يا عين حني على قلب استصآب منك من أول نظرة...

[ضحَكتے مـاركهـ•••]

[SIZE="2"]

روايه إماراتيه رووووعة (( يا عيــن حــنـــي علــى قــلــب اســتــصــاب مــنــك مــن أول نــظـــرة )) (( للكاتبه : n-warey))^__^

[FONT="Tahoma"][CENTER]خلونا بالاول نتعرف ع العايلة الاولى

عائلة حارب بن محمد بن ال....... حارب متوفي هو وزوجته وتركو 3اولاد ووبنت واحد من اولاده من حرمته الاولى وتوفقت بعد ولادته بسنة ونص وبعدها خذ حرمته الثانية وحرمته الاولى يابت ولد وسمته محمد الي هو بوهزاع
اول بجرهم هو بوهزاع
عايشين بابوظبي ونصهم برماح الي عايشين بابوظبي هم
بوهزاع

نتعرف على عايلة بوهزاع
بوهزاع اسمه محمد وعمره 42سنة رجل اعمال طيب وحنون ويوم ينذكر اسمه بالميالس الكل يفز له باحترام وله شركة وطبعا بمشاركة اخوانه
متزوج من بنت خاله ام هزاع واسمها فطيم وهي اصغر من بو هزاع بسنتين يعني عمرها 40 سنة بس الي يشوفها يقول مستحيل ب 40 سنة حلوة طيوبة وحنونه على اولادها مثقفة خريجة دبلوم تحب القراءة ومهوووسة بالكتب وعندهم مكتبة بالبيت فيها كتب وايد طبعا هي الي شرت الكتب وتلاقيها بوقت الفراغ كل بالمكتبة
وعندها من بوهزاع 6 منه 3 اولاد و3 بنات
بجرها هو سيف وعمره 26 سنة متزوج من بنت عمه بوذياب هنودة وعمرها 25 سنةمرة طيبة وحبوبة والكل يحبها ومنها ولد واسمه محمد على اسم يده وعمره 4 سنين سيف يشتغل بالشرطة طويل حنطاوي شعره يوصل لين الرقبة اسود عيونه ناعسة عسلية وحبوب ويحب زوجته ويموت فيها ودوم قبل مايظهر من البيت لازم يتغزل في حرمته ولازم يتصل لها وهو في الدوام

من بعد سيف شما وعمرها 23 سنة خريجة باكالوريوس تشتغل بشركة ابوها لها غرفة خاصة حنونة وطيبة تحب سهيل ولد عمها بس ماتحب حد يعرف الوحيدة الي تعرف هي اختها مياسة لانها توصل لها اخباره عن طريق اخته دانة الي هي ربيعة الروح بالروح لمياسة طويلة وشعرها واصل لين الكتف لون كستنائي وعيونها ناعسات شرات اخوها سيف بلون بني

من بعد شما هزاع عمره 22 سنة وهزاع هو بطلنا خلوني اوصف لكم هزاع اوسم واحد بالعايلة وحليو وعذوب الكل طايح بهواه من وحدة تشوفه تتخبل به وتتمنى انه يكون من نصيبها خقاق شعره اسود غامق واصل لين الرقبة عيونه كبيرة ووساع بنية الخشم سيف له غمازات يوم يضحك >>>مالوم البنات يوم يحبونه له صوت حلو يوم يشل معضل وافضل عطرين له شيوخي وعود العربي مايظهر من البيت الا هو متسبح بهم يحب يروح العراقيب والكورنيش والعزبة وخاصة العزبة له حركات يعني شوي مغازلجي مركب تقويم بلون رصاصي لامع عسب يعدل من اسنانه على قولته

من بعد هزاع مياسة عمرها 20 سنة تدرس بجامعة زايد تخصص ادارة اعمال متوسطة الحجم يعني لاطويلة ولاقصيرة رشيقة بشرتها ناعمة بنيى على بياض عيونها صغار لونها بني صاحبة سوالف وضحك وخاصة يوم تكون ويا دانة بنت عمها مايخبن عن بعض ابدا كل الي يصير من بينهن لازم ينعرف

من بعد مياسة منصور عمره 18 سنة يدرس بجامعة ابوظبي تخصص ادارة اعمال مع انه ماله خص بالادارة يحب الفوتوشوب ويتفنن فيه اربع وعشرين ساعة ع النت اما للفوتوشوب او المنتديات لا طويل ولاقصير شوي مربرب شعره قصير ما يحب يطول شعره عيونه صغيرة بلون اسود

واخر العنقود مريامي شبيهة هزاع لي هالدرجة يحبها وايد عمرها 4 سنين بعمر ولد اخوها يعني ام هزاع بالاول ولدت مريامي وبعدين باسبوع ولدت هنودة ويابت محمد فتلاقيهم دوم ضرابة اذا تبا شي لازم يكون عندها او ينسمع صوتها للشارع حشرية ماتسكت الا اذا يابو لها الي تباه

وعندهم بشكارتين ميري تشتغل حق البيت وروني طباخة ودريول اسمه سلمان


ثاني عايلة هي عايلة بوسهيل

بوسهيل واسمه حمد متزوج من بنت جيرانهم طيب واب حنون يحب البنات وايد مانقول يفضلهم بس متعلق اكثر شي بالبنات وريال الكل يحترمه هو اصغر من بو هزاع ب3 سنين لان في واحد اكبر منه الي هو بوذياب
ويشتغل ويا اخوه بالشركة
ام سهيل واسمها شيخة مرة حنون وطيبة تحب تربي اعيالها ع الصح وماترضى بالغلط وماتحب تشوف بوسهيل يدلع بناته وايد ومنه 3 بنات ولد

بجرها سهيل وعمره 24 سنة يشتغل في الجيش يحب بنت عمه ومايخبر حد ابد انه يحبها ومحير لها بس هو ماخر الخطبة عسب انه هو يبا يتكفل بكل شي حنطاوي البشرة له غمازات عيونه وساع بنية اللون ملتحي ومعضل يعني نقول وسيم

وبنفس الوقت سهيلة هي التوم لسهيل وعمرها 24 سنة شبيهة اخوها تحب الطبخ طيبة وتحب اعمال المنزلية

بعد سهيلة دانة وعمرها 20 سنة بعمر مياسة تدرس بجامعة زايد نفس تخصص المياسة ربيعتها الروح بالروح مايفترقن ابد كل شي الي يصير من بينهن لازم ينعرف ومايخبن على بعض مرحة ومرتبشة دوم ماتحب الشجار او الصراخ مزوح عيونها بلون بني شعرها طويل وتحب دوم تخليه ماتربطه مع ان امها ماترضى عسب لا احد يحسده رشيقة ودلوووعة ابوها من الخاطر لان ابوها هو الي رباها عسب ان ام سهيل تعبت بولادتها فابوها هو الي اهتم بها ورعاها

واخر عنقودهم هي العنود وعمرها 7 سنين رقيص وربشة من تسمع اغنية نانسي ولا هيفا يبدا عندها الرقص بس امها ماتحب تشوفها ترقص اتم تصرخ عليها وتهاوشها بنوته حليوة تحب دوم تلعب بالماي ودلوعة ابوها بس مب اكثر عن دانة

عندهم بشكارة وحدة واسمها لونا حق البيت والطبخ مرة وحدة ماعندهم دريول الابو مايحب اييب واحد غريب بس ناوي اييب لهم وحدة تسوق السيارة عسب توصلهم للمشاوير

وهذيلا هم عايلة بو سهيل

خلونا ننتقل مرة وحدة لرماح ونتعرف على عايلة بوذياب وام غانم

وقبل ما ننتقل لرماح راح اعرفكم على اخت فطيم الي هي ام هزاع من الرضاعة مريم
عايلة بوسلطان
بوسلطان اسمه علي ريال طيب وحنون مدين دوم تلاقي القران بيده يقراه بوقت الفراغ ودوم يذكر الله مدير مدرسة بو سلطان متزوج وحدة مغربية قبل ماياخذ مريم بس توفت المغربية
تزوج مغربية وماكانت تهتم فيه ولا بعياله فاظطر انه يتزوج على راسها وحدة ثانية الي هي مريم
واعياله من المغربية
هم سلطان وعمره 27 سنة متزوج من بنت عمه واسمها امنه ومنه ولدين توم عمرهم 7 سنين بثاني ابتدائي
عبدالله وعلي حبوبين ويونسون الواحد بس دوم يضاربون بوقت الجيم اذا حد خسر يصيح وتصير مشاكل سلطان يشتغل بالاتصالات اما حرمته حاليا حامل بالشهر الخامس

وبعدها اي حمد ربيع الروح للروح لهزاع مايتفارقون ابد ابيضاني حليو اكبر من هزاع بسنة يعني 23 سنة صاحب حركات مغازلجي بس ناوي يترك هالعادة من بعد ماشاف دانة بنت عم هزاع مرة شافها بالمطبخ وتحراها ميري وراح شرب ماي وكانت مو منتبهة له ويلس عالطاولة وهو يشرب الماي فتحرى دانة هي ميري :حمد : ميري روحي زقري هزاع اي بسرعة اهني يبست مكانها دانة ماعرفت شو تسوي عصب حمد : ميري شو فيج صمخة روحي زقري وقبل مايكمل رفع راسه وانصدم يوم شاف وحدة بنت غاوية وماخاز عينه عنها دانه حست انه وقفتها غلط وظهرت برع المطبخ ومن بعدها حمد يفكر بدانة

اما عياله من مريم 2 ولد وبنت
بجرها هي الريم وعمرها 22 سنة بعمر هزاع تحب هزاع بس ماتعترف لحد وتتمنى انه يخطبها بس هي عارفة انه مستحيل لان هزاع يعتبرها شرات اخته فهي تحاول تنساه جامعية تدرس بجامعة العين لان يابت نسبة ما اهلت الها انها تدخل جامعة زايد فدخلت جامعة العين تخصص علوم انسانية


وبعد الريم سعيد عمره 18 سنة مهووس بالبلايستيشن يوم يقعد ع الجيم مستحيل ينش من اللعبة الا يوم يفوز وهو بكلية التقنية تخصص كمبيوتر ويحب ركوب الدراجات

اكيد تستغربون ليش ينادون مريم ام سلطان مع انهم هب عيالها بالعكس مريم هي اللي ربت عيال المغربية وهم صغار لان امهم بذاك الوقت ماكانت تهتم الا للموضة وخرابيطها اما التربية خلتها حق مريم تربيهم مريم ماقصرت وياهم واعتبرتهم شرات اعيالها لي درجة ينادونها بامهم وينادونها ام سلطان وام هزاع يعتبرونها شرات خالتهم
وعندهم بشكارتين نرجس للبيت وماريا حق اعيال سلطان والدريول خلف مع ان مريم تحب هاي تشتغل ما تحب الشغالة تشتغل بدالها

الحين نتعرف على عائلة بوذياب اللي في الرماح

بوذياب ريال والنعم فيه الكل يشهد له يحب حرمته ويموت فيها بس مو كثر العزبة يعشق شي اسمه عزبة وكل ويك اند تلاقيه بالعزبة اسمه عبدالله ويشتغل بالشركة بس هو يقعد بالبيت ويخلي بداله يروح ولده مبارك وذياب
ام ذياب واسمها مهرة مرة طيبة بس هذرة وايد من تسمع خبر تلاقي الخبر منتشر يعني ايلس بالبيت عسب تسمع الاخبار شو صار بالدنيا بس حبوبة والكل يحبها

ذياب هو بجرهم وعمره 28 سنة متزوج من ربيعة اخته غبيشة الهنوف يحبها ويعزها ومايروم على فراقها ومنه 3 عيال بنتين توم وولد (مهرة على اسم يدتها طيبة وحنونة تحب عمتها غبيشة وايد ودوم تلجا الها بوقت الضيق وخاصة يوم تضارب مع اختها التوم شيما وهم بنفس العمر 9 سنين شيما عين الشر بحد ذاتها ولسانها متبري منها شرات عمتها ظبية طالعة عليها واخوهم الصغير اسمه عبدالله على اسم يده حبوب وخريش ومررتبش دوم وعمره 5 سنين بالروضة

من بعد ذياب هنودة الي هي حرمة سيف

من بعد هنودة اي مبارك وعمره 24 سنة اسمراني شوي وعيونه ناعسات سودة طيب وحبوب والي بقلبه يتم مايخبر حد عنه الا اخته غبيشة ويحب بنت خالة هزاع الريم مرة شافها يوم راح يزور بيت عمهم بو هزاع وانعجب فيها ودوم يفكر فيها معضل انيق دايما وهو الصراحة غرشوب رماح

من بعد مبارك اي ميحد وعمره 23 سنة يحب اغاني ميحد ودوم يغني ولا ننسى عوده دوم وياه يدرس بجامعة الشارقة تخصص هندسة بس يدرس بايام الويك اند يروح الجامعة وباقي الايام ع العود ماله شغل بسوالف البنات

من بعد ميحد محبوبة البيت والكل يحبها غبيشة وعمرها 22 سنة لها سوالف وتضحك الي مايضحك الواحد يرتاح لها يوم يكون مضايق والبيت من دونها مو شي يعني هي الي محلية البيت وخريشة وفيها شوية خبال وبنت اخوها مهرة وايد تحبها وتتمنى تطلع شراتها تدرس بكلية التقنية بتخصص علوم زراعية تحب الزراعة

واخر عنقودهم ظبية مغرورة متكبرة ماتحب حد غير عن اخوانها متسلطة عمرها 17 سنة بثالث ثانوي ادبي تلاقيها اربع وعشرين ساعة ع التلفزيون او النت اذا شي مايعيبها تسوي مشاكل طبعا شيما ماخذة منها هالصفات يعني كريهة وشايفة نفسها وايد وتحس انها احلى البنات مربربة شوية شعرها كاري عيونها بنية صغيرة

عائلة بوغانم
اخته اسمها لطيفة متزوجة من عبدالرحمن بوغانم توفى وترك لها 3 اعيال تربيهم مرة طيبة وحبوة وحنونة واوقات مشددة بسبب الخوف على اعيالها ماتبا يطيحون او يرتكبون الغلط رفضت تتزوج من بعد بوغانم الله يرحمه وفضلت تربي اعيالها وطبعا بوهزاع مايقصر فيها دوم يطرش لها فلوس تراها اخته
بجرها غانم ووحيدها وعمره 25 سنة يشتغل في شركة عمه خريج بكالوريوس درس بالخارج يحب بنت خاله سهيلة وناوي يخطبها بس الي في القلب يتم مستور حلو غرشوب وجميل عيونه ناعسات ذباحية حنطاوي مايل للبني معضل وعنده ربيع بطي الروح بالروح دوم وياه بالعرقوب يشكي احواله حق ربيعه

بعد غانم اخته عويش مخلصة الثانوية ويالسة بالبيت ماتحب شي اسمه دراسه مع ان ماشاء الله عليها يابت نسبة حلوة في الثمانينات عمرها 21 سنة تحب الطبخ وتتفنن في الطبيخ شعرها واصل لين نص الظهر ناعم وحلو خشمها صغير مرتب وعيونها سودة

واخر عنقودهم نورة ثاني ثانوي وعمرها 16 سنة مربربة تحب الاكل ماشاء الله عليها من الاوائل تتمنى تصير دكتورة لو يابت نسبة عالية خاطرها تسافر برع تدرس مع ان هالشي مستحيل فقبلت بالواقع انها تدرس الطب بجامعة العين حلوة والي محلنها غمازاتها وجسمها ملائم تقول تبا تسوي رجيم عسب تخف لكن طبعا من تشوف الاكل تنسى كل شي وهمها الوحيد هو الاكل

هذي هي عائلة حارب بن محمد بن ال .....

وبعدين راح اعرفكم على عائلة بطلتنا بس مو الحين يوم نعرفها اكثر

[ضحَكتے مـاركهـ•••]

مرحبا بالقصيد وأهله مليون ترحيبه…..

واعداد هبت هبوب الذواري…..

وصلنا الله يسلمكم لين البنت الي حدرت عليهم بالكلاس مرة وحدة وعرفت عن نفسها ودخلت بكل اناقتها

وعفويتها وابتسامتها الي ماتبعدها عن ويها وعيونها اللامعة وعرفت عن نفسها وراحت تمشي بكل اناقة

وخطواتها الرقيقة لمحلها وكانت شالة كتابها الجامعي ودفتر وردي اللون مزغرف باشرطة بلونين االوردي

والاحمر ومعلق عليه قلم وردي وكانت لابسة عباية مفتوحة وعليها فصوص بلون وردي واحمر على أشاكل

مربعة ودواير وشيلة بنفس تشكيلة العباية وتوقيع من محل العبايات سويت ليدي وتحت العباية كانت لابسة

قميص ابيض كت فيه فصوص وردي وازرق باشكال زهور وشريطة وردية بالنص وتنورة بيضة بنفس تشكيلة

القميص وشنطة وردية ولها شريطة حمرى من ماركة Diorولابسة نظارة من ماركة Diorوجوتي كعب مسطح

اسود من باشوتي

وراحت تيلس ورا مياسة ودانة وكل الانظار متوجه لها حتى المس كانت اطالعها >>>لا تلومونهم اول مرة

يشوفن بنت غاوية تقط الطير من السما البنات ما استلمن منها عيل لو الشباب الله يستر

هذي هي بطلتنا قصايد

خلوني اعرفكم عليها

قصايد عمرها 20 سنة بعمر مياسة ودانة انتقلت من سويحان الي ابوظبي بحكم شغل ابوها وانتقلت من جامعتها

الي كانت تدرس فيها جامعة الامريكية بدبي لي جامعة زايد دلوعة امها وابوها طالعة على امها حلوة لان امها

مغربية الاصل خلونا نشوف اول شي مواصفاتها حلوة وجميلة العيون وساع ذباحية بلون رمادي لامع يوم

تعصب او العين تدمع تبدا عيونها تلمع وهذا شي يخليها تحلو وفوق هالشي عندها غمازات اتخلي الواحد يذوب

منها متناسقة الطول والوزن يعني طولها 148 ووزنها 48 بيضة شعرها طويل يوصل للركبة ناعم متدرج

بالالوان البني الغامق لين الفاتح خشمها عادي وملائم طفولية تحب الشعر والقصايد لي هالسبب عندها دفتر

خاص لها وتحب اللونين الوردي والاحمر

اما من ناحية اخلاقها طيوبة وحبوبة تدخل القلب من اول مرة ربشة وحلو الواحد يقعد وياها دوم مبتسمة بس عاد

مشكلتها الوحيدة تجذب وتنقع صواريخها على الكل تحب ركوب الدراجات وخاصة يوم تروح العزبة لازم تركب

الدراجات هي وبنت عمها وحبيبة قلبها شويخ بعدين راح اخبركم عنها مشاغبة الكل يوم شافها اتحرى انها هادية

ومالها خص بالمشاكل والمشاغبة وصوتها حلو


دانة يالسة تهمس مياسة : الله ياهي حليوة والله شكلها غاوي شفتي كيف الكل يطالعها ماشاء الله عليها لاحتى

روندوا مااستلمت منها اقول شو رايج نرابعها ونعرفها ع الحرم الجامعي بما انها طالبة يديدة

مياسة : سكتي الحين خلينا بالاول نخلص الكلاس وبعدها الله كريم

وقصايد كانت تسمع شو يهمسون وتضحك

من بعد ما خلص الدرس صار وقت البريك


وبسرعة بلمحة البصر نشة مياسة ودانة وتعرفوا عليها وبعدها خذوها جولة لين الحرم الجامعي وعرفوها ع

الاساتذة حتى المدير ودوها عسب تعرفه وخذوها وراووها كل الاماكن وخبروها عن البنات الي منهم اوكي والي

المفروض تحذر منهم والبنات الخقاقات والبنات الي يحبن الدراسة بصوب والبنات الي يحبن يسايسوون

(يتعرفون)ع البنات وغيرها وبعدين عزموها على ايس كريم

انتهت جولتهم والتعرفات على بعض واتبادلوا ارقام التيلفونات والايميلات بنفس الوقت كانت قصايد تفكر بشي

ثاني ومتضايقة ومحد انتبه لها

وبعدين كل واحد رد للبيت


تدخل قصايد للبيت وتسلم ع الكل

خلوني اعرفكم على عايلة بطلتنا وضواحيها

عايلة سالم عبدالله ال....... سالم متوفي وترك زوجته وعيالها 5 3 اولاد وبنتين

اول وعايلة بوفهد واسمه عبدالله بجرها يشتغل ضابط شرطة وهو برتبة العقيد انتقل لي بوظبي درس بالمغرب

واتعرف على ام فهد حباها من اول نظرة ايحبها ويمووووت عليها ومايرضى لو حد زعلها بالبداية الاهل

رفضوها لانها غريبة لكن بعدين حبوها وبسبب اسلوبها الحلو وطيبتها ورقتها بوفهد ريال والنعم فيه طيب

وحنون يحب بنته ووحيدته قصايد مدلعنها دلع وايد كل الي تباه يتنفذ وعاطنها الحرية التامة وواثق منها

ومحافظ على صلاته وماتفوته ولا صلا

ام فهد مغربية الاصل واسمها ليلى اصغر من بوفهد مرة حلوة وطيبة وانيقة تحب الاناقة بس ماتزيد عن الاناقة

والموضة تحب اعيالها, وماتحب وتكره شي اسم الدلع وخاصة يوم بوفهد يدلع بنته ماتبا بنتها تفسد بالتربية ام

حنونة وعطوفة تلاقي الحنان عندها ابد ماتتشكى دوم تحمد ربها سواء كان بالنعمة او النقمة ومرة تحب تتعرف

واجتماعية وطبعا قصايد ماخذة شكل امها يعني تشبها بس العين مختلفة عين ام قصايد بلون البني ع الرمادي

وعندها 3 اعيال من بوفهد

اولهم وبجرهم فهد وعمره 25 سنة معضل وسيم وحلو اكيد امه مغربية شعره شوي طويل وناعم يعني مايوصل

للرقبة عيونة بنية محبوب بس مو متزوج عاف الزواج لان مرة حب بنت لكن البنت خانته مع ربيعه وتوفو

الاثنين بحادث سيارة يحب قصايد وايد وهو الي سما قصايد بهالاسم ومايحب يزعلها ودوم يشتري لها حلويات

عسب اتحطها بثلاجتها لكن مرده هو الي ياكلها يشتغل بغرفة تجارة وصناعة ابوظبي يحب البر


من بعد فهد فارس وعمر 22 سنة مهووس بشي اسمه كمبيوتر عنده 3 انواع من اللابتوبات HP,توشيبا و الدل

ويحب يصلح الكمبيوترات بنفسه اذا اخترب او تفيرس وطبعا يعني لو قصايد اتفيرس او حابة تحط برنامج بس

تروح لي اخوها وتعطيه يصلح لها بس مو ببلاش حليو طيوب ومرتبش دوم يدرس كمبيوتر بجامعة التقنية اخر

سنة له

ومن بعد فارس بطلتنا قصايد خبرتكم عنها

وعايش وياهم بالبيت عمها خليفة وعمره 29 سنة محبوب الكل وطيب متزوج من موزة بنت يارتهم بسويحان

توفوا اهلها امها وابوها واخوها يوم هم رايحين العمرة فتكفلت بها عمتها بالتربية ومن غدت بنت خطبها خليفة

وخليفة يموت فيها ومايحب يفارقها ماعندهم عيال وصار لهم 5 سنين وهم متزوجين مع ان موزة خاطرها بولد

لكن خليفة عادي عنده اهم شي انه يكون ويا موزة وراح اخبركم بعدين سالفة تاخر بالحمل وخليفة يشتغل

بالعقارات


وساكنة وياهم الام الكبيرة الي هم ام عبدالله وخليفة وحميد الي هوبوحمدان وام كايد وسلوى راح اعرفكم عليهم

بعدين كل شي بوقته حلو

وينادونها ام عبدالله واسمها شيخة مرة كبيرة بالسن طيبة وحنونة تحب اعيالها واحفادها وماتحب تشوف الغلط

وخاصة قصايد ماتحب تشوفها من دون شيلة او انها تتلبس الجينزات او التنانير تحب تشوفها بالكنادير المخورة

تعصب عليها لو غلطت بس مع ذالك تحبها وماتبى حد يرمس عنها بالسوء تبا الكل يرمس عنها بالطيب ويقولون

عنها هذي بنت عبدالله بن سالم بنت اصل وفصل وتخاف عليها لازم قبل ماتظهر لازم تقرا عليها المعوذات عن

عين الحسد واذا تبا شي لازم يصير والا بالعيرة وحرمة فيها ضغط وسكر والي تهتم بادويتها ومواعيدها هي

موزة


وعندهم ساكنة وياهم اخت عبدالله سلوى مريضة ماتحب تيلس وياحد كل بالغرفة يالسة ماتسمع ولا تتكلم صابها

المرض يوم توفى ابوها انصدمت بالخبر وصار لها انهيار عصبي دوم تصيح بالليل وقصايد ماتتركها لحالها

تحاول تظهرها من عزلتها وعندها ممرضة تهتم بها واسمها كيكي اجنبية تعلمها وتهتم بها

وعمرها 30 سنة يعني اصغرهم هو خليفة وبعدين اتي سلوى وبعد سلوى ام كايد وبعد ام كايد ابو حمدان وبعدها

البجر بوفهد

وعندهم 3 بشكارات ودريول طبعا بيت عود ويباله الاولى اسمها تارا حق الطبيخ والثانية تينا حق شغل البيت
وتساعدها مارلين ودريول اسمه عبدالقادر ولاننسى الممرضة كيكي حق سلوى


خلونا ننتقل لي عايلة بوحمدان عايشين بابوظبي

بوحمدان واسمه حميد ريال طموح ويحب الاجتهاد له افكار ويحب الشغل ويحب يسوي مشاريع عنده محل

للكاميرات وادوات الكترونية يحب حرمته ويعزها وايد بس شوي عصبي يوم يعصب الكل يبتعد عنه بس الوحيدة

الي تهديه هي شويخ ماتحب تشوف ابوها يعصب فهي المسيطرة


متزوج من بنت الجيران ام حمدان نادية مرة طيبة وحنون ماتحب الهذرة الزايدة تكره الغيبة والنميمة ودوم تحث

اولادها ع الصلاة وتصوم كل اثنين وخميس ماشاء الله عليها حافظة القران وهي بنت صغيرة والكل يحبها


وعندها 3 اعيال من بوحمدان

اول بجرها حمدان وعمره 24 سنة يموت بشي اسمه قصايد وايد يحبها ويتمنى بيوم ان قصايد تحبه بس قصايد

تعتبره شرات اخوها لانها كانت دوم تزورهم واوقات تبات عندهم طبعا كله عند شويخ لانهم بنفس العمر وهو

بنفس اليوم يو للدنيا ولي هالسبب تلاقونهم دوم ويا بعض ,اسمراني شوي يحب دوم يشوف قصايد مبتسمة

يضايق لو شافها متضايقة معضل وسيم شعره ناعم قصير عيونه بني غامق واسعات وخشمه صغير

من بعد حمدان شويخ وعمرها 20 سنة تدرس بجامعة زايد لكن مو نفس التخصص تدرس قانون تحب القانون

وهالشي الوحيد الي يختلفن فيه وحدة قانونية والثانية ادارية بزنز خلوني اوصف لكم شويخ او شواخي على اسم

يدتها امسمينها, خباال ع الأصوول..خريييييش وما ترووم تسكت..تحب اتسولف وتضحك..بيضا وعيونها وساع

وجحيلة..شعرها طاايح واسود وواصل لركبها يعني شرات قصايد تراهم دوم يسون شرات بعض ..حياتها كلها

سواالف وتحب تضحك..محد سلم من لسانها. يعني هي المعلم الاساس لقصايد يعني شويخ هي الي خربت قصايد

ولا بالاول قصايد وين والحين وين بس طيوبة شويخ والكل يحبها اوقات تلاقيها تزعل ليش مايدلعونها لانها

البنت الوحيدة


واخر العنقود حامد وعمره 19 سنة يدرس بكلية خاصة كمبيوتر يحب السيارات والدراجات ودوم تلاقيه يغير

موبايله مايصير له 3 شهور الا عنده تيلفون طويل وحلو ومعضل عيونه ناعسات سودة هادي الطبع بس يوم

يكون ويا شويخ عاد تلاقيهم شرات شنغل ومنغل الي بسبيستون وضرابة على ضحك على زعل بس مع ذالك

مايفترقون ويحب هيوم ربيعة شويخ بالجامعة وبنفس التخصص شافها مرة يوم وصلها لبيتهم لان دريولهم


مريض فشويخ قالت حق اخوها يوصلها للبيت وشاف عيونها بالمنظرة ذوبته من اول نظرة ايحبها ويتفداها دوم

شويخ تعرف ان حامد يحبها لان دوم يسال عنها واوقاتا شويخ تحب تغلس على اخوها وماتخبره عنها مع انها

اكبر منه بسنة مو مهم العمر طبعا .

