في هدوئي يحسدوني

[راعـي الـدانهـ]

السلام عليكم ورحمة الله وبركاته


شحالكم ربكم بخير وسهاله ^_^


حبيت اسدح اهنيه يومياتي

واتمنى انهن يكونن اخفاف وظراف ^_^

ولي عوده بتعريف نفسي ^_^

[راعـي الـدانهـ]

هممم

اسمي...بين الأسامي حاضر يلو بخفي ^^

عمري...لاني بذاك الصغير ولاني بذاك الكبير

هواياتي...كل شي حلو ^_^>>لانهن وايد أختصرت عليه وعليكم *_^

وبس للحين ^_^

[راعـي الـدانهـ]

السلام عليكم ورحمة الله وبركاته


مسيتوو بالخير /وصباحكم ورد

علوومكم ربكم بخير وسهاله ...!!!

ادري اني طولت واتريتوني وايد هههه شو نسوي ضرووف والمشاغيل ماتخلص

عااد الحين ييت اشخبط ف يومياتي المكان الوحيد المسموح فيه الشخبطه<<هههههه ياسلاام

إنزين

هممم قدلي شهر وشي وانا تعبااان ومريض وحالتي حاله ><"

واليوم تنشطت وقلت ادخل واشخبط شوي هههه

والحين قااعد اسمع اغنيتي المفضله من قال>>حربي العامري *_^

واكتب لكم ويالس اكل اسكريم باسكن خخخخخ<<توني مريض هههههههه

واشوف التلفزيون حاط أم بي سي 2 =d

ومن كم يوم انفكر انويه صووب العين ^_^ بس ماندري نسير ولا مانسير
وهييك من هييك وهييك الله بدوو

والحيين بسير انزل لكم شي من يديدي ^_^
وقصيدي واتمنى انه ينووول رضاكم

يالله بوووب من هنيه وهناك هود هههه

[راعـي الـدانهـ]

هييه صح

نسيت اشكر كل من مر اهنيه من بو الريم وسولعيه والباجيين ^_^


نورتو وشرفتووو ^^

[راعـي الـدانهـ]

طبعاً بتشوفون كلمات اغاني وشي من كلماتي ف يومياتي ^_*

يعني حقوق ابياتي لي هاااهـ هب تتسلفون بليا شوور هههههه
*_^

[راعـي الـدانهـ]

تدري وش المصيبه ياأيوها=اني احبك حيل وانته عني تعتذر



من تأليفي ^_^

معني>>مخصوص =d

[راعـي الـدانهـ]

همممم

قبل شوي دحلت المنتدى ولقيت رساله من *** مابقول ههه المهم
ورديت عليها وهييك يعني

ودخلت قيمزر ويلست العب واسولف واغني هههه والحين يالس ارمس ف المسن ^_^
وماشي ملاااان وتعبااان وفيه نوووم

وهذا هو يومي^_^

[راعـي الـدانهـ]

همممم


ليت العرب لي صدو يرجعون=يرجعون يطفون نار وقاده بي
ليتهم قبل القفى ينشدون=الحال كيف وكيف صده بي


=)

من كلماتي السريعه^_^

[راعـي الـدانهـ]

الحين يالس اسمع مقاطع وافكر اكتب قصيده ^^
وبالي مشغول وحالي ماهو مثل الحال><"


وهييك الله بدوو
وملاااان وايد وماعرف شو اسوي عندكم حل ..!!

