ماذا تفعل لما تتغير معاملة شخص غالي عليك ؟؟؟؟

[عذبة السجايا]

اتمنى التفاعل ...

عندمـــا تتغيــر معاملة شخص غالي عليــك ويــاليت بس غالي..يكون هذا الشخص صديق عمرك..ويقربلك..يعني من كل النواحي
فجـــأه تتغير معاملته معاك..وبدوووون اي سبب..ولاحتى غلطت عليــه اوجرحته بشي عشان تقول لنفسك انه غير معاملته عشان يحسسك بالذنب
اذا كلمتــه يرد عليـــك بجفاوه..وعدم اهتمام..
واذا سألته عن اللي يكون مضايقه..يرد عليك ويقول مافي شي....

تحاول تقترب منه..وهو يبعد عنــــك..

واذا تجمعتوا مع اصحابكم...يكوون مستانس.. ويسولف..
واذا راحوا وبقيت انت..وهو بس..يرجع مثل اوول..وكأن كل الضيوف راحوا..وانت عالهامش..(جيت اوكي الله يحييك..ماجيت..بسلامتك)..
تطلع..مايودعك..مثل اللي راحوا..تجي عادي يسلم..ولاكأنك تجي عشانه..
احيـــانا تجلسوون وتسوولفون..ومع اصحابكم..واذا جيت انت وسألته عن شي يرد عليك..بأسلوب يضيق الخلق..ويقول ماادري اواي شي..وفجأه تلقاه يسولف مع واحد من الاصدقاء عن هالشي اللي سألت عنه..تحسه كأنه مايريدك تعرف..اومايريد يقوولك..

والمشكله اللي اكبــــــر من هذا كلّه..اذا كانت علاقتك انت وهو قويــــه..اكثرمن الشخص اللي يسولفله..ويقول له..
واشيــــاء وتصير احداث..وانت آخــــر من يعلم..والمفروض انت قبل كلل الناس تدري..

تحــــس انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..
تحــــس انك مسوي جريمه رغم انك..ماعمرك غلطت عليه..
تحــــس انك غلطـــان رغم انك..ماعمرك جرحته,,

شــاللي رح تسوويـــه..بهالموقف..
تروح عنده...وتقوول له عن اللي بقلبك..؟؟...تسكــت وتخلـــي همك بقلبك..؟؟؟


اختكم ,,,

عذبة السجايا

[ذرب المعاني]

ذكرتيني يا عذبه بموقف صارلي فالصيف الماضي

كنت ماخذ صيفي في الجامعه .. المهم سكنت ويا اثنينه من ربعي - أحمد وسيف

وفيوم من الأيام .. ياي من الدوام وسلمت

الكل يطالعني بنظره .. كأني مسوي شئ والكل خايب ظنه فيه

المهم يلست اسولف والربع حسيت ان فيهم شئ .. سألتهم قالوا ماشئ

المهم تم الحال يومين وهم هب طايعين يسولفون ويايه .. وهب طايعين يخبروني .. فقلت مالي مكان بينكم .. المهم عزمت بطلع عن الغرفه .. جان ايي احمد وانا اخلص اغراضي .. قالي وين بتسير بو حمدان ..؟؟

قلتله مالي مكان بينكم .. دامكم انتوا زعلانين ولا اعرف جاني اخطيت عليكم

قالي تبا الصدق انا بخبرك السالفه .. ان واحد من بوظبي كان يدرس ويانا في الكورس الماضي .. قال انك اتذمنا من ورانا وانك تقول فينا وفينا و و و .

قلتله .. وصدقتوا اني اذمكم من وراكم ... كيف رضت انفوسكم انكم اتصدقونه .

سكت وما رد


لكن الله ما يرضى بالظلم

وعقب يومين لقانا راعي بوظبي (اللي قال اني ذميت ربعي)

وكان (سيف)..غايب عن الدوام .. ولا اتغدا ويانا

المهم قالنا ان سيف يذمكم ويقول فيكم وفيكم و و و .

المهم غمزت لأحمد .. ضحك وعرف السالفه .. عقب قلناله انه ما تستحي على ويهك .. عيب عليك هالحركات

ونشينا من على الغدا وهو يتغدا .. وهذاك يوم وهذا يوم

هذا موقف صارلي

الله المستعان

وفقني الله واياكم لما يحبه ويرضاه

اخوكم

ذرب المعاني

[..:: قلــب بدويــه ::..]

