ήί» عِتِيـجْ الصُـوُفْ «ήί©

[الـلاّل]

.·´´¯`··._.· `·.¸¸.·´




لك خفوقي اشتقى ثم اهتنى بك



وفي عروقي دمي الجاري اغتذى بك



ولاح شوفي في سما كل البشر



غير زولك ما ملى أحدٍ النظر





فأيتها السنيييين



جددي فيني حياتي باللقااااا



العطا و تبادلنا العطا



وحبك باحساسي سطا



وهنا سأتبادل " العطا " عن كل ذكرى مرت في ثلاثينة العمر



ستكون



(بالعامية و الفصحى ) فنكهة التغيير حق




ήί» عِتِيـجْ الصُـوُفْ «ήί© ذوبتْ خافوق الشوق..






`·.¸¸.·´´¯`··._




إلى الملتقى



الـلاّل

[الـلاّل]

لا يسعني سوى ان أبدأها بضحكة

تثير كل احساس معاكس أن يبتسم ويضحك

وآثرتها أن تكون من قديم الصفحات

وأطلقت عليها عنوان



~~..ْْ،، سندويجة حـمدون بالشوكولاته،، ْْ..~~



حمدون تستحق الذكر فأنت أول من عرّفني على خلطة السعادة بقصد او بدونه



كان وقت العصر وقت استنفار عيال الفريج للعب

في يوم من الأيام كنا متجمعين مادري شو عندنا يمكن نتفق على نوع اللعبة اللي بنلعبها او نخطط نشرد من بعض المتطفليين هههههههههههه



المهم هذاك اليوم لمحنا حمدون ياي من الدكان اليديد

وماسك سندويجه ياكلها وهو يمشي

أظن من خوفه ان حد يطلبه يالس ياكل قبل لا يوصلنا

عاد لمحنااه من بعيييد و علييييييييييييه يا الربع

تجمعنا عليه هب شايفين خير ههههههههههه



اونه حمدوون شو تااكل >>>>سؤاال ياااااه في الصميم تقول رصااصة

في خاطره اووووه دخييلكم لا لااااا إلا هذي إلا هذي هههههههههههه



أونه سندويجه موديل يديد بدال الجبن حاط (كافي) تعرفوونه أكيد معصار الكافي الجديم

داهن بها السندويجه قصدي راعي الدكان داهنها هههههههههههه

انبهرنا صدق كيف فكّر جيه

قاسمنا مغصووووووب >>>>حريم وين بتشرد غصبن عنك اونه

المهم

من هذاك اليوم ليومنا هذا عمري ما تذوقت مثلها كانت لذيذة بكل مافي الكلمة من معنى



على بسااطتها لا تزاال تثير احساس الراحة عندما اتذكرها



" حمدون " تبادلتُ معكَ العطاء



لأن ذكراك حلوة كالشوكولاا



إلى الملتقى..



الـلاّل

[الـلاّل]

الليلة مبكرة جداً عن استيقاظ الكلمات

لا زالت في نوم عميق

تعيش في حلم جديد

أو تتناوم عن المجهول الجديد



تفكير طويل

علها غفوة متعب

فمنتصف الليل قادم

والاستيقاظ قريب

و فطور الكلمات الاكيد



فراولة تدندن فوق البسكويت


والآن تصبحون على خير فغفوتي بدأت

إلى الملتقى..

الـلاّل

[الـلاّل]

رسالة اعتذار لكل من

الرحال
بنت العزبة
جريح الحب
سولعية غرام

أحبائي بالتو قد انتهبت بأن هناك تعليقات تكتب وتصل في البروفايل

لي عودة إليكم فأنا جزء منكم وأتشرف بكل حرف يخرج منكم

احترامي وإلى الملتقى..

الـلاّل

[الـلاّل]

اليوم "بنّدَنْ"عندنا ليتات الشعبية

هذي اللحظه اللي صدق الواحد يسترجع كل ذكريااااااااته فيها

يااااااااااااااه ليت كل ليلة يبندن الليتااااات

تذكرت يوم كنّا نشل "غوري" او " بريج" اللبن

كنا نتضاارب من يشل الغوري قبل حتى عيااال الييران يشااركوون >>>>يااخي اللبن حق بيتنا انتوا شو يخصكم ههههههههههه