[راعـي الـدانهـ]

بكتب لكم كلمات اغنيه احبها ^_^



وجد قلبي يوم قفو شلو المهجه وراحو = وارحلو عنا وحنا كنا نتمنى لقاهم
سامح الله لي جرحني يوم جرحي استباحو=مارحمو كل المشاعر مادرو قلبي يباهم
لي انا محبوب غالي ليش صد وليش شاحو=ولاهقينا البعد منهم ولا يعوضنا سواهم
شطو المعشوق والله لين دمه واستراحو=كل جرحٍ ف/المحبه صعب منهم من غلاهم
لاح طيفٍ من حبيبي سهر اعيوني وناحو=وانقضابي الليل كله ترقب اعيوني جداهم
لك هديت الحب وافي والحبايب لي تهادو=مانسى واحد لثاني والوفا وثق هواهم



^_^

[راعـي الـدانهـ]

هممم

هذي ابيات للشاعر الكبير أنور المشيري

واحبها مووت

بعنوان

اوعدك


اوعدك ارحل عن ايامك واغيب=ووعدك من قلب ميت في هواك
ادري انه كل شي قسمه ونصيب=وادري انه مالي حظ ابقى معاك
لي متى بصبر وامالي تخيب=وبقى واقف بين احبك أو جفاك..!!
يلي شمسك من توانت للمغيب=وانا قلبي يكسر الخاطر بلاك


ياااااااه يالمشيري خطييير


اربع ابيات ببس تسد عن ديوان ولا شرايكم ^^

[راعـي الـدانهـ]

اشكر

كل من

حضر وشاف يومياتي وعلق عليها^_^
من حكومة الهير وبنت العزبه وسولعيه ^_^

واشكر
كل إلي مرو مرور ساكت ...من المدير بو الريم وبو حمد وجريح الحب وراعية البرقع وضحكه ماركه ووردة الهير^_^


ونووورتوو يومياتي ونورتووونا ^_^

ويامرحبابكم وسهلا

[راعـي الـدانهـ]

انززيييييييييين وعلوومكم واخباركم وشو مسوين بعد

ادري انا يوم اكتب اكتب مره وحده واقطع فتره ههههه

لاتلومووني شغلي ليييين فووق راسي<<يااخي خف على عمرك هههههههه
انزين هممم هالأيام كلها مشغول بين قصايد وناس وحشره وبيت وخربطان يعني انتو تعرفووون كيف صح

المهم
وجمعتكم طييييييبه يالغااالين ^.^

واليووم بعد ماسرت اصلي الجمعه رجعت البيت وطيت راااسي يالله اني مصدع صدااع هب طبيعي

وهييك الله بدوو

ولنا عووده ^_^

[راعـي الـدانهـ]

والحييين بظهر شويه وبرجع لكم خلاف

لانه عندي شغييييييييييلوونه *_^

اشوفكم على خير

[راعـي الـدانهـ]

هممم
هالاغنيه >>والكلمات؛؛


توصفني ^_^>>اشهد انه اصايل تعلم بحالي ههههه<<خف علينا


وين ابتدي من وين من وين=وين ابتدي ضاقت علي وسع لافاق
فيني حزن غزى وحزن فلسطين=فيني حزن بغداد وهموم لعراق
يارق وألطف من زهور البساتين=ياكيف تظلم وانت للعدل ميثاق
حكمك عذاب وللزمن ألف سكين=سجنك ظلام وكل بيبانه ..اغلاق
مقبول حكمك فوق هالراس والعين=قدام عينك موت حبي والأشواق
لاتقتلون الحلم لي عايش سنين=من صغر سني ارسمه لين مالاق
جيتو وحطمتو الأماني وراضين=جيتو واخذتو ثمرت الحلم ووراق
إلي تسمع راي من ناس واشين=مثل الذي يسعى على قطع الأرزاق
مظلمك ياوقتي ظلم القريبين=حنا بزمن حتى الحلم...صار ينباق
اخفي همومي عن عيون المعادين=وانا وهمي كل ساعه لنا عناق





الله عليج ياأصايل


((اخر بيتين لمن يهمه الامر =d ...))