لو حسيتــــــــــه متغيـــــــــــــر..... برمســــه بقول ويش الي بخاطرك علي ...
واذا ما خبرنـــــــــي ولا على باله مني... بخليــــه على حالتــــه ليــــن هو يجي عندي لاني سويت الي عليــه رمسته ومن طبعـــي
ومحب انذل عسبت شخص او اركض ورا حد صح انه ما بين الاصدقاء مذله او شي بس ني سويت الي علي رمسته وقلتله ويش بخاطرك بس هو ما رضي يقول فذي شي راجعله ومن ناحيتي نـــــــــي بطبه ....
والسموحـــه ^_^ ذي وجهة نظري ...











..:: قلـــــــــــــــــــــب بدويـــــــــــــــه ::..

[نفحة الهيل]

تحــــس انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..


تعرفين لو كان تقدرين توصلين لهذا الشخص ... بفتح له الموضوع وبقوول شو السبب وما بخلية لين ما يقوول شو فية

واذا ما تقدر توصل لهذا الشخص .. يا بوك موووت حسرة والف حسرة وصيح ولاحد سمعك

((( لو تنوح بالعالي تصيح .. ما يسمع المشقي نداااك )))

وهذي الدنيا ووايد ما كتمنا في قلووب .. ولين اليوم كاتمين وشو نسوي ..وسمووحة عذبة السجايا

[المايدي بن ظاهر]

الصراحه

اول شيئ تجري دراسه عن شخصيه ه الشخص

تسأل ربعه تشوف تصرفاته وتسألهم لش اهوه زعلان

بعد ما تجمع المعلومات الكافيه وتشوف وين الخلل

تختار الوقت المناسب وتصارحه وتسأله عن سبب تغيره

ولازم تكون عندك الجراه الكافيه لاقناع الشخص الي زعلان منه

وما يكون اليأس مال قلبك لانك بالطريقه هي ما راح تسوي شيئ

وفي طرق غيرها وغيرها وغيرها هدا الرد بختصار شديد

وتسلمين على الموضوع

[عذبة السجايا]

ذكرتيني يا عذبه بموقف صارلي فالصيف الماضي

كنت ماخذ صيفي في الجامعه .. المهم سكنت ويا اثنينه من ربعي - أحمد وسيف

وفيوم من الأيام .. ياي من الدوام وسلمت

الكل يطالعني بنظره .. كأني مسوي شئ والكل خايب ظنه فيه

المهم يلست اسولف والربع حسيت ان فيهم شئ .. سألتهم قالوا ماشئ

المهم تم الحال يومين وهم هب طايعين يسولفون ويايه .. وهب طايعين يخبروني .. فقلت مالي مكان بينكم .. المهم عزمت بطلع عن الغرفه .. جان ايي احمد وانا اخلص اغراضي .. قالي وين بتسير بو حمدان ..؟؟

قلتله مالي مكان بينكم .. دامكم انتوا زعلانين ولا اعرف جاني اخطيت عليكم

قالي تبا الصدق انا بخبرك السالفه .. ان واحد من بوظبي كان يدرس ويانا في الكورس الماضي .. قال انك اتذمنا من ورانا وانك تقول فينا وفينا و و و .

قلتله .. وصدقتوا اني اذمكم من وراكم ... كيف رضت انفوسكم انكم اتصدقونه .

سكت وما رد


لكن الله ما يرضى بالظلم

وعقب يومين لقانا راعي بوظبي (اللي قال اني ذميت ربعي)

وكان (سيف)..غايب عن الدوام .. ولا اتغدا ويانا

المهم قالنا ان سيف يذمكم ويقول فيكم وفيكم و و و .

المهم غمزت لأحمد .. ضحك وعرف السالفه .. عقب قلناله انه ما تستحي على ويهك .. عيب عليك هالحركات

ونشينا من على الغدا وهو يتغدا .. وهذاك يوم وهذا يوم

هذا موقف صارلي

الله المستعان

وفقني الله واياكم لما يحبه ويرضاه

اخوكم

ذرب المعاني

صدقت والله يا خويه ذرب المعاني يوم قلت

الله ما يرضى بالظلم ,,,,

وتسلم على المشاركه الحلوه,,,

[عذبة السجايا]

لو حسيتــــــــــه متغيـــــــــــــر..... برمســــه بقول ويش الي بخاطرك علي ...
واذا ما خبرنـــــــــي ولا على باله مني... بخليــــه على حالتــــه ليــــن هو يجي عندي لاني سويت الي عليــه رمسته ومن طبعـــي
ومحب انذل عسبت شخص او اركض ورا حد صح انه ما بين الاصدقاء مذله او شي بس ني سويت الي علي رمسته وقلتله ويش بخاطرك بس هو ما رضي يقول فذي شي راجعله ومن ناحيتي نـــــــــي بطبه ....
والسموحـــه ^_^ ذي وجهة نظري ...