وعندهم بشكارة وحدة اسمها سكرين بس شويخ تناديها سكروب ودريول اسمه جمال

خلونا انطير مرة وحدة لسويحان ونتعرف على اختهم ام كايد الي رفضت تنتقل وظلت بسويحان

ام كايد مرة حنون طيبة حلوة الي يشوفها يقول مستحيل هذي مرة ل3 اعيال وغير هالشي جدة بس حبوبة دوم

تلاقيها طايحة بسوق القطع تموت على شي اسمه قطع من تشتري لازم اتخيطه ماتحب تحتفظ بشي واذا مابغت

الكندورة او القطع تتصدق عليهم مرة تحب تشتغل ترفض ان يكون عندها بشكارة مع ان ولدها كايد خبرها ان

لازم ترتاح وان هو راح يقدم على بشكارة فهي طبعا ترفض زوجها بوكايد عبد الرحمن متوفي من سنة ونص

ومنه 3 اعيال ولدين وبنت

اولهم كايد وعمره 27 سنة متزوج من فطوم ويدلعها فطيم بنت جيرانهم يحبها موت ومايرضى لو تفدت غيره

حتى لو كان ولدهم عبدالرحمن حنطاوي البشرة عيون عسلية صغار له غمازات وطيب يشتغل بالشرطة وله

شفتات ودوم تتغير اما صباح او مسا عنده من فطيم حماني عبدالرحمن امسمينه على اسم ابوه الله يرحمه وعمره 4
سنين حبوب والكل يحبه والي يبا شي لازم يحصله ومايحب يشوف حد يصيح ولا راح يصيح وياه فديته

هالحماني


من بعد كايد مانع وعمره 24 بعمر حمدان سنة يشتغل بشركة بوهزاع واخوانه موظف بوقت الفراغ يحب يلعب

البلايستيشن طيب وحنون هادي مايعصب رحيم حتى ع الحيوان انقول انه هو غرشوب سويحان سيارته المفضلة

نيسان فتك محير حق بنت خاله شويخ مع انه يكره شي اسمه محير خبر امه انه اذا يبا يعرس هو بنفسه راح

يختار البنت الي يباها مو ان الاهل يحيرون ويحطون البنت برقبتهم لو هو مايباها, لان يعتبر شويخ صغيرة مو

مؤهلة انها تكون زوجة خريشة يعني بعدها ولايفكر فيها اصلا هم شويخ ماتفكر فيه


اخر العنقود هي حور اكبر من قصايد وشويخ يعني 21 سنة بس تحب تيلس وياهم تحب حماني وااااااايد وادلعه

لان هذا ابوها تدرس بكلية التقنية علم اجتماع تحب تكون معلمة اجتماعية تحب الفن تتفنن بالرسم وخاصة تحب

تنقش ع اليد يعني يوم يكون في عيد ولا اعراس طبعا قصود وشويخ مايقصرن يروحن عندها لان حلو تنقش لها

شعبية كبيرة والكل يمدحها وشاطرة وباقي لها سنتين وتتخرج


المهم خلونا نكمل اول ماحدرت عليهم قصايد سلمت ع الكل وراحت باست امها وابوها وبعدين راحت تبوس

يدتها بس هي تنادنيها اميه العودة

بعد لحظات يدخل عليهم فارس وفهد ويسلمون على الصالة وبعدها اي خليفة .

بغرفة الطعام ع الطاولة الكل متيمع يتغدى

بوقصايد يوجه رمسته لبنته وحبيبة قلبه قصايد : ها يا بنيتي شو كان اول يوم لج بالجامعة؟

قصايد: الحمد لله بخير.

فارس : يقلدها الحمد لله بخير اقص يدي لو ماسويتي مشكلة اليوم يا مع المدير او الاساتذة ,

انتي مايطوف عنج شي كل الشكر لشويخ الي علمتج .

قصايد: لافديتك ماسويت مشاكل فديتني هادية بس عصبت ع المدير لانه ماطاع بالبداية يعدل لي المواد طبعا من

بعد مشاحنات وياه وافق انه يعدلي المواد .

شيخه ام عبدالله : قصايد ماباج تسوين مشاكل اغدي مراة سنعة وزينة خلي كل البنات يرمسون عنج بالطيبة

والزين مابي حد يرمس عنج بالسوء ولا تدرين شو ينتظرج

فارس وفهد يضحكون : هههههههههههه ولا بالعيرة هاهاهاهاهاهاهاهاها

قصايد : هههه ماتضحكون

قصايد: لافديتج امي العودة فديتني ماسويت مشاكل والله اني طيبة وحبوبة حتى في بنتين تعرفت عليهم

وماقصروا وياي وخذوني وراووني الجامعة وعرفوني ع البنات والاساتذة بس

ام فهد : ويه وين عنج شويخ وهيوم ربيعتج ؟

قصايد هني عصبت يوم ذكرت امها شويخ وهيوم: فقدتهن هالويوه خلوني بحالي اليوم ولا يو الكلية والله لا

اراويهن الشغل الزين مسودات الويه اول مارحت خفت لا اضيع .

فهد: اها زين والنونو ماضاع بالجامعة ولا شو .

قصايد : لافديتني عندي خارطة الجامعة اعرف شبر شبر اصلا انا كنت اعرف المكان كله وقبل ما البنتين الي

تعرفت عليهم يراووني ياه بس سويت عمري مااعرف شي ههههههههههههههه.

فارس: هههههههه انتي تضيعين ها يافهد اسمع راسمة لها خارطة بالله عليك هاذي الضيع, الكل يضيع الا هي

عيل ماتحيد اول يوم شو سوت بجامعة الامريكية بدبي وانت الي ييت تعبان وهالك وييت بروحك من الجامعة

ويالس ادورها بكل مكان اخر شي كانت الحبيبة يالسة تشوف حرم الجامعي وتتعرف ع الاماكن وانت الي كنت

مسكين ذابح عمرك تلف يمين وشمال على بالك انها ضايعة واخر شي هي الي ردت البيت مكيفة ومرتاحة

فهد: هههههههههه اسكت لاتذكرني بذاك اليوم والله اني هلكت فيه يلست يومين في البيت وريولي مو رايمة

تشلني

ام عبدالله: توجه رمستها لقصايد : وهذي شويخ مسودة الويه وينها عنج ليش هي غايبة وانتي ماقلتي انها راح

تكون وياج وراح اتعرفج ع جامعتج دواها عندي ه الملعونة والله لاشطبها بهالعيرة

قصايد ماهان عليها تخلي يدتها تهزب ربيعتها الروح بالروح وتوأم روحها: لايدتيه فديتج كل ولاشواخي

ماارضى عليها ماعلي مسامحتها وقلبي ابيض عليها ومن داخلها ناوية شر عليها.

ام عبدالله : فديتج يا قصايد حشيمة وطيبة هي جي اباج مو شرات هالشويخ ملسونة ولسانها طويل.

خليفة يالس بصوب يرمس مويز ويتغزل بها جكتهم ام عبدالله : وانت ماتخوز عن حرمتك خلها بل ماتشوف

المراة غادي ويها طماط خف عليها .

خليفة :يما فديتج شو اسوي هب انا الي اتغزل بها

ام عبدالله : واي منك عيل منو يتغزل بها اليني ؟

خليفة : لافديتج هذا القلب يوم حب يتغزل بمحبوبه.

فهد وفارس وقصايد يضحكون عرمسة امهم العودة

فارس : اقول ابويه مو ناويين تروحون العزبة بالويك اند ؟

بو فهد: الشور شور امك العودة.

فارس : امي العودة شو مو ناوية تروحين العزبة الويك اند ؟

ام عبدالله : لا خلنا بالبيت احسن الا تونا منتقلين خلنا نستقر اول وبعدين الله كريم

قصايد: ليش امي العودة الله يخليج خلينا نروح والله حرام

ام عبدالله: سكتي انتي ادري بج من اول ماتوطى ريولج ع العزبة ركيض ع الدراجات عنلات صداج مابنروح

قروا بالبيت ابرك لكم

طبعا ام عبد الله اذا قالت شي الكل يسمع كلمتها ومحد يعاندها لان الي براسها يستوي

بعدين نشت قصايد وعلى طول يكرمكم الله الحمام تغسل يدها وبعدها راحت حق عمتها سلوى

قصايد ادق الباب عسب كيكي تفتح لها

قصايد: Hi KIKI

كيكي: Hi Miss qassayed

قصايد:how is she know?shes okay?

كيكي:She’s fine

وتروح قصايد عند عمتها وتبوسها وترمس وياها بالاشارة لان قصايد تعلمت لغة الاشارة من كيكي كانت اتي

وتتخبر عن احوال عمتها من كيكي فمن كثر ماتشوف كيكي ترمس عمتها بالاشارة تعلمت بسرعة .

قصايد وهي تسوي الاشارة وترمس عمتها : اشحالج عمتيه اعلومج عساج بخير وماتشكين من شي ؟

سلوى : وهي تسوي الاشارة وتخبرها بانها الحمد لله ماتشكي باس.

وتمت قصايد يالسة ويا عمتها ترمس وياها وتونسها وطلعها من الجو الي هي فيه وخبرتها عن اليوم الاول

بالجامعة لها .

[ضحَكتے مـاركهـ•••]

ياليت قلبي والله ينقسم لك نصفين...................

لااعطيك نصف واعيش انا بثاني...............


في بيت بوهزاع ع الساعة 3:30************

وهم بالصالة من بعد ماتغدوا ..........

بوهزاع يالس يتغزل بحرمته من صوب وسيف يتغزل بحرمته .......

منصور بيده اللاب توب وفاتح ع برنامج الفوتوشوب ويصمم له توقيع ....

هزاع يحدر من فوق : السلام عليكم .............

محد يرد .................

هزاع على صوته : قلنا السلام عليكم قلنا تغزلو عاد مو لي درجة انكم ماتسمعون السلام الا ياهي بلشة الحب
.
وسواها .........

الكل : وعليكم السلام ...........

وسار يلس عند امه وحب انه ينرفزها شوي .....

هزاع : انت ياجميل صوبنا انزين عطينا ويه شوي مو كله لي حبيب القلب ....^_*

ام هزاع : ويه يا سواد ويهك شو ها بعد يالس تتغزل بامك استح ياولد عيب محد مخربك غير ابوك هو الي علمك

هالرمسة ...

ابو هزاع : هي هزاع شو ها خلها لي روح انت دور لك وحدة ثانية تتغزل بها خل فراشتي حقي انا اصطدتها

قبلك (ومسوي عمره معصب).............-_-

ام هزاع : هي علمه انته بعد لا بعد تقول له روح درو غيرها اسميك خربت الولد وانا ماباهم يختربون ...

ويضحك هزاع : هههههههههههه فديتج اماية الا هي غشمرة بيه مو لي هالدرجة لاتخافين بعدين انا ما اخترب ..

وليش ادور البنات اصلا؟ البنات هم يلحقون,وراي ويتمنون اني اعطيهم نظرة شو اسوي يوم ربي خلقني ..

جميل ...>>>>اقول عن الخقة الزايدة >>انتي وش عليج تغارين >>>شو انا اغار ويه من زينك >هههه فديتني

جميل صح اعترفي >>>ماراح اعترف بشي بس خل هالشي الي راح تضوي شعرك وتكسر خشمك شوي من

الخقة ههههههه<<اقول روحي كملي البارت احسن ....

من صوب شما سرحانة بولد عمها سهيل وتفكر ليش هو مايا خطبها رسمي مياسة انتبهت لها مياسة تهمس لها :

لاتفكرين فيه وايد مو زين ...

شما : سكتي انتي ........

وتنش شما تستأذن وتروح غرفتها .....

ماهان على مياسة انها تشوف اختها بهالحالة فراحت لها بالغرفة وشافتها سرحانة ...

مياسة: بوووووووووووووووووووو وتنقع ضحك هههههههههههههههههههه

ههههههههههههههه..^_^

شما : غربل الله عدوج شو ها وانتي ليش ماادقين الباب وتستأذنين ...

مياسة :هي دقيت اكثر من عشر مرات لي درجة ان يدي عورتني شما بلاج ليش سرحانة؟ قولي لي وريحي اللي

بقلبج لي.

شما: مادري بس افكر ليش سهيل ماتقدملي رسميا مع ان احنا محايرين ؟والله اني احبه بموت لو دريت انه مايباني .

مياسة : لافديتج بعيد الشر, اصلا هو يحبج ويباج ماتشوفين دانة ماشاء الله عليها اتيب لنا الاخبار اول باول مع ان

اخوها مااعترف لها

شما : كيف يعني ماعترف لها وهي شو اكد لها انه هو يحبني .؟؟

مياسة: حبيبتي فديتها دانو مايخفى عنها شي عيونها تراقب سهيل وخاصة يوم ينذكر اسمج جدامه .

اقولج خليني اتصل حق ال سي ان ان الي هي دانة وامسمتنها" الغلا" بالموبايل اكيد سي ان ان لان الاخبار اتي من عندها .

واشوف اخر الاخبار ,وراحت مياسة غرفتها عسب اتييب التيلفون وتتصل حق دانة ...



كلمة أحبك غالية من بين الاحباب ...............

لاقالها خلي أحس بغلاها أعطش لها دايم وأدور لها أسباب ...........

أبيه ينطقها ويردد صداها ..............


في بيت بو سهيل *******

من بعد الغدى الكل موجود بالصالة ...........

بوسهيل يالس يلاعب بنته العنود........ وام سهيل تشرب الشاي ..........

سهيلة ودانة يالسات يحلن الكلمات المتقاطعة من المجلة وسهيل يقرا الجريدة ........

اهني تذكرت ام سهيل ان ام هزاع خبرتها انهم بالويك اند راح يجتمعون بالعزية .

ام سهيل: بوسهيل ام هزاع اليوم خبرتني ان اخوك بالويك اند رايحين العزبة فشو رايك نروح نغير جو مرة وحدة .

بو سهيل : حلو مرة وحدة نشوف احوال البوش, والبعير, والغنم .

بوسهيل يوجه رمسته حق سهيل: وانت ياولدي متى ناوي تخطب بنت عمك رسمي حرام تخليها متعلقة لين الحين .

دانة من سمعت ان السالفة فيها شما حطت اذونها ,وعيونها واتجهت بهم صوب سهيل.

سهيل وقلبه صاير الطبل من سمع سالفة العرس ولا هو يباها من زمان بس الي ماخرنه سالفة التكليف بالعرس

هو يبا يتكفل بكل شي: خلاص يبا بس باقيلي كم شغلة وان شاء الله بعدها افكر .

دانه: تفكر, بشو تفكر حبيبي قول هي وروح اخطبها قبل ما اي حد ياخذها ترا عادي شما توافق .

اهني سهيل من سمع رمست اخته ان شما يمكن تكون لغيره خاف فقال حق :ابوه :يصير خير ان شاء الله .

ام سهيل: شو رايك لو اخطبها لك رسمي من بعد مانرد من العزبة احسن .

دانه تروح لاخوها وتهمس له: اقول ادري انك ميت فيها وتباها اليوم قبل باجر قول لامي هي وريح عمرك عسب

تكوت شما لك .

سهيل: وانتي شو دراج اني احبها .

دانه وهي تضحك: ههههههه فديت اخوي كل شي باين عليك من ينذكر اسمها يفز قلبك لها, ويصير شرات الطبل

يدق, ويوم سمعت ان يمكن شما تكون لغيرك خفت على بالك اني مااعرف شي ترا العيون تشوف هههههه.

سهيل: دانو ياويلج لو حد عرف بذبحج ترا انتي ربيعة مياسة عادي تخبرينها بذبحج .

دانة وهي تخبي جذبها : لا لا انا ماقول بهالاشياء انا مالي خص لها صدقني>>>بدا الجذب

سهيل : خلاص يما توكلي على الله ..

دانة فرحاانة من الخاطر^_^:كلولولوووووووووووووووش امباركيت عرس الاثنين ليلة ربيع ليلة افراح ....

والكل ضحك عليها......^_^

ويدق تيلفونها برنة نانسي عجرم نص نص ...

وبدا الفيوز عند العنود ينقع وبدت ترقص............

اهني ام سهيل عصبت عليها : عنودوو ويهد شو ها ماقلت لج ابعدي عن هالخرابيط حسبي الله عليج راح

يحسدونج وياهالرقص مادري من وين تعلمتي الرقص...

ابو سهيل : خليها يام سهيل عسب ترقص بعرس اخوها .

ام سهيل : لا يابو سهيل كل ولا يحسدون بنتي عيون الحريم ماترحم الله يبعدهم عن بناتي .

الكل : امين.......

وتنش دانة والي متصل بها "غناتيه" هالاسم الي حطته لي مياسة برنة "نص ونص "وراحت تربع لحيرتها

وترد عليها .....

دانة :مرحب بملاييييييييييييين ولايسدن وان زادن وزعيهن ع الاحباب..وان ماتبين توزعيهن قطيهم وراج هههههه......

مياسة تضحك :مرحب باجي اشحالج علني فداج ..

دانة :بخير فديتج مانشكي باس بسرعة ماتولهتي علي لي هالدرجة مشتاقة.....

مياسة :شو اسوي احبح ههههههه.... اقول شو اخر الاخبار والتطورات عندج يالله سمعينا بسرعة فديت اختي

والله ....غامضتني يالسة تفكر ليش سهيلو مايا خطبها رسمي ........

دانة :اولا: ويا ويهج اسمه سهيل ما اسمح لج, وثانيا :لاتنسين انه هو زوج اختج المستقبلي,وثالثا :تونا من ساع

يالسين نرمس بالموضوع وقال لامي تخطبها رسمي بعد مانرد العزبة .

مياسة :والله احلفي بس ليش تاخر جي ؟

دانة :انتي تدرين اخوي يحب هو يتكفل بالعرس ما يبا حد يسااعده ريال فديته, بس اقولج لاتخبرين حد لان اخوي

متحلفلي انه يذبحني لو خبرتج ,ولاتنسين تخبرين اختج اتي العزبة ولاتستحي :يعني اتي ولا كانها تعرف انها

راح يخطبونها, ولا اخوي راح يشك اذا مايت العزبة اني انا خبرتج اوكي .


مياسة :اوكيك يالله باي ...............

دانة :باي .................


من بعد ماسكرت مياسة ركيض لشما وهي ادق الباب : شمو شمو لحقي سهيل ولد عمي .

اهني شما من سمعت اسمه خافت انه صار فيه شي..

شما : بلاه ولد عمي شو فيه شو صابنه قولي لي؟

مياسة تضحك على شكل اختها :ههههههههههههههههههه هههههههههههههههههه واااااااي بطني بلاج انتي هو

مافيه شي بس عطيني اول ماي اشرب عطشت من كثر ماركض .

شما :من طول المسافة مابين حجرتي وحجرتج يالله خبريني شو قالت دانة ..

مياسة بمكر : اول عطيني ماي .

شما : اوووووووووف خذي يالله بسرعة خبريني شو صار .

مياسة : الله يسلمج قالت لي انهم كانو من شوي يرمسون بالموضوع وسهيل قال روحو خطبوها لي بعد مانرد من

العزبة.

اهني ارتاحت راحة وكأن شلت هم كبير من قلبها .

شما:احلفي والله بس ليش تاخر ؟

مياسة: والله الله يسلمج اتاخر عسب انه يبا يتكفل بالعرس بنفسه مايبا حد يساعده.

شما :فديته والله بس خلاص ماني رايحة العزبة استحي .

مياسة: لا دخيلج شو ماراح اتين لازم اتين ولا كانج تعرفين ان هو راح يخطبج ترا حلفتلي دانو ان سهيل بيذبحها

لو خبرتني عسب لا اخبرج فراح يشك انج عرفتي اذا ماييتي فلازم اتين .

شما : اها الله كريم ذاك الوقت ماباقي غير يومين .

وكل وحدة راحت غرفتها ترتاح .

[ضحَكتے مـاركهـ•••]

لو حصلت تفاعل منكم بكملها ان شاء الله ...
في إنتظار ردودكم و آرائكم ^__^

[ضحَكتے مـاركهـ•••]

ودي اجيك ملهــوف عـــابر بحور الخوف.... لكن كل شي ضدي حظي والدنــــيا والظروف......


في بيت بوحمدان اخو بوفهد *********
بالتحديد بغرفة شويخ

شويخ يالسة ترمس هيوم ع المسن ...........
وكان نك شويخ "" →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← ""

ونك هيوم"" ماينساك قلب بالشــــــــوق اغلاك..لو تطلـــــــــب عيونه يقولك عطيتك""

شويخ :: →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•←
هيوم تدرين شو نسيناا؟؟؟؟؟؟؟؟

هيوم ::ماينساك قلب بالشــــــــوق اغلاك..لو تطلـــــــــب عيونه يقولك عطيتكشوووووووو........................

→•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← نسينا ان اليوم هو اول يوم حق قصايد بالجامعة وكان من المفروض ان احنا نروح الجامعة عسب نعرفها ع المكان...........

ماينساك قلب بالشــــــــوق اغلاك..لو تطلـــــــــب عيونه يقولك عطيتك

ابيه سكتي ويلنا منها اكيد ناويا علينا شر انا مايخصني انتي الي قلتي
خلينا نغيب ولا نروح المجمع الثقافي مع البنات ... %%

→•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← هي الحين حطي عليه كل اممممممم اف وانا شو نساني خوفي تخبر اميه العودة كل ولا امي العودة محد سلم من عيرتها.....

ماينساك قلب بالشــــــــوق اغلاك..لو تطلـــــــــب عيونه يقولك عطيتك

حوبتج تستاهلين يالدبة ان شاء الله تكسر عظامج فديتها قصايد والله اكيد هي زعلانه منا .

→•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•←

لا ماعليج عادي عندها تلاقينها بسرعة بترضى اقول صبري شوي اشوف سكروب شو تبا .

هيوم تضحك من قالت سكروب لان شويخ تنادي بشكارتهم بسكروب بدل سكرين .

"ماينساك قلب بالشــــــــوق اغلاك..لو تطلـــــــــب عيونه يقولك عطيتك.

هههههههههههههههه حسبي الله عليج حتى سكرين ماترومين تلفظين اسمها عدل سكروب هههههههه..........

وراحت تفتح الباب تشوف شو تبا سكرين منها كانت يايبه لها عبايتها وشيلتها من بعد ماكوتهم ...

بنفس اللحظة حدرت ع المسن قصايد وكان نكها ""قصايد عن قصايد غير** مو كل قصايد بالسما تبرق واول ماشافت شويخ وهيوم اون شلت عليهم ومرة وحدة حطتهم انفايت ....

قصايد عن قصايد تفرق** مو كل قصايد بالسما تبرق

هيوم شويخ ويهد يعلجن بريل احول مايشوف غيركن يالسبالات ..

ماينساك قلب بالشــــــــوق اغلاك..لو تطلـــــــــب عيونه يقولك عطيتك

فديت الي زعلان وقسما بالله مو انا كل من شويخ هي قالت نتغيب عن الكلاس عسب الجامعة اليوم رايحين رحلة حق المجمع الثقافي >>>يالسة تبري عمرها قبل ماتحدر شويخ عليهم

قصايد عن قصايد تفرق** مو كل قصايد بالسما تبرق

ويا ويهج انا الي يالسة ادوركم بالجامعة ولا لقيتكم ماعلي صبروا علي شويه.

وردت شويخ شافت قصايد موجودة اون لاين وقالت في نفسها ياك الموت ياتارك الصلاة ........@@@

فحبت تسوي جو حلو عسب لاتصرخ عليها ومرة وحدة انها تخبرها وين كانت عسب هم كانو يدورونها بالجامعة

ومالقوها عسب تجذب بس وين وهيوم اعترفت ...

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
انا اشوف شو هالنور الي منور كمبيوتري اثاريج ياقصايد وينج عنا من زمان ماشفناج وبعدين انا وهيوم .

دوريناج في الجامعة مالقيناج وين كنتي وين تخبيتي ولا ماداومتي شو وين اتفاقنا ان احنا نتلاقى .

قصايد عن قصايد تفرق** مو كل قصايد بالسما تبرق
قلتي لي انج انتي وهيوم دورتوا عليه لا زين فيجن خير والله اقول شويخ روحي شوي فوق شوفي هيوم شو كتبت

وراحت فوق وشافت ان هيوم اعترفت لها واهني انكشفت حقيقة الجذب.

قصايد عن قصايد تفرق** مو كل قصايد بالسما تبرق

ياالجذابة الخراطة يالدبة يالسبالة المقرودة تقصين عليه هين يا شويخ خبرت عليج اميه العودة وهي الحين

مزهبتلج احلى هدية بس انتي اقربي بيتنا .


b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
فديت قلبج لاتقولين انج خبرتي اميه العودة اني ماييت الحين شو راح يفكنا منها الله يستر وانتي ياهيوم ليش

خبرتيها كنتي نقعتي عليها شوي .

قصايد عن قصايد تفرق** مو كل قصايد بالسما تبرق
وحطت ويه معصب ,ينقع صاروخ بويهج انتي يالدبة .


ماينساك قلب بالشــــــــوق اغلاك..لو تطلـــــــــب عيونه يقولك عطيتك

انا ما احب اجذب على قصايد بعدين حدرت وهي مفولة ماتشوفين النار شابة فيها ضو الله يستر جان ماحرقت البيت .

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
هي والله صدقتي الله يستر هههههههههههههههههه .

ويلسن يضحكن على قصايد ويحطن لهن اسمايلات اتضحك ^_^:h_lotya::bigsmile: *_*

قصايد عن قصايد تفرق** مو كل قصايد بالسما تبرق

اضحكن ويا ويهجن والله اني زعلت وحطت سمايل زعلان :_:

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]

افا كل ولا قصود تزعل حبيبة قلبي وتوأم روحي وغلات الي بقلبج لاتزعلين منا الي تامرينه راح انفذه

ماينساك قلب بالشــــــــوق اغلاك..لو تطلـــــــــب عيونه يقولك عطيتك
فديتج قصود والله انا قلت لج مالي خص كل من بنت عمج هددتني عسب اجذب عليج وانا موافقة انتي امري واحنا انفذه لج ............
.
b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
انا هددتج ويا ويهج هين .....

ماينساك قلب بالشــــــــوق اغلاك..لو تطلـــــــــب عيونه يقولك عطيتك

سكتي انتي عسب ترضى هي بس كل ولازعلها

قصايد وهي تفكر ...............

قصايد عن قصايد تفرق** مو كل قصايد بالسما تبرق

امممممممممممممم الي اطلبه تنفذن لي بالحرف الواحد ..


هيوم وشويخ بنفس الوقت .....

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]

هيه ....

ماينساك قلب بالشــــــــوق اغلاك..لو تطلـــــــــب عيونه يقولك عطيتك

هيه ...

قصايد عن قصايد تفرق** مو كل قصايد بالسما تبرق

اوكي عيل العصر بنروح المارينا مول وهناك هيوم انتي تشتريلي عطري المفضل اسكادا مع لوشنه وكريمه

وبودرته على حسابج اما انتي يا شويخ تشترين لي سلة باتجي ولا ماراح ارمسكن ابد.

ماينساك قلب بالشــــــــوق اغلاك..لو تطلـــــــــب عيونه يقولك عطيتك

موافقة بس تعالو خذوني لان الدريول راح ياخذ اختي من بيت عمي واييبها بيتنا وانتي تدرين طريج طويل من بوظبي لين خورفكان .

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
اوكي موافقة قصود تعالي اخطفي علي وبعدين نخطف على هيوم .

قصايد عن قصايد تفرق** مو كل قصايد بالسما تبرق
اوكي نسيت بعد اباكم تعزموني على عشى .

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b]
طرارة ويالسة تتشرط بس شي واحد.

ماينساك قلب بالشــــــــوق اغلاك..لو تطلـــــــــب عيونه يقولك عطيتك

شويخ سكتي دخيلج ولاتهون وتزعل كل ولازعلها انا موافقة .

قصايد عن قصايد تفرق** مو كل قصايد بالسما تبرق

ها شويخ شو قلتي .

b] →•!¦[ غمض عيونك واحلم انك معايه • m и • وان الزمن مايوم فرق حبيبين ]¦!•← [/b] امري لله موافقة شو نسوي كل ولا زعل شيختنا .

واتفقوا على الموعد وانهم بيروحون ع الساعة 5:30, وهناك راح يتعشون وبعدها يلسو شوي يرمسون وكل وحدة راحت تصلي وتزهب عمرها ومرة وحدة تخبر اهلها انها بتروح .

وقبل ما تسكر قصايد المسن اضافت دانة ومياسة عندها .....


شي بخاطري غامض وأدور عليه .....

من سنين طويلة عايش في رجاه .....

من ناحية ثانية وبالتحديد في رماح نروح لعايلة بوذياب ........

الكل متجمع في الصالة
ام ذياب ترمس ام هزاع بالتيلفون ............

ام ذياب : ان شاء الله ياام هزاع راح اخبرهم وراح نتلاقى باذن الله الواحد بالعزبة.

ام هزاع: عيل اخليج يالغالية سلمي ع الاولاد والبنات وسلمي على بوذياب.

ام ذياب : ان شاء الله من عيوني , وانتي بعد سلمي مع السلامة .........

سكرت ام ذياب التيلفون ووجهة انظارها حق بوذياب واعيالها الشخصين الوحيدين مو موجودين بالصالة هن ظبية وشيما
ام ذياب ترمس غبيشة : يمة غبيشة سيري زقري اختج ظبية وبنت اخوج شيما وخليهن يقعدن ويانا بالصالة عسب اخبركم شي .

غبيشة: ان شاء الله يمه.

بوذياب: خير يام ذياب شو صاير .

ام ذياب : الخير بويهك يالغالي , بس اخوك ناوي يروح العزبة الويك اند وام هزاع اتصلت عسب نروح العزبة وتكون اليلسة عائلية .

بو ذياب: والكل راح يكون موجود ؟

ام ذياب: هيي حتى مريم اخت ام هزاع راح تكون موجودة .

بوذياب : خير ان شاء الله عيل لازم تشوفون شو تبون اغراض تسجلونها بورقة عسب لاتنسون الله من زمان مارحنا العزبة والله لها وحشة والبوش والغنم ....( لاتلومونه يموت بشي اسمه عزبة ويتريا اللحظة اتي عسب يروح)

حدرت غبيشة ووراها ظبية ماسكة يد شيما

ظبية : خير يما بغيتي شي ؟

ام ذياب : هي يلسي....

ام ذياب : اسمعوا ياعيالي باجر بنروح العزبة وبنقضي الويك اند هناك فزهبوا عمركم وييبوا وياكم ملابسكم.

مبارك : يما بس بروحنا ولا بعد بيت عمي هزاع وعمي سهيل وعمتيه ام غانم .