حنا بزمن حتى الحلم صار ينباق هيه والله

[راعـي الـدانهـ]

اشكر كبرياء الألم على المتابعه واشكركم جمييعاً ^_^

هممم

وشحالكم بعد وعلومكم بمأن المعجبين زادو لازم نوفيهم حقهم<<حسستنا يالطيب ههههههه

همم يعني لازم اليوم نسوي شي تفجير صح

ابشرو بسعدكم <<يالبييه


انزين اليوووم بخبركم شو سويت


يالغالين اليووم من اصبحت م الغبشه
نهييت اسوي ريااضه<<يالبيه يالرياضي<<حركات
انزين خذت لي لفتين على الحديقه على الصبح
ورجعت البيت تريقت وخلاف سرت البحر وخلاف تريقت هنااك

عااد ريووقي لا يعلى عليه تدروون شو هو


احم احم

خذت دله من بيتنا وسرت صوب راعي الكرك وقلت له هات بهالدله جاهي كرك <<أأأه يامحلاااااااته

انزين عاد الحين الاكل محمد جييب صحنين مسكه وجييب ثلاثه جبن بيض داقوووس وبراتا<<والله ولايبان فيه الاكل ههههههههههههههه

تدرون شعاار وبزنس وحاله<<خف علينا يالطيب هههههههههههه
انزين وجيه يعني

وخلاف سرت صوب البحر وتيلست وكل شي وتونسنا شويه

وخططنا الاهل نرووح السبت كششته كل العائله الكريمه هع <<ماتخيل كيف جفت من السيارات<<هاع الله يحفظنا
انزين وجذه
المهم خلاف رجعت البيت ويلست على النت اخلص شغله
وسجلت قصيده بصووتي من قصايدي ويمكن ننزلها ويمكن لا ههههه
انزين وجييه يعني
وهذا يومي لين الظهر
العصر
شو سويت يانا شو سويت تصدقون ماذكر هههه
هييه يلست وياخواني الصغار وياختيه الحص اخر العنقوود ولاعبتها وكل شي
وخلاف تغديت<<العصر هب الظهر هااهـ
انزين وماشي خلاف شليت البي أس بي مال اخويه ويلست العب فيها هع
ويبت الكاس <<لعبت دوري هااهـ
انزييين وجيييه يعني وخلاف العصر صليت وياني تعب مش طبيعي ونمت ومادريت بعمري هههه
وقمت من شويووووووووووووووووووونه وخلصت كل شي ودخلت النت ^^

وهذا يومي الجميل الغاوي الروعتيشن<<على قولت البنات روعتيشن هع هع عليهن رمسه غبيه شوي هههههههههههههههه

^_^

[راعـي الـدانهـ]

لالي لالي يالالي لالي يالالي لالي


سهم عينك لي رماني = فز له قلبي وحيا
ياهلا بـ/سيد الغواني = مرحبا بـ/زين المحيا



لالي لالي يالالي لالي يالالي لالي


يوم نظراته عطاني = قمت اضرب له تحيه
دون مااشعر خذاني = في عيونه وقلت هيا



لالي لالي يالالي لالي يالالي لالي


أه من درب الآماني = ارحميني يابنيه
كم تعب حالي زماني = وانتي زدتي القلب كيه



لالي لالي يالالي لالي يالالي لالي


قلت له لحظه ثواني = تقبلي قلبي هديه ..!!
راح واتركني مكاني = اصفق الحسره بيديه



لالي لالي يالالي لالي يالالي لالي




حلووووووووه صح صح صح>>طبعاً >>لالي لالي يالالي لالي يالالي لالي << فاصله بين كل بينين هع


ورااايكم*_^

[راعـي الـدانهـ]

سحاب م /الينوبي = صوب الظفره نشى
داس الوعر ودروبي = واسقى مراعى الرشى
وين الرياح اتنوبي = ف الصبح وف العشى
قلبي غدى منهوبي = ولاسمع قول الوشى
وين انت يامطلوبي = لي ساكن ف الحشى
عفيت علي ادروبي = واسالك الممشى
حلفت انا ماتوبي = لوسري انفشى