بس يموونووون علينا شو نسوي



المهم هالبريج اللي يحصله يمزره ماااء ويكون قاائد للي بيسر ويااه

يصب الماء على طول الطريج وهو ساااير

والعيال يتبعون المااء >>>>>مهاابييل ماشي شغله هههههههههههههه

عاد النذاله تستوي اذا الواحد ينقط من هالماء ويمشي ويلفلفهم وويلوع بجبوودهم لين اييب اللبن



على طااري البريييج

أذكر بوحسن إتصل ع بيتناااا:phooon:



يقوولي عندكم بريج



وانا اقووله شووووو بلييييب:yfkkker:



يقولي عندكم برييييييييييييج:maa2ddry:



وانا اقوول شوو بلييييبه بعد >>>>اونه تطنز الحرمه :a7mmmr:



يقوول : برييج برييييج:qtaaan:



اي بلييييب يا رياااال ما شفت بليييب:a7mmmr:



تذكرت الببغاء اللي في برنامج المنااهل هههههههههههه



طفر بو حسن وقاال الغووووووووري الغووووووووووري :sara7mr:



قلت له ايوااا قوول جيه من زمااااااااان ههههههههههههه>>>أي زماااان تطريين نشفتي دم الرياال



وعلى طااري " بو حسن "



كان هذا الولد من ألد أعداائي يمووت من الفرح اذا خسرنا في اللعب ينتقم من الخاطر خاصة اذا السالفه فيها سلخ بالكوورة ههههههههههههههه:sara7mr:



---

جميل أن تضحك الحروف الليلة

كم أنا سعيدة بهذه الذكرياات



إلى الملتقى..



الـلاّل

[الـلاّل]

الحقيقة الذاكرة مليئة بالذكريات الجميله



ولكن هذه الأيام الذاكرة مشغولة لأن الأفكار مجتمعة معها

وتزاحمها في الظهور هنا

أسبوع فقط ولي عودة



مع هذا استذكر بعضاً من صور ومشاهد



بنت الجيران

دلووعه >> اممم يمكن

هذي اللي يسلمكم دايما تلعب بالدمى >>>وقبل نسميهن الصور

يااخي مادري هل هو من الثقااله اللي فيها اونه تلعب بهالسواالف ولا لأنها ما حصلت حد على ذوووقها هههههههههههههه



الله راحمني أن عندها اخت راعية مشااكل و لعب ههههههههههههه >>>> ظلمتيها مسكينه



راعية الصور تعرف اني احب (المعصار) ومدمنه عليه

الجديييييييييم بو غطاة بيضا هب معصار اليوم بو غطاء حمرا يغمى عليك بعد ما تاكله ههههههههههههههه



المهم يتنا ونحن نلعب تحت شجرة اللوز



تقول تعرفون أني حصلت معاصير كافي في العرقوووب :hahakshaa:



<<<<<< قووووووووووووووووولي والله:ho00ob:



تحلف انها سارت امس وحصلت واحد مترووس



>>>>> دكاااان هذا هب عرقوب هههههههههه



أنتن سيرن الحين وشوفن اذا اجذب ولا لا :shrer:



>>>>القايله الحين منو بيهوووير صوب العرقووب ونعاالي فالبيت >>>>اخرطي انتي من متى تلبسيين نعال أصلاً:3ennny:



الأخت متحمسه معصاار ببلااااش صدقت سييييده ههههههههههههه



المهم تراابعناااا



وترااابعنااا

>>>>استوى فيلم مصري جديم ههههههههه



وأنا كللي أمل أني بلااااااقي شي هنااااااااك



نحفر وانبش في التراب



المفاجأة



ورب العزة أني حصلته ومتروووووووس بعد



لا تسألوني كيف ؟؟



المهم صدقت البنية



مادري للحين هل هو مقلب ولا صدق



اللي أعرفه أن الإنسان اذا كان مؤمن ايمان تااام بانه بيحصل اللي يريده بيلاقييه

وهذا تعلمته من أسرار الطاقة



صح المشهد ضرب من الخيال ولكنه حقيقي



كيف تحقق الله أعلم



عااد ثاني يوم قلنا بنجرب ونسير ماحصلنا شي يمكن الطمع سوى حاجز عن الطاقه ههههههههههههههههه>>كل يوم هو العيد



" بنت الجيران "



حفرتي ضحكه في حجر الذكريات



أتمنى لج التوفيق أينما كنتي



إلى الملتقى..