..:: قلـــــــــــــــــــــب بدويـــــــــــــــه ::..

تسلمين قلب بدويه على ابداء وجهة نظرج ,,

ويعطيج العافيه,,,

[عذبة السجايا]

تحــــس انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..


تعرفين لو كان تقدرين توصلين لهذا الشخص ... بفتح له الموضوع وبقوول شو السبب وما بخلية لين ما يقوول شو فية

واذا ما تقدر توصل لهذا الشخص .. يا بوك موووت حسرة والف حسرة وصيح ولاحد سمعك

((( لو تنوح بالعالي تصيح .. ما يسمع المشقي نداااك )))

وهذي الدنيا ووايد ما كتمنا في قلووب .. ولين اليوم كاتمين وشو نسوي ..وسمووحة عذبة السجايا

تسلمين عاشقة زاخر على مشاركج الحلوه

للموضــــــــــــــــــــــــوع ,,,,,,,,,

[عذبة السجايا]

الصراحه

اول شيئ تجري دراسه عن شخصيه ه الشخص

تسأل ربعه تشوف تصرفاته وتسألهم لش اهوه زعلان

بعد ما تجمع المعلومات الكافيه وتشوف وين الخلل

تختار الوقت المناسب وتصارحه وتسأله عن سبب تغيره

ولازم تكون عندك الجراه الكافيه لاقناع الشخص الي زعلان منه

وما يكون اليأس مال قلبك لانك بالطريقه هي ما راح تسوي شيئ

وفي طرق غيرها وغيرها وغيرها هدا الرد بختصار شديد

وتسلمين على الموضوع

تسلم المايدي على مرورك الرائع ,,,,

[عذبة السجايا]

الصراحه

اول شيئ تجري دراسه عن شخصيه ه الشخص

تسأل ربعه تشوف تصرفاته وتسألهم لش اهوه زعلان

بعد ما تجمع المعلومات الكافيه وتشوف وين الخلل

تختار الوقت المناسب وتصارحه وتسأله عن سبب تغيره

ولازم تكون عندك الجراه الكافيه لاقناع الشخص الي زعلان منه

وما يكون اليأس مال قلبك لانك بالطريقه هي ما راح تسوي شيئ

وفي طرق غيرها وغيرها وغيرها هدا الرد بختصار شديد

وتسلمين على الموضوع

تسلم المايدي على مرورك الرائع ,,,,

[شماسي]

بصراحه ما بخلي ربيعتيه لين اعرف السالفه لو ان شالله شو ما يستوي
ما بفرط فيها لين افهمها انها على غلط هييج الساعه بس بقولها برايج يومج بعتيني عسب شي تافه برايجد ماباج
سيري للي غروج
وصارتلي وسويتها وانا من النوع اللي اذا صديت عن انسان ما اردله لو بالطبل البلدي
ههههههه

بسلمو موضوع رائع

[عذبة السجايا]

السلطــــــــــــــــان ,,,, شمـــــــــــــاسي

تسلمون على ابداء ارائكم ومشاركتكم الحلوه ,,

[شليويح]

ما تيوز الربعة أبمنه

مثل لي يطلبك بديانه

صاحبك أن ياز يوز عنه

وخله أيتعبل أبشانه


شكراً على الموضوع أختي عذبة السجايا

[عذبة السجايا]

ما تيوز الربعة أبمنه

مثل لي يطلبك بديانه

صاحبك أن ياز يوز عنه

وخله أيتعبل أبشانه


شكراً على الموضوع أختي عذبة السجايا


تسلم خويه شليويح على

مرورك الاكثر من رائع,,,,

[•ミ المكـَـ ح ــلミ•]

