هانت حياتي لو ظروفك توافيق..!,,

[الرحال]

تمر لحظات قاسية لا نعلم.. أن كان للأيام ظرف أو قرار تغيير


لكن يبقى للآمل من نظرة تآمل.. ومن شروق شمس الغد من أحاسيس التفاؤل


بين الحروف لمن يستطيع يجد الاجابة


....


رديت من وسط المسافة نصخ ضيق
وعيني تناظر حزنها مع دمعها


كل ما سآلت الحال كيف التوافيق
يالله عسى الأيام تكشف فرحها


فترة سنة في داخلي وردة صديق
بستانها نسقي من الوبل معها


وسنة مرور اليوم والبال بيعيق
كل الحواجز لي هدمت بسمعها


ظلم الوصل نعمة ولو الشرق بيفيق
من نوم عين الود والود رسمها


وين الوعود السابقة والتباريق!!
كل مامشى في البال نادى اسمها


ظنيت أني بخير والخير في ريق
عقب الصباح وجفن عيني لمحها


ياغير من يرتاح بجمر المعاليق
تضرم هنا نيران ضلعي عمرها


والغيرة اللي تجذب الشوق ويليق
من شرب صافي الما وباقي عطرها


هانت حياتي لو ظروفك توافيق
يمكن عسى باكر نلاقى مطرها


مجبور برحل وشدني يرة شهيق
وآآه الصدر مني تزايد وترها


لاقلت عيني خفي الدمع ع الريق
قالت تصايح من عيونها سهرها


وين الليالي لي بها من مفاريق
كان الفرح فيها شموع بقصرها


واليوم أجلس بين كفيني أعيق
حرف(ن) تبعثر وللكفوف بخطرها


ضايق أنا من شهر والضيق للضيق
يالله عسى الأيام تجبر آمرها


شف بوح نبضي لو بها الحزن تغريق
وببقى وحيد وشط بحرك أسرها


يمكن من الأيام زهر(ن) وتوريق
وأنظر بعين الحزن وأقرأ خبرها


اعذروني لحزن حرفي..


الرحال

[بووحمد]

كلمات راقيه مليئه بالحزن
ورقيها من رقي صاحبها

الله يخفف جزنك ويجمعك بمن تحب

وتقبل مروري اخوي

[بنت العزبة]

ظنيت أني بخير والخير في ريق
عقب الصباح وجفن عيني لمحها

ياغير من يرتاح بجمر المعاليق
تضرم هنا نيران ضلعي عمرها
..

صح لسانك يالشاعر .. وسلمت اناملك على هذي الحروف المبدعة ..

واتمنى لك ولقلبك السعاده وكل خير ..

ونتريا من قلمك كل يديد ..

ويعلك موفق خير ..

[سليط]

صح السانك يالشاعر

[الرحال]

كلمات راقيه مليئه بالحزن
ورقيها من رقي صاحبها

الله يخفف جزنك ويجمعك بمن تحب

وتقبل مروري اخوي


تواصلك جميل اخي الكريم

آمين يارب

شكرا لك على ذلك

ماقصرت

الرحال

[الرحال]

ظنيت أني بخير والخير في ريق

عقب الصباح وجفن عيني لمحها


ياغير من يرتاح بجمر المعاليق
تضرم هنا نيران ضلعي عمرها
..

صح لسانك يالشاعر .. وسلمت اناملك على هذي الحروف المبدعة ..

واتمنى لك ولقلبك السعاده وكل خير ..

ونتريا من قلمك كل يديد ..

ويعلك موفق خير ..



صح بدنكم

آمين يارب وتكون السعادة لجميع المسلمين

^_^

شكراً لكم

الرحال

[احزان قلب]

ضآيڦ أنآ من شهًر ۈآلضيڦ للضيڦ
يآللهً عسى آلأيآم ٿجبر آمرهًآ
:
....

ٿسلم آخۈي عآلطرح..
ۈڪلمآٿ في ڦمة آلرۈعهً ۈٿعبر عن مشآعر آلڪآٿب آلحزينهً..
مشڪۈر ۈربي لآهًآنڪ..
:
....

ٿڦبل مرۈري..
آحزآن ڦلب..