ام ذياب : الكل بيروح هناك حتى اخت اهم اهزاع وعيالها .

مبارك من سمع ان خالة هزاع بتي تذكر الريم فيعني الريم راح اتي فرح

غبيشة : والله يمه الله وناسة من زمان ماشفت بنات عمي بوسهيل وعمي بوهزاع وعمتيه ام غانم والخالة ام سلطان والله لهم وحشة

مهرة فرحت واستانست انها بتروح وبتستانس بالعزبة ويا البنات صحيح ان مافي بنات على عمرها بس تستانس يوم تيلس وياهم كل ضحك ووناسة

الهنوف: عمتيه اسمحيلي بس انا بروح بيت امي الويك اند من زمان مارحت عند اهلي وابا ازورهم وباخذ وياي ولديه عبدالله

ام ذياب : خلاص يابنيتي روحي وسلمي على امج وايد .

الهنوف : ان شاء الله عمتيه .

ظبية : يمة انا ماابي اروح بيلس بالبيت ما احب العزبة .

ام ذياب : شو بعد بتيلسين بالبيت مافي بتين ويانا ماعندي بنات يقعدون بروحهم بالبيت ولاتنسين اتيبين وياج كتبج عسب تدرسين انا ماشوفج تدرسين ابد كل يالسة ع التلفزيون ولاتنسين اخر سنة لج

ظبية اتحرطمت وعصبت : اف يعني غصب

ذياب : ظبية احشمي وعن الغلط ولاتغلطين على امج واسمعي كلامها .

ظبية : ان شاء الله .

شيما : يدتيه انا ماباروح وياكم باروح ويا امي باروح عند حنين ايلس ياها (حنين هي اخت امها وبعمرها يعني تناديها حنين وماتناديها خالتي)

ام ذياب : خلاص روحي بس عاد ما تتشيطنين هناك .

ذياب يهمس حق الهنوف : بتروحين وتخليني بحالي مسكين انا محد يحبني .

الهنوف : ذياب حبيبي تدري اني اموت فيك بس والله مشتاقة حق اهلي وايد من زمان مارحت لهم يالله ان شاء الله بالويك اند الياي

ذياب : خلاص حبيبي روحي وانتبهي على عمرج وعلى العيال.

الهنوف : من عيوني ...

ومن صوب ميحد يالس ويا عوده يغني اغنية ميحد حمد..........

ام ذياب: وانت ياولديه ميحد مو ناوي اتي ويانا العزبة ؟

ميحد : اكيد راح اي وحد يفوت فرصة ثمينه شرات هالفرصة .

[ضحَكتے مـاركهـ•••]

مانفترق لو فرق الموت خلان ***وأموت وأنا وياك والقبر دورين

في بيت بو حمدان
بغرفة حامد .....

حامد يالس يطالع موبايله ناوي يغيره الحبيب مو عايبنه ....

والا بووووووووووووووووووووووووف >>>ضربة قوية بالباب ومنو صاحبها اكيد شويخ

شويخ : حامد ياحامد حامد ياحامد >>>تسويها على شكل لحن .....

حامد : لاتعليق !!!!

شويخ : حمود حمود حمود حبيبي >>>> تغير المنوال

حامد: اللهم سكنهم بماسكنهم .

شويخ : حاميييييييييييييييد حامييييييييييييييييييد حامييييييييييييييييد

حامد مسوي عمره معصب : شوووووووووووووووو؟؟؟؟؟

شويخ : ماشي هاهاهاهاهاهاهاها هاهاهاها هاهاهاهاها هاهاهاهاههاهاهاهاها

حامد :قديييييييييييييييييييييمة وباااااااااااااااااااااااااايخة.

شويخ : شو تسوي ؟؟؟

حامد : ماشي بس افكر اني اغير تيلفوني واشتري يديد.

شويخ: بل!! شو تغيره ....ينيت انته.... من اسبوعين مغيرنه بعدك ماكملت اشهر عسب تغير.

حامد : موعايبني بطيء والتصوير مو اوكي .

شويخ : عطني ياه لو ماتباه ..

حامد: عندج ولا لا ؟ لو عندج ادفعي ؟...

شويخ : بل وانا اختك تقول لي ادفعي , مابيه خذه حلال لك .

حامد : عيل شو تبين اعطيج شو مينون قالولج .

شويخ : لا فديتك . بس عاقل هههههههه

حامد : ادري ...خخخخخخخخخخخخ

شويخ: اقول شنغل ..

حامد : شو تبا منغل خلني اكمل شغلي..؟؟

شويخ : ماشي هاهاهاهاها

حامد : قلت لج قديمة .

شويخ : بس عندي تكون جديدة وبماركة بعد ...ههههههههههههه

حامد: شويخ فارجي وخليني اكمل شغلي .

شويخ: من دون ماتقول بفارج لاني باروح المارينا بتي ....

حامد : لا مشغوووووووووووووول اف روحي .

شويخ : برايك باي...

وراحت شويخ الصالة ولقت امها وابوها واخوها حمدان

وراحت يلست عند ابوها

شويخ : ابويه ابا بيزات >>>كاش بالويه بيزات مرة وحدة

ام حمدان :ليش البيزات ؟؟

شويخ : اممممممممممم احم باروح ويا قصايد وهيوم المارينا ممكن بيزات.

ام حمدان: ماشاء الله منو عطاج الاذن تروحين؟

شويخ : امايه : ادري انج راح توافقين ماراح تزعلين بنتج وحيدتج بليييييييييييز .

بو حمدان : خليها تروح يام حمدان يمكن تبا تشرى غراض ناقصنها روحي يابنيتي وسيري الحجرة راح تشوفين بالسدة بيزات وخذيلج بس 500 درهم .

شويخ : بس 500 مو كانه وايد عليه؟

بوحمدان يضحك : خلاص خذي 1000 درهم.

شويخ : بس 1000 قصايد راح اتيب وياها 2000 درهم وعادي يوصل 3000 درهم ابوها يعطيها ويدلعها تراه

وحيدته. .... وانا بنتك وحيدتك لازم ادلعني شوي لا وبعد على اسم امك يعني انت كريم وربي يكرمك بكرمه .

ام ذياب وابوذياب : يضحكون على هبال البنت

بوذياب : خلاص روحي خذي بس 2500 درهم لاغير ..

شويخ : تسلم يا اغلى واحلى واحن ابو بالعالم الله لايحرمني منك ومن امي بعد .... امين .....

وراحت فوق تتزهب عسب تروح المارينا ويا قصايد::::::

حمدان استأذن من امه وابوه راح فوق عند اخته شويخ:::::::

حمدان: شويخ منو بعد راح اي وياكم بس انتو ؟

شويخ: اظن ان قصايد راح اتيب وياها تينا . ليش؟

حمدان : لا بس جي اسال...

شويخ : لاتخاف علينا ترا محد يرروم يسوي فينا شي او يقرب منا لاتنسى اني موجودة وياهم وفوق هالشي تدري بقصايد ماتحب حد يقرب منها

حمدان : اها زين .............وقبل مايظهر حمدان من الغرفة نادته شويخ

شويخ : حمدان .....

حمدان : هلا

شويخ : انساها يا حمدان قصايد تعتبرك شرات الاخو وانت تعرف ان احنا كنا دوم ويا بعض وهي بنفسها قالت

لك انت اخوي واغلى واخو بالدنيا عندي انساها يا حمدان وان شاء الله ربي يوفقك مع وحدة تخليك تنساها .

حمدان : آآآآآآآآآآآآآآآآآه ياشويخ شو تقولين عن واحد يقول

وحيد مدري من اللي عاد يفقدني ****ان رحت للناس ولاطولت بغيابي

وعن دمعة القلب تكفى لاتنشدني ****بأسبابك الحب والحرمان بأسبابي

أهديت لك روحي وأنت بالفراق تهددني ****مادريت أني رميت القلب لاحبابي

هذا إنت وناوي على المجهول تفردني****ياللي ذخرتك لعذر أعداي وأصحابي

وراح عنها وقلبه مكسور

شويخ : ويلي عليك ياخوي لي هالدرجة تحب قصايد وتموت فيها انا اول مرة اشوفك ضعيف انساها ياحمدان انساها .

ودخلت غرفتها وراحت تتلبس عسب تتزهب للروحة .


شوفي الزمان شلون غير مواليف.....

على حبهم أسست حبي ومنايه.....

وكل ماضواني الليل مع نسمة الريف.......

اذكر هواهم وكل لحظة معاية ..... اردد الآهات***

في بيت بوفهد ع الساعة 5:30
الكل بالصالة ماعدى قصايد .

فارس يالس بالصالة وعنده لاب توبه يالس يحط برامج بكمبيوتره وفهد يطالع التلفزيون مع امه وابوه ويدته يالسة تشتغل ع التلي تسوي تلي حق كندورتها وموزة يالسة يم خليفة الي ماخاز عينه عنها ....

قصايد تنزل من الدري من دون شيلة وشعرها طايح وتغني والاغنية موجهة حق ابوها ...

قصايد : بصي بصي بابا انته يا احلى بابا::::::

بوفهد يضحك ورد لها الاغنية ..: امري يابنتي ياحبوبة ...

قصايد: يبا احبك موووووووووت اممممممممممم عادي لو استأذنت من ابوي وطبعا أمي الحبيبة أني اروح المارينا عسب اتشرى غراض لي ومرة وحدة أتعشى هناك ؟

بوفهد : روحي غناتي بس منو بيروح وياج؟

قصايد: تواعدت مع شويخ بنت عمي وربيعتيه هيوم .

بوفهد : اوكي روحي وودي وياج تينا بعد .

قصايد : ان شاء الله .

بوفهد: عندج بيزات ولا تبين ؟
قصايد : هي عندي بس زيادة الخير خيرين وابوي مارح يقصر فيني طبعا ولا راح يبخل عليه.

وطلع بوفهد بيزات من مخباه وعطاها 2000 درهم

ام فهد توجه رمستها لي بوفهد : يابوفهد كم من مرة قلت لا ادلع البنت راح تفسد .... ومو كل شي تباه البنت قلت هي لازم اوقات تشدد عليها

بوفهد : خليها يا ام فهد تستاهل بنتي لو تبا القمر يبتها لها ... تراها بنت الغالية .

فارس وفهد : نحن هنا .

بوفهد : اوهوووو بدت الغيرة .

فارس : اكيد يعني بس قصايد هي دلوعتك وبنتك يعني احنا مالنا مكان بالاعراب .

بوفهد يضحك : لا طبعا اكيد لكم محل وانتو عيالي بعد بس هذي بنوتي وحبوبتي وانتو بعد احبابي بس انتو الحين رياييل ينشد فيكم الظهر .

فهد يضحك : هههههههههه اذا احنا رياييل يعني قصودة بيبي هههههههه اقول قصودة روحي عند تينا سوت لج حليب اشربيه .

قصاايد : هه ماتضحك .

ام : فهد : منو بيوديج ؟

قصايد: الدريول عبد القادر راح يودينا .

ام فهد: اوكي بس عاد لاتتاخرون بالردة .

قصايد : اوكي ماما .

الام العودة انتبهت ان قصايد بالصالة وشافتها من دون الشيلة الا ضربة من وراها اتي بالعيرة

قصايد : آي اميه العودة شوفيج ليش تضربين و الله حرام والله محد استلم من هالعيرة .؟

الام العودة : تستاهلين ... وين شيلتج ليش مو حاطتنها عراسج؟ انا كم من مرة قلت لج لبسي الشيلة لو حد حدرعلينا وطب من دون مايدق الجرس شو راح تسوين؟

قصايد : اميه العودة : اولا : مافي حد غريب ابوي امي واخواني وعمي خليفة ما الغريب الا الشيطان . وثانيا : محد يروم يحدر علينا من دون مايدق الجرس حتى لو كانت شويخ .... لانهم يدرون ماراح يسلمون من عيرتج الي تعور آي .

الام العودة : يما قصايد انا ماسوي جي الا لاني اباج تغدين بنية الكل يشهد لها والشيلة ستر للمرة وتخبي شعرها عن لا احد يحسدها . وبعدين وين بتروحين ؟

قصايد وبخاطرها : ابيه الحين شلون اقول لها اني بروح المول اكيد راح ترفض وتذكرت الموقف الي صار لهم هي وشويخ يوم خذوا مرة وحدة يدوتهم المول بخبركم بعدين عن الموقف .: امممممممم باروح مارينا

الام العودة : شو ها المارينا ؟ يكون هو المكان الي خذتوني انتي وشويخ مرة ؟ اذا هو مافي قري مكانج ؟

قصايد : لا اميه العودة هذا مارينا شرات نادي للبنات >>>بدى التنقع والجذب

الام العودة : شو ها النادي بعد ؟

قصايد : الله يسلمج النادي هو كله حق البنات بس يعني الي يسوون رياضة ويدرسون ويخيطون ويطبخون وغيرها .

الام العودة : اها خلاص بس عاد لاتتاخرين وقبل ماتظهرين تعالي اقرا عليج عسب لا احد يحسدج .

قصايد : ان شاء الله .

طبعا قصايد قالت هالرمسة ليدتها وماكان حد منتبه لها غير فارس نشت قصايد وراحت حيرتها عسب تتزهب وتروح المول ودخل عليها فارس

فارس: اقول اول مرة ادري ان المول نادي فيه تعلم الطبيخ والخياطة اممممممممممم لو يدتي عرفت انج نقعتي عليها صاروخ من صواريخج اسميها راح تعصب وتحرم عليج الظهرة .؟

قصايد : فديت اخوي والله ادري فيك ماراح تخبرها اختك حبيبتك انا .

فارس : مقابل شو ؟

قصايد : اف اطلب اي شي.

قصايد : سلة باتشي ولا اخبر يدتي .

قصايد : اوكي بشتريلك .

فارس : ويت ابا اخذ حلويات من ثلاجتج ولا اخبر

قصايد وهي مقهورة ان اخوها يهددها : روح خذ بس شوي مو كله .

وراح فارس فتح الثلاجة وخذ منها جالكسي وبيبسي وتايم اوت وباونتي وسنكرس وايس كريم تويكس وقبل مايروح
فارس : قصايد ماخاطرج تروحين العزبة ؟

قصايد: والله خاطري اروح بس تدري امي العودة اذا قالت شي الكل يسكت.

فارس : اها ...

قصايد تفكر : اقول لو خليتها توافق تسوي الي ابيه ؟

فارس : انتي اطلبي كل شي بعطيج بس اول خليها توافق ؟

قصايد : اوكي راح افكر بشي عسب اخليها تحتشر وتوافق بس لو وافقت اتنفذ الي اباه ؟

فارس : موافق اول خليها توافق .

قصايد : اوكي لو وافقت اباك تعطيني دراجتك عسب اسوقها يوم نروح العزبة .

فارس: دراجتج انتي وينها ؟

قصايد : مليت منها ابا دراجتك احلى .

فارس : اوكي .....

وراح فارس يكمل شغله باللاب توب .

بالصالة شيخة تضرب ولدها خليفة بالعيرة لانه ماخاز عينه عن حرمته

الام العودة : واي منك بسك عاد ماتيوز انته كل اطالع حرمتك بل ماراح اطير عنك ابد استح ماتشوفها المسكينة غادية طماطة

خليفة : يما حبيبتي شو اسوي احبها والله .

الام العودة: توجه رمستها حق موزة : يما موزة روحي يبيلي حليب البوش .

مورزة : ان شاء الله عمتيه .

خليفة : يما ليش تبين تبعدينها عني خليها .

الام العودة : واي منك طالع على منو انت , اربع وعشرين ساعة وياك خلها شوي تريح من شيفتك ؟

الكل ضحك على خليفة

فهد : صح تذكرت يما انتي رحتي عند بيت الجيران تتعرفين عليهم ولا لا؟

ام فهد : لابعدني لاني مافضيت راح اشوف يوم افضى اروح لهم ؟ يمكن بالويك اند اروح ازورهم واتعرف عليهم ؟

الام العودة : ومنو هذيلا ماعرفتوا بيت منو ؟

فهد : هذيلا او بالاحرى هذا بيت ولد حارب بن محمد ال... واظن اسمه محمد

من سمعت الام العودة هالاسم تفاجأت : انت متاكد ان هو بيت محمد حارب بوهزاع .

فهد باستغراب : هي اميه هو بس شو عرفج عنه؟

الام العودة : اه شوف كيف الدنيا صغيرة ورحيمة فينا هذا ياولدي محمد هو ولد ربيعتي رحيمة الله يرحمها

توفت من بعد مايابت محمد بسنة ونص وانا تكفلت فيه ورضعته نص سنة بس انت تعرف الرضاعة بس سنتين

ورضعته ويا ابوك .

فهد : معقولة يكون عندي عم من الرضاعة .غريبة الدنيا

الام العودة : الا غريبة وعجيبة بس بعدين انتقلنا ورحنا االسويحان وهم ظلو بابوظبي... واخرتها رديت للمكان الي عشت فيه وقضيت عمر الطفولة فيها .

ابو فهد فرح من سمع ان اخوه من الرضاعة محمد هو نفسه جاره كان يتذكر هو ويا محمد يلعبون وكانو دوم ويا بعض وكانو ياكلون من خبز امهم خبز التنور

ام فهد : عيل اذا جي احنا لازم نزورهم ونتعرف عليهم ترا الاول والاخير هم منا وفينا .... ان شاء الله من بعد ما افضي من الاشغال بنروح نزورهم ونتعرف عليهم .

الام العودة : بارك الله فيج يابنيتي هذا الكلام العدل وانا لازم بعد ازروهم واشوف ولديه واعياله .

وردت موزة ويابت الحليب لعمتها ...


للحين احبه وبكره وبعده ____

حبه غالي على قلبي وساكن فيه______

أموت ولا اعيش الدنيا بلياه_____ _

لان عروق دمي مرتبطه فيه _____

في بيت بو هزاع

هزاع بحجرته يالس يتزهب عسب بيروح ويا حمد المول متواعدين ويا الربع يروحون البليارد وبعدها يتحوطون

بالمول.....وطبعا قبل مايظهر لاننسى تسبح بالعطور الي يحبها شيوخي والعود العربي .

وهو نازل شاف امه وابوه سلم عليهم وقبل مايظهر

زقرته امه : وين رايح ياهزاع ؟

هزاع : يما متواعد ويا الربع بالمول .

ام هزاع تعرف انه دوم ويا حمد : عيل خبر حمد عسب يخبر امه انها اتي العزبة ويانا

هزاع : ان شاء الله يما
وراح المول

بوهزاع : فراشتي رحتي تزورين الجيران وتتعرفين عليهم ؟

ام هزاع : لا يابو هزاع مافضيت بس ان شاء الله الصباح راح اطرش ميري تودي لهم لقيمات ومرة وحدة تخبرهم اني راح ازورهم ع المغرب .

مياسة وهي تسمع رمسة امها : يما انا بي وياج يمكن تكون عندهم بنت بعمري عسب اتعرف عليها.

ام هزاع : انت قري مكانج وذاكري انا بروح اول بتعرف عليهم وبعدين المرة الثانية بوديج .؟... خبريني شو سويتي بالامتحان ؟

مياسة تذكرت الامتحان : يما الصراحة كان وايد صعب بس حليت كم سؤال وان شاء الله اييب علامة زينة.

ام هزاع : ان شاء الله .

وراحت مياسة تذاكر لها كم كتاب من بعد ما استاذنت امها وابوها ....


على هونك أنا لعيونهم أهرب.... من عيونك ..........
ولا أدري هي تجي من وين ......
وش فيني.....
أنا ماودي أقول الي قلته.....
فيك الي شفته.......
أنا بس ودي في مرة اذا كلمتك.....
أجي بشويش لعيونك.....
شوي أهلين......
شوي شوي واشلونك.......

المارينا مول ع الساعة 5:30 عند هزاع وربعه بصالة البليارد

حمد شال عصى البليارد لان الحين هو دوره ب ضرب الكورة وكان هو يلعب مع زايد ربيعهم ورشود

خلوني اعرفكم على زايد هو ربيع هزاع بايام الدراسة يشتغل بالديوان اما راشد هو ربيع زايد ووياه بالديوان وطبعا زايد عرف هزاع وحمد على رشود

حمد وهو يصوب العصى ع االكورة عسب اييبها : امممممممممممم اقول زيود بعدك يالس ترمس ميمي

(( ميمي هي وحدة تحب زايد وشافته مرة بالمول وطبعا زيود ماقصر رقمها وحاليا يرمسها ليبية بس امها سورية ))

زايد : اسكت يا اخي تذل الواحد مليت منها شكلي بغير تيلفوني وبغير سكني .

هزاع وحمد يضحكون : ههههههههههههه

هزاع : حد قالك ترقمها تستاهل حوبتك .

زايد : اسكت انت الثاني ويا ويها طفرت منها اونها تقول "" حبيبي متى راح تخطبني ""؟ انا بروحي طفران من كثر ما امي تلح علي تزوج تزوج .

هزاع : انزين خذها وريح عمرك عن لاتعور راسك؟

زايد : اتنكت حضرتك ... انا اخذ ليبية جي قلوا بنات الامارات عسب اخذ وحدة شراتها ..... الا قول بس لعبة من الملل وبعدها باي

هزاع : حرام عليك تخلي البنت وتقص عليها ... ترا بتم بذمتك لين يوم القيامة او روح خبرها انك ماتباها بدل ماتخليها تتعذب

زايد : االله كريم ... والحين الي يقول انك انت ماترمس بنات كل يوم انشوفك اطالع هذي ولا هاي وتقط عليهم رقم ...

اهني حمد وهزاع ضحكو

هزاع : وانت تتحراني صدق اني اعطيهم رقمي هههههههه منو قال جي مينون اعطي رقمي حق بنات عسب يلعوزوني وبعدين لو انا اذا ابا اتزوج قلبي بيختارها هب انا وقلبي بعده ماختار ...

زايد : عيل الورقة رقم منو فيها ؟؟؟!!!!!!!!!!!!!!!

حمد : هههههههه هذاك رقم الدريول مالهم سلمانو اكيد الحين متلعوز وياهم وتلاقي البنات يسبن فيه سب ...

هزاع : تخسي والله تسب محد ضربها على يدها وقال لها تاخذ الرقم وتتصل

زايد : غربل الله بليسك جان عطيتهم رقمي عسب اجدد.

هزاع: ولايهمك
ومن بعد ماخلصو اللعب راحو فوق عند المطاعم عسب يشربون لهم شي ويسولفون وبعدين يطلبون لهم اكل

من ناحية ثانية من المول قصايد وهيوم وشويخ يالسين يتحوطون ويتشرون من المحلات طبعا قصايد ما نست الي طلبته من شويخ وهيوم وطبعا راحو بالاول باريس غاليري عسب يتشرون وبنفس الوقت شرت هيوم لي قصايد الي طلبته عطر سكادا ولوشن وكريم وبودرة ومن بعد ماخلصو راحو محل اكسسواريز وقصايد عيبتها شنطة شرتها وطبعا شويخ شرت شراتها لانها دوم اطقم ويا قصود وبعدين راحو باتشي عسب شويخ تشتري حق قصايد سلة باتشي ومرة وحدة شرت قصايد حق اخوها فارس وبعدين عطو الاكياس حق تينا تاخذهم للدريول لان قصايد اتصلت لدريول عسب اي وياخذ الاكياس ويحطها بالسيارة وبعدين اتحوطوا شوي وخذولهم كم لفة وراحو المطعم ....

امممممممممممممممممم اوقف ولا اكمل خلوني اكمل ادري تبون تعرفون كيف هزاع راح يلتقي بقصايد خلوني اكمل *_^


نروح عند حمد وهزاع وزايد ورشود يالسين بالطاولة وطبعا كل وحدة اتي ماتخوز عينها عن هزاع من جماله وخاصة يوم يلبس نظارته من Gucci

رشود ويلقبونه بوسنيدة : يا اخي خف شوي كل انظار البنات متوجهة لك , اقول روح شوي خل لنا مجال نتعرف ع البنات وياريت لو تتعرف عليهم او تقط رقمك لا فالح انك تقط رقم سلمانو ياحظه هالسلمانو .

زايد : ههههههههه غربل بليسك اي حظه تلاقي البنت الحين تتصل له وهو متلعوز من اتصالاتهم مالومه الحبيب.

هزاع : اقول خلكم ويا سوالفكم انا بروح يكرمكم الله الحمام اغسل ايدي وبعدين راح نطلب اكل لاني ميت يوع ماراح انتظركم .

وراح هزاع يكرمكم الله الحمام

بعد دقايق دخلت قصايد وشلتها وراحو يلسو ورا الشباب بالضبط طبعا قصايد ويها مقابل حق كرسي هزاع وحمدان اما شويخ وهيوم عاطينه ظهر .

قصايد: اقول انا باروح اطلب الحين نشي وياي هيوم عسب نطلب وبعدين ادور حق شويخ وتينا شو راح تطلبين انتي ؟

هيوم : انا خاطري ببوبايز من زمان ما اكلت من اكلهم .... وانتي ؟

قصايد : انا بطلب من ماكدونالدز بطلب لي جيكين برجر حار . هي وين بيزات العزيمة ؟


وراحت كل من قصايد وهيوم يطلبون لهم طبعا من بعد ما اخذت قصايد بيزات من شويخ وهيوم .

حمد انتبه لي شويخ والبشكارة انهم بروحهم فحب يساعد الحبيب رشود عسب يرقم

حمد يالس يهمس حق رشود : اقول رشود ماقلت تبا ترقم يالله راونا شطارتك هذي وحدة وراك رقمها .

رشود : ولا يهمك شوف انت بس الشطارة .....

زيود : الله يستر ............؟؟؟؟

رشود لف لا ورا : صوبنا يالحلو عطنا منك نظرة نذوب منها

شويخ : اكبر طاف له .

رشود : افا القمر مايعطينا ويه ليش انزين بس نظرة عيل شو رايج اعطيج رقمي وتتصلين والرقم هو وقبل مايقول الرقم لفت شويخ صوبه

شويخ : صدق انك قليل الادب لا حيا ولا مستحا شو ها ماتستحي على ويهك عن بوه استح ماعندك خوات تخاف عليهم روح لابركتن فيك ولا في اليوم الي ييت فيه بهالدنيا .

رشود تقفط من الخاطر لان في بعض الناس انتبهوا لكلام شويخ

زيود وحمد ناقعين ضحك على شطارة رشود : ههههههههههههه ههههههههههههه ههههههههههه وااااي بطني وااااااااااااي

رشود : انطمووا هذي شكلها حارة ماتحب حد يرقمها .

حمد : ها يالمعلم الشاطر وين قلت لنا راح تراوينا شطارتك الظاهر شطارتك مايابت غير الفضيحة هههههههههههه

ورد هزاع لهم وشافهم يضحكون وطبعا حمد ماقصر خبر هزاع باللي صار وطبعا هزاع نقع من الضحك على رشود

هزاع : اقول قوموا خلونا نطلب احسن هههههههههه اقول رشود خلك انت هني عسب لا احد ياخذ مكانه .

رشود اوكي ....

وراح هزاع يطلب من ماكدونالدز وحمد من المطعم الياباني وزيود من كنتاكي ...

قصايد وهي يالسة تنتظر الطلبية لين تخلص وهزاع وراها ينتظر عسب يطلب له ووصلت طلبية قصايد ويوم تبا تلف عسب تروح الطاولة تصطدم بهزاع وكانت طلبيتها راح اطيح من يدها لكن مسكتها قبل ما اطيح طبعا قصايد عصبت يوم اصطدمت فيه طبعا انا قلت قبل ان قصايد يوم تعصب او تصيح العين تبدى تلمع وعيونها رمادية تلمع تخيلو كيف راح يكون شكلهم اكيد ذباحية والتقت عينه بعين قصايد او بالاحى التقت عين قصايد بنظارة هزاع

قصايد: شو ها عمي انت ماتشوف لو الحين طاحت الطلبية شو راح تسوي ؟اف.

اهني هزاع من شافها استصاب قلبه من عيونها كأن النظرة اخترقت قلبه وتم يتأملها ويتأمل جمالها الاخاذ وهزاع من دون ماينتبه لكلامه
هزاع : ويل على حالي ع العيون الذباحية اسميني طحت من اول نظرة شو هالغزال الي جدامي غزال ولا ملاك
فديت النظرة

قصايد : عصبت : صدق انك ماتستحي وراحت عنه

وهزاع بعالم ثاني ومن صوب الفلبينية الي على الكاشير يالس تنادي عسب يطلب

[ضحَكتے مـاركهـ•••]

نروح لهيوم خلصت من طلبيتها وهي تمشي من دون ماتنتبه الي جدامها الحبيبة يالسة تشوف المطاعم والي جدامها هم مامنتبه لان يالس يدور مطعم الكنتاكي عرفتواه اكيد

ومرة وحدة طراااااااااااااااااخ >>>>صوت الصحن انكسر يوم اصطدمت بزيود

اهني هيوم شوي تبي تصيح لان الكل يالس يطالع واولهم زيود الي يقول اول مرة يشوف بنت جدامه طبعا شويخ كانت تراقب من شافت هيوم مو منتبها قالت اكيد راح تصطدم بحد فيوم شافت انها اصطدمت وطاحت الطلبية بيدها نشت وراحت للنجدة

زيود بعده يالس يطالع هيوم حس بشي غريب مايعرف شو اتاسف لها

طبعا شويخ مفوله عليه : هي انت ماتشوف عمي لا بعد يالس اطالع احشم انت ماتستحي >>>شيخو خفي عليه الريال اتاسف


شويخ طلبت من المنظفة الي تنظف اتي اتنظف المكان وراحو اثنيناتهم يطلبون وزيود على حاله ماانتبه الا ع المنظفة يالس تنظف وراح كنتاكي يطلب وف خاطرة يعرف منو هالبنت الي اصطدم فيها......