عندمـــا تتغيــر معاملة شخص غالي عليــك ويكون هذا الشخص صديق عمرك وعزيز على قلبك
فجـــأه تتغير معاملته معاك..وبدوووون اي سبب..بدون ماتكون غلطت عليــه اوجرحته بشي عشان تقول لنفسك انه غير
معاملته عشان يحسسك بالذنب
اذا كلمتــه يرد عليـــك بجفاوه..وعدم اهتمام.
.
واذا سألته عن اللي يكون مضايقه..يرد عليك ويقول مافي شي..تحاول تقترب منه..وهو يبعد عنــــك
واذا تجمعتوا مع اصحابكم...يكوون مبسوووط..ويحكي ويسولف
احيـــانا تجلسوون وتسوولفون..ومع اصحابكم..واذا جيت انت وسألته عن شي يرد عليك..بأسلوب يضيق الخلق..ويقول
ماادري اواي شي..وفجأه تلقاه يسولف مع واحد من الاصدقاء عن هالشي اللي سألت عنه..تحسه كأنه مايبيك
تعرف..اومايبي يقوولك..
هل راح تحس :
انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..
تحــــس انك مسوي جريمه رغم انك..ماعمرك غلطت عليه..
تحــــس انك غلطـــان رغم انك..ماعمرك جرحته,,
شنو راح تسوي ؟؟؟؟؟؟
هل:
تروح عنده...وتقوول له عن اللي بقلبك..؟؟...تسكــت وتخلـــي همك بقلبك..؟؟؟
/
\
/

[الولايات المتحده البدويه]

تسلم ع المووضوع
اناعن عمريه مستحييل اسير وارمسه وهو يعاملنيه بهالجفا ليش منوه يتحرى عمره؟؟؟...
والسموووووووووووووووحه

[الحرف العنيد]

أنا شخصياً

أسكت وأخلي همي فقلبي ..

أحاول أني أعدل العلاقة .. بس اني احط عيني فعينه ... وأرجع أسولف شرات قبل

مستحيل ..واذا فشلت محاولات تحسين العلاقة ..

أنا اللي بتباعد تدريجياً ..

والسموحه ..

[يـآس]

السلام عليكم ورحمة الله وبركاته


تسلم المكحل على الموضوع الحساس
فعلا موقف صعب .. ويأثر على الثقه بالنفس .. ويحط تساؤلات كثير ما يجاوب عليها الا
هذا الشخص نفسه .. الي صد عنك وجافاك بدون سبب

انا ممكن انحط في احتمالات كثير وماعرف بالضبط كيف اتصرف
لكن افضل لو يكون تصرفي مماثل لتصرفه .. مثلا ً

ابتعد عنه واخليه .. مافي داعي اناقشه واكلمه وهو مب طايق يطالع في ويهي
ويوم يبى هو يتكلم ايي لين عندي ويرمس .. ذيج الساعه يمكن اسمعه ويمكن لا .. شوي عشان يتأدب

واكيد الحال ما بيدوم وايد الا اذا هو يبى القطاعه ربي يحفظه
<--- مايحب يعور راسه مع شخص ما يحشم

بس اذا حسيت ان ورا تصرفه هذا زعل يمكن ما اخليه لين اعرف شو فيه :)


وربي يعطيك العافيه
يالمكحل

[نصـــابه_طررر]

هههههاي انا اللي بيرمسنيه هاجه بلطمه بكف ع حلجه هههههاي
شو يعني عاادي طاااااااااف
اروح العب ف المطر براا احسن ليه ههههههههاي

[***بدويه كسرتيم***]

أول شي اعرف شو سبب تغيرها ...عليه
ثانيا بقولها انا انسان ليش مشاعر احس فيها ..هب اتشوفيني يدار جدااام .. وخبريني شو فيج
ثالثا شي اذا هي تبغي تبتعد عني برايها تروح ... والله يسامحهاااااا

[•ミ المكـَـ ح ــلミ•]

مشكورين على تواجدكم في الموضوع

وشفنا ردودكم الحلوة التي تخلي الواحد يعرف يتصرف في هذا الموقف

[جنون الحب]

بتم اصييييييييح ...

يسلموووو ع الموضوع ..

اختك
جنون الحب

[ولد النشامى]

اتركة و ادور علا غيرة

[مالك الحزين]

عندمـــا تتغيــر معاملة شخص غالي عليــك ويكون هذا الشخص صديق عمرك وعزيز على قلبك
فجـــأه تتغير معاملته معاك..وبدوووون اي سبب..بدون ماتكون غلطت عليــه اوجرحته بشي عشان تقول لنفسك انه غير
معاملته عشان يحسسك بالذنب
اذا كلمتــه يرد عليـــك بجفاوه..وعدم اهتمام.

