اليوم لامنه بغت عيني النوم...!

[الرحال]

ياصاحبي الدنيا حكايات وعلوم..
قصص عجيبه تذهل اللي قراها..



الدنيا لو تضحك معك دايم الدوم..
خلك فطين ولايهمك رضاها..


كم واحد تبنى له أمال وحلوم..
يفني وغيره يهتني في بناها..


ياما أفرحت قوم وأحزنت قوم..
وكم اعشقت عين وخانت غلاها..


ياصاحبي شفت أمس؟ شف حالنا اليوم..!
دنيا تقلب يكفي الله بلاها..


اليوم لامنه بغت عيني النوم..
تنكدت روحي وعافت كراها..


ماكل من علا بالأصوات مفهوم..
وماكل روح تلتقي في مناها..


وماكل من يشكي معذب ومحروم..
وماكل من يضحك همومه نساها..


بحرالحياه إن صرت ماتعرف العوم..
يرميك في غبه بعيده مداها..


من راح يستسلم من أحزان وهموم
يموت حي وحاجته ماقضاها..


مما لامس آلمشاعر

الرحال

[بنت العزبة]

صح لسان الشاعر وسلمت انامل الناقل

واشكرك على جميل ذائقتك

ولك مني اطيب تحيه وتقدير


ولك مني اطيب تحيه وتقدير

بنت العزبة

[غرنجي]

وصف جميل ومتكامل لحال الدنيا
عبرت عنه القصيدة بسهولة
احسنت الاختيار وتميزت في الطرح
شكراجزيلا لك
تحياتي