كانت قصايد تنتظرهم عسب يردون الا هزاع يا ويلس ع كرسيه الي يواجه قصايد طبعا اهني قصايد اتنرفزت منه لان يالس يطالعها وردت كل من شويخ وهيوم ويلسن ع الكرسي ومرة وحدة شرن حق تينا.

شويخ وهي تاكل : اقول شو اليوم كان وياج الجامعة؟

قصايد : ماشي الحال .. اقول كلي وبعدين رمسي الاكل ماراح يطير عنج.

هيوم تضحك: ههههههه صح شو سويتي خبرينا؟.

قصايد : الله يسلمكم اول مادخلت الجامعة رحت مباشرة للمدير, طبعا من ذوق والادب لازم اعرف عن نفسي عرفته علي وبعدها قلت له اني طرشت لكم اوراقي من جامعة دبي الامريكية .

شويخ وهيوم بنفس الوقت: هيه وبعدين

طالعن بعض وضحكن وكل وحدة ضربت الخشب عسب تعرس اول

قصايد : هههههههههه ماشي قال لي روحي كلاسج وطبعا عطاني تايم تيبل عسب اروح الكلاس طنشت الكلاس ورحت اخذ حوطة بالجامعة.

شويخ: اها وبعدين .
قصايد : بعدها الله يسلمج رحت للمدير عسب اشوف لو كان راح يعدل لي المواد طبعا بالبداية رفض وقال لازم اخذ انجليزي والتوفل, اهني انا عصبت ققلت له " شو اخذ انجليزي انا ياية من جامعة دبي وماخذة توفل ونجحت فيه ودرست بعض المواد والحين تقول لي مافي لازم تاخذين انجليزي , شو اختربت الدنيا وطبعا من بعد هواش وياه قال خلاص بنعدل لج بس اربع مواد ومادتين لازم اعيدهم لاني يبت فيها سي ماينس قهرني ويا ويه .

هيوم: اها يعني طوفتي حصصج وسرتي تحوطين بالجامعة ولا رحتي الكلاس.

قصايد : لا بس كلاس واحد حضرته يعني دخلت من بعد مابدأ الكلاس بنص ساعة هههههههههههههه.,.. يا اختي اقولج اول ما حدرت الكلاس الكل يالس يطالع صرت اقرا على عمري عن لايصكوني بعين ههههههههههههه
وهناك تعرفت على بنتين وحوطوني ع الجامعة الصراحة ماخبرتهم اني اعرف الجامعة شبر شبر هههههههههههه بعرفكم عليهن باجر .

هيوم وشويخ : ههههههههههههههه هههههههههههههه

وبذاك الوقت هزاع ماخاز عينه عن قصايد ويشوفها كيف تاكل وتضحك وترمس >> اسميه الريال طاح

قصايد لاحظت هزاع يطالعها ولاخاز عينه عنها تضايقت فقالت حق ميري تروح وتبدل مكانها وتروح مكان هيوم لان ميري طويلة فراح تحجب عنه الرؤية .

هزاع وهو يراقبها حتى لو كانت ميري حاجب من بينهم خلاص القلب حب ومايروم يخوز عينه عنه

حمد لاحظ هزاع يراقب البنت ومالامه لانها صدق اطيح اطير من السما
حمد : هووووو شوي شوي ع البنت راح تاكلهن بعيونك.

هزاع : اه والله حلوة ياربي شو هالجمال فيها, شوف غمازاتها يوم تضحك تخبل ياويلي كم بعيش انا .

زيود : طاح الريال اقول ليش ماترقمها مرة وحدة ؟

هزاع : وهذا الي راح اسويه بس مو جدامكم .

رشود : اقول خلك منها اذا انا ما استلمت من الاولى اكيد هي شراتها لها لسان طويل .

هزاع ماسمع لكلام رشود الي براسه راح يسويه وراح يعطيها الرقم وطلع كلينيكس وكتب عليه رقمه واسمه وقال راح يعطيها بعدين يوم تسنح له الفرصة ويرمسها.

نرد للبنات شويخ : تذكرت : اشقايل ظهرتي وامي العودة ماقالت لج شي؟

قصايد : ههههههه سكتي الا يوم درت اني بروح المارينا نقعت عليها صاروخ وقلت لها المارينا هو نادي يتعلمون فيه الطبخ والخياطة , وبعدين قالت روحي وقبل ماتظهرين تعالي اقرا عليج طبعا تدرين يدتيه لازم تقرا علي عن الحساد.

شويخ : هههههههههههههههه غربل بليسج لو درت انج نقعتي عليها والله لتصكج بعيرتها ههههههههه واي للحين احيد المواقف الي صارت بالمول يوم خذيناها ويانا محد استلم من عيرتها ههههههههه

قصايد وهيوم : ههههههههههههههه

(( مرة قصايد وشويخ خذوا الام العودة وياهم المول كانت تبا تعرف شو هو يوم راحت وياهم شافت شباب وناس وايدين لزمت على قصايد وشويخ يتغشن وانهن يمشن وياها ولا يبعدن عنها وكل ماتشوف واحد حط عينه على قصايد ولا شويخ تزهب عيرته له ههههههههه مرة واحد تقرب من قصايد وكان يبا يعطيها الرقم شافته الام العودة وراحت عنده وزهبت عيرتها ويالسة تسب فيه ههههه مسكين من الخوف ربع بعيد عنها وظهر خاري المول|))

ومن بعد ماخلصوا اتصلو بعبد القادر عسب اي ويشلهن من المول وراحت قصايد يكرمكم الله الحمام عسب تغسل يدها اما شويخ وهيوم وتينا راحن يشترن باسكن روبن يتحلن فيه .

ومن بعد ماظهرت من الحمام يكرمكم الله شافت بويها هزاع وكانت تبا تبعد عنه لكن هو وقفها

هزاع : لو سمحتي ..

قصايد : نعم ..

هزاع : تفضلي .

خذت قصايد من عنده كلينيكس وفتحتها وشافت رقمه واسمه اهني عصبت قصايد

قصايد: صدق ماتستحي على ويهك يامسود الويه يالس تغازل بنات الناس ترضاها على بنات الناس وماترضاها على خواتك يافاصخ الحيا .ومضيع المذهب ..

ماقصرت قصايد وفرت عليه الرمسة الشينة

اهني هزاع عصب عليها: هي انتي احترمي قلنا بنعطيج الرقم باحترام بدل ما اقطه عليج , وبعدين محد مضيع مذهبه غيرج, ولا حد يترك بنته بروحها تتحوط بالمول بكبره ومحد وياها شو تتحرين عمرج خقاقة وشايفة نفسج الظاهر هلج ماعلموج شلون ترمسين ويالسة تقطين رمستج الشينة بويوه الناس .

قصايد من سمعت ان يوم قال هلج ماعلموج عصبت من الخاطر من دون ما تحس الكف بويه هزاع

قصايد : انت قليل الادب وانت الي هلك ماعلموك .

وراحت قصايد وهي مقهورة شلون يقول ان اهلها ماربوها عدل اهلها ماقصروا وياها ربوها ع الصح والغلط

هزاع كان مفول "اول وحدة وبنت بعد تمد يدها عليه امي وابوي مارفعوا يدهم عليه شلون اتي وحدة وتضربني انا والله لانتقم منج " كان هالشي هزاع الي يفكر فيه وبس الانتقام منها شلون مايعرف...

ماكان حد موجود بالممر غير شوي اجانب شافو المشهد وواحد كان يالس يشوف الي صار الي هو حمد.
بالسيارة رايحين صوب بيت هيوم يوصلونها بالاول شويخ شافت قصايد متضايقة فما حبت تتكلم يمكن يكون شي خاص ماتبا هيوم تعرفه فقالت تصبر لين يوصلون هيوم البيت , من بعد ماوصلو هيوم شويخ رمست قصايد .

شويخ : بلاج قصود شو فيج ليش متضايقة فديتج؟

قصايد بدت تصيح خافت عليها شويخ

شويخ : واي فديتج بسم الله عليج شو صايبنج خبريني ولا تخرعيني قولي فديتج شو صار ؟

قصايد خبرت شويخ باللي صار وشلون انها عطت كف حق هزاع من دون ماتحس .

شويخ وهي ناقعة ضحك : ههههههههههههههه يستاهل حد قال له يرقم اخ ماتصلتي لي عسب اراويه العين الحمرة مضيع المذهب.

قصايد : بس والله احس ان ماكان من المفروض اضربه والله اني ندمانه ماابي حد يزعل علي .

شويخ : طاعو هذي شو تقول هي انتي يقولج مامتربيه جليل الاصل وتقولين ماكان من المفروض اضربه هههههههههه.

قصايد : يووووووه شيخو مو ناقصة لج تدرين ما احب اضر حد بس الصراحة من ناحية حلو شكله حلو مع اني ماشفت عينه .

شويخ : هههههههههههه مينونة توها تصيح على اللي صار والحين تقول حلو , اقول يمكن حبيتيه.؟

قصايد : شو احبه ’ وين يالسين ماناقصة الا احب واحد مغازلجي ولا بعد يعطيني الرقم باحترام اول مرة هذي تصير هههههههههههههههههه

شويخ : هههههههههههه اقول اميه العودة ماقالت بتروح العزبة الويك اند؟

قصايد : لا تقول خلونا هالمرة انتم بالبيت لان تونا منتقلين فبالاول نستقر وبعدين نروح.

شويخ: غريبة مع انها تموت بالظاهرة ( ناقة ام عبدالله ) لا اكيد في شي عسب ماتروح وتطمن عليها.؟

اهني يت فكرة لي قصايد وضحكت

شويخ : اللهم سكنهم بمساكنهم , ليش تضحكين بلاج؟

قصايد : يت لي فكرة اخلي اميه العودة تحتشر علينا عسب نوديها العزبة .

شويخ مو مصدقة : احلفي شو هي خبريني ؟

قصايد : بعدين بس خليني ارتبها وبعدين بخبرها بس ماراح اخبرها الا باجر ع العشى تدرين اميه العودة اخاف

تحتشر وتقول ودوني الحين وتروح علينا الفرصة ان نروح العزبة بخبرها ع العشى عسب يكون ورا باجر

نخلص من الدوام وعلى طول العزبة .

شويخ محترقة الا تبا تعرف وتذل قصايد عسب تعرف بس قصايد هب طايعة تخبرها .

ووصلت شويخ للبيت وبعدين وصلت قصايد للبيت وكل وحدة راحت تنام طبعا من بعد ماعطت قصايد الباتشي

حق فارس بالاول كان يبا ياخذ السلة لكن قصايد رفضت لانها من شويخ وعطته علبه على شكل قلب وبداخلها

انواع الباتشي.

من ناحية ثانية وبالتحديد الكورنيش هزاع وحمد ويا بعض

هزاع كان يفكر بقصايد وكيف ينتقم منها الامرة نقع حمد من الضحك, هزاع استغرب منه
هزاع : شو فيك شو اللي يضحكك ضحكنا وياك؟

حمد : ههههههههههههههه اي بطني يعورني اقول اخبار خدك من بعد الكف المحترم من البنت هههههههههههههه

هزاع : وانت شلون عرفت ؟ ها ؟

حمد : يا حبيبي تراني كنت واقف يالس اشوفك من اول ما عطيتها الرقم ولا بعد باحترام هههههههههههههههه

هزاع : انطم والله لا اراويها بس راح تشوف شو راح اسوي فيها مو بنت اتي على اخر زمن تمد يدها علي.

حمد : بس الصراحة اسميها حلوة وتقط الطير من السما

هني هزاع نسى سالفة الانتقام ويلس يفكر بعيونها الذباحية وغمازاتها يوم تضحك وكان شكلها جنان .

هزاع : آآه والله انها صابت قلبي بالصميم حلوة من الخاطر ياربي شو راح يرقدني انا الحين خلاص القلب اختار يابو هزاع اختارها ( يناديه بو هزاع لان ناوي يسمي بجره هزاع هم هزاع يبى يسمي بجره حمد )

حمد : الله يعينك الظاهر استصبت من اول نظرة واخترق سهم الحب قلبك وسكن فيه .

هزاع : آه من الحب وويلاته

وراح كل واحد البيت ينام بس وين النوم اي لهزاع شلون راح ينام وفكره بالبنت الي شافها بالمول

اهني بس تعبت خلص الجزء الثاني من البارت الاول

ياترى صحيح هزاع خلاص حب ؟ ومن اول نظرة؟
وسالفة الانتقام شو راح يسوي فيها ؟ هل راح ينتقم ولا نساها بالاساس؟
وهل راح يتلاقى وياها ؟ وهل راح يعرف انها ربيعة اخته ؟ وانها بنت جيرانهم ؟ وهل راح يعرف ان قصايد تقرب لهم وانها هي بنت عمه من الرضاعة ولا لا؟
يعني هل قصايد هي حورية احلامه؟

وقصايد هل راح تفكر فيه ؟ وهل راح تلاقيه ؟ ووين ؟ وهل راح يكون هزاع هو فارس احلامها؟
وهل راح تعرف انه هو ولد عمها اونه هو اخو ربيعتها ولا لا؟

شويخ وين محلها هل هي تحب ولا لا؟ واذا تحب منو تحب؟

هيوم شو راح يصير فيها هل راح تحب زيود ولالا؟ او انها تحب حامد اخو شويخ ؟ يعني هي تعرف انه هو يحبها ولالا؟

ام هزاع هل بزور ام فهد الي هم جيرانهم وتعرف عليهم وهل راح تعرفهم من اول مرة ولا لا؟

وشو هي الفكرة الي يت على بال قصايد عسب تخلي امها العودة تحتشر الا يودونها العزبة ؟

خليفة وموزة شو راح يستوي فيهم او وين عائلة ام كايد ليش ماظهروا للحين ؟
والريم ليش ماظهرت هي و اخوها سلطان وحرمته واعياله ؟
وهل راح اتم الخطبة الرسمية ويروح سهيل يخطب شما ولا لا؟
وحمدان ظنكم هل راح ينسى قصايد ولا ماراح ينساها هل راح يرمسها ويقول لها الي بقلبه؟

اترقب ردودكم على احر من الجمر ^___^

[ضحَكتے مـاركهـ•••]

((البارت 3))

لاني بشاعر ولاني بشبه شاعر.....
أنا مجرد إنسان أملك ياقصايد مشاعر......

من بعد ما انقلبت الدراجة طاحت قصايد ع الارض ,, خاف عليها هزاع ووقف دراجته ونزل لها عسب يطمن على عيونه الذباحية....

هزاع والخوف يبين عليه:: صار فيج شي ياالعيون الذباحية..>>>لاتلومونه مايعرف اسمها ...

قصايد وهي تنش من دون ماترمسه....والحمد لله ماصابها شي لان الارض كانت فيها رملة ناعمة ....

هزاع: بلاج ماتردين علي خبريني صار فيخ شي , تعورتي ...

قصايد ساكته ....

هزاع: بلاج القطو كلا لسانج ,, بالمول ماشاء الله عليج ماقصرتي فيني , سبيتيني وقطيتي علي مية رمسة ,, وفوق هالشي عطيتيني كف ,, الي مستغرب منه كيف يت لج جرأة انج تمدين يدج لي ... امي وابوي مامدوا يدهم علي ,, اخر شي اتين انتي وتعطيني كف ....ولا وين بالمول بعد....

قصايد ساكته وماتعرف شو تسوي وخايفة لانها بروحها ومحد وياها ....

هزاع يلتفت يمين وشمال : الحين محد هني بس انا وانتي ,, يعني اروم اسوي اي شي فيج , او ارد لج الكف ..

قصايد: خافت ودموعها بدت تنزل .....

هزاع ماهان عليه يشوف العيون الذباحية ودموعها تنزل : لكن مو انا الي يمد يده على بنت حتى لو غلطت علي,,بعدين حرام دموعج تنزل من هالعيون الذباحية ,, عيونج غالية يالعيون الذباحية....

قصايد مستغربة منه وكيف أنه جريء بكلامه ....

هزاع: اسمحيلي يالشيخة انا اعتذر عن الي صار بالمول ... بس الصراحة اول مرة اشوف وحدة بجمالج ووحدة تصدني ههههههههه لا فوق هالشي تعطيني كف,, بس صدقيني من شفتج يالعيون الذباحية ... انقلب حالي لا ليلي ليل, ولا نهاري نهار......

قصايد يالسة تسمع كل الي يقوله وتقول بنفسها: ابيه شو يقول هذا الظاهر حبني معقولة , وهو اصلا مايعرف عني شي عسب يحبني ....

هزاع: اسمحيلي يالشيخة وانا اسف اتمنى اني ما ازعجتج , وان شاء الله ماتشوفين شر يالغالية .. وقبل ما يشغل دراجته ويروح :::::::: الشيخة ...

قصايد: لبيه....

هزاع ابتسم يوم سمع صوتها : لبية حاية يالغالية ......

قصايد : آمر ؟؟؟؟

هزاع: ما يآمر عليج عدو ولا ظالم , بس حني على (وأشر على قلبه)قلب استصاب منك من أول ( وأشر على عيونها ) نظرة ....وراح عنها وهو مستانس من الخاطر أنه شاف العيون الذباحية الي تمنى انه يشوفها ولو مرة ....

قصايد وهي متعجبة من جرأته وكلامه بس في خاطرها : محلاك صدق انك غرشوب , ..... وضحكت على نفسها

وركبت دراجتها وراحت عند شويخ وحور ....

قصايد وهي معصبة : شويخ يعلج بريل أحول ,,,قولي آمين .....

حور تضحك: ههههههههه امين...

شويخ اطق حور على كتفها : ان شاء الله ريلج احول ....

شويخ: وانتي بلاج معصبة شو فيج ؟؟؟

قصايد : ولج ويه ترمسين , يالخاينة تروحين عني وتخليني بروحي ....

شويخ تضحك : ههههههههههههه الصراحة تعبت قلت برد ....

قصايد : ماتضحكين تعبت اونه..........

حور : قصود منو الي كان يرمسج ها قولي .....؟؟؟

قصود : وانتن شو دراكن؟؟؟

شويخ: شو درانا ..؟؟ الرادار يمسك فديتج ؟؟؟ بعدين خبريني سوا بج شي .؟؟

قصود تضحك:ههههههه لا ابد بس شويخ تدرين منو هذاك؟؟؟؟

شويخ : منو ؟؟؟قولي؟؟؟؟>>>فيها فضول تعرف


قصايد وهي تضحك ومستحية : تحيدين يوم رحنا المول وخبرتج عن واحد ووووووو........

شويخ فهمت قصايد : احلفي والله هو .....خبريني شو صار .....؟؟

حور من صوب مو فاهمة شو مستوي : هي اقول مو كأنكم نسيتوني ولا كأني موجودة ....

قصايد : لافديتج مانسيناج سمعي الي بقوله : مرة انا وشويخ وهيوم رحنا المول وهناك في واحد كان يطالعني وقبل مانظهر من المول , رحت يكرمج الله الحمام عسب اغسل يدي , ....

حور وكل انتباها لها : اها وبعدين ...

قصايد: الله يسلمج اول ما ظهرت من الحمام يكرمج الله الاقيه بويهي ... قالي : اختي لو سمحتي خذي ...طبعا هو عطاني كلينكس وكان فيه اسمه ورقمه .....

شويخ تضحك : هههههههههههههههه اهني قصايد عصبت عليه وقطت عليه الرمسة الشينة وخلته مايسوى ..

قصايد: ههههههههه الا اشوفج معصب وقال لي انتي شكلج هلج ماربوج عدل عسب ترمسين بالرمسة الشينة وقال : انا عطيتج الرقم باحترام هههههههههههههههه

حور : امحق ااحترام ههههههههههههههههههههههه

شويخ: اهني قصايد عصبت الا الكف يا بويهه....

حور منصدمه: احلفي والله قصود عطيتيه كف؟ وبالمول ...؟

قصايد: هي الصراحة عصبني ,, بس تصدقين وايد غاوي حليو من الخاطر ......

حور : وبعدين شو صار...:؟

قصايد : سلامتج رحت عنه وأنا معصبة وبس

شويخ وحور : ههههههههههههههههههه

شويخ : وهو كيف عرفج الحين وانتي متلثمة ؟؟

قصايد: قال انه عرفني من عيوني .,, لانه ابد مانسى عيوني الذباحية....

حور: يووووووووووووه صوبنا اسميه الريال طاح بهواج ......

شويخ وحور: يصفقن ويصفرن

قصايد مستحية ويها غادي احمر شرات الطماط: سكتن غربل الله عدوكن ..

حور : ماقال شي , ولا شي جذي ولا جذاك...

قصايد : اف عليكن تبن تعرفن كل شي . .... عنلات صداكن ماراح اخبركن..؟؟

حور بتوسل : قصود وغلات الي بقلبج خبرينا شو صار وياه ...؟؟

قصايد : مافي ...

شويخ: فديت قلبج والله تقولين ....

قصايد : سمعن عيل بس ماتخبرن حد

حور وشويخ : سرج في بير

وبدت قصايد تخبرهم باللي صار من اول ماوقفها لغاية ماراح عنها ......

حور : ابصم بالعشرة انه حبج.....

شويخ : الا بالمية انا راح ابصم انه طاح بهواج ياقصايد.....

قصايد: مستحيل كيف يحبني وهو مايعرف اصلا عني شي ....؟؟؟

حور: ليش انتي ماسمعتي بشي اسمه الحب من اول نظرة ...؟؟

قصايد : سمعت بس هذي ماتصير الا بالقصص .....؟؟؟؟

شويخ : حبيبتي مو بس بالقصص بالواقع بعد.... وبعدين لاتنسين فديتج عيونج ماشاء الله عليها تذبح مو هو قالج العيون الذباحية ,, يعني خلاص الحب من النظرة الاولى يعني يوم التقت عينه بعينج.......

حور : وبعدين لاتنسين يو م قالج حني على قلب استصاب منك من اول نظرة وهو يأشر على قلبه و عينج , يعني الريال خلاص حب ,,,,,


قصايد: مادري , المهم خلونا نروح ولا امي العودة بتشك فينا .....

وراحو داخل العزبة , ويلسو مع مرت عمهم موزة وعمتهم سلوى وحرمة كايد فطيم ....


أزعل وأنا بروح برضيك....
وبقدم لروحك هدايا.....
أزعل وغصب عن عيني أراضيك....
إن كان في قربك هنايا.....

في عزبة بو هزاع وعائلته ......

هزاع وهو يسكر دراجته وتفكيره بصوب العيون الذباحية : آه منج يالعيون الذباحية , آه صبتي قلبي من اول نظرة ,,, عذبتني نظرتج يالغالية .....احبج

حمد من وراه: الي ماخذه عقلك تتهنى به ....

هزاع: ههههههههههههههه انت تعرفها منو ؟؟؟

حمد : الله يعينك .....

هزاع وهو مستانس ...: تدري ان الدنيا صدق عجيبة وتخبي لنا أشياء حلوة , واليوم هو أحلى يوم عندي....

حمد مستغرب: خير ان شاء الله خبرني عسب افرح وياك ....؟؟

هزاع: شفتها يابوهزاع شفتها ....ويلي على عيونها مارحمتني ...آه والله اني غررقت بعيونها.....

حمد فهم هزاع عن شو يرمس: احلف انك شفتها ..؟ ووين شفتها ...؟؟

هزاع : قريب من هني الظاهر هم يايين عزبتهم ...؟؟

حمد: وكيف شفتها ..؟؟

هزاع: يوم كنت انا وانت ياليسن نسوي حركات ع الدراجات ... الا اشوفلك اثنين يتسابقون قلت خلني اروح واتسابق وياهم.... قلت بزقرك مرة وحدة اتي وياي ونتسابق.. شفتك رحت بعيد عني.....

حمد : اها وبعدين ......؟؟

هزاع: رحت ووقفته وسلمت عليه مارد علي..؟؟؟

حمد: هيه وبعدين؟

هزاع: استغربت انه مايرد شفت عيونه وكانت عيونها لاني مستحيل انسى عيونها الي سهرتني الليل ....

حمد:وكيف عرفت انها هي .....؟؟

هزاع: اول شي العطر عطر سكادا حاطه وهذا عطر حريمي , وثاني شي العيون عيونها , وثالث شي الجسم رشيق مو معضل فقلت اكيد هي ,,, خافت وروحت عني ,, لكن وين وراها ,,, وبعدين طاحت من الدراجة خفت عليها وربعت صوبها, اعرف لو صابها شي...والحمد لله ماصابها شي .....

حمد : ان شاء الله ماعطتك الرمسة الشينة او كف ثاني ......؟؟؟؟

هزاع: ههههههههههه لافديتها , لو تبا يفداها خدي لو تعطيني بكس هم انا حاضر لها ....

حمد : هووووووووو صوبنا وين الي يقول بنتقم منها ... اسميك طحت ياريال .......

هزاع: آه يا يوهزاع راح تحس بالحب يوم تحب .....

حمد وهو يرمس عمره آه حاس فيه يابو هزاع وليتك تعرف انها بنت عمك دانة ...: الله كريم..

وراحو عند الشباب..... وكانت في وحدة تسمع شو يرمسون وكانت هي الريم

الريم مصدومة ان هزاع يحب وحدة ,,,,,راحت بعيد عنهم وهي تصيح لان هزاع يحب وحدة وانه مايهتم بالريم ......

عند البنات شما وهنودة وسهيلة يالسين يتمشون بالعزبة...

عند الصغارية العنود ومريامي ومحمد وعيال سلطان عبدالله وعلي يالسين يلعبون بالماي ويرشون الماي على بعض......مسوين فريقين العنود ومريامي فريق بنات , ومحمد وسلطان وعلي مسوين فريق اولاد ...

عبدالله : علوي خذ المرش وصب عليهم الماي لعوزهم .....

علي: ولايهمك عبود .. بس هيه لاتوصخ ولا ماريا بتصرخ علينا ....

عبدالله : تخسي الا هي تصرخ لخبر عليها يدتي ,,,

محمد: ألوي أتني أنا بفل أليهم ماي ....(علوي عطني انا بفر عليهم ماي)

عبدالله وعنده فكرة حلوة : حبيبي حمود تعال شو رايك لو تفر على البنات الي يالسين هناك ماي ....

محمد: بس امو مياسة باتذربني .....؟(بس عمو مياسة بتضربني)

علي : ماراح تضربك حبيبي , اول ماراح تفر عليهم البالونات راح تربع عسب لا يمسكونك شو رايك ....

محمد : وليش انتو ماتفلون عليهم ...؟؟(ليش انتو ماتفرون عليهم))

علي : امممممم عبدالله شو رايك بالعنود ومريامي ,,,,

عبدالله : تعتقد يوافقون ....

علي : نجرب... شو راح نخسر ....

وراح علي عند مريامي والعنود وخبرهم وافقو بس طبعا بالمشاركة ....

علي خلاص: الحين انا بقول شو تسوون , العنود خذي هالبالونتين وفريها على مياسة ودانة , اما انتي يامريامي فري هالبالونه على مهرة , وانت ياعبدالله فر البالونتين وحدة على غبوش والثانية على عوووش ..,وانت يامحمد فر هالبالونة على نورة , وانا بفر هالبالونتين على ظبيوووو ...

عبدالله : الله يعينك ان ما خلت يومك اسود .. كل ولا ظبيو تحمل هذي شريرة ........

علي : لاتخاف على اخوك يالله بس لاتخلون حد يشك فيكم ....

من صوب ثاني طبعا البنات يعرفن خطط الصغار وحاسبين حسابهم مياسة ودانة وعووش وغبوووش ومهرة ونورة كل وحدة ماسكة بيدها بالونة فيها ماي ....

وقبل مايفرون الصغار البالونات

البنات : هجووووووووووم

وصارت حرب ماي بين الطرفين والكل تلعوز بالماي واستانسوا من الخارطر , بس الوحيدة الي شلت عليهم هي ظبوي لانها تكره هالشي ,, طبعا ربعت ورا علي لانه بلل ملابسها بالماي ... لكن على شرد عنها وهي تربع وراه الا اطيح .... والكل يلس يضحك عليها .....

[ضحَكتے مـاركهـ•••]

عند الحريم يالسين يرمسون عن الجارة وعن هذي فلان بنت الفلان وغيرها , وضحك وسواف وغيرها ويمهم دلة الشاي والقهوة والزعتر ... من ناحية كانت وياهم ام هزاع بس مو منتبه لهم لان كل تفكيرها بريلها .....

ام غانم : ام هزاع .....وينج عنا يالغالية ...؟

ام هزاع: وياج فديتج ...

ام ذياب : وين ويانا من ساعة واحنا نزقرج ولاتردين علينا ....؟؟؟

ام هزاع: السموحة منكن فديتكن ....

ام سهيل: لا تفكرين وايد ياام هزاع كل شي بيتصلح ياخويتي...

ام غانم : هي يام هزاع بس انتي اذكري الله وربج كريم ....

ام هزاع وبعيونها دموع: الا اله الا الله , بس هذا بوهزاع يا ام سهيل , عمري مازعلته بشي والله مو بيدي ... خالتي شيخة هي الي اصرت اني مااخبره .....الله يسامحج يا خالتيه ليتج ماحلفتيلي ...؟؟؟

ام سلطان: فديت قلبج يالغالية صلي ع النبي , روحي عنده وان شاء الله يتصلح كل شي ...

وراحت عنهم ام هزاع عسب تشوف ريلها , وهن كملن عن القيل والقال.......

ام هزاع شافت ريلها يالس على صخرة بروحه ومن شافته بهالحاله يلست تصيح , انتبه لها ابوهزاع وخاف ان فيها شي....

ابو هزاع وهو خايف عليها : بلاج يالغالية ؟ شي مستوي ؟ وليش تصيحين؟؟؟؟

ام هزاع: سامحني يابوهزاع .... ولاتحط بخاطرك علي والله كان ودي اخبرك عسب تروح لامك ,, وانت تدري اني مستحيل احرمك منها لو هي امك ,, فهي خالتيه ... وعزيزة علي...