أولآ: أخويه انا من رايي ان هذا شخص ما بتغير بدون سبب ومدامه صديق عمري وعزيز على قلبي بيكون هناك سبب في تغيره أتجاهي. من الممكن أنه متضايق مني أو اني مزعلنه بشيء انا ما تدري شو هو هذا الشيء. فمن الفضل البحث عن السبب يلي خلاه يتغير أتجاهي. أذا عرف السبب بطل العجب.

ويمكن يكون اني جرحته من دون ما اعرف ( غير مباشر) وهذا الشيء وارد





واذا سألته عن اللي يكون مضايقه..يرد عليك ويقول مافي شي..تحاول تقترب منه..وهو يبعد عنــــك
واذا تجمعتوا مع اصحابكم...يكوون مبسوووط..ويحكي ويسولف
مدامه عزيز على قلبي بحاول وياه يلين أعرف السبب فلا يأس مع الحياة ولا حياة مع اليأس



احيـــانا تجلسوون وتسوولفون..ومع اصحابكم..واذا جيت انت وسألته عن شي يرد عليك..بأسلوب يضيق الخلق..ويقول
ماادري اواي شي..وفجأه تلقاه يسولف مع واحد من الاصدقاء عن هالشي اللي سألت عنه..تحسه كأنه مايبيك
تعرف..اومايبي يقوولك..

عندما يكون أعز أصدقائي متضايق علييه فلأفضل أن لا سأله لأن من ردت فعله أتجاهي ما بيجاوب علييه. ويمكن يبغي يحسسني انه متضايق مني بأن لا يجاوب علييه وييلس يسولف ويا ربعه



هل راح تحس :
انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..
تحــــس انك مسوي جريمه رغم انك..ماعمرك غلطت عليه..
تحــــس انك غلطـــان رغم انك..ماعمرك جرحته,,

لو كنت أعز معزه غيرعن الأخرين طبعآ بحس اني وحيد في هذي الدنيا وما لي غيره لأن نادر ما تلقى صديق في هذي الدنيا.



شنو راح تسوي ؟؟؟؟؟؟
هل:
تروح عنده...وتقوول له عن اللي بقلبك..؟؟...تسكــت وتخلـــي همك بقلبك..؟؟؟

صدقني لو سكت وخليته همي في قلبي ما راح أستفيد شيء وبتم ايلس وأحاتي وبحس أن دنيا مالها طعم.

فمن الأفضل أن ذهب إليه وصارحه بكل ما في قلبي وأن يقول ما لديه اذا انا غلطت في حقه بدون ما اعرف.واقول ليش هو متغير علييه. واقوله له أن انسان ليس معصوم عن الخطأ. وعندما تنفتح القلوب لبعض صدقني بترتاح. واخليه يقولي بكل ما في قلبه.


ياما عطينا الأصدقائنا كل ما نملك ولكن انهم يجهلون كل هذا. وأن شاء الله بيي هذا اليوم يلي يعرفون


ربيعك اليوم عندك وباجر تحت التراب


تسلم أخويه على الموضوع الرائع والجميل.

ولا تحرمنا من كل يديد

وأن شاء الله أكون تكلمت في الموضوع ولا طلعت عنه.

أخوووووووووووووووك

مالك الحزين

[يتيمه من عقب زايد]

مشكوووووووووووووور اخوي المكحل على هل الموضع الرائع


والله موقف صعب و محرج .........

انا بالنسبه لي اول شي اذا شفت ان معاملته تغيرت عليه انا متاكده اني ما سويت شي يخليه يتصرف عندي هل التصرف اول شي:

1-براجع كلامي لي قلته له يمكن اكون اني غلطت عليه في شي من دون لا اشعر انا بهل الغلط او جرحت مشاعره
2- انا طلعت اني غلطت عليه من دون قصد بطلب السموحه منه بتعذرله
3- اذا تاكدت اني انا ماسويت شي يضايقه بس من نفسه زعل بطلب منه يوضح لي شو السبب

واذا طلع هو من نفسه بس من دون سبب بقوله الله يسامحك روح وانت لي خسران

بقوله ما دام هذي علومك راح تخسرني

ما حد راح من كيفه وناديته

عند الكرامه ابيعك وانت تعرفني

الذل نفسه قسم بالله ذليت

الوضع عادي اذا تبغي تفارقني

اخوي لي صد عني ما ترررررررررررررررررررررررجيته

انك الوحيــد بهالدنيـــا..مالك احد فيها..تحــس كل الناس يكرهونك..حتى تكره نفسك..

