خـذنـي هـواه ولا رحـم حـالـي ولا راف بغـريـم الشـو

[ذِبُحِـنٍـيً هُۅٍآهُـمْ]

مالـــوم نفســـي فالهــوى متعللــه عافــت لذيــذ الــزاد مـا تهنـابـه

والعيـن عيت عـن مطايـب الكرى جفـني لذيـذ النـوم مـا غضابـه

ابكي حسف من غبلتي في مهجتي لي من شربت من القراح احزابه

والقـلب مجـروح(ن) تــردد زفـرتـه شطـه غرامـه والحبيب اسبابه

خـذنـي هـواه ولا رحـم حـالـي ولا راف بغـريـم الشـوق من تعذابه

بـــرق بعينــه وجـرحتنــي نظـرتـه تيــم فــؤادي وملكــه واقفـابــه

بـوغرت(ن) تسفـر شرى بدر الدجى وميدل(ن) فوق المتون اومابه

وحياي مقرون(ن) وخد(ن) يلتضي ياضي شرى شمس العصر جلبابه

والخشــم سلـة سيـف هنـدي(ن) لمع والعيــن عيـن الريـم فـي معزابـه

والجيـد مـن جيــد الوضيحــي لـه مثـل ونهود فـي صدره تشيـل ثيابـه

والخـد ممــلاي(ن) وخصـره معتـزل والـردف نابـي عاليـات حيابـه

لي من مشى يمشي شرى مشي القطى توح جدمه ويزين به مسحابه

هـو منيتـي وهــو سبايـب علتـي قلبـــي تولعبـه وهـاض مابـه

والحـب جبــار سبتنـي ليعتــه ماجــور صبـن يـا مــلا يسلابــه

لي ما طعم ذوق الهوى ما ينهوى ولي ماعرف للحب يترك بابه

جرح الهوى فيه الجوى ماله دوى لو عالجوه اهل العرف مايابه

وانا جروحي في فوادي مدمنه مضروب في وسط الحشى بنشابه

عـوقي غبـي وعســى عتيــج يثيبنــي عسـاه يسعدنـي بـرد جوابـه

حيث انه شعره يا ملا ما ينقصى والحب غي(ن) وتارس(ن) فكتابه

والختــم صلــو عــد ماهــب الصبـى علــى نبّــي الله ثـم اصحابــه

[مجنونهاااا]

يشرفني ان اكون اول المتصفحين للصفحه

صح لسان قايلها

قصيده جميله عذبه

[بنت العزبة]

صح لسان الشاعر .. وسلمت انامل الناقل

اشكرج اختيه على الكلمات الرائعه

والله يعطيج الصحه والعافيه

[غرنجي]

قصيدة من روائع الشعر النبطي
والموروث الشعبي الاماراتي
رحم الله قائلها ومن كان له الفضل
في انتشار الشعر الجميل
نترقب المزيد من الروائع
شكرا جزيلا لك
تحياتي