بوهزاع وهو يمسح دموعها : لاتخافين يام هزاع وانا اسف وحقج علي , ادري اني قسيت عليج , وانتي مالج ذنب , وشرات ماقلتي امي من تقول شي لازم تسويه وهي بعد امنتج انج ماتخبريني .. واعرف انج ماتبينها تزعل منج .....خلاص فديتج مسحي دموعج تراها غالية انا مااحب اشوف دموعج تنزل ....

ام هزاع وهي تمسح دموعها : الله لايحرمني منك يابوهزاع.....

ابوهزاع: تحبيني يا ام هزاع ؟؟ ولي هالدرجة ماتبين تزعليني ....؟؟

ام هزاع وهي مستحية : اكيد يابوهزاع وانا من لي غيرك في هالدنيا انت ريلي,وحبيبي,وبوعيالي بعد, الله يحفظك ويبعد عنك كل الشر ....

ابوهزاع فرحان : امين ,.... خبريني ..كيف هي امي تغيرت ولا شرات ماهي ....؟؟؟

ام هزاع: يوم اكلت الخبز تغير منه شي ...؟؟؟

ابوهزاع: لا شرات ماهو نفس الطعم ......

ام هزاع: عيل خالتي ماتغيرت وشرات ماهي , بس تدري شوي كبرت لكن مازالت رحيمة وحبوبة ....

ومن صوب ثاني عند الشباب :::
منصور , سعيد , مبارك , غانم , ذياب ,ميحد,حمد , هزاع, سيف, سهيل,: يالسين في الخيمة مسوينها لهم خصيصا ::::: يلسة شبابية

منصور وسعيد يالسين يلعبون بلاي ستيشن كورة قدم .....

حمد وهزاع ومبارك وغانم : يلعبون كيرم ..

اما سهيل فهو بعالم يفكر بشما وانه بعد العزبة راح يخطبها رسمي ويفكر انه العرس وكتب الكتاب يكون بيوم واحد ....يعني بعطلة الربيع >>>الحبيب مستعيل

ميحد يالس ويا عوده يضرب فيه

ذياب : يالله ياميحد اطرب لنا من اغانيك ...

سيف: هي والله ياولد عمي من زمان ماسمعنا صوتك....

ميحد : شو تبون اغنيلكم ,, اي اغنية ....

سهيل انتبه : غن اغنية شل غشاه...

هزاع : خذت قلبي:::

حمد شاف هزاع وفهم قصده

ميحد :تم اول بغني اغنية شل غشاه , وبعدها خذت قلبي ,, وبدا ميحد يدق ع العود


شل غشاه وشفت عينه تبتهل
يا هلا به راعي العنق الجميل
هازف"ن" عوده و خصره معتزل
نابي الردفين والمضمر نحيل

يستره طي"ن" على الردف انتشل
ماخذ"ن" وصف العتيم ووصف ليل
والخدود أقمار والمبسم عسل
وثمان"ن" مارتفع عنك الهزيل

كن في ثغره أمازيج النحل
واصدري ضان"ن" يداعبه الهديل
إن تكلم خذني بحب وغزل
همسه وصوته شفا القلب العليل

حشمته حشمه وإذا ادلع خجل
متزن روزه وفي طبعه ثقيل
صعب وأكبر من ألاعيب وحيل
وعن هواة الصيد صيده مستحيل

عاد لي وبنظرة عيونه كفل
قلبي اللي راح في وده دخيل
الوفا لأهل الوفا عز ومثل
والقناعة معدن القلب الأصيل
وطبعا صارت الخيمة كلها طرب وضحك ...

اما عند الشياب بوذياب وبو سهيل وبو سلطان يالسين يتفقدون البوش والغنم ومرة وحدة يحلبون من حليب البوش والغنم .....

انا القصيد اللي فزع من دفتـره مليـوننـاب
وانا الوحيد اللي جمـع مليـون نـاب بدفتـره

ع المغرب في عزبة بوفهد وعائلته ....

أم فهد , أم حمدان,أم كايد, موزة, فطيم حرمة كايد, حور, شويخ,وقصايد, العمة سلوى بالمطبخ يالسين يزهبون حق العشى .....

قصايد تسوي تبولة , اما حور تقطع فتوش , موزة تسوي لهم عصير برتقال فرش... اما ام فهد وام كايد وام حمدان يالسين يحطون الكباب بالاسياخ ....ويطلعون الدجاج المتبل بالروب من الثلاجة عسب يودونه حق الشياب ويسووون الكباب .... فطيم يالسة اطعم ولدها حماني ... اما شويخ فيالسة تصورهم بالفيديو شو يسووون وعمتها سلوى وياها ......

قصايد: شويخ خلي عنج التصوير الحين وساعدينا ......

شويخ: مابي ابا اصور ,,,,,

حور: هيه شيخو لاتصورين الحين , صوري في الليل يوم نولع الشلق ...

شويخ: لاتحاتين يايبين ويانا اربع اشرطة فاضية ......

حور: لاتنسين تسوين لي كوبي من الي راح تصورين؟؟؟

شويخ: لاتحاتين حاسبة حسابج.....

قصايد وتسوي الاشارة حق عمتها سلوى: عمتي شو رايج لو تسوين لنا متبل , من يدينج وايد حلو يطلع....

العمة سلوى تسوى لها بالاشارة انها راح تسويها ومن عيونها بعد.....

شويخ : حلو عيل باحط الكاميرا كله بويه عمتي سلوى ,. انتو بس ترا الكاميرا دوم تشتكي من ويوهكم ,,, تبا وجوه جديدة....

قصايد: ههههههه احسن عن ويهج .....الا قولي ان الكاميرا ملت من كثر ماتشيلينها , مسكينة تتعذب , واعليه عليها تخاف تقول بعدوني عنها,,, لانها تعرف انج راح تكسرينها هههههههههه

حور وموزة وفطيم :ههههههههههههه

شويخ: ههههههه ماتضحكين ,,, وتروح شويخ واتييب ماي بارد وتصبه على قصايد وتصورها ...

قصايد : ويا ويهج شيخو ويهد يهديج ,,, والله لا اراويج ...

وتربع شويخ عن لاتمسكها قصايد........

قصايد: اف منج ياشويخ مردي اردها لج , الحين شو سويتي لعوزتيني , باروح ابدل ملابسي ...

وراحت قصايد تبدل ملابسها من بعد مابدلت قصايد كانت تبا تنزل تروح المطبخ الا حمدان يناديها

حمدان : قصايد....

قصايد: هلا ....

حمدان: اشحالج قصايد....

قصايد: بخير يسرك الحال من صوبك ....

حمدان: الحمد لله مانشكي باس....

قصايد شافت حمدان متردد انه يقول شي : خير ياحمدان الظاهر عندك شي تبا تقوله...؟؟

حمدان : هي ومو عارف كيف ابدأ؟؟؟

قصايد: ابدأ من الي يريحك...

حمدان : اسمعيني ياقصايد ... الصراحة ابا اعرف رايج ...لو تقدمت لج بتوافقين...؟؟

قصايد وهي مصدومة من رمسته: بس ياحمدان , انت تعرف اني اعتبرك شرات اخويه ,, وانت تدري ويوم كنت صغيرة دايما اي بيتكم وكنا نلعب ويا بعض .,,ولما شويخ تضربني كنت انت توقف وياي ولا تخلي حد يضربني ,,, ولا مرة حتى فكرت اني اكون كزوجة لك ... انت اخو وبس ...

حمدان : بس انا ياقصايد أحبج من يوم كنتي صغيرة , وكل يوم يزداد حبي لج واتعذب يوم تقولين انج تعتبريني كأخو...ارجوج حسي فيني ....

قصايد: سامحني ياحمدان , كيف تباني اكون كزوجة لك وانا اعتبرك اخوي ,, كيف تبا نظرتي تتغير لك من اخو كزوج صعبة ياحمدان صعبة ...

حمدان : يعني هذا اخر كلام لج تقولينه...؟

قصايد: هي واتمنى ياحمدان انك ماتزعل مني وتخلي علاقتنا اخوية وبس ....

راح حمدان عنها وقلبه مكسور ومتقطع من الكلام الي قالته قصايد , كان يتأمل ان قصايد بيوم من الايام تحبه وانها توافق تكون زوجة له ولا تعتبره شرات الاخو ... لكن للاسف خاب ظنه وظهر من العزبة ومحد عرف وين راح ....

قصايد وهي حاسة انها قطعت قلبه وشوي تبا تصيح ..... شويخ سمعت كل شي الي دار من بينه

شويخ من ورا قصايد : ادري ياقصايد ان مو قصدج تزعلين اخوي , بس الله يهديه انا قلت له قصايد تعتبرك شرات الاخو وبس ,,,

قصايد وهي تصيح: شويخ والله ماكان قصدي أأذيه وانتي تدرين فيني اني مااحب ااذي حد ....

شويخ : ماعليج فديتج ,,, بس صدق ان اخوي يحبج من الخاطر ومتعذب الله يكون بعونه ويلاقي بنت الحلال الي تخليه ينساج....بسج فديتج ولاتصيحين لو حد مر وسألج شو راح تجاوبين ... مسحي دموعج فديتج .... ولاتحاتين انا برمس حمدان وبخبره ... اهم شي انتي لاتتضايقين ولا تحاتين .....

مسحت قصايد دموعها وراحو برع عند الشياب ويلسو يشوفون شو يسووون وطبعا شويخ ماتقصر الكاميرا وياها وتصور كل واحد ماخلت حد بحاله وخاصة امها العودة تسوي بها ضحك وسوالف......

شويخ وتسوي مقابلة مع امها العودة وتستهبل عليها مرة وحدة : احم سيداتي سادتي اخوتي الاعزاء السلام عليكم ورحمة الله وبركاته, اليوم عندنا ضيفة كبيرة بالسن وهي من ايام اول خلونا نتعرف عليها ......

الام العودة : مسودة الويه شو ها بعد شو كبيرة بالسن قالولج عيوز شيبت ماروم اوقف ع ريولي .....

شويخ: يووووووه امي العودة خربتي التصوير ... تقبليها بروح مرحة ومضحكة؟....قصايد عيدي التصوير لو سمحتي

قصايد وهي تضحك :ان شاء الله ........

شويخ: اعزائي المشاهدين حلت علينا ضيفة جديدة وزهرة جميلة ام كبيرة حنونة وعطوفة على اولادها عندنا اليوم امي العودة شيخة... اشحالج امي عساج بخير .....

الام العودة : ويه شويخ بلاج اخاف صابج شي الظهر سلمتي عليه ... ويه البنت ميهودة .... يما موزة دخيلج شوفيها يمكن محمومة البنت .....

شويخ : يمااااااااااااااااااااا هذا تصوير وانا هب ميهودة حرام عليج كم مرة بنعيد لاتخربين التصوير .....

الكل يضحك على شويخ والام العودة :ههههههههههههههههههههههههههه

الام العودة : واي عليج شو ها تصوير بعد وليش تصورين .. عيب يابنية تصورين احشمي ......

شويخ حبت تنقع على امها العودة : لا يما العودة , فديتج احنا نصور عسب راح نوديه لدبي لقناة دبي
, وراح يختارون افضل تصوير ويعطونه هدية ....

الام العودة : يعني بيحطونا بالتلفزيون .....

شوبخ:/ هي اكيد , وان فزنا راح يعطونا جوايز....

الام العودة مصدقة يحليلها :: شو جوايز بيعطونا ...

شويخ : الله يسلمج لو فزنا طبعا الجوايز لج را تكون برقع ...وتلي ... وقطع ام خماس ....واهم شي العيرة ....

الكل يضحك :ههههههههههههههههههههه

الام العودة : لا مابي عندي والحمد لله ,, بس العيرة نباها عسب شوي نكسر ظهرج فيها .....

الكل :هههههههههههههههههههههههههههه هههههههههههههههه

شويخ: امي العودة حرام عليج , ليش تسوين فيني جذي , وهذا انا على اسمج بعد , المفروض ادلعيني وتعزيني اكثر عنهم ....

الام العودة : سكتي يامسودة الويه ... انا اعزكم كلكم ولا فرقت من بينكم .. وانا ما احب ادلع حد عن لاتفسدون في اخلاقكم .....

مانع وهو يضحك على هبال شويخ وفي نفسه يقول (مستحيل اخذ شويخ مع انها مافيها شي ناقص وماشاء الله عليها حلوة بس احسها صغيرة وخريشة , وانا ابا وحدة تكون لها مسؤولية هب صغيرة بنوته ......

شويخ: خلاص زعلت عيل مابسوي لج المقابلة باسوي حق غيرج ...

الام العودة: ويلج ياشويخ لو صورتي حد وطرشتي الفيلم حق التلفزيون اسميني راح اضوي ظهرج بهالعيرة .........

شويخ: لا مابا صور بل كلتنا ...... قصايد نشي خلينانروح مكان ثاني نصور حور تعالي يانا وانتي عمتي سلوى تعالي وييبوا معاكم حماني ابا اصوره عندي فكرة حلوة....

موزة كان تفكيرها بصوب ثاني الا بضربة خفيفة على كتفها

موزة : اي .....

خليفة يهمس: سوري حياتي اذا عورتج.....بلاه القمر اليوم سرحان بشو يفكر ....

موزة : ابد سلامتك ما افكر بشي ....

خليفة: متأكدة يعني ماتفكرين فيني شرات ماأفكر فيج ...

موزة : هههههههههه اكيد افكر فيك ....

[ضحَكتے مـاركهـ•••]

فارس يالس يعلم حامد بعض البرامج ع اللاب توب ,,, وتمسكهم الام العودة ..>>>>الظاهر محد راح يستلم منها

الام العودة : فروس بعد يبت ه الكمبتوتر وياك للعزبة ....

حامد: ههههههههههه فديت الي يقول الكمبتوتر .... فروس عطنا شوي الكمبتوتر نعلم الام العودة ....... ونراويها صور خخخخخخخخخخخخخ

فروس: اسكت عن لاتكسر علينا الكمبيوتر ويا ويهك .....

حامد : اقول شو رايك نراويها صور زهيوي (صرصور) عسب من تشوفه تخترع بس كبر الصورة ولا اقولك حط التوقيع الي سويته الي يبين الصرصور وهو يمشي .....

فروس: يابوك اسكت اخاف نبتلش ويصير فيها شي....

حامد : عطني انا باراويها.....

راح حامد من بعد ما عطى الاب توب حق الام العودة وحط ع الشاشة صورة صرصور كبير وهو يمشي ......

ومن شافته الام العودة يلست تضرب بالشاشة عسب تذبح الصرصور : غربل الله عدوك يايب لي صرصور , ابعده عني لا اكسر ريوله ....

حامد وهو ميت من الضحك : ههههههههههههههههه واي بطني يما حرام عليج كسرتي لاب توب فروس .......

فروس : غربل الله عدوك كسرته ولا خلت منه شي , ,,,

حامد : ماعليك فديتك ادري فيك راح تصلحه ماشاء الله عليك تحب تصلح الكمبيوترات ......او الكمبتوتر هههههههههههه

مسكين فروس خذ لابتوبه وراح يصلحه .....

من صوب عند مانع وفهد وكايد

مانع : هايابو الشباب مو ناوي تعرس ولا بعدك .....؟؟

فهد تذكر البنت الي شافها وهي تعدل شيلتها من دون ماتعرف ان فهد بالسيارة : لا والله ,,, بس يمكن نفكر بعدين ....

كايد : ها بوالشباب الظاهر شفت لك صيدة حلوة .......

فهد: هههههههههه لا صيدة ولا شي بس كل شي جايز خلها على الله ....

مانع : يالله يابو الشباب عرس الصراحة نبا شوي فرح نبا نيول ونرقص ونرزف . ,,, من زمان مايولنا ....

فهد : شو رايك اليوم ف لليل انييب المسجل ونرزف ونيول ونشوف منو احسن واحد باليولة ,,,

مانع : اممممممممممم اوكي تم ,, مع ان خاطري اليوم نيلس ويا بعض ونشل من زمان ماشلينا ...

كايد : خلوها بيوم ثاني .....باجر الجمعة ...

فهد : اوكي ...اقول ماشفتو حمدان ....

مانع: شفته وهو ظاهر بالسيارة مادري وين راح ,,, تلاقي حد اتصل به بالدوام ولا شي ...

فهد: يمكن .....

وبعدها الكل عرف ان حمدان ظهر من العزبة ,,, لان شويخ خبرتهم ان الدوام اتصلو حق حمدان وقالو يبونه ....عسب لاتخلي حد يحاتي وخاصة امها وابوها وامها العودة......

خلوونا نروح عند شويخ وقصايد وحور وعمتهم سلوى وحماني وياهم ,, مسوين مسابقة كل وحدة تختار اغنية وتقلد الحركات ....

طبعا اول وحدة هي شويخ من بعد ماحشرتهم الا تكون هي الاولى

قصايد : عطيني الكاميرا وانا بصور شو راح تغنين .....

شويخ : اغنية دالي يخاصمني .....حماني حبيبي تعال شوي عندي

حماني : مابي بتم إند اموووو هووور وأمو دصايد ...(مابي بتم عند عمو حور وقصايد))

شويخ : حماني حبيبي بعطيك حلاوة ...

حماني : والله أتيني اول وبأدين بايي(والله عطيني اول وبعدين بايي))

شويخ راوته حلاوة بستاش عسب يروح عندها ... وراح حماني عند شويخ

شويخ: حماني حبيبي اباك تسوي لي حركات عسب اتي مع الاغنية ...

حماني : تيف يعني تبين اتوي حلتات....(كيف يعني تبين اسوي حركات)

شويخ: انت روح وقف هناك وخلك زعلان ومخاصمني بس كلمني ....

حماني : امو, انتي مينونة تيف تبيني ااتلم وياس وانا زألان..(عمو انتي مينونة كيف تبيني اكلم وياج وانا زعلان....)

الكل يضحك على كلام حماني :هههههههههههههههه

شويخ: حماني انت سو وبعطيك حلاوة بعدين...

قصايد: يالله بعدين راح نتأخر ع العشى......

شويخ : اوكي يالله ابدأ

طبعا شويخ بدت اتغني وترقص وتسوي شرات حركات دالي وحماني من صوب يسوي لها حركات اونه زعلان بس يرمسها .........

شويخ: يخاصمني ويكلمني ... انا مجنونة ياعالم ... وجه هذا يجنني .....وشكرا

الكل يصفق لها

يا دور قصايد
شويخ تمسك الكاميرا : ها شو بتغنين ؟

قصايد : بغني نانسي نص نص

وتبدا قصايد تغني نص نص وتسوي حركات نانسي والكل يضحك على حركاتها

ويا دور حوووور

قصايد : يالله حور دورج شو بتغنين ؟؟؟

حووور: امممممممم والله مادري خلوني افكر امممممممم هي بغني نجوى كرم وبسوي حركاتها في عاشقة اسمراني ....

وبدت حور تغني وتسوي حركات نجوى في اغنية عاشقة اسمراني والكل مستانس ........ ويوم خلصت حماني احتشر عليهم ولزم عليهم الا يغني

حور: خلاص حبيبي , انت آمر قول شو بتغني ..........

حماني: بدني مال الي يدول مهلا الأتر .......(بغني الي يقول محلا العطر )

قصايد : يووووووووووووه صوبنا سعيد العامري مادريت فديته لو سمحت توقيعك .....

حور: ها على بالج شو اكيد فديته حتى صوته يجنن ,, اسمحيلي قصايد تراني حاجزته قبلج ههههههههههه

قصايد وحور وعمتهم سلوى: هههههههههههههههههه

حور : يالله حبيبي حماني غني وانا بمر عدالك عسب تشم ريحة العطر ....؟؟؟

حماني : لأ مابيج أبا امو تلوى ( لا مابيج ابا عمو سلوى )

سلوى قامت ومشت له من عداله ويوم مرت من عداله سوى عمره انه يشم ريحة العطر والعود وبدا يغني ....

حماني : مهلا الأتر ونفهة الأود... هيمان أنا فيتم هياما .... هيت دلبن تاتم أهود ... وافديت لت تل التلاما

أدبتني بالفئل مدصود ... مأدور ياهلو الوثاما .والثبب بوخثر مدلود.... يتثيه ثعر تالظلاما ...... وكان يسوي

حركات حق عمته سلوى ...

اما من ناحية شويخ وحور مرتبشات وياه ويصفرن ويصفقن ......اما قصايد يالسة تصور وتشوف حماني وتعطيه بوسة ع الطاير .......

عهــــــد ابقــــى سجيـــــن الــــود لعيـــــون الأحبـــــاب:::::
وعــــــد مهمـــــا يطــــول البعـــــــد انــــت حبيبـــــــــي::::::::::

[ضحَكتے مـاركهـ•••]

في عزبة بوهزع وعائلته::::::: بعد العشى

سيف وهنودة يالسين يتمشون ومعاهم محمد نايم شايلنه ابوه ......

سيف: هنووووووودة .....

هنودة::: هلا....

سيف: اممممممم كيف شكل يدتيه؟؟؟ يعني كيف مواصفاتها ...؟؟ شو حسيتي يوم شفتيها....\؟؟

هنودة: الصراحة من شفتها حسيت بطيبتها وحنيتها ,, وهي كبيرة بالسن .... سيف... ليش عمي خبو عنكم هالشي ؟؟ وليش ماقالو ان لكم عم من الرضاعة؟؟ او يدة.؟؟

سيف: مادري بس تدرين مرة يوم رحت زيارة حق مكتب ابوي , شفت بدرجه صورة ابوي يوم كان صغير,وكان وياه واحد ووحدة كبيرة ,,, استغربت وماعرفت حق منو الصورة قلت راح اخبر ابوي عنها بس نسيت......

هنودة: وكيف شكل المرأة بالصورة.؟؟؟

سيف:. كانت يعني مو كبيرة بالسن تلاقينها بس29 ولابسة برقع , مادري بس من شفت الصورة ,,, حسيت بشي غريب....

هنودة بتعجب: بشو حسيت......؟؟؟

سيف: مادري من اشوف الصورة احس بالراحة وخاصة يوم تلتقي عيني بعين المرأة .. تكون هي يدتيه...

هنودة : ليش لأ يمكن , تكون هي....

وبعدها راحو ياخذون محمد لي شبريته ينام .....

برع عند البنات (مهرة, غبوش , عووش , نورة ,دانة, مياسة ,ظبية,شما , سهيلة , العنود , الريم , مريامي ,وطبعا وياهم عبدالله وعلي عيال سلطان)مسوين دائرة كبيرة وبوسطهم نار يدفون منها ,, ومياسة يالسة تخبرهم عن قصص الجن...>>>الحبيبة تبا تخرعهم

مياسة: ويقول لكم تطلع لكم هذيك الينية , الي تخوف الي مايخاف,,,,,,......

مريامي تروح عند شما من الخوف وترتمي بحضنها ...

شما : مياسة سكتي خرعتي البنت ارمسي بشي ثاني ,, اخاف تحلم البنت الليلة ولاراح تنام .....

دانة: يووووووه شما دخيلج خليها تكمل يالله مياسة قولي الله يخليج .....

راحت شما خذت مريامي عسب لاتخاف....

مياسة وهي تشوف عبدالله وعلي وتعطيهم ابتسامة تخرع عسب يخافون....:::ويقولك ياعبدالله وعلي هذي شكلها تخرع......

عبدالله ويسوي عمره مايخاف: اكيد تشبه بشكارتنا ماريا .....

والكل يضحك..........:هههههههههههههههه

مياسة : لا , اخس منها ......

علي يبلع ريجه : كيف يعني اخس منها ....؟؟

مياسة : شعرها مكشكش ومنفوووووووش رمادي لونه؟؟؟ الواحد من يشوف شعرها يموت....

نورة : ابيه بسم الله الرحمن الرحيم... قل اعوذ برب الناس .....

عوش وغبيشة : هههههههههههههههه كملي كملي .....

مياسة وتغير صوتها :: عيونها عين الحمار.......

علي بتعجب : عين الحمار ..............اعوذ بالله ,.... وراح يلس عند عمته الريم ....

مياسة : هي عين الحمار ... وخشمها خشم الخفاااااااااااش .... وفمها ظاهر منه انياب كبار ... عسب تعض الصغار.....

عبدالله : ليش يعني تعض الصغار ,, والكبار ماتباهم يعني ؟؟؟

دانة : لا لانها تحب الصغار وايد........

مياسة : المهم واظافرها كباااااااااااار وايد عسب تخدش فريستها ,,, ويقولكم ظهرت مرة وحدة عند واحد وراحت عنده وقالت له ..........

وقبل ماتقول مياسة شو قالت الكل : شو قالت................

مياسة واطالع في عيونهم وتضحك لهم الضحكة الشريرة....... : قالت .... وقبل ماتكمل

كان هزاع يا من وراهم ولابس عباية سودة وقناع يخرع وكان يبا يخرعهم

هزاع طب عليهم فجأة : قالت له أنا اباااااااااااااااااااااااااكم اااااااكلكم كلكم ......

وكلهم من شافوا هزاع اخترعوا الي يصيح ويصرخ ..........>>>ههههههههههه خلوني اقول لكم كل واحد شو استوى به

مياسة من شافت القناع هي ودانة : ((صرخن وربع لداخل >>>>هههههههههههههههههههه

عوووش وغبووووووووش ((يابن سطل ماي ورشن بويه هزاع >>>مساكين من الصدمة

نورة ومهرة(( حضنن بعض ويلسن يصرخن ويقرن المعوذات >>>هههههههههههههه

العنود ((شلت الرمل وحفته بويه هزاع ع القناع))

اما عبدالله وعلي من شافو هزاع بالقناع : (( راحو يربعون عند عمتهم الريم يصرخون : ويقولون لها : عمتي راح تاكلنا راح تاكلنا >>>ههههههههههههههه

ظبية : ماسوت شي لانها ماتعترف بهالاشياء ......

اما سهيلة: زين ان قلبها ماوقف عليها ...........

هزاع وهو ميت من الضحك عليهم : هههههههههههههههههههههه هههههههههههههههههههههه حوبتكن تبن تسمعن قصص عن الجن , والا من وحدة شافتني اخترعن ههههههههههههههه

حمد : ووراه ميت من الضحك على اشكالهن : هههههههههههههههههههههههه يحليلهن اسميهن ماراح يرقدن الليلة ..........

مياسة من درت انه هو اخوها ردت وهي دانة

مياسة : هزاااااااعو ويا ويهك شو ها خرعتهم مساكين شلون راح ينامون الليلة ........

هزاع: خرعتهم هم بس يبين منو الي شرد شردة من اول ماشافني انتي ودانة....هههههههههههههه

حمد شاف دانة وابتسم لها ,,,,, دانة من شافته استحت ونزلت راسها

حمد : اقول هزاع امش خلهم عن لا نشوف منهن شي ... اخاف عادي يشلن حصى ويضربونا فيه ههههههههههه

هزاع: يالله مشينا , خوافيييييييييين هههههههههههههههه.....

مياسة : ويا ويهك خرعتنا انت وياهالقناع ............


عند شما كانت شالة مريامي وكانت تبى توديها غرفتها عسب تنام ,, وبالطريج شافت سهيل ,,, سهيل شاف شما

سهيل: اشحالج شما ؟؟

شما: بخير يسرك الحال ولد عمي .. اشحالك انت..؟؟

سهيل: الحمد لله مانشكي باس ولا لوعة اليأس, بس نشكي الفرقى ....

شما استحت منه وكانت تبا تروح ,,, لكن سهيل زقرها...

سهيل: شمااااااااااا

شما: عوتك....

سهيل:عانج الرحمن يابنت العم .....بس كنت أبا اقولج شي واتمنى الاقي الجواب عندج ....

هني شما قلبها بدى يدق بالقو ....

شما : خير يا ولد عمي ....

سهيل: شما انا ناوي بإذن الله من بعد مانرد من العزبة اي واخطبج ... شو رايج يا شما.....؟؟؟

شما وويها احمر ماتعرف شو تقول تبا تروح عنه بس ريولها مارايمة تحركهن.....

سهيل : انتظر ردج يابنت عمي ... انا أباج ياشما على سنة الله ورسول ,, من وانا كنت صغير وانتي داشة خاطري ,,, الصراحة ياشما انا .... وكان متردد انه يقول لها ....

شما وويها غادي اشارة مرور...............

سهيل: انا احبج ياشما واباج لي , وما ابا حد ياخذج مني .......

شما ماتت من الحيا وربعت لداخل ........

من بعد ماراحت سهيل ظل مكانه يالس يرمس عمره: انزين ماقلتيلي موافقة ولا لأ..... يقولون ان السكوت علامة الرضا .....

وراح عنها وهو فرحان انه اعترف لها وعزم من بعد العزبة يروح بيت عمه ويخطب شما ..............

[ضحَكتے مـاركهـ•••]

نروح للعين وبالتحديد بغرفة خالد ....
خالد كان يفكر بالريم ليش ترفض الخطبة .... شل خالد تيلفونه وضرب على رقم الريم... لكن الريم ماشلته لانها ماخذت الموبايل وياها ....فطرش خالد مسج لها
((فقدتك وغير "" الغالي "" مابنفقد
يالله عسى مايشغلك
غير " السعادة " بدنيتك...
حبيبي وينج ليش ماتتصلين .. انا محتاج لج ... الريم بليز اتصلي ....
وبعدها نام خالد وكل تفكيره بالريم...<<<<الله يكون بعونك ياخالد .........

إ نت معي في كل أوقاتي
ولاتدري بحبي............

في عزبة بو فهد وعائلته.......