نعم اذا كان بدون سبب زعل مني

تصيــــر الدنيــا بعيــــنك كلـــها ظلااااام..مافي ولانور خفيــف..

اكيد بس بدعي ربي ان يفرجها عليه
ضاقت لما استحكمت حلاقاتها فرجت وكنت اظنها لاتفرجو

تحــــس انك مسوي جريمه رغم انك..ماعمرك غلطت عليه..
لا والله شو مسويه انا عنبوه جريمه يمكن اني اتضايق اذا غلطت عليه
تحــــس انك غلطـــان رغم انك..ماعمرك جرحته,,
شنو راح تسوي ؟؟؟؟؟؟
هل:
تروح عنده...وتقوول له عن اللي بقلبك..؟؟...تسكــت وتخلـــي همك بقلبك..؟؟؟
اذا غالي بقوله مره وحده الكلام لي في قلب اذا رضي وغير اسلوبه عندي كان بها اذا تم عللا رايه وعنيد هو في درب وانا في درب

عمر الغالي ما يزعل من غالي

ووعمر لي يحب ما يزعل من لي يحبه

يحالو ان يجد له مبررات لزعل

انا بصراحه ما ازعل على حد لا اذا في شي كايد وكبير

اما الاشياء الثانيه ما زلع بس عتاب خفيف شوي وارضى

السموووحه منكم

[•ミ المكـَـ ح ــلミ•]

مشكورين على تواجدكم

[عيناويه وافتخر]

بسأله عن السبب واذا مب راضي يقوول

خلاص برااايه

الله يحفظه

وما بقووله اي شي بخاطري

[نفحة الهيل]

اممم اذا تغيرت معامله شخص ويايه وخص اذا هذا الشخص غاااااااااااااالي عنديه

عاااااااااااااااااادي اعتزل العااااااااااالم واكوون شخص ثااااااااني

وشو بسوي


اذا بغيت وصله واشوف شو فيه ولقيييت الصد ما برد عليهم لانهم اكيييد كرهونيه ما بزززيد وما بغصب نفسيه عليه ويمكن يوم من ايام بحس ويمكن بيكون فقلبه ذره رحمه وايي وننتظر منهم
امم ما ادري جني ظهرت من الموضوع

[العقيد]

السلام عليكم

صراحة لابد أن تحصل بهذه الحياة مثل هذه المواقف

بالنسبة لي :

أحاول أني أعدل العلاقة وقدر الإمكان أعرف عن طريق الحديث معه أو أرسل أحداً له

وذلك خشية أن يكون وقع مني خطأ لم أكن أقصده فإن تبين لي الأمر فأنظر

إن كان الأمر يستحق الزعل وله حق علي اعتذرت له إن قبله فنعما هو

وإن لم يقبل سأظل أرعاه وأتحبب له حتى يرضى فلست ممن يفرط بالصديق بسهولة

بل اتمسك به حتى أر أن الأمر قد أغلق أمامي فأكثر الدعاء له وانصرف عنه .

وإن كان الأمر سهل إنما يريد الزعل تركته حتى لو عاد لي مرة أخرى لا أغفر له تخليه عني

وسأبتعد عنه كلياً ليس له علي له إلا حق الدين فقط .

أما إن كان الأمر غامض ولم أعرف فسأبتعد تدريجيا متمنياً له الخير

تلك هي طريقتي مع من اصاحب والحمد لله قليل من افتقده منهم .

للجميع مني كل الود

العقيد

[ابحقي خطيت]

مممم انا ما اقدر اتحمل انه حد ايعاملني بهالطريييييييييقه


اذكر انه هالموقف استواااالي من زمااان ومرضت سبت هالسالفه

موقف صعب بكل معنى الكلمه انه خوية دربك واربيعتك تتغير معاملتها ويااك فجأه


كل الي اقدر اسوييه ساعتها اني احااول اعرف سبب ها كله


وما احاول اطنش السالفه واسوي طاااف


اهم شي اعرف منو الغلطااان وان كاان القصووور مني استسمح منها


وانا كان منها <<< اسكت عنهااا لين ما اتردلي رووحهاااا


والسمووحه منكم ع الاطـــــاله


خويتكم^^