الـلاّل

[الـلاّل]

مُرهِق

عندما يكون لك مزاج متعكّر

وممتع

عندما تندمج في صمت لقراءة رواية

كأنك تعيش أحداثها

فتضحك لتفاهة الدنيا..


إلى الملتقى..

الـلاّل

[الـلاّل]

سبحان من أَضْحَكَ و أَبْكَى


" أستاذ محمود "


أسأل الله أن يرحمك برحمته الواسعه ويثبتك عند السؤال


اللهم إنه ضيفكَ الآن فأكرمه يا أكرم المكرمين


اللهم اغفر له وارحمه ووسع عليه في قبره واغسله من الذنوب كما يغسل الثوب الأبيض من الدنس


تقشعر الكلمات فيصعب علي ربطها الآن


أسأل الله العفو والعافية للجميع


الـلاّل

[الـلاّل]

الآن
الفضا ما كنّه إلا خيمةٍ طاحت عمدها
والفرح ما كنّه إلا شيخٍ انقصّت يدينه

والحال
والعمر قطعة زجاج انكسرت ولا طال امدها
والعرب في العيد بدموع اليتامى مستهينه

والضحايا

والشوارع لفّها ثوب الظلام اللي هجدها
والبيوت أطلال من عقب المحبّه والسكينه

فأيتها
" الذاهبه "
لا تعودي
واتركيني أعود إليكِ
..
كانت من رَقْرَقَةِ دَمْع

إلى الملتقى..

الـلاّل

[الـلاّل]

كا يا مكاان في قديم الزمااان




>>>>> الاخت عبالها شهرزاااد...؟؟!!




يااخي هاتي شهرياار قبل وبعدين ابدي الهذره


ههههههههههه




عودة للذكريات فلازم الواحد يوسع على صدرة بالضحك


فنحن نستحق أن تضحك قلوبنا قبل أفواهنا




والحقيقة هذي الساالفه كل ما اذكرها يعورني بطني مادري ليش ههههههههههه




حدثت الحادثة المروعه وقت الغدا في زمن كانت الأرجل غبراء وعفراااء <<<<< غبراء وعرفناها لكن عفرا شو دخلها في الموضوع لا تحشين في الخلق ههههههههه




كان وقت الغدا


بقينا انا واخويه آخر شيء اعتقد كان عمري عشر سنين




قالي تعرفين شو يقولون اول قبل لا يبدون الأكل




هيه أكيد يقولون بسم الله




شطووووورة




عشوون عيل أعجبك اناا :shrer:




انزين تعرفين شو يقولون اذا الواحد نسى يقول بسم الله قبل لا ياكل :shoof1:




قلت له لا شو يقولون :ahbl:




قالي يقول : بسم الله من اوله و آخره




أيوااا جيه السااالفه




وانتي شكلج ما سميتي صح ولا لا




قلت له صح نسييت




قالي قولي اللي علمتج عليه بسم الله من اوله وآخره




قلت له اوكي : بسم الله


بسم الله


بسم الله


بسم الله


بسم الله ...إلخ




قالي ااشفييييج علقتي :yfkkker:




قلتله ترا انت تقول قولي بسم الله من اوله و آخره


وانا أسمي و بعدني ما خلصت اكل




هههههههههههههههه




قاااالي هب جييييييييييه يا الطمّه :sara7mr:




قولي هالدعااء مره وحده ويكفي هب لازم تعيدين




قلت له اووكي




بسم الله


بسم الله


بسم الله


بسم الله




بسم الله


انقطع نفسي هههههههههههههه:ydm3:




قاااااااااااااااااااالي هب جييييييييييييييييييييييييييييييه :sara7mr:




قلت له : ينطب هالرااس تراك انت تقول >>>> طبعا في خاطري ماروم اسب جداامه :maa2ddry:




قال لي كرري ورايه




بسم الله من اوله وآخر :qtaaan:




قلت له اوكي




بسم الله


بسم الله


بسم الله


بسم الله




هههههههههههههههههههههههههههههههههههههه قسم بالله هبلت فيه وانا متحمسه عبالي فاهمه ههههههههههههههه




أنتي هبله جيه ولا تستهبليييييييييين:sara7mr:




يااخويه لا تغلط تراك انت تقووووووووووووووووووووول من اوله وآخره شوو هاااااه:mrboot:




ههههههههههههههه


يوم بشبع بقول و آخره ههههههههههههههههههههههههههههههههه




اللي يعطي البنات ويه ....>>> عالساااايلنت شكله يسب:sara7mr:




ياا صبررر ايووووووب قاام و زعل




يااخي شو اسوي اذا هو ما يعرف يشرح لي الدعااء مسوي فيها السدييييس >>>> يااعمي طييييييييير




وأنا ع بالي أنهم يعلقون ويقولون بسم الله من اول ما يبدون أكل لين ما يخلصوون منه هههههههههههههههههههههههه




والله بريييييييييييييئه ياااا نااااااااس ههههههههه:hahakshaa:





~~~..~~~


هذا مما مضى ولا زااال هناا




قريبا من القلب




يسكن في ذاكرة الزماان





احتراامي لمن توااجد هنا معي

" وامباارك عليكم الشهر الفضيل "





إلى الملتقى




الـلاّل

[الـلاّل]

أحب راس الوقت و الوقت ما طاع
ولا يزال لقصة الصمت تابع

إن كانك لها يا لايم القلب سمّاع
أو قول لي وقّف هنا لا تتابع

...
الكلمات في جو ضبابي لا تستطيع الرؤية :(

إلى الملتقى ..

الـلاّل

[الـلاّل]

طرت على بالي ذكرى العهد القديم
وانا اكتب اضحك كل ما اتذكر موقف هالولد المسكيييييين :a7mmmr:

كان يا مكاان في قديم الزماان >>>>> الأخت شهرزاد مثلاً :sara7mr:

أيام يوم كانت الاعراس يسوونها في البيوووت
يا حلوهااااااااااااا ويا حلو رش المااي على التراااب و الليتااات الملونه معلقة فوق البيوت :ydm3:

كان اهل المعرس اييبوون المير ويصفّونه في بيت اهل العرووس براا
يا كثر يوااني العيييييش المصفووفه
وهذاك اليوم كان عندنا عرس في بيت ييرااانا حبايبناا هههه
واهل المعرس من منطقة ثانيه
بعد المغرب تيمّعنا وركبنا فوق يواني العيش نطالع الساير و الرااد :shrer:

ولاّ صبي متيييييييييييييييييييييييييييييييييييييين ما عرفه
يخطف عدالنا و يتخرطف بحديدة الدروازه ويطييح :hahakshaa:

قلنا ما عليه مسكين

رد

وتخرطف وطاااح مره ثاااااااااانيه

>>>>> الأخ أحول مثلاً:yfkkker:

قلناا يلاااا يمكن نظره ضعيييف

ورد مره ثاااااااانيه

والله انه يطالعنا بطرف عينه كأنه حاس أنه بيتخرطف للمره الثاالثه ههههههههههههههه

وتخرطف للمرة الثاالثه :ho00ob:

يا جماااعه سااعدووووه يمكن الوزن مثقل على ريووله هههههههههههههههههه

اقوولهم منو هالولد التعباان اول مره اشوووفه:7wagb:
قاالواا عبّوود من أهل المعرس :emaraty:

هااااااااااه استعدوااااا عبّووود بيخطف عداالنااا شكله بيتخرطف مره رااااااااابعه

ياا جماااااااااااعه ترا السااالفه صدق
تخرطف للمره الراابعه
هههههههههههههههههههلزوم نبلّغ الشيخ بالسالفه :phooon:هههههههههههههههه

شو الساااااااااالفه >>>>> عيووز مخااالفه:qtaaan:

والله اللي مخاالف عبووود مادري شفيه متوتر يشووفنا نرااقبه ساير راااد سااير رااد
يااخي عييب يااخي المفروووض ما ترد :shoof1:
بس زين منّا منصدمين ولا بنفشله مسكيين هههههههههههههههههههههه
هذا الموقف مستحيل أنسااه
وعبوود للحين في ذاااكرتي كان صغيييييييييير يمكن عمره عشر سنين :tsfeeq:


والحين تزوّج وقريب بيصير أب إن شاء الله

غبنا عن ذااكرتك يا عبدالله ولكن ستبقى في ذاكرتنااا :plb7ob:

على فكرة بعد ما خلص العرس ردينا نفر الليتات ونكسرهن
مدري عادة كانت سايده في عصرنا الذهبي هههههه


لذكرى " عبّود "


" حمد " في آخر كلمة تذكرتك و ادعو الله أن نلتقي في الجنة


إلى الملتقى ..

الـلاّل

[الـلاّل]

امبارك عليكم الشهر الفضيل


الـلاّل