغني بجذبك ورّس = عيّيت عنك وبتبع الفي

[خيؤط الشمس]

الله يرحم من قال هالابيات ؤآآيد تعيبني هالكلمات عيزت كم اطبخ واهرّس = ويوم اغرفوا مابدنّي شي
كلّه كله ذاك لمضرّس = لي يايب اخطوطه من دبي

مشكؤر اخؤيه
ربي يعطيك العافيه ..

[غرنجي]

بو حمد الوشاحي

تسلم على النقل المميز
للقصيدة المشهورة للشاعر
المعروف رحمه الله
شكرا لك