الله على هالكلمات لهن طااابع غيير*_^

[راعـي الـدانهـ]

هممم هاي من كلمات بن سيف الجتبي

وهمم حبييييييييت انزلها لكم ^^

حلوه هي الكلمات

يقول


استنطق الحب قلبي ثم حبيتك=ياراهي الحس والاحساس والغيره
نظرة عيونك تناديني وناديتك=من يوم شفتك عطاك القلب تقديره
ياحلى بشر في حنايا الروح ضميتك=الحرف يذبل على وصفك وتصويره
من غيرتي كل ماشفتك تناسيتك=ومابين قلبي وروحي جاي لك ديره
عجزت اصارع لهيب الشوق لاطريتك=ف/العين صدق الغرام اتشوف تعبيره
ان غبت يومك..شهر ف/البال توقيتك=صار الشهر عام من يقبل معاذيره...!!
شفني وانا اقطف ورود الحب وغليتك=وناشد الورد وانا عايش ابحيره
ياهل ترى حبي بقلبك سكن بيتك=انا لعينك غديت امن الهوى سيره
خذني على كيف ماتبغي وانا جيتك=في عالم الحب وانت احلى مقاديره
يعني بكل الكلام اقول حبيتك=وعهدٍ على القلب لو طالت مشاويره



راااااااايكم*_^

[راعـي الـدانهـ]

يقووول الشريف


يقول إلي قضى حريب انعاس=جفاه النوم ماغضى بالنعاسي
حليف الهم بات ابخاطره وسواس=وونات تهد الشامخ الراسي
انا الشاجي انا الباجي انا الحساس=انا إلي ف/المحبه خاضعٍ راسي
وانا الغير المحبه...ماخضعت الراس=وكم في كم غيري ف/الهوى يجاسي
بلاني حب من ف/القلب حبه ساس=حبيبٍ ممتلك روحي مع احساسي
احبه حب صافي ماوراه اخلاس=وشواق له وشوقي يزيد نوماسي
يقول إلي وصف ف/ألناس ناس اجناس=صدق وصفه وراعي الوصف حساسي
تجلى بحكمة .الخالج ببعض..الناس=وسبحان الذي فند بالجناسي



^_^

[راعـي الـدانهـ]

هالقصيده احبها حييل

من كلمات

سمو الشيخ هزاع بن سلطان بن زايد بن سلطان آل نهيان


يقوول بوسلطان


ريم المها ياحيه=يامرحبا بـ/ملفاه
افرح بها هالييه=يسعد ربي مساه
ابغيه وله ابغيه=ينصاني وانصاه
ف/الود ياخذ غيه=وعهد الهوى يدراه
عينه سودا ودعيه=يعل الحاسد فداه
لي فيه الجاذبيه=حاز الحسن محلاه
خده جميلٍ ضيه=يسفر به امحياه
ثمانٍ صحنجيه=في مبسمٍ يبهاه
ليل الشعر في ليه=غطى الردف وجساه
خصره نحيلٍ طيه=فن ودلع..ممشاه
لا ليلى العامريه=ولا عبله في صباه
زينه عديمٍ زيه=جل الذي سواه



^_^

[راعـي الـدانهـ]

السلام عليكم ورحمة الله وبركاته شحالكم الغالين عساكم بخير وسهاله


هممم اليوم يايب لكم قصيده تستحق الشوف والنشر والكل يقراها
رائعه من قصايد الشاعر ناصر المرقب ^_^


وبصراحه تعجبني هالقصيده وهي من القصايد الرائعه بالفعل ^_^
مابكول عليكم اخليكم ويالقصيده بس عطوني رايكم فيها ^_^




