ابـو نـوره والا مــاكــن !!

[بدويه والكرم لزيمي]

قمت اشوفك يالغضي بكل الاماكن
طيفـك الجـذاب مايبخـل علـي

لو تجيني بالمسـا والليـل داكـن
نور وجهك يقلب الظلمات ضـي

يوم غيري يصيح وعيونـه تباكـن
ماشكيت الحال وانت تحس فـي!!

لو تبي عيني حشـا ماقلـت لكـن
تحت امرك يالغضي هذي وذي !!

من عرفتك دايـمٍ والجـو ساكـن
عن سموم القيض والاهـوب فـي

مذكر ان عروق شريانـي تشاكـن
كيف ابشكي وانت يالمجمول لي !!

والله انك داخـل الخفـاق ساكـن
من عرفتك وانت عندي كل شي !!

كل ماغنى ابـو نـوره الاماكـن
انت والله بس من يطري علـي !!



للشاعر:تركي الديحاني

[سلعاوي]

بيض الله ويهج عالنقل


وصح لسان الشاعر

[غزال البدو]

يا حليل الشاعر

يسلموووو ع القصيده الحلوه

[شليويح]

بدويه تسلمين على القصيدة الاكثر من الرائعة

وصح لسان الشاعر

[عذبة السجايا]

تسلمين بدويه على المشاركه الحلوه ,,,

[بنوته طرر]

تسلمين اختي بدويه ع نقل القصيده
والقصيده ما علييه كلااام
عليج ذوووق يا بدويه

[بدويه والكرم لزيمي]

الله يسلمكم

تسلموووووون عالمرور