)(( ياااااااااااا بويه)(

[شموخ شيوخية البدو]

يابويه ليه تبكي كل ما شفتك وعينـك لـي ؛،؛
تخاف أموت يابويه ... وقبل الموت تبكيني

كفا يابويه لا تبكي وأنا موجود معك وحـي ؛،؛
أجل بعد الرحيل أشلون في قبري توطينـي

ابويه لو تموت الناس ماتسوى دموعـك ذي ؛،؛
وأنا يابويه ميت قبل أموت وأنـت محيينـي

قسم بالله يابويه لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عاذبي طـي ؛،؛
وصار الجمر بكفوفي .. وتحت أقدام رجليني

يابويه ماعلى عمري حسافه ولا بقا بي شي ؛،؛
ولكـن بطلبـك يابـوي تكفـا لا تخلينـي

يابوي مابي غيرك يغسـل جثتـي بالمـي ؛،؛
وتكفا قبل لا أتكفن .. يابويه فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعز اللي يعـزي فـي ؛،؛
ثلاث أيام يا"ابـويه" .. يواسـوك المعزينـي

ورابع يوم يا "بويه" تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يا"بويه" عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يا"بـويه" لا تبكيـنـي

[غرنجي]

قصيدة مؤثرة جدا وتلامس شغاف
القلوب والمشاعر
سلمت يداك علة الاختيار الموفق
شكرا جزيلا لك
تحياتي

[خيؤط الشمس]

الله يعطيج العافية عالطرح