بديت الشّعْـر من صغري وانا اصغر شعـرْ من قال
على قولت ابي ياللّي زرع في داخلِ امثاله
اذا كان الشّعـِـر سقف(ن) ويغلب كل من له طال
فناصر نجم عالي فوق صار الشّعر يعلا له
بحوره طوعت(ن) لأمري تلاحق هاجسي ان مال
واذا نام الهجوس (ا)تلاقي الاشعار باقفاله
نهلت الحرف من أمس(ن) بعدما مر بالغربال
خذيت الصّفوه اللي فوق منها رغو شلاله
تطاول كلمتي للغيم أدعّـمها بقـّـوْ ارسال
لتروي غافي الاذهان عبر إرسال جواله
وحرفي ان رسمته فوق ارض(ن) صابها زلزال
الين ان تذكره مر العصور ومر أجياله
انا من قبل أعرف السرج وآنا في الشعر خيّال
وانا ياللي حصد زرعه قبل لا تثمر أقواله
اذا كان الشعر كالبيت مايوقف بلا رجّال
فأنا رجّال كل من بيت غـيّب فيه رجّاله
انا والحظ في دنيا كما في لِعـْبْ شدّ احبال
فتارة يقصر (ا)حبالي وتارة يقصر (ا)حباله
وغيري اشتهر حرفه ومن أحلى الجوايز نال
الين ان صارت الاشعار (ا)هي دخله وأمواله
تروا ياللي تشوفونه أمام (ا)عيونكم رحّال
غزر فكره كثر ما يجني البحّار تجواله
دَعو ناصر يلحـّـنها يغنّيها كذا موّال
لكي تحلو لكم سهرة على ترنيم لا لا له
صحيح ان الوتر مبحوح لكنه (يمشي الحال)
ومن لا يعجبه صوته أنادي العين تقرا له
ترو أحلى الكلام اللي بتلقونه هنا ينقال
مدام اني نقشت الحرف بسم الله نسعا له
بداية خلو التصفيق يبعد عننا ينزال
وكل واحد يصحّي ذي بجنبه فاقد(ن) باله
كلما يسأل الاخوان (شو الاخبار كيف الحال)
تعاند ضحكتي العبرة تبيّن طيب أحواله
مهي والله قضية ياجماعه ... وادي(ن) همال
من (ا)هموم القضايا سالت الأوجاع هماله
يأس عقلي يحسّبها على اشطاره يمين (ا) شمال
كثر ما يأست العميا تنادي درب دلاله
الا ياكيف تنزل في قصيدك للثرا منزال
وتنفخ في بيوت الشعر من أرواح زوّاله
وهمّك صار انــّك كيف تقضي شِعْرك (ا)بأموال
وكيف انك تحوز اعجاب الجمهور وتناله
واذا كان الشعر تصفيق من جمهور يشرح بال
جمْعْ اعداد كل من قال صح السان من قاله
فلا ابغي ابد جمهور ولا تشويش هذا البال
و(ا)ذا كان الشّعرْ ينقال فأنا شعري له افعاله
تعالوا الحين نتصارح قبل لا يعقب الفنجال
انا قصدي ترو والله انــّي اشكي الحاله
ابي اعرف وشوه الفرق ويش اللي جرى بالحال
هل الانسان يتغيّر ام التغيير يبغا له
او ان فيه حد جابرنا على التغيير في الأحوال
نظحك في زمن عاتي وحال الدين يرثا له
غزاة(ن) نحتذي فيهم وصارو للسلام أمثال
مناظل صار ارهابي يغير السجن اشوا له
طفل يبكي ويتيتّم ويتشتت على المنوال
نشاهدهم على الشاشة ولا ندري من أطفاله
ولكن أبغي الدمعه ولو ماقادرة تنسال
بأضعف دين يبــكِ القلب لو بقلوبنا عاله
وجيل اليوم يتلاطم ضفاف الشين والبطال
وليس الكل نفس الشي, فكلّن عارفن حاله
شباب اليوم يتأنـّث وبنت(ن) تشبه الرجّال
وجنس(ن) ثالث(ن) يظهر غريب(ن) ماعرفنا له
يعاند لو يقولو له (تراك انته من العمّال)
ويبغي قعدة المكتب وتعمل عنّه الآله
واصحى واحدن فيهم يقهوي ظيفه (ا)بخلخال
ويمسك دلته بيمين والفنجال بشماله
غريبة كلنا صرنا في زمرة (الرجال أعمال)
بل(ا)ك بيري في كل إيد(ن) عقدنا حيل بغلاله
عقوق الأم يتزايد وهذا منكر الأفعال
وقولت اف في وجه(ن) تعب يشقى على عياله
مساجد قرّبت تهجر تنادينا بصوت(ن) عال
فروض(ن) خمس ضيعنا وعبء(ن) زاد أثقاله
تكبرنا تناسينا عماد اجسامنا صلصال
نهاية عمرنا قبر(ن) كفن يُغـمَر بصلصاله
غفلنا عن بمن دوره يحاسبنا بهالأعمال
تجاهلنا حقيقة يوم كلــّن تبرز أعماله
دعوني أقلب الصفحة أغـيّر جوّكم فـ الحال
قبل لا يرقد الصاحي ويخفي عينه (ا)بشاله
جزعت البارحة دربن مليء الناس بالأشكال
وعيني غازلت ياللي مثل خيـّر ونرقاله
صديقن صادقن والصدق هو نهجه ولا ينحال
غلب بالقربْ أخواني وحتى العم والخاله
بقايا رحلة أيامي ركام(ن) أوصفه بالذال
وصخرة صامدة تشهد على تاريخ أبطاله
لمن سبقو فضايحنا وكانو للشقى إقبال
اذا جاره بحالة ضيق ابد ما نوم يهنا له
اذا كانت تفرقهم مسافات ودروب اميال
مصيرن واحد(ن) يدني بعيد الدرب وأمياله
رجعت لدفتري اقرى سطوره مثلما الأطفال
يهجّي الحرف عقب الحرف يظن انه بيحلا له
وكلما يقلب الصفحة ترد له صفحة الأبطال
على باله بيلقى رسم أو ألوان تزها له
لان صفحاته اسودّت ورغم ان الأمل مازال
أخذ يبكي على دفتر وصرخة حزن تنعا له
اذا كان الزمن هذا ظلامه يخفي العقـّـال
فأنا راحل الى الماضي رجوعا لأجل عقـّاله
ومن يبغي يخاويني عليه (ا)بزهبة الترحال
يكفـــّي انــّـنا نمضي لونـّا ماوصلنا له