الكل يالس برع بالجو الحلو وحواليه النار الي ادفيهم والحكايات الي تسردهم الام العودة لهم ..... حماني نايم بحضن يدوته ام كايد ,,,, وحور وقصايد وعمتهم سلوى يالسين يلعبون ورقة ... شويخ مازالت تصور الاحداث .... ابو فهد وام فهد, وبوحمدان. وام حمدان , خليفةو موزة يالسين يسمعون قصص الام العودة وعن سوالفها بالاول ..... فهد وكايد ومانع يالسين يسولفون عن السيارات والموبايلات وغيرها اما فارس وحامد ويوهم ع الكمبتوتر على قولة الام العودة ....... كايد وحرمته فطيم يالسين عند بعض يسووون فشار ع النار ....

فهد: يالله شباب خلونا نروح بعيد شوي نيول ونرزف وبالمرة انقع الصواريخ ......

قصايد من سمعتهم : ويت بني وياكم ....

فهد: عيل روحي حجرتيه وييبي وياج المسجل والسلاح ولاتنسين المفرقعات .....

قصايد من الفرحة:اكيد ...
وتنش قصايد وتروح اتييب المسجل والسلاح والمفرقعات ......

حور وشويخ وعمتهم سلوى نشو بيروحون يشوفون كيف ايولون .....

مانع : عمي خليفة ماراح اتي نشوف يولتك ,,,,

خليفة : انت تتحداني ,, انت تدري اني افضل واحد بالعايلة ايول ويرزف .....

كايد: عيل يالله راونا شلون ,, يمكن ناخذ منك ....

وراحو يسوون بعيد شووي عنهم ويت قصايد وياها المسجل والسلاح......

عطت قصايد كل واحد مسدس ( عطت واحد حق حامد , فارس , عمها خليفة , كايد, مانع, فهد)وزهبت المسجل ع اغنية شلها عالي .......

شويخ زهبت الكاميرا عسب اتصورهم وهم ايولون وويرزفون ... شغلت قصايد المسجل وبدوا اليولة

وشويخ ماتقصر بالتصوير واكثر شي حطت الكاميرا على عمها لانه كان يسوي حركات حلوة بالسلاح , وبالمرة يسوي حركات حق موزة ... وطبعا ماقصرت شويخ من تشوف لقطة ولا شي تسجلها مباشرة سواء كانت من كايد لي حرمته فطيم ,, او عمها خليفة لين موزة, او لو حد طاح منه سلاحه ................

والكل مرتبش ويصفق ويصفر ع اليولة ...............

بعدها يلسوووو شوي يرتاحون ..........

كايد : لا الصراحة عمي ,,, ماعليك كلام ماشاء الله عليك احسن واحد باليولة ....

خليفة : قلت لكم ,, لاتتحدوني ... افا ماراهنت وياكم .........

فهد: ههههههههههه عسب نخسر مرة وحدة ,, بعد احنا يولتنا حلوة .........

مانع: صدقت ...اقول عمي ليش ماتشترك في الميدان ,,, كلنا بنكون وياك...........

خليفة : ها مويز شو رايج اشترك ......

موزة : ههههه برايك .............

فارس : هي قولي هي ......

حامد : عيل انا بشترك بعد ............

شويخ : لا دخيلك اخوي انت اكثر واحد يطيح منه سلاحه , بعد لو اشتركت اهناك اسميك ماتروح تتحرك من الجمهور الي راح يشوفك ........

الكل يضحك :ههههههههههههههههههه

راحت قصايد ويابت كيس المفرقعات ................

قصايد : يالله فهد ولع المفرقعات .................شويخ وانتي زهبي الكاميرا عسب تصورين الاحداث ...

شويخ : ولا يهمج الكاميرا دوم مستعدة ...........

ونش فهد من مكانه وخذ كيس المفرقعات والصواريخ , وطبعا عط شوي لي مانع وشوي لي كايد وشوي لي عمهم خليفة عسب يساعدون ......

فهد : انتبهوا عاد لايولع بويوهكم ,,,,ونبتلش فيكم بعدين...........

وبدت الصواريخ تنقع بالسما والالوان المختلفة الي تظهر وشويخ ماقصرت صورت كل لحظة وكل صاروخ ينطلق لين السما ...........

من ناحية عند الشياب اول ماسمعوا المفرقعات وخاصة الام العودة اخترعت

الام العودة : واي الحرب قامت علينا الحرب........

الكل ضحك على كلام الام العودة :ههههههههههه

ام فهد : لا عمتيه هذي مو حرب ... هذي مفرقعات وصواريخ تلاقين العيال يولعونها الحين ويستانسووون ........

الام العودة : واي ومنو الي شاري هالصواريخ , الا يبون يحرقون العزية .....

ابو فهد : تلاقين فهد شارنها او فارس خليهم يستانسون من زمان ماستانسو ....

ونش حماني وشاف المفرقعات واستانس يوم شاف الالوان المختلفة الي تظهر بالسما ...........

ومن ناحية ثانية في عزبة بيت ابو هزاع شافوا المفرقعات والصواريخ ومياسة راحت على طول حيرتها وراحت اتييب كاميرتها عسب تصور الصواريخ الي تنقع بالسما ...............والكل مستانس .............

من بعد ماخلصوا من المفرقعات معظمهم راحو عند الشياب والباقي يلسوا عدال النار ,, وبدت مسابقة الاصوات الشلة والشعر.... البنات من صوب والشباب من صوب ........الي بقوا هم ( قصايد , حور , موزة, شويخ هذيلا هم فريق ,,, اما الفريق الثاني هم : فهد , خليفة , حامد, فارس., ومانع )اما كايد وحرمته راحو عند الشياب....

قصايد : انا راح ابدأ.......راح اشل اغنية حق الوسمي ,,, احم سمعوا ولاتقطعوني ....

فارس : عاش الوسمي عاش....

قصايد: تسلم ,, تبى توقيعي ولا لا....خلاص اسمعوا ولا ماراح اشل ...

وبدت قصايد تشل اغنية الوسمي.....

القلب عندك وين تبغيه حطه &&ماله بغيرك غايتن وارتباطي
انت الوحيد اللي على القلب سلطه&& حاكم وحكمك في حناياه باطي
يعني أحبك تحتها حط شرطه&& وعهد الموده قبل ذا اليوم عاطي
غيرك يحط لساحه الود خطه&& وانته بلا خطه وصلت الشواطي
خذ القلم مني وبالقلب غطه&& واكتب بالأحمر حامي الشوق ساطي
لنه غيابك والهجر منك شطه&& وان جيتني ولهان زاد انبساطي
انته حروف الشعر واحساس نبطه&& وانته نبض قلبي وقمة نشاطي
وسلامتكم ......
فارس : واااااااااااو عاش الوسمي عاش .....
خليفة : بعده صوتج حلو يا قصايد بس عاد وين الحين باراويج الصوت الناعم..........
حامد وفارس بدوا يصفرون ويصفقون .................
شويخ : عمي شو راح تغني اي اغنية ....
ماراح اغني راح اشل سود العيون ,, وهذي اهداء لحرمتي المصون .....
فهد: يووووووه صوبنا ههههههههههههههه
موزة استحت ............
قصايد : عمي اغار يعني مو اهداء لي ....
خليفة لا ........ههههههههههههههه
وبدى خليفة يشل سود العيون المهداة لموزة ......

سود العيون اتخلي . وتشلي
الألباب من الألباب
هدي وصايف خلي . متشلي
قلبي بهواهم ذاب
طرف كحيل امظلي .امثلي
وناعسات أهداب
فاق بجمال أدلي . عال كلي
متميز و جذاب
كلي أنا له كلي . بالحلي
مادمنا أقراب
في الحب غيره من لي . يهن لي
وروحي و العذاب
ليتك معي صافي لي . أنت لي
عنك القلب ما تاب
لا تل قلبي تلي

بنفس الوقت حامد وفارس ومانع بدوا ايولون مع شلة عمهم خليفة ......
خليفة : ها منو احسن ؟؟؟
قصايد: طبعا انا ...
خليفة : خلي موزة تحكم .....
حور: مرت عمي خلج ويانا مع فريق البنات........
موزة: طبعا ريلي احلى ........
قصايد: افا واناالي اقول انج راح توقفين ويانا .....
موزة: المشكلة هذا ريلي وماروم ازعله ...........
قصايد : لحظة , في متسابق بعد الي هو فهد ..... يالله فهد سمعنا صوتك بالشلة.....
شويخ: هي اخوي الله يخليك انت صوتك عذاب .....
فهد: لا اسمحولي ....
مانع : افا يابو الشباب ليش ... يالله عاد سمعنا صوتك .....
فهد: خلاص ,,, راح اسمعكم شلة الله يسامح حق ناصر المنصوري .....
فارس وحامد يصفقون ويصفرون ::::::::::::::: عاش المنصوري عاش .......

فهد : الله يسامح يوم في حقي أخطيت
والا أنا ما أسامح الدهر كله
ما أسامحك يوم أنت عني تخليت
عذبتني يا زين من دون زله
خلني بزيدك من الشعر بيت
حلفت ما أنسى لين دمعك تهله
تقول سامحني وأنا أقول يا ليت
مع السلامه روح ما ارضى المذله
غلطة زماني يوم طعتك و حبيت
صارت حياتي دون شوفك ممله
اخلصت لك عهدي و شوقي و داريت
صدقت قلبي فيك الله يشله
انسيتني و الا انت يعني تناسيت
معقول يرجع كل شي بمحله!!
خذ ذكرياتك بس من الحب مليت
الحفظ لك واللي تغليه غله
ودمعت عين فهد وراح عنهم .....
قصايد وكانت تبا تروح عند اخوها بس خليفة وقفها ......
خليفة : تعالي ياقصايد لاتروحين ,, خليه بروحه ,,,,,,...
قصايد: يعني لين متى ياعمي, ماراح ينساها... خلاص هي ماتت ... الله لايسامحها على الي سوته.....
شويخ: الله لايسامحها ... خانته ولا هذا حد يخونه ...فديتك يافهد...
موزة : قصايد شويخ حرام عليكم البنت ماتت وترحموا عليها ,, والله يسامحها على الي سوته... وربج يسامح ...
قصايد: استغفر الله ....
وبعدها الكل راح ينام .................


خلص البارت الثالث ..................

[ضحَكتے مـاركهـ•••]

البــــــــــــــــارت ((4))

القمر من شفته يتمشى شل قلبي وبالعيون قلت له يازين اتغشى ....وارحم اللي صار مفتوووون......

الصباح في عزبة بوفهد ع الساعه 7:30

الكل نيام طبعا من ناحية الشباب والبنات والصغار ......

الام العودة ووياها ولدها عبدالله بوفهد , رايحين يحلبون البوش ... عسب الام العودة ناوية على الكل الا يشربون من حليب البوش.......

الام العودة : عبيدانو ويهد ... شوي شوي ع الظاهرة ,,, والله لو آذيتها لأضويك ,, بهالعيرة......

عبيدان: انزين ماما ,,, ماما انتي واجد سووي جر جر ,,, هرام والله ليش انتا يريد يضرب انا ,,, انامافي سوي شي....؟؟؟

الام العودة : اسكت ولاترمس بشي ,,, واحلب البوش يالله ,,,,نسيت يامسود الويه شو سويت بالظاهرة يوم ولدت ,,,ذبحت حوارها ,,,, حرقت قلبي فيها ,,, الله يحرق قلبك .....

ابوفهد :هههههه بشوي شوي عليه يما ,,, وانسي الي صار تراه كان مايفهم ... والحين تعلم ......وان شاء الله تحمل الظاهرة واتييب بدل الحوار 3 .....

الام العودة: الله كريم .... وانت خلص شغلك بسرعة وخذ الحليب لي ماما ام فهد وام حمدان ,,, وخبرهم ان ماما عود يقول : مافي يسوي حليب بوقوس ولانيدو انزين....

عبيدان: زين ماما زين ..........

الام العودة : يما عبدالله خلنا شوي نظهر خاري العزبة نروح نتمشى شوي , زين الواحد يمشي الصباح رياضة مفيدة......وتوجه رمستها حق عبيدان انت لاتنسى الي قلتلك ياه ... وبالمرة خبر ام فهد توعي البنات بسهم رقاد.....

ابوفهد: يما تبين تمشين وانتي وين ترومين تمشين............

الام العودة: شو قالولك عني عيوز ما امشي شايفني ماعندي ريول ... يالله اشوف جدامي.........

ابوفهد: محشووومة يالغالية وهذي بوسة على راسج ,,,, بس خايف عليج يالغالية وانتي فيج سكر يمكن ينزل السكر عندج ......

الام العودة: لاتخاف توها موزة قست لي الضغط والسكر وكله زين .....

وراحت الام العودة وام فهد يتمشون حوالي العزبة..........


من تصافح ايدك يديني .....كل جرحن طابت أوجاعه......

همست (ن) لوجرف يغنيني..........عن كلام الحب وانواع


في عزبة بو هزاع ........

الكل ناش من اصغرهم لي اكبرهم ....>>>ماشاء الله نشاط كامل

طبعا الشباب بخيمتهم الخاصة يفطرون .... اما البنات مسوين لهم يلسة ومفرشين ويالسين يفطرون مع الحريم ووياهم الشياب .......

ابوهزاع خلص من الفطور......

ابوهزاع: الحمد لله اكرمكم الله ع النعمة ....

الكل : امين .....

ام هزاع: وين يابوهزاع ماكلت شي.....

ابو هزاع : الحمد لله شبعت بس باروح شوي اتمشى حول العزبة ......

وراح بوهزاع يتمشى وراح معاه ولده منصور .....

ام هزاع ترمس البنات: بنات ليش ماتشربون حليب البوش احسن من الي تشربون ابوقوس.....؟؟

مياسة: يما تعودنا نشرب ابوقوس .....

ام سهيل: بس يامياسة هذا مايعطي طاقة , الطاقة والقوة مااتي الا من حليب البوش , وهذا المفروض الي تتعودون عليه يابنيتي ....

دانة: يما هذا انتو تحبونه ,, هب احنا ,,,, احنا اطورنا وصرنا مع العولمة كل ما تتطور العولمة نتطور وياها .....

ام سهيل: من زينة العولمة ... خلتكم ضعاف وكل وحدة عظمها ظاهر خلكن شرات نورة ماشاء الله عليها مربربة ... وشرات الغالية شما .....

شما : استحت من مرت عمها ....

ام غانم: ههههههههه تقولين بنتي مربربة وهي تبى تصير شرات بنتج دانة ضعيفة ,, وتقول تبا تسوي هالرجيم .....عسب تخف....

ام سهيل توجه رمستها لنورة: ماعليج يابنيتي ,, جسمج جي حلو ماشاء الله عليه ... وانت ليش تبين تصيرين شرات هذيلا الاعمدة....

دانة: يما حرام عليج احنا الحين اعمدة ... يما حبيبتي هذا الجسم اسمه رشاااااااقة .....وانااااااااااااااقة ......

ام سهيل: رشاقة ااي رشاقة لو يت لج هفة هوى بطيرين مرة وحدة ..........

الكل يضحك : ههههههههههههههه

ام سهيل: مو تضحكن عليها بعد انتن ..........

الريم وتفكيرها مو معاها مع هزاع ,,, والبنت الي يحبها ....انتبهت لها ام سلطان لها ....

ام سلطان : يما الريم ... ليش ماتفطرين ...؟؟

الريم : ها يما شو قلتي ....؟؟

ام ذياب: بلاج يالريم شكلج مو ويانا ؟؟؟

الريم: لا خالتي وياكم بس يالسة افكر بالدراسة.....

ام سلطان : بسج يما تفكرين مو زين لج تفكرين... ربج يسهل لج ....

الريم : ان شاء الله ....

ام هزاع: اسمعن يابنيات اليوم راح نخليكم انتو تسوون الغدى عليكم ,, احنا اليوم راح ناخذ راحه ... انتو فكروا بشو راح تسووون .....خلونا نجرب اكلكم وكل شي جاهز وموجود بالمطبخ ....

البنات : ان شاء الله ؟.......

ام سهيل: عاد ماتخربن المطبخ وتوصخنه .......

من ناحية ثانية ابو هزاع ويا ولده منصور يتمشون ومنصور يسأل عن يدته وعمه ... والابو مبتلش فيه ويجاوب عليه ......

وبلحظة وقف ابوهزاع ومو مصدق الي يشوف جدامه .... ومنصور مستغرب ليش ان ابوه وقف ومستغرب اكثر يوم شاف علامات بويه ابوه علامة الدهشة .....

ام هزاع وابوفهد وقفوا قريب من بوهزاع طبعا بوفهد ماعرف اخوه لان الدنيا غيرتهم لكن ام عبدالله (شيخة ) اكيد عرفت ظناها ,,,,كيف وهي الي رضعته .....

ابو فهد : بلاج امي وقفتي ... خلينا نرد ....

الام العودة بعالم ثاني ونظرها لولدها وظناها محمد ......

ابوهزاع وهو يكلم نفسه : مستحيل الي اشوفه امي ....

منصور سمع كلام ابوه ::: امك يعني يدتي .....

الام العودة وهي تمد يدينها لظناها : محمد ولدي ظناي ولد المرحومة رحيمة الغالية ............

فهد انصدم من رمسة امه : مومعقول الي واقف هناك اخوي محمد ....

ابوهزاع يروح عند امه ويحضنها ويبوسها ويصيح من الخاطر ان شاف امه من بعد سنين بعيدة ....

الام العودة: وليدي محمد آه ياريحة الغالية رحيمة ..... سامحني ياوليدي لاني تركتك.. مو بيدي يالغالي مو بيدي .....

ابوهزاع: امي وينج عني . ؟؟ ليش تركتيني وخليتيني.. ليش رحتى عني ولا شفتج ؟؟؟ وين وعدج لي انج راح تشوفيني معرس وتزفيني لعروستي وين؟؟؟؟؟؟؟؟ وهو يصيح

ومن صوب ابوفهد مو مصدق ان اخوه قريب منه وبحضن امه ... من بعد كل هالسنين الي بعدتهم يت وقربتهم مرة ثانية وبالاحضان .........ومنصور يصيح لان المشهد الي يشوفه يقطع القلب واول مرة يشوف ابوه يصيح بهالطريقة ........

الام العودة وهي تزيح ولدها من صدرها ::: اشوفك يالغالي خلني اشوفك عدل ؟؟؟ وامعن عيوني بنظرك ... صرت ريال ياولدي وابو آه يالغالي .......... وحضنته مرة ثانية ....

ابوهزاع: ليش يما ليش تركتيني ؟؟ انتي ماتحبيني ؟؟ لي هالدرجة صرت حمل ثقيل وتركتيني ...؟

الام العودة: لاتقول جذي ياوليدي الدنيا مارحمتني وخلتني اتركك ولا ماكان بيدي اتركك ؟؟؟انت غالي علي شلون الام تترك ضناها ....

ابوهزاع يوجه نظره لبو فهد : اكيد انت عبدالله .....

ابوفهد والدموع بعيون: بشحمه ولحمه ياخوي....

وراح بوهزاع بحضن اخوه وحبيب قلبه وربيع طفولته .....

ام العودة تشوف منصور وتمد يدها له : اكيد انت حد من اولا محمد لان فيك شبه من امك فطيم , تعال يما تعال لحضن امك العودة ...

وراح منصور لحضن يدوته وهو يصيح .............

من بعد ما لتقوا مشوا لغاية عزبة بوفهد لان الام العودة اصرت علة ولدها محمد ومنصور يتغدون عندهم وبالمرة يتعرف على اخوانه الباقيين واعيالهم ......

في العزبة الكل ناش ماعدى شويخ ... قصايد وهي تربع تروح عند حيرت شويخ عسب توعيها وبالمرة تخبرها ان عمها بوهزاع موجود..............

قصايد وتفتح الباب بالقو : شووووووويخ نشي بسج يالله بسرعة نشي .............
وتروح قصايد وتفتح الستاير عسب يدخل عليها النور وتسكر المكيف..............

شويخ: يوووووه خليني انام اف,,,, وغطت عمرها باللحاف .....

قصايد: يعني ماراح تنشين اوريج ......تروح قصايد يكرمكم الله الحمام وتاخذ كوب وتمليه ماي بارد وتصبه بويه شويخ ..........

شويخ نشت من الرقاد وهي تصرخ : قصووووود ويعلج بريل اسود قولي امين........

قصايد : ريلج انتي اسود يالله بسج رقاد قومي ,, ان ماييتي والله امي العودة بتيلج بالعيرة تراها حلفت ,,, وبعدين يالله بسرعة عمي تحت.....يبا يتعرف علينا ويشوفنا ......

شويخ :وهذا عمي خليفة شو يبا يتعرف علينا .؟؟؟. ليش هو مايعرفنا عدل......

قصايد : ومنو قال انه عمي خليفة.....!!!!

شويخ: عيل ابوج شو يبا ؟؟؟

قصايد : ولا ابوي ؟؟؟؟

شويخ : اوووووووووووووه قصود بسج لفيتي راس ,, هو كم عم عندنا ....2 ابوج الي هو عمي بوفهد وعمي خليفة .....

قصايد والبسمة بويها :: امممممممممممم متأكدة ان لنا اثنين بس ,, ولا في واحد يعني مؤخرا عرفناه ......

شويخ: مو مستوعبه عسب توها ناشة من الرقاد : منو بعد هذا الانكل النيو الي ياي عندنا بعد ...........

قصايد: عمي بوهزاع ابو مياسة .....

شويخ توها استوعبت : احلفي والله عمي بوهزاع بو مياسة اهني ؟؟ وكيف ؟ ومتى ياه هني؟؟ وكيف عرف عزبتنا؟؟؟؟

قصايد: كيف ومتى وكيف عرف؟؟؟ بعدين , اول نشي بسرعة وبدلي ملابسج عسب امي العودة تنتظرنا تحت عسب نتعرف عليه .....

شويخ: ليش انتي ماشفتيه...؟؟؟؟!!

قصايد: لا ... كنت بالمطبخ ويا امي الا اي فهد ويخبرنا ان ابوي وامي العودة يابو وياهم عمي . وولده ... طبعا قلت له كيف عرفوه ووين شافوه ... قال لي: ان امي العودة وابوي راحو يتمشون وبالصدفة شافو عمي .... يالله عاد عن لاتحتشر علينا امي العودة ..........

شويخ : اوكي .. انتي بس الي ماشفتيه .....

قصايد: بس انا ,, وانتي وحور ,,, وحور قالت مابتظهر اونها تستحي فقالت كلنا مرة وحدة نروح ونسلم .. يالله عاد...

ونشت شويخ وراحت يكرمكم الله الحمام تغير ملابسها وظهروا من الغرفة وراحو عند حور وبعدها راحو برع ......

الكل يالس برع والبسمة بويه الكل وطبعا من بعد ماتعرف بوهزاع على اخوانه وخواته وتعرف ع الشباب يعني بس باقي البنات الي ماتعرف عليهم ولا شافهم .....

ابوفهد: هيه ياخوي والله الدنيا عجيبة , تكون جاري الباب بالباب ولا اعرف انك اخوي,, وفوق هالشي عزبتنا قريبة من عزبتكم ... الحمد لله والشكر ان الله جمعنا مع بعض....

بو هزاع: الحمد لله ياخوي نحمده ونشكره.......

خليفة: هي الحمد لله , وهذا هو اخر العنقود ولا في غيره...

ابو هزاع: لا يا خوي في غيرهم عندي البجر سيف وبعد سيف اتي شما وبعد شما هزاع وبعد هزاع مياسة الي شفتها وبعد مياسة هذا منصور وبعد منصور اخر عنقودي مريامي....

الام العودة : تعال عندي يامنصور تعالي عند امك العودة ,,, ولا تستحي ترا احنا بعد هلك وهذا الي يالس يمك هو ولدي والي يمه هو عمك وانا اكون يدتك ,,, وماظن يبالي اشرحلك اكثر .....

واتي قصايد وشويخ وحور ويسلمن مرة وحدة : السلام عليكم

الكل : وعليكم السلام........

قصايد: اشحالك عمي بوهزاع ....

بوهزاع: بخير يابنيتي يسرج حالي من بعد ما اجتمعت فيكم يالغالية ....

الام العودة : هذي قصايد بنت اخوك عبدالله والي يمها شويخ بنت اخوك حميد والي يمها حور بنت اختك ام كايد .....

طبعا راحن كل وحدة وسلمن عليه وبالمرة سلمن على ولده منصور ...........

ابوهزاع: ماشاء الله, الله يحفظهن من كل شر .....

ابو هزاع: المهم تامرونا بشي انا لازم اروح اكيد تلاقينهم الحين يحاتون علي ليش تأخرت عليهم .....

الام العودة: على وين , والله ماتنش اليوم الغدى عندنا وماتتحرك انت ولدك منصور ....؟؟؟اتصل فيهم وخبرهم انك راح تتغدى عندنا ؟؟؟؟

طبعا بعد الحاح الكل وافق ابوهزاع ومنصور يتغدون عندهم واتصل ابوهزاع حق حرمته وقال انه راح يتغدى عند واحد من الربع شافهم بالطريج وعزموه ع الغدى.........

الام العودة ترمس قصايد: تعالي عندي ؟؟؟؟

قصايد وتروح عند امها العودة وهي مستغربة : خير يما ؟؟؟

الام العودة : الحين اباج جدامي تشربين حليب البوش....

قصايد: وع يما شو تبين اشرب حليب البوش... لا مابي بموت مو حلو....

الام العودة : بتشربين غصبن عنج ولا بضويج بهالعيرة ....

قصايد: انزين خلي بالاول شويخ وحور بعدين انا.....

[ضحَكتے مـاركهـ•••]

شويخ: سكتي ويا ويهج تدرين اني ما احب اشرب حليب بوش .... امي تباج انتي تشربين ,,, يالله يشطورة شربي وايد مفيد لج....

الام العودة : وانتي بعد مو بس هي يالله اشوف جدامي تشربن.....

شويخ: يما انا مابي تعبانة وميهودة ,, والدكتور قال ان الواحد يوم يكون مريض مايشرب حليب بوش تراه بيمرض ,, وعادي يصيبه حمى قوية ماتروح....

الام العودة : عن الجذب شفتيني غشيمة مااعرف شي ,,, يالله تعالي اشربي ........

قصايد اطلع لسانها حق شويخ: حوبتج تستاهلين ... عاشت امي العودة خليها تشرب كوبين بدل واحد ....

الام العودة ::: اذا هي كوبين , انتي اربع ,,, مسودات الويه ماتشربن الحليب الي فيه صحة ... وتروحن تشربن حليب الي يضرب الملعقة مااعرف شو اسمه ...

حور تضحك: امي اسمه ابو قوس.....

شويخ: هي مع ابوقوس هو الحليب تك تك تك هههههههه

والكل يضحك : هههههههههههههه

الام العودة : حور يما شربي انتي ....؟؟

حور : ان شاء الله امي العودة.....

الام العودة : شوفن كيف حور تشرب احسن عنكن ولا تراددني ,.,,, يالله شربي انتي وياها ولا بالعيرة ,,شوفن حماني الصغير يشرب هو احسن عنكن.....

قصايد : يما والله ماااحبه انزين شربيهم هم بعد >>تقصد الكل الي يالس وياهم.....

الام العودة : كلهم شربوا ,,, بس منصور,, وانت يامنصور تعال بعد اشرب......

منصور : اويه ابتلشت الحين ,,, انا امبوني ما اشرب الحليب شلون الحين ... منو راح يفكني .... شو باقول ....؟؟؟

فارس: نصيحة ياولد العم اشرب ولا ترادد ,, والا .......

حامد : بالعيرة .........

فهد ومانع وكايد : ههههههههههههه

فهد : اشرب والله مافي احسن من حليب البوش....

منصور : امري لله بحاول .... وخذ منصور كوب الحليب وقبل مايشرب سكر عيونه وشربها دفعة وحدة .........

الام العودة: ها شو طعمه حلو صح ,,, هذا الي فيه صحة مو الحليب الي اييبونه بالجمعيات .... يقصون ع الناس اونه مفيد ويعطي القوة .... وانتن يالله شربن ماراح اخوز عنكن الا تشربن .....

مانع : ها بشر يا بو الشباب شو الاحوال عندك ..؟؟

كايد : اسكت عنه شكله مايشرب حليب او ولا مرة ذاق طعمه....

منصور: الصراحة اول مرة اذوق طعم الحليب ,,, مع ان امي دوم اتيب لنا حليب البوش بس مااشربه ... حلو الصراحة ....

فهد : اكيد حلو بس الله يهديهن هالثنتين ,, مايشربنه ,,, بس وين امي العودة الا تشربهن غصب ههههههههههههه...

الام العودة : يالله شربن .....ترا والله الحين بنرد البيت ....

قصايد : لالا لا كله ولا البيت الحين بشربه...... وتشربه قصايد مرة وحدة وتربع مباشرة يكرمكم الله الحمام......

شويخ: ابيه اسميها راحت البنية فيها ... والحين شو بيفكني منها يعني اشرب والله مردي شرات قصايد ... يالله شو نسوي نسمي ......

الام العودة تضرب شويخ بالعيرة : بلاج ترمسين عمرج شرات العيوز ... يالله اشوف شربي ........

وتشرب الشويخ دفعة وحدة وطيران يكرمكم الله الحمام .........

الكل : ههههههههههههههه

ام فهد : الله يهداج خاالتي لاتغصبيهم .... يمكن مايطيح عليهم شفتيهن هذيلا اول ماشربنه على طول يكرمج الله الحمام.........

الام العودة : خليهن يتعودن .,,,, هذي حور ماصابها شي يوم شربت وعندج هالشباب ماصار فيهم شي تلاقينهن الدلع الزايد الي فيهن ماعليج منهن ............

عند قصايد وشويخ من بعد ماظهرن من الحمام يكرمكم الله ........

قصايد : اي بطني اف يعني غصب تشربنا لازم ....

شويخ: تدرين بامج العودة الي براسها تسويه .... اخ شو ها طعمه مقرف ... انا ماعرف شلون حور تحب تشرب حليب بوش.....

