خـــــــــــقـــاق

[مرفوق]

زود دلال الحسن خقه ... مثلك لزوم ايكون خقاق

اشعل غرور(ن) فيه رقه ... يرتاحبه لي خاطره ضاق

لا تفتح الخفاق شقه ... قلبي لـ سيف الشوق مشتاق

عقه لثام الويه عقه ... ابغيك تسقي الحاسد اعواق

تاج العذارى تستحقه ... اجماع مخلوقن وخلاق

خدا (ن) تغذا نور برقه ... مايكبه مضمون لوراق

من الظبى عاينت دقه ... جيد (ن) يماري شمس لشراق

ولا الرمك مسلوب حقه ... ردفن شكت من حمله الساق

عليك دمع العين ودقه ... ان خنتني من بعد ميثاق

ون يتني صحيت شهقه ... عقب انقطاع وموت لرياق

دام الغلا واشواق عرقه ... ينبض وعقبك صابه اغلاق

رفقه و رفقه فوق رفقه ... لعيشلك هايم وعشاق

لا تلومني لو صرت لزقه ... مزعج وذوقي غير لذواق

نار الوصل يا سيدي لبقه ... اشد من هايوس لفراق

كلمات : حمدان بن عبدالله بالكيله]

[..:: قلــب بدويــه ::..]

صـــــــــــــح لســـــــــانك ...
الكلماااات ما فيـــها حيلـــــه ومشكووور عالقصيد ^_^

















































..:: قلــــــــــــــب بدويــــــــــــــــه ::..