من كلمات الشاعر .. نـاصـر الـمـرقـب



مع احترامي وتقديري للشاعر ^_^

[راعـي الـدانهـ]

هممم

تدرون شو إلي يضيق الإنسان..!!
يوم انه يسعى لشي عشان إنسان ثاني ويبغي يوصله
وإلي يزيد الطين بله انه يظن بك ظن لعبان شفتو كيف الضيقه
وقمة القهر انك تفكر فيه حلالٍ لك وهو بامره يقدر يكون لك أو لغيرك

معنك انت اولابه وانت إلي تستحقه لانك نذرت العمر كله له وجسمت عمرك نصين نص لك ونص له
بس مايقدرك ولا يقيمك وكله يتعذر لك بالضروف والوقت واهله...شي محزن جداً صح...!!

كل مايته وقلت له فلان انا بنيت لك حلم جذه وبنسوي لك جذه وبنسوي جذه
وانته تبني وتبني وتبني واخر شي اييك بسهوله يهدم لك كل شي
خساره والله خساره

=(


فضفضه في يومياتي وإلي عنده شي يكلمني بالخاص ويقول إلي بخاطره:)

[راعـي الـدانهـ]

ليتها اتقول لا وترجع نصيبي=وترجع تداوي قلب مات بسبابها
كلي توفى بغياب حبيبي=وهي تدري بأني مغرم انا بها