قصايد: تلاقينها تعودت عليه ... لكن احنا تدرين ... نشرب ابوقوس ولا نيدو .... بس صدقها امي العودة مافيه صحة .... ولا طاقة

شويخ: اقول خلينا نروح الحين مو فاضيين نسمع منج محاضرة .... تبين تشربين حليب بوش روحي عند امج العودة تلاقين اليوم موصية عبيدانو يحلب البوش .....

قصايد: لا يكفيني مرة وحدة ,,, وشفتي شو صار ... ابيه والله فشلة جدام عمي وولده....

شويخ: عادي هذولا هب غراب عنج ماالغريب الا الشيطان....

قصايد: عاشت امي العودة الثانية بدينا ....

شويخ: سكتي انتي بعد.....


الهوى لو كان نار طيب مني بحملـــــهـ..
دام قلبك فيه نابض يا ضميري الطيـــــبينـ..
أنا من دونك سفينه والمواني مهمــــلهـ..
موجك العالي متوه بالسفينه والسفيـــــنـ..

في عزبة بوهزاع ....

ام هزاع , وام ذياب وام غانم ,وام سلطان ,وام سهيل يالسين يرمسون ......والبنات طبعا في المطبخ يالسين يزهبون شو راح يسوون للغدى ............

ام غانم : وين اخوي بوهزاع يا ام هزاع؟؟

ام هزاع: والله مادري عنه راح الصباح هو ومنصور يتمشون ,,, وبعدها اتصل وقال لي انه شاف واحد من ربعه وراح وياه وربيعه اصر عليه انه يعزمه........

ام سهيل: يعني ماراح يتغدى هني ....؟؟

ام هزاع: لا ..... وكان عند ام هزاع كتاب ويلست تفتحه وتقراه....

ام ذياب شافتها تقراه: شو تقرين يا ام هزاع عن شو هالكتاب .....ماشاء الله عليج تحبين تقرين الكتب ... ليتنا شراتج كملنا, من تزوجنا ودرنا الكتب والقراية .........

ام هزاع : هههههههه هذا كتاب عن كيفية الاعتماد عن النفس وكيف تكونين شخصيتج بنفسج.....

ام سلطان : ياحبج حق القراية يا اختي ,, وماشاء الله وليش تقرين انتي ماشاء الله عليج لج شخصية يعني مافي داعي تقرينه.....

ام هزاع: فديتج ياام سلطان , حتى لو كانت عندي شخصية بس حلو الوحد يقرا ويستفيد ....

ام غانم : عن شو هالكتاب شو يقول .............وشو اسمه ......؟|؟؟

ام هزاع: الله يسلمج اسم الكتاب من حرك قطعة الجبنة الخاصة بي..؟؟؟ وهذا كتاب حق جونسن سبنسر ....

ام سهيل: شو يقول هاالاسبنسر في الكتاب ..؟؟؟

ام هزاع : الله يسلمج الكتاب يقول عن قصة اربع شخصيات , الاولى والثانية سنيف وسكوري, وهذيلا فارين,والشخصيتين الثانية هم , هاو وهيم وهم قزمين ويتناسب حجمهم مع الفيران .....

ام سهيل: تتكلم عن فيران ...

ام هزاع: ههههههههه هي بس هذيل الفيران غير هذيلا الله يسلمج مسوين فريقين كانو دوم يشوفون جدامهم الجبن الا مرة وحدة اختفى وطبعا اثنين ماصبروا فقالو راح يدورون عن الجبن وراح يواجهون كل المصاعب الي راح تواجهم الي هم هاو وهيم وكانو بالطريج دوم يكتبون اشياء تشجعهم , لكن الاثنين الباقيين فضلو يقعدون مكانهم ,, وينتظرون الجبن بروحه يرد.....

وطبعا ام هزاع يلست تخبرهم عن الكتاب وكيف الواحد يعتمد على نفسه ويواجه المصاعب .......

عند الشباب

هزاع كان يرمس بالتيلفون كان ويهه يبين عليه انه مصدوم .. وبالمرة سكر الخط ,,, حمد شافه...

حمد : خير يابو حمد شو فيك ليش ويهك غادي جي...؟؟

هزاع: زيود مسوي حادث ,,, توا راشد مخبرني ...

حمد : لاتقول ... والحين شو اخباره...؟؟

هزاع:. والله مادري يقول توه الدكتور دخل عنده ..... انا لازم اروح واطمن عليه واشوف اخباره....

حمد: عيل امش خلني اي وياك ,, مستحيل اخليك تسوق وانت حالتك جي....

وقبل مايظهرون خبروا سيف يقول حق امه انه ماراح يرد العزبة وانه بيروح يطمن على ربيعه .............

يا قلم نكتب لمن شعر وقصيد
اللي نكتب عنّهم عنّـا تخلوا
وما أظن الحبر في يوفك يفيد
دامهم عن حبّنا صدوا وتغلّوا

في العين بالتحديد في بيت ايمان ربيعة الريم .....

في حيرت ايمان وكانت يالسة وتكتب بيومياتها , ومحطية مسجل وتسمع اغنية السامي,,, يازهرة الكون,,,,,

وتدخل عليها بنت خالتها حنان وهي تغني :مرحبا بطارش نباكم ,,,عدقولي وارتيكم,,,دوم واعيوني جداكم,,,,لا ولا قلبي نسيكم .....

ايمان تسكر دفتر يومياتها وتضحك على بنت خالتها دوم على هالمنوال اذا بتدخل حيرت ايمان لازم اغنية مرحبا بطارش ....: ههههههههههه بل عليج ماتغيرين ,,,,, اخاف يعتزل الريال من كثر ما تغنين اغانيه.......

حنان: الا قولي ماراح يصدق فديته ,,, تعيبني اغانيه .....خبريني شو كنتي تسوين...؟؟؟

ايمان: سلامتج يالسة اكتب باليوميات الخاصة فيني....

حنان: ماشاء الله عليج من اتين من السكن الجامعي للبيت الاقيج دوم فاتحة اليوميات حني عليه مسكين .........

ايمان : شو تبين اسوي يعني .... الوحيد الي يسليني هو اليوميات....( ايمان وحيدة امها وابوها وعندها 5 اخوان وكانت عندها اخت بس توفت بحادث ,,, وبالتالي دوم تيلس بروحها بالغرفة وتكتب يومياتها, فيوم خلصت الثانوية دخلت جامعة العين ,,, وفضلت تسكن بالسكن الجامعي ولا تظل بالبيت عسب تتعرف ع البنات وتيلس وياهم ....))>ايمان بنت حبوبة وطيبة على نياتها ,,, تحب بس محد يعرف منو ,,, تحب الريم وتخاف عليها ودوم تنصحها ان الي تسويه غلط ويا خالد ,,, لانها ماتحب تشوف حد يتألم شرات ما هي تألمت بوفاة اختها ...........

حنان : ماخبرتيني ... بعدها الريم ترمس خالد......

ايمان : هي ,,, مسكين والله خالد حرام الي تسوي فيه ,,,هو ميت فيها ويحبها ,,, وهي ابد تقول يمكن تحبه بعدين ....

حنان : شو دراج يمكن بعدين اتغير وجهة نظرها وتحبه...؟؟

ايمان بعصبية : شو تقولين انتي,,, انتي ماتعرفين الريم كثر مااعرفها .... دوم اتيب طاري هزاع ولد عمها ,, لو تشوفين دفاترها كل اسم هزاع ... حتى الدبدوب الي شريته لها سمته هزاع ...........تقولين يمكن تحبه.,,.., مستحيل...

حنان مستغربة ان ايمان عصبت : اها عيل ليش ماتخبره وتقول انها تحب هزاع ,,, حرام بدل ماتخليه يتعلق .....

ايمان : خبرتها ...... بس تقول لا يمكن احبه بعدين ....

حنان: وهي تعرف ان خالد ولد جيرانكم ولا لا..؟؟؟؟

ايمان: لا ماخبرتها.... بس والله مايعيبني الي تسوي في خالد والله مايستاهل,,,, هو ولد حلال وطيب ويستاهل اكثر .... ويستاهل بنت تعحبه وتعزه ,,,,مسكين هو الي متكفل بعائلته .....

حنان شكت: اقول ايمان مادري احس انج تحبين هالخالد ,,, كل مانطري سالفته .. ترمسين عنه بطريقة غير ,,, ولد ناس ... طيب ومايستاهل الي يصيبه وغيره.....

ايمان تحاول تغير الموضوع: المهم انتي شو يايبنج..؟؟؟

حنان : لاتغيرين الموضوع اظن انج تحبينه ولا انا غلطانه......؟؟؟

ايمان : بيني وبيج وماتخبرين حد؟؟؟

حنان : سرج في بير كبير ؟.......

ايمان: هي احبه...........

حنان : ومن متى ؟ وكيف؟ وليش ماخبرتيني؟؟ والريم تعرف؟؟؟

ايمان : بل صبري بخبرج بالسالفة:::: الله يسلمج بالعيد مرة شفته بالصالة وانا كنت بالمطبخ ,, كان يا يسلم على امي ويعايدها ... وانا شفته من المطبخ ....

حنان: وهو شافج ::: ؟؟؟

ايمان: لا ماشافني عسب كنت مخبية عمري عسب لايشوفني ... تدرين اخوي لو ظهرت له وشافني كنت بخبر كان ....

حنان: بل لي هالدرجة نصور يخرعج ,,, انا اعرفه طيب .. شكلج راح تخليني اغير نظرتي له .......ههههههههه(محايرة حق ناصر اخو ايمان ))

ايمان: لا اخوي طيب ,,, بس تدرين مايحب ان احنا نظهر حتى لو مو مقصود جدام ربعه ... عن لايفتضح جدامهم .......

حنان : اوكي كملي وبعدين شو صار.....؟؟

ايمان: سلامتج ظهر من البيت ,,, ورحت سألت منو هذا ... قالت لي : ولد الجيران خالد ... واوقات كان دوم يتصل عسب يبا اخوي ... ... وانا كنت اشل التيلفون ...

حنان : ومن متى هالسالفة ؟؟؟

ايمان: يوم كنت بالثانوية العامة ..

حنان: و الريم تعرف انج تحبينه ولا لا؟؟؟

ايمان : طبعا لا ....

حنان: انزين شو راح تسوين هل راح تخلين الريم تلعب بمشاعر خالد ...؟؟

ايمان: مادري انا بروحي ضايعة ومو عارفة شو اسوي مع اني انصحها دوم بس هي الله يهديها ....

حنان وهي تفكر : امممممممممممممم لقيتها ...

ايمان : شو ؟؟ خبريني؟؟؟

حنان : ليش ماتتصلين حق خالد وتخبرينه عن الريم انها تلعب عليه ....

ايمان: ينيتي انتي ..شو اتصل له ... بعدين هو ربيع اخوي نصور لاتنسين وانا خايفة يعرفني,,, لانه هو اكيد يعرف صوتي :::: كم من مرة انا اشل التيلفون يوم يتصل يعني اكيدد يعرفني....وبعدين خايفة ان الريم تعرف ...

حنان: غيري صوتج ....... ولاراح يتعذب المسكين ....من ناحية الريم محد راح يخبرها انتي خبري خالد انه مايقول لها ويكون سر من بينكم

ايمان : مااعرف والله شو اسوي....

حنان: عندج رقمه انتي؟؟؟

ايمان: هي اعرفه يوم يتصل من البيت اشوفه ع الكاشف وبالمرة حفظته ......

حنان: شو في فكري عدل وشوفي الطريج الصح وشوفي قلبج شو يقول ,,, ولاتنسين انتي راح تنقذين واحد من انه يتعذب بعدين.....

ايمان: مادري راح افكر بس والله خايفة .........

حنان :لاتخافين انابكون وياج يوم بترمسينه ......

ايماان: واذا ماصدق الي راح اقول..؟؟؟

حنان : بعد هالشي راجع له .. المهم ان الي عليج سويتيه.....اممممممم ايمان فالنفرض انه يا وخطبج توافقين...

ايمان: ياريت بس انتي تدرين ان هلي راح يرفضون .........

حنان : ادري كل من هالعادات والتقاليد ::: بنت العم لولد العم او بنت الخال لولد خالها .... اف ويا هالعادات

ايمان: الله كريم ....


القلب عندك وين تبغيه حطه &&ماله بغيرك غايتن وارتباطي
انت الوحيد اللي على القلب سلطه&& حاكم وحكمك في حناياه باطي

[ضحَكتے مـاركهـ•••]

في بيت ام خالد (الي يحب الريم)

ام خالد وبنتها امنه الي هي حرمة سلطان يالسين بالصالة .....اما بنتها منال بالغرفة تذاكر ....

ام خالد: ها يابنيتي كم باقيلج لين تولدين...

امنه: يما باقي وايد انا الحين بالشهر الخامس بعدني ماظهرت....؟؟

ام خالد: الله يسهل لج يابنيتي...والله اني اشقت لعبدالله وعلي من زمان ماشفتهم....

امنه: الله يهديهم ,, خبرت سلطان عسب اييبهم العين بس قال انهم مو طايعين يبون يروحون العزبة....

ام خالد: الله يحفظهم من كل شر.....

يدخل عليهم خالد: السلام عليكم ...ويروح يبوس راس امه...

الكل : وعليكم السلام

ام خالد: وين رحت يما ...؟؟؟

خالد: الله يسلمج رحت عند واحد من الربع....خير يالغالية بغيتي شي؟؟

ام خالد: سلامتك ياوليدي... بس متى راح اشوفك معرس خلني اروح اخطبلك ... ياوليدي ابا اشوف عيالك قبل ما اموت .....

خالد: بعيد الشر يما ,,, ان شاء الله بتشوفينهم حتى راح تملين منهم بعد .,,,,

ام خالد: وحد يمل من اعيال اعياله ... بعيوني بحطهم بس انت عرس .....

خالد: الله كريم يما الحين مو وقته .....

ام خالد: ومتى يعني... انت الحين 28 سنة وكم شهر راح تدخل 29 يعني متى راح تعرس ,,, يما لازم اندور لك وحدة تهتم فيك ...انت بس اشر وانا واختك بنروح نخطبها لك ......

خالد : يما الله يخليج ,,, بعدين بس خليني بالاول اخلص اشغالي وبعدين بقولج تخطبين لي ,,, بس راح تكون من ذوقي....

امنة: اها وفي وحدة براسك ولا .........

خالد : تقريبا بس خلوني بالاول اعرفها منو وبعدين راح اخبركم ......

ام خالد: يعني انت ترمس بنات ياولد....؟؟؟

خالد: ها تدرين الغالية مااحب اكذب عليج من ناحية ارمسها ارمسها ... بس والله ان البنت بنت ناس وحشيمة وهي بالاول اصلا رفضت ترمسني بس باصراري وافقت.,,, بالاول خليني اعرفها بنت منو ووين ساكنة ,,, وعد مني اخبرج عسب تخطبينها لي ....

ام خالد: ان شاء الله .....انت بس لو تخليني الحين اخطبلك كنت بخطبلك بنت جيرانا ايمان ,, ماشاء الله عليها بنت طيوبة وحبوة ,,, اسال اختك عنها شافتها وحبتها وبسرعة تدخل القلب....

خالد: يما انا البنت الي بختارها مو انتي ,,, لان بالاساس القلب راح يختار ....

ام خالد: الله يهديك .....

خالد: وانتي ياامنة مو كأنج طولتي عندنا ولا كأن عندج ريل وعيال .....؟؟؟؟

امنة: ليش مليتو مني ؟؟؟ماتبوني؟؟؟ وتسوي روحها زعلانة...

يروح خالد عنها ويبوسها فوق راسها....: افا كل ولا اختي تزعل, بالعكس بس عندج عيال وريل وهم محتاجين لج اكثر .... واحنا مانبا الناس تتكلم وتقول بنت ام خالد يالسة عند امها وتاركة ريلها وعيالها ....

امنة: لا لاتخاف محد يروم يقول شي , وان شاء الله بروح يوم السبت لاني خبرت سلطان وقال راح اي العين عنده شغل وبالمرة بيزورنا وبياخذني وياه.........

خالد: اها زين ,,, حياه البيت بيته....

وراح خالد فوق حيرته طبعا عسب يتصل للريم لكن محد يرد ............))على فكرة الريم ماتعرف انها ترمس خالد ولد عمها ,حتى خالد مايعرف انها الريم بنت عمه , لانها ابد ماتحتك مع اعيال عمها كل مع عيال خالتها ام هزاع ولي هالسبب ما قد مرة شافت خالد,, وكل مايروحون زيارة لهم هي ماتروح تظل بالبيت ,,,, وايمان ماتعرف بعد ان خالد يكون ولد عم الريم ,, لانها ماترمس عنهم ابد** والسبب ان ابو خالد كان دوم يتزاعل مع اخوه علي الي هو ابو الريم ** والسبب انه رفض يتزوج وحدة من اهله وفضل ياخذ غريبة ..وهالشي تلاقون العلاقة مو وايد وياهم بس الريم ,,لكن الباقي عادي))).............

إنته طيفي وخيالي
دوم تطربني غناويك....
أبغيك دوم تبالي.....
باللي يصير حواليك....
مكانك اليوم عالي......
مستحيل انسان يجاريك....
دامك بالهوى بالي.....
بالحب والوفا بجازيك......

في عزبة بوفهد

الام العودة يالسة تشرف ع الأكل طبعا هي أصرت انها تسوي الطباخ من يدها ,, عسب تأكل ولدها محمد من طباخها .........

الام العودة ترمس قصايد: يما قصايد تعالي سوي سلطة ...

قصايد: ان شاء الله أمي العودة ....

شويخ: يما خليها تسوي تبولة أحلى.....

الام العودة:أنا قلت سلطة مو تبولة , لو تبين نشي انتي سوي التبولة ...

شويخ: لا تعب الصراحة وخاصة البصل , بعد مو ناقصة ريحتي تكون بصل.....

الام العودة : عيل قومي ظهري الخضار من الثلاجة واغسليهم زين , وبعدها طلعي الفواكة وغسليهم عدل.....

شويخ: امي العودة بعدين ماتشوفيني مشغولة يالسة اصور الحين .....؟؟؟؟

الام العودة : وانتي ماراح تودرين هااتصوير من يدج ,,وبعدين انتي لين متى راح اتمين من دون طباخ ,, لو باجر حد تقدم لج كيف راح تطبخين له... اسميه الريال من اول يوم بيعاف الدنيا .,... وبيندم يوم خذاج.....

قصايد والكل في المطبخ يضحكون : هههههههههههه

شويخ: امي العودة, فديتج اصلا انا اذا باخذ واحد باخليه يحط لي بشكارة , او راح اخذ سكروب وياي تراها ماهرة بالطبخ ,,, وبعدين يحمد ربه انه راح ياخذني .......

الام العودة : ومنو هالسكروب هذي بعد ,,,, ومن وين ضوت علينا ......

قصايد: ههههههههههه امي العودة هذي سكرين بشكارة بيت عمي بوحمدان ,,, شويخ تزقرها سكروب هههههههههه

الام العودة : سكروب بعينج ياشويخ.. وليش تزقرين البشكارة بسكروب وتخربين اسمها ....

شويخ: امي اسمها صعب ,,, فقلت مرة واسهل سكروب .........

الام العودة : الحين من صعبه تلفظين اسمها .... سكرب ها شو صعب سهل .....االحين هالسكرب ماترومين تلفظينها .

شويخ وقصايد : هههههههههههههه هههههههههههههه

شويخ: طاع منو يرمس الحين سكرين صار اسمها سكرب ,,,, لا وبعد تقول سهل ....

وراحت شويخ تظهر الخضار والفواكه عسب تغسلهم .......

من ناحية ثانية ام فهد يالسة عند الفرن تشوف الذبيحة ,,,, اما ام حمدان يالسة تسوي محشي عسب تضيفهم للغدى من مكسرات ونخي وزبيب........اما موزة تسوي عيش وتساعدها فطيم حرمة كايد عسب الكمية راح تكون وايد ....... وام كايد راحت ويا بنتها حور عسب يحلبون البوش عسب تحط حليب البوش ع الغدى لو حد يباه يشرب او يمزجه مع العيش ........... اما سلوى فهي ماسكة حماني عسب لا يلعوزهم ويحشرهم ........

عند الشياب ............

بوهزاع يرمس اخوانه.::: اسمعوني يالغالين اليوم بإذن الله العشى راح تكون بعزبتي , وبالمرة نجتمع كلنا عسب يتعرفون عليكم الاهل ....

بوفهد : تم ان شاء الله راح اني عندكم بعد صلاة العشى .........

بوهزاع: وليش بعد صلاة العشى , تعالو بعد صلاة المغرب ,,,, من وقت احسن عسب تحلى اليلسة وياكم ....

بوحمدان: ان شاء الله ياخوي.....

بوهزاع: يوجه رمسته حق ولده منصور : يبا منصور اتصل حق امك وخبرها أن ابوي اليوم عازم ناس عندنا وراح ايون بعد صلاة المغرب ,, وخبرها تسوي اربع ذبايح , بس لاتخبرها ان الي راح ايون هم بيت عمك ... خلني اسوي لهم مفاجأة لهم .....

منصور : ان شاء الله يبا ..... وراح منصور بعيد عنهم شوي وراح يتصل حق امه وخبرها عن العزيمة ........

بوفهد: ليش اربع ذبايح يابو هزاع, مانبا نثقل عليك ,,,

بوهزاع: تستاهل ياخوي وزود بعد,, انت اخوي وغالي علي كيف ماتباني افرح واعزم ,, لو تباني راح اذبح عشر ذبايح واعزم الجيران والاقارب بعد.....

خليفة وهو يمزح ويا اخوه محمد: الظاهر احنا مالنا مكان بعد ياخوي , بس المعزة لي عبدالله .....

بوهزاع يضحك: هههههههههههه افا , اكيد انتو بعد لكم معزة , وشرات ماعبدالله اخوي ... انت وحميد واختي سلوى وام كايد بعد....كلكم بالعين وان ماشلتكم عزبتي احطكم فوق الراس .....

حميد: تسلم يالغالي هذا من طيب اصلك ياخوي.....

وطبعا الكل بعدها عرف بالعزيمة واستانست قصايد وشويخ وحور لانهم يبون يتعرفون على بيت عمهم واعياله...........

من ناحية ثانية في عزبة بوهزاع ,, من عرفت ام هزاع بالعزيمة قامت وشلت الدنيا فوق وتحت,,,ووصت سلمانو يذبح اربع ذبايح ويساعد سلمانو مبارك ,وغانم ,وسهيل.... ووصت سيف وذياب يروحون السوق ويشرون بعض الاغراض الي ناقصتهم ......
وطلبت من سعيد اييب حطب عسب انها راح تطبخ الذايح على نار بالحطب مو بالفرن عسب ان ريحت الطبخ تكون احلى......وعبدالله وعلي عيال اخوه يساعدون .....

اما البنات كلهم بالمطبخ وكل وحدة لها مهام ... ومحد يعرف منو هو الضيف الي راح يشرفهم للعزبة ...........

ظهر بوهزاع من عزبة اخوه بعد ماوعدوه انهم راح يزورونه بعد صلاة المغرب ويتعشون عندهم وبالمرة تكون سهرة لين نص الليل عندهم ..........

بالطريج منصور وهويالس يرمس ايوه: يبا ليش ماخليتني اخبر امي ان الي راح يزورنا هو عمي ؟؟؟

ابو هزاع: عسب اباها تكون مفاجاة وبنفس الوقت ماابي حد يتعدل ,, تدري انت خواتك وبنات عمك حتى امك راح يتعدلن ,,, وانا مابا هالشي اباهم يشوفونهم وهم بطبيعتهم...

منصور: اها ......بس الصراحة يبا وايد استانست ان عندي يدة ... كان خاطري من زمان يكون لي ام عودة اروح ازورها ايلس وياها ,,, وتخبرنا عن ايام اول.... ربيعي سعود عنده ام عودة وتلاقيه دوم عندها يالس ,,, وهي وايد طيبة ...

ابو هزاع: وكيف شفت امك العودة..؟؟؟

منصور: الصراحة ,,, وايد ارتحت لها طيبة وحنونة .... الا العيرة ,, لان فهد قالي : محد سلم من هالعيرة ... الله يعينا عليها .......

بوهزاع: هههههههههه مو بس انتو حتى انا وعمك بوفهد ماسلمنا منها .........

منصور: صدق... وانتو ليش تضربكم....؟؟

بوهزاع: انا وعمك يوم كنا صغار وايد مشاغبين .... كنا نظهر بوقت المطر نلعب بالماي ونخيس ملابسنا كل ماي وطين... ويوم نرد البيت عاد امي ماتقصر بالعيرة تأدبنا .....وبعد اذا رسبنا بالمواد تضربنا ,,, لانها كانت ماتبا حد يرسب .... هههههههه وابوي الله يرحمه الي هو يدك كان عادي عنده ,كان دايما يروح عند امي ويقول لها لو شفتيه يتعبج ولا متشيطن اضربيه .... لكن ابوي الي هو ابو عمك كان مايهون عليه ان يشوفنا ننضرب فكان دوم يوقف ويانا .... ويوم امي تعاقبنا وماتخلينا نظهر هههههههه كان ابوي يقول لو تبون تظهرون اظهروا من الشباك بس ردوا بسرعة عن لاتحس فيكم امكم وتصير مشكلة .....

منصور : ههههههههههه يحليله يدي الظاهر كان يحبكم ومايرضى حد يضربكم.......

ابوهزاع: وايد وكان يوم يروح القهوة عند ربعه كان ياخذني انا وعمك وياه.........

منصور: احس ان ايامكم كانت وايد حلوة ........

ابوهزاع: حلوة بس صعبة شوي وامك العودة ماكانت تسوي فينا جذي الا من خوفها علينا ان احنا نسوي الغلط فكانت دوم وياها العيرة ..... ان شافت شي غلط ما سلمنى من عيرتها هههههههههه... والظاهر راح اي الدور لكم الحين فحاذروا منها ههههههههههه

منصور: ههههههههههههه..........

ووصلوا العزبة والكل كان باستقبالهم .........طبعا مياسة ودانة مسكو منصور ,, ويلسوا يسألونه منو هذيلا؟؟ ... وبيت منو .؟؟.. نعرفهم ولا لا؟؟....عندهم بنات بأعمارنا؟؟ طبعا ماخلوا سؤال الا سألوه لمنصور ...... بس منصور كان ساكت وماخبرهم بشي ,,,, لان ابوه وصاه انه مايخبر حد عنهم لانها راح تكون مفاجأة .......

لي صـاحب اول كلما اشتكـالي .. اترك اهمومي استمع وانحنيله
زمان يجيني كلمـا صار مـهموم .. واذا يــعـــوّل والله اني عويـله
من يوم كنا صغار ليـمن كـبرنا .. كلن يعد الثـاني حسـبة خـليـله

في عزبة بوفهد بعد صلاة المغرب ....

الكل يتزهب للروحة لعزبة بو هزاع ........

قصايد وشويخ وحور مع عمتهن سلوى.........

قصايد: اووووووووووه والله مو عارفة شو البس .امممم شو رايكم لو البس هالتنورة .......؟؟

شويخ: تبين امي العودة تزهب لج العيرة حياج.....

قصايد: عيل شو البس والله محتارة ...؟؟؟

حور : الله يهداج يا قصايد الي يقول بنروح العرس عسب تتعدلين,,, لبسي ثوب وشيلة وبس.....

قصايد: اوكي ,, بس لازم اتعدل تراها اول مرة بنورح ونتعرف عليهم ولازم انكون بأناقتنا.....

حور تضحك: هههههههههه الي يقول الحين انهم بيخطبون ......

شويخ: شو دراج يمكن نشوف حد من هالغراشيب ,,, واحد لي وواحد لقصايد وواحد لج........

حور: هههههههههه غربل الله بليسج اقول اتزهبوا بسرعة ... ترا امي العودة حلفت لو ماتزهبتوا راح تخلينا وتروح .....

قصايد يتلها فكرة: اقول شو رايكم لو انطقم شرات بعض.....

شويخ: انطقم ..؟؟؟ الله يهديج وين انتي ,,, قلنا ل بنروح بيت عمي مو العرس....

شويخ: والله فكرة حلوة ,,, شو رايكم نلبس ثوب الي فصلناه اخر مرة ,,, حور يبتيه وياج مرة وحدة انطقم ونلبس شيل ملونة .....

حور: مادري والله ,, باشوف ادور لو يبته .....

وراحت حور ادور من بين ملابسها وشافت الثوب ....

حور: هذا هو ......

قصايد: عيل خلونا نلبسه ونلبس الشيلة الي تلائم الثوب.....

وكلهن طقمن شرات بعض ولبسن ثوب اسود وعليه دواير زهرية شرات ثوب ام خماس ومسوينه طبع وعليه رينبو .....ولبسن شيلة اتي مع الكندورة ............

وظهرن برع... مع عمتهن سلوى الي كانت تنتظرهن يخلصن ........

اما عند خليفة وموزة كانت تكحل عيونها وفكرها بعالم ثاني ... تفكر بكلام عمتها يوم سمعتها وماتعرف شو تسوي ... هي بخاطرها ولد بس الله ماكتب لها ......

خليفة : موزة .... موزة ......... موازي حبيبي بلاج ساكته....

موزة: ها اسمحلي فديتك ماسمعتك ... بس كنت اكحل عيني ,.....

خليفة: مااظن ... كم من مرة وازقرج ماتردين علي خبريني بشو تفكرين.....؟؟

موزة: سلامتك يالغالي مافكر بشي ........

وراح خليفة عندها ورفع راسها عسب يحط عينها بعينه....

خليفة : متأكدة .... مافي شي يكدرج .....

موزة: هي متأكدة ولا تحاتي .......

خليفة : اتمنى انه مافي شي يكدرج ,,, تدرين مااحب اشوفج متكدرة ,, كل ولا هالويه الحلو يتكدر .........

موزة وفي خاطرها : (( آه يا خليفة ليتك تعرف الي مكدرني ومضايق بي ))

وظهروا برع

[ضحَكتے مـاركهـ•••]

ومن بعد ماتزهبوا كلهم راحو بالسيارة ........لعزبة بوهزاع............

سيارة ابوفهد وخذ معاه ... حرمته ام فهد , وامه ,,, وعمته سلوى وكيكي معاهم .........اما سيارة بوحمدان خذ وياه حرمته ام حمدان ,, واخته ام كايد , وحفيدها حماني ....وحرمة ولدها فطيم ....اما في سيارة فارس ,,, ومعاه حامد وحور وقصايد وشويخ الي مأذتنهم بالطريج الا يحطون اغنية يازهرة الكون وحامد يعاندها .........اما بسيارة فهد خذ معاه كايد ومانع . اما البشاكير ظلوا بالبيت عسب يرتبونه وينظفونه ...........

اول ماوصلوا العزبة طبعا بو هزاع كان باستقبالهم وراح سلم عليهم وبعدين خذهم لداخل ......

بالبداية الشياب والشباب ماعرفوا منو الضيوف من بعد ماسلمو عليهم خبرهم ابوهزاع الضيوف هم عائلته الي هي امه واخوانه ....طبعا فرحوا الكل وسيف استانس من الخاطر انه تعرف على عمه ويدته ........اما من ناحية الحريم ماصدقت ام هزاع ان الضيف هو اخو ريلها وامه واخوانه ........ فرحت من الخاطر وشكرت ربها ان ريلها التقى باخوه وامه.....ومياسة ودانة طايرات من الفرح انهم اجتمعوا مع قصايد ,, وشويخ وبالمرة تعرفوا على وحور ... وبالمرة اتعرفت على اعمامها وعماتها ..............

الكل يالس مجتمع ببقعة وحدة طبعا الشباب والشياب عند بعض ... والحريم والبنات بصوب ... اما الصغار يلعبون بصوب ثاني ..........

أكيد تستغربون كيف ان الكل يالس مع بعض ... طبعا هالشي كان بإرادة الام اعلودة عسب اعيالها وواعيال اعيالها الكل يتعرفون على بعض ,, ومحد يكون غريب بالنسبة لهم ... بس الريالييل بصوب والحريم بصوب ....

يعني هاللحظة انقول لحظة حلوة حق الاشخاص الي يفكرون باحبابهم

يعني من ناحية سهيل ,,, يشوف حبيبته شما ... وغانم الي يفكر بسهيلة ومايعرف لو هي راح توافق عليه ولا لا... ومبارك الظاهر الحبيب اتلخبط من يوم شاف حور ومايعرف يفكر بمنو حور ولا الريم ... الظاهر استصاب بسهمين ....فهد من اول ماشاف مياسة تذكر يوم شافها وهي تشوف عمرها ع جامة السيارة ......طبعا الاثنين الي مالهم حظ انهم تلتقي اعيونهم بالمحبين هم هزاع وحمد ...........من ناحية كانت في وحدة ترفع وتنزل عينها على واحد بس محد انتبه لها لانها كانت منتبهة عن لا احد يشوفها الي هي مهرة كانت تشوف فارس ... بس اكيد تستغربون كيف ان مهرة تشوف فارس مع انها مازالت بنت صغيرة ب 9 سنين....

من ناحية الشياب اخون بوهزاع مستانسين يوم تعرفوا على اخو اخوهم .,,,,
والشباب ماقصروا يلسوا مع بعض ضحك وسوالف وغيرها وبعدين استأذوا وراحو الخيمة الخاصة لهم وكملو سوالفهم عسب يعطون الراحة للبنات ,,, لانهم حسوا ان البنات يستحون فحبوا ينسحبون ويخلون البنات على راحتهم بالرمسة ....

من ناحية البنات ضحك وووناسة وسوالف والكل يلس يتعرف عليهن ... ومياسة ماقصرت بدت تضيفهن شاي وقهوة ..... بس الوحيدة الي مااهتمت ولا عطت سالفة هي ظبية ,, من شافت قصايد بهالجمال احتقرتها وغارت منها لانها احلى منها وخاصة عيونها الذباحية .......

ظبية توجه رمستها ل قصايد وخشمها لفوق : قصايد عيونج هي طبيعية ولامركبة عدسات .؟؟

قصايد : مستغربة من رمسة ظبية كيف ترمسها بهالطريقة وقبل ماترمس.... شويخ رمست بدل عنها

شويخ تقلدها بالرمسة وخشمها لفوق: لا فديتج هذي عيونها طبيعية مية بالمية ,, شوفي كيف حلوات عين الحسود فيها عود ... اكيد عينها ذباحية بعد ....والواحد يغرق فيها لو يشوفها ويركز عليها ....

قصايد ادز شويخ عسب لا ترمس بهالطريقة ولاتفشلهم ,,, لكن شويخ ولايهمها ماتحب هالحركات ابد

غبوش مفتشلة من اختها وبطريقة كلامها مع قصايد؟؟؟.......

غبوش: اسمحيلنا يالغالية لا تاخذين بخاطرج عليها .... هي دوم رمستها جي دلوعة.....

قصايد: لا عادي فديتج , ولو ترانا اهل .....

الريم بصوب ثاني تفكر يوم قالت شويخ الواحد يوم يشوف عينها يغرق.....: معقولة تكون هي الي غرق فيها هزاع وحبها ... ماظن .. بس هو ماظن انه يعرفها او يعرف انها بنت عمه لانه ماشافها ......

مياسة : قصود تعالي في واحد انا ماعرفته انا اعرف فارس وعمي خليفة منو الي كان يالس حذال عمي خليفة .....

قصايد : هذا اخوي فهد انتي ماشفتيه ,,, لانه ظهر يوم انتي ييتي بيتنا ... مادري يمكن ظهر او قريب يظهر ,,, مادري اذا شفتي سيارة بورش سودة وعليها مخفي .....

مياسة تذكرت يوم انها دخلت شافت سيارة بورش سودة الي راحت لها اتعدل عمرها وصار ويها احمر مرة وحدة........

شويخ: بلاج ليش صار ويهج مرة وحدة احمر ,,, شو تفكرين ... يمكن شفتيه بالطريج يوم تدخلين بيت عمي...

مياسة: ها لا لا ... ماشفته

مياسة وفي خاطرها: (( ابيه يعني معقول يكون هو داخل السيارة وانا كنت اعدل عمري واشوف الجامة ... ابيه فضحت عمري بموت لو صدق شافني .......)

وطبعا الكل يلس يرمس ,,,,,وقصايد حبت غبوش وطيبتها والهبال فيها تضحك الواحد ودوم مبتسمة وتدخل القلب مرة وحدة .........

والحريم من صوب يالسات يرمسن ويتعرفن على بعض وحبن الام العودة ورمستها ,,وبدت الام العودة ترمس عن اول وكيف رضعت ولدها محمد وولدها عبدالله والبنات وياها يسمعون .....

من ناحية الشباب سوو الخيمة طرب ... لان ميحد ماقصر بدى يغني اغاني ميحد ,, وكل سوالف ولعب وضحك ... وبعدها سووو مسابقة حق الشلة واكيد الي فاز هو فهد لانه صوته حلو بالشلة ......


ومن بعدها الكل سار يتعشى ومن بعد العشى يلسو وبعدها استأذونو عسب يروحون لان الام العودة ماتحب السهر وايد ,,,,

وتواعدت مياسة ودانة مع قصايد وشويخ وحور انهم باجر بيون لهم عزبتهم الصباح يفطرون عندهم ............شويخ رحبت فيهم واستانست منهم وبالمرة عرفت ان دانة ومياسة مايحبن حليب البوش .. فأصرت انهن ايون من وقت عسب يقعدون ويفطرون وياهم وبالمرة تشوف شكلهن وهن يشربن حليب البوش ,, بإصرار من الام العودة ................ههههههههههههههه

انتهى البارت الرابع

[ضحَكتے مـاركهـ•••]

البارت ((5))

ودي اجيك ملهــوف... عـــابر بحور الخوف لكن ....كل شي ضدي.... حظي والدنــــيا والظروف.....

في عزبة بوهزاع :::

دانة ومياسة بحيرتهم يتزهبون عسب يروحون عزبة بوفهد ....

مياسة : يالله دانو بسرعة نبا نوصل عسب نفطر وياهم.....

دانة: صبري الي يقول انج , بتروحين بس حق الفطور عندهم ....

مياسة : يوه يالله عاد... انتي سمعتي قصايد قالت انهم يفطرون ع التسع, الحين 8 ونص خلينا نروح بسرعة نفطر .....

دانة : اوكي ... وحد بي ويانا ولا بس بروحنا ...؟؟

مياسة : مادري .....

وظهرن مياسة ودانة وراحن لعزبة بوفهد طبعا من بعد ما استأذنوا .....وخذهم سيف للعزبة عسب يوصلهم ......

تظهر شما من غرفتها عسب تروح عند مريامي وتبدل ملابسها وبالمرة يظهرن يفطرن .... وبالطريج شافت الريم ......وهي سرحانة ........

شما: صباح الخير الريم..... الي ماخذ عقلج يتهنى به........

الريم وهي تضحك : صباح النور ::::: ههههههههه محد ماخذ عقلي ....

شما : متأكدة ؟؟؟!!!

االريم: هي ... وين رايحة ...؟؟؟

شما: بروح عند مريامي بوعيها وببدل ملابسها وبالمرة باروح افطر برع ... الجو الصراحة وايد حلو ورهيب....

الريم: عيل خذيني وياج محد ناش الكل نايم من البنات ... والشباب بخيمتهم ....

شما: غريبة عادهم نايمين .... ومياسة ودانة مامن عادتهم نايمين .. تلاقينهم هم اول ناس ينشون حتى قبل الشياب.....

الريم: مياسة ودانة راحو بيت عزبة قوم عمج .... عسب بالامس تواعدو مع قصايد وشويخ انهم يزورونها , وبالمرة يفطرون عندهم ....

شما : وليش مارحتي وياهم ,, مرة تستانسين وياهم ,,بدل مايالسة هني وتفكرين ههههههههه....

الريم : ماكان لي مزاج اروح وياهم ....

وراحن شما والريم عند مريامي يوعونها وبعدها يروحون يفطرون .......
عند الشياب والحريم يالسين يفطرون .............

طبعا ام هزاع , وام غانم , وام سهيل , وام ذياب, ماقصروا نشو من الصباح وكل وحدة سوت شي

ام هزاع سوت لقيمات ,,, وام سهيل سوت خبيص.... وام غانم سوت خبز محلى ... وام ذياب سوت بلاليط ,,,, والشياب طبعا كلهم راحو عند البوش والغنم وبالمرة يحلبون البوش ....

ابو بوذياب: محلات الجو الصراحة .....

ام ذياب: صدقت يابو ذياب .....

ام غانم: غريبة ماشوف لا الدانة ولا مياسة من عادتهم اول الناس ناشين وينهم ,, لاحس ولاخبر ...؟؟

ام هزاع: الله يسلمج دانة ومياسة بالامس تواعدو مع قصايد وشويخ انهم يروحون عندهم ويفطرون بالمرة وياهم .....

ام سهيل: هي تراها دانة يت لي وخبرتني انها بتروح ويا مياسة عندهم من الصباح ....

ام سلطان : وهم بروحهم راحو .... ومحد وياهم ؟؟؟

ابو هزاع: لا سيف راح وياهم قال بالمرة بيروح يصبح على عمه ويدته .....اسميهم البنات بيروحون فيها اليوم ههههههههههههههههههه

الكل مستغرب من ابوهزاع ليش قال هالرمسة وليش ضحك .....

بو سلطان : ليش يابو هزاع ,, عسى ماشر,,,...

ابوهزاع: سلامتك يابو سلطان ... بس اليوم بما انهن رايحات يفطرن عند امي ,,, ابصم لكم بالعشرة انهن راح يشربن حليب البوش....

ابوسهيل: ماظن انت تدري بنات هالايام مايشربن حليب البوش...؟؟

ابوهزاع: لكن عند امي غير راح تشربهن غصب.....

ام هزاع: ليتهن والله يشربن حليب البوش الي فيه النفعة ....

ابوهزاع: لاتحاتين راح يشربن ,, لان بالامس يوم رحنا انا ومنصور العزبة ... امي شربت منصور الحليب بالغصب.....

ام هزاع: متعجبة : ولدك شرب الحليب ....

ابوهزاع: هي شرباه وعيباه بعد ههههههههههههههههههههههههههه بس .....

ابو سهيل: بس شو .....

ابوهزاع: بس قصايد وشويخ مساكين شربن غصب مع انهن مايحبن شرب حليب البوش ,, ومن شربنه الحليب .. ربعن يكرمكم الله للحمام .......

ام هزاع: معقولة امي العودة تسوي جذي ....( وترفع يدها لفوق .... ان شاء الله,, الله يسمع منك يابو هزاع وتشربهن غصب ...

الكل : امين ...........

عند الشباب,,,,, بخيمتهم يالسين يفطرون.... من صوب الشباب متعجبين من منصور الي شرب كوبين من حليب البوش مع انهم يعرفون ان منصور مايحب شي اسمه حليب ...........

مبارك ومية تعجب بويهه:: معقولة الي اشوفه جدامي يا ميحد ,, ولا انا غلطان ..؟؟

ميحد: إسأل غيري الله يخليك لاتسألني لأني بروحي متعجب اكثر منك ,, وماصدق الي أشوفه....

مبارك: ذياب تشوف الي اشوفه...؟؟

ذياب: هي اشوف أقول اظن احنا يالسين نحلم ....

غانم : نحلم الا واقع .... وماظن ان احنا راح نحلم شرات بعض....

سعيد يوجه رمسته حق منصور: منصور انت تشرب حليب البوش ومن متى .....؟؟؟؟؟!!!

منصور : من امس ,,, بس الصراحة وايد طعمه حلو ,,, الله يسامحكم ماخليتوني اجربه الحليب ولاتقولون لي عن طعمه......؟؟؟؟

سهيل: الي نعرفه انك انت ماتحب الحليب ابد ... وخاصة لو كان حليب البوش ... شو الي غيرك خبرنا...؟؟؟

منصور : الله يسلمكم هذي امي العودة بالامس جبرتني اني اشرب ,,, وفارس ولد عمي نصحني اني اشرب ولا ,, ماراح الاقي خير من عند امي العودة .....

مبارك: زين والله الي تسوي فيك جذي ............

منصور : مو بس انا حتى بنات عمي جبرتهن يشربن ,, لانهن مايشربن............

سهيل: عيل اليوم دانة واختك مياسة بيروحن فيها ,,,لانهن راحن بيت عزبة عمك وخذهن سيف......

منصور : احلف والله راحن.... عيل صدق الله يعينهن ...راح تجبرهن امي العودة غصب انهن يشربن الحليب . ....ههههههههه



سمعت صوت الباب وانا احسبك جيت اثر الهوى والباب يلعب عليه

في عزبة بوفهد من بعد ماسلمو كل من مياسة ودانة وسيف على اعمامهم ويدتهم ...........

الكل يالس يفطر ماعدى فهد ومانع وكايد ..........لانهم نايمين والباقي يالسن يفطرون .......

الام العودة يالسة تزهب خمس كواب حليب بوش ..........

الام العودة تعطي سيف كوب حليب بوش: خذ ياوليدي سيف اشرب حليب البوش الي فيه نفعة.......

سيف ياخذ من يد امه العودة : تسلمين امي العودة.....

شويخ: ابيه رحنا فيها ,,,بعد اليوم راح تشربنا غصب ....

قصايد: اقول قومي خلينا نظهر ونسوي عمرنا رايحين نوعي الشباب ....وبعدها شردة ....

الام العودة: ان تحركتن بالعيرة ...؟؟؟؟

ام فهد : ههههههههههه حرام عليج يا عمتي بعد اليوم راح تشربيهن غصب ,,, امس شفتيهن شو صار لهن ...

الام العودة : حوبتهن خليهن يتعودن .....

دانة ومياسة مستغربات ...........

قصايد توجه رمستها حق دانة ومياسة : راح اي الدور عليكم ... الله يعينكم ....؟؟؟

الام العودة : يالله شربن ولا ع البيت ........

شويخ: امي خلاص ترا بنروح بعد الغدى ع البيت سواء الحين ولا بعدين رايحين رايحين.....

الام العودة: انزين يالله لاتشربن ,,,, تعالو وقولو امي ودينا الاجازة العزبة .....

قصايد : لاتكفين يما بشربه ... حتى لو قريب اني احتضر .........

ابو فهد : ههههههههههههه الحين انا مادري ليش ماتحبون هالحليب ,,,

ابوحمدان: ههههههههه مو متعودات عليه ياخوي ... بس ع النيدو ولا ابوقوس هذا الي هم تعودوا عليه.....

ام حمدان: والله هذاك مافيهم الصحة والنشاط .... الي بيدكم هو الي فيه نشاط ....

ابوفهد: يبا قصايد يوم بتشربين الحليب ,,,, فكري بطعم حلو وكانج تشربينه ... يعني انتي تحبين عصير فراولة ,,, تخيلي وانتي تشربين عصير فراولة ....

قصايد : صدق والله راح اجرب..........وشربت قصايد ويلست تتخيل الي تشربه عصر فراولة ........

خليفة يضحك : هههههههههه ها بشري كيف طعمة حليب الفراولة ,,, ولا .......

قصايد ساكته .............

سلوى ترمس بألاشارة : قصايد صار فيها شي ؟؟

ام كايد: لاتخافين ماصار فيها شي ... بس تشوف الطعم الحين.. خبريني يابنيتي كيف الطعم ...؟؟

شويخ: ابيه اخاف صابها شي ,,,يمكن مزجت الفراولة مع الحليب ... وماعيبها ..... شويخ تلوح بيدها على ويه قصايد .....

دانة ومياسة يالسين يشوفن قصايد ومن داخل يقولن الله يعينا على امي العودة ......

دانة تهمس حق مياسة : تصدقين غلطنا يوم يينا نفطر ,,, كله منج انتي قلتي خلينا نفطر عندهم ........

مياسة : سكتي الحين شو راح يستوي فيني انا يوم اشرب الحليب ,,,,رحت فيها ....

دانة : قولي الا رحنا فيها ,,,,,,,

قصايد: امممممممممممم الصراحة حلو بس ناقصنه سكر عسب ينضاف عليه ويصير طعمه حلو زيادة .....

الكل : هههههههههههههههههههه ههههههههههههه

شويخ: متاكدة وكيف تخيلتي طعمه .....؟؟؟

قصايد : تخيلت عصير فراولة , مع حلاوة بستاش وباتجي .... بس...

شويخ مصدقة : وطلع حلو ....

قصايد: شوي بس ناقصة شكر ............

شويخ: عيل انا بجرب وبتخيل ني اشرب فراكاتشينو.

الام العودة تراقبهم ومستغربة انه ماصار فيهم شي ...........

شويخ : الحمد لله .............

قصايد : بشري كيف طعمه............؟؟؟

شويخ : غربل بليسه الكارسون ماحط كاكاو زيادة اوريه مسود الويه ,, ماراح اعطيه بيزات غشاني ويا ويهه....

الكل ميتين من الضحك على هبال شويخ وقصايد...........

موزة : الحمد لله انكم شربتن الحليب وعيبكن .... وماصار فيكن شي.......

فطيم : زين والله ,,, الحين محد يروم يقول حماني احسن منكن......انتو صرتوا شرات بعض......

حور : دانة ومياسة تزهبن يا الدور عليكن..ههههههه

دانة : وانتي ليش ماتشربين .....؟؟؟

حور: انا شربت قبلكم اول مانشيت شربت ..... رحت ويا ابوي نحلب البوش وبالمرة شربت ....

الام العودة: مياسة ودانة ,,, تعالن اقربن عندي اهني .... وتأشر بعيرتها عسب يقرب عندها ......

مياسة: ها امي العودة : انا شربت قبل ما أظهر من البيت ترا امي حلبت البوش .. وبالمرة شربت....

دانة: وانا وياها بعد ....

الام العودة : تعالن هني أنامايخصني حليب البوش الي عندنا غير ,,,,,يالله بسرعة .........

قصايد وشويخ يصفقن عسب الدور دور مياسة ودانة ...........

قصايد: ليش ماتتخيلن طعم الشراب الي تحبونه......

مياسة : الله يعيني ,, حور لو سمحتي بس ممكن تعطيني خبز المحلى الي يمج عسب اكل وراه بعد ما اشرب الحليب مباشرة........
وخذت الحور خبز المحلى وعطت مياسة : وشربت مياسة الحليب مرة وحدة وبسرعة كلت خبز المحلى على طول عسب لا تطعم طعم الحليب ...........

فارس: بشري يابنت عمي ؟؟ كيف طعم خبز حليب البوش بدل خبز المحلى .........

سيف: هههههههههه هذي اكله يدية بعد هههههههههه

مياسة : ابيه طعم مو حلو بس الصراحة خبز الملحى حلو وايد ..........

قصايد وشوبخ: هههههههههههههه ههههههههههههههههههه

دانة: عيل عطيني انا خبز المحلى اكله بالاول وبعدين اشرب الحليب وبعدها اكل خبز محلى مرة ثانية ..........

حماني :هههههههههه امو هور ليس هذي إتآف تثرب هليب ( عمو حور ليش هذي تخاف تشرب الحليب)

حور: ههههههههه لا حبيبي بس حار شوي عليها ....

حماني : أمو تانة بلديه عسب يتون بالد عليس.....(عمو دانة برديه عسب يكون بارد عليش),,,,,,,,,,

سيف يضحك على كلام حماني ............

وبعدها شربت دانة الحليب .... وبعدها إستأذن سيف وراح لعزبتهم ...........

ومن بعد ماخلصن البنات الفطور نشوا وراحوا يتمشون في العزبة ....وقصايد كانت شايلة وياها كيس......

مياسة لاحظت الكيس: قصايد شو الي وياج هذا......(وتأشر ع الكيس)

قصايد : راح تعرفين شو فيه ,,, حور يالله فديتج زهبي عمرج ....

حور: بعد هذا مانسيتنه ... ويايبتنه وياج بالعزبة .....

شويخ: عيل شو تبين لازم تدرين نموت بهالشي ,,,خلونا ندور على مكان يكون حلو وفيه ظل ...عسب تبدين شغلج ويانا ....

حور : وبالله عليج وحماني ,,,منو بيوده ....

قصايد: ماعليج كل وحدة راح تمسكه ,,, عاد لين اخر وحدة تروح توديه عند امه....

مياسة ودانة مو فاهمات شو يرمسن.......

شويخ: هههههههههه اكيد موعارفين بشو نرمس.... الله يسلمكن الي بالكيس حنا ,, وحور ماشاء الله عليها عندها موهبة الفن وخاصة تحب تنقش ع اليد .... واحنا طبعا مانسينا قلنا لازم نشتري الحنا وبالمرة نخلي حور تحنينا .....

مياسة : والله عيل انا بعد ابا اتحنى ....

دانة: وانا بعد....

قصايد: ههههههههه في وايد شريت 6 معصارات للحنى ,, وانا اول وحدة ببدأ ::::

وراحن يلسن مكان وبدت حور تحني قصايد اول وحدة ....وحماني محتشر يبى يتحنى .....

قصايد: اف شويخ بعدي حماني خليها تركز ع الحنا ... ولا راح تخرب حنتي ....

شويخ: مالي خص انتي وديه....

قصايد: بالله عليج .... اتشوفيني يالسة اتحنى .......

قصايد : هي حور شو رايج لو تسوين وردة من هالصوب وتنزلين لها سيقان واوراق ... ابا يدي تكون وايد فيها ..........

حور: صبري عاد بل .,.. سوي هذا ,,وسوي هذا ,, خليني انا بسوي الي في راسي.......

شويخ: اقول قصايد تراج دوختيها خليها تشتغل وتخلص ,, عسب تحنينا احنا لاتنسين وراج 3 بنات.....ولا شو رايج تكتب اسم الصبي الي ........ وقامت تغمز لها بعينها ...

قصايد: انجبي ... مالج خص انزين ,,,فضحتينا ويا ويهج ....

مياسة : بلاكم ومنو هالصبي ....؟؟

قصايد : هههههههههه ماعليج منها .... وبعدين انا ما اعرف اسمه شو ؟؟

حور : علينا ماتعرفين اسمه وهو الي عطاج اسمه ورقمه ع الكلينكس.....

دانة فهمت ان واحد رقمها : اكيد واحد رقمج .........

شويخ : ههههههههههه لا وباحترام بعد

حور وقصايد : هههههههههههههههههه

دانة : خبرونا يالله عاد شو صار قولو لنا السالفة ....

وبدت قصايد تخبر مياسة ودانة باللي صار لها بالمول ,,,ويوم شافته قريب من عزبتهم ........

مياسة وفاتحة فمها وعيونها : احلفي والله انج عطيتيه كف.....

قصايد : ههههههههههه والله .....

شويخ: لا الي مضحكني انه قال عطيتج ارقم باحترام ........هههههههههههه

دانه: ههههههههههههههههه لا الصراحة اطوروا الشباب صاروا يرقمون باحترام بعد وباستئذان هههههههههههه.

وكان فهد وحامد وفارس يتمشون ووصلو عند البنات ........

الشباب: السلام عليكم ....

البنات : وعليكم السلام....

فهد يوجه رمسته حق مياسة : اشحالج بنت عمي ....؟؟

مياسة وهي مستحية لانها تذكرت الموقف : بخير يسرك الحال , ومن صوبك؟؟؟

فهد : بخير مانشكي باس....

حامد : وانا اشوف شو هالريحة واصلة لي اخر الدنيا......اثاريها ريحة الحنى.....

شويخ: فديت ريحة الحنى ,, تخبل...

فارس : طاعوا هذي شو تقول حد يتفدى الحنا....

شويخ: هي انا ,,, وبعدين لاتنسى ان الحنا من الجنة .....

حامد : اسمعوا بدت المطوعة ترمس عاشوا ......

فارس : اقول مطوعة عندي سؤال ممكن....؟؟

شويخ: اقول اجلبو ويهكم عاد .....

فارس : بس ابا اسأل السؤال...؟؟ ممكن؟؟

شويخ: اف شو ؟؟؟؟

فارس: بأي صفحة نجلب ويهنا ...حامد وفارس : هههههههههههههه

شويخ: بايخيييين ....

قصايد: فهد حبيبي خذ وياكم حماني محتشر يبا يتحنى .....

فهد : ان شاء الله ..........

وراح فهد وخذ وياه حماني يتمشون ......

اما فارس وحامد يلسوا عند البنات يطنزون ويلعوزون قصايد لانها ماتروم تسوي شي بما ان الحنى بيدها .........بعد ما خلصت قصايد بدى الدور حق شويخ وبدوا يلعوزون شويخ .........

شويخ : يووووووووه ماراح تروحون من هني ,,, اوريكم الحين

تصرخ بصوت عالي وتزقر فهد عسب اي ويلعوزهم ............ من سمعوها تصرخ شردة بعيد عنهم ,,, عسب يدرون ان فهد مايحب حد يلعوز قصايد وشويخ .......

البنات : هههههههههههههههههههه

قصايد : تستاهلون ....

مياسة : لي هالدرجة يخافون من فهد ....؟؟؟

قصايد : لا فديتج ,, بس فهد مايحب حد يزعجنا او يلعوزنا خاصة لو كان فروس وشنغل .....

دانة مستغربة : منو شنغل .....؟؟؟

حور: هههههههههههه هذا حامد عطيناه لقب شنغل ,, وشويخ منغل لانهم دوم يضاربون ويتزاعلون ,,, يعني سوالف وضحك ....تلاقينهم يضاربون ماتصير لهم خمس دقايق الا يتكلمون ويا بعض...مايرومون يستغنون عن بعض...

شويخ: فديت الشنغل والله ....

ميااسة : ههههههههههه

دانة: صحيح ليش فهد مو متزوج الي بعمره المفروض يكون عنده ولد .....؟؟؟؟

قصايد : شرات ماقلتي المفروض ,,بس ....

مياسة وتبا تعرف : بس شو ...؟؟؟

شويخ: الله يسلمج فهد كان يحب وحدة وكان ناوي يخطبها ,, بس .........وسكتت....

دانة: بس شو .....؟؟

مياسة حست انهم مايبون يرمسون عن هالموضوع ..: دانة سكتي ,,, مافي داعي فديتج تقولين....؟؟؟

قصايد: لاعادي بس البنت الي كان اخوي ناوي يخطبها ,, خانته مع ربيعه ,,,

دانة: معقولة ...مع ربيعه ,,, احسها قوية شويه .......

شويخ: الا صدمة بالنسبة لفهد ,,,

مياسة : ومتى عرف فهد ان الي يحبها خانته مع ربيعه ....؟؟

حور: بحادث سيارة ..؟؟؟؟

مياسة وكل اهتمام انها تبى تعرف: بحادث سيارة ؟؟ كيف؟؟؟

قصايد : ربيعه كان ويا البنت بالسيارة ,,,وسوو حادث وبالحادث عرف ان البنت الي وياه هي نفسها البنت الي كان ناوي يخطبها.....

حور: وبعدها عاف شي اسمه الزواج ....

قصايد: من صوب امي تصر عليه الا يتزوج ....وانها راح تلاقيله احسن البنات الي بالسويحان ,,يوم كنا ساكنين ... بس هو مو طايع مايبا ......

مياسة : اها

شويخ: ومن ذيك السالفة لين الحين مارفع عينه على اي بنت ولا رمس وحدة ......

مياسة حست بشعور غريب ماتعرف لو كان اعجاب لولد عمها ,, او حزن عليه على الي صابه ....

وبعد ماخلصت شويخ من حنتها ,, بدت حور تحني مياسة ......