يالله حيه لي بيقرب صوبي . ."

[{«مَضمًرَة رًجآبً»}]

حي اللذي عنا جدايا
جيل بدع نظمه ومعناه . .

ويامرحبا عد البرايا
وعد الثرا وامّا حواه . .

واعداد ماخبت مطايا
لي للركض ضمر امطاه . .

تسبق ولاتي في التلايا
واتفوز بشارات مسمّاه . .

شلحال ياخوان شمه .؟ وشحال عربكم وتواليكم .؟

ياربكم الا بنعيم

الليله يطولي بعمركم يتني هبّه اني اسوي مذكرة يوميات

ولا تشاورنا فيها قلنا تم امره ومايطيع زينـّا انتعايز عنها

وان شا الله اني احط لكم الشي لي عيبكم ولا يكدر خواطركم

لغير ابا تفاعلكم هيايه

ولا لكم منا غير بياض الويه ان شا الله ..


توكلنا على الله

اليوم . . يوم الاثنين 22-2-2010


شام الضنين وغادر الدار وحل الفراق ابيوم الاثنين . .
وادعى ضميري يشتعل نار بين الصدود ولاعج البين . !


سافر وشل فوادي وسار واصبحت بين الهجر والبين
منهوب ماخوذن ومنهار جني مريض الحال عاميــن . .



الله يلوفج علينا بالسلامه .. فيذمتيه الدار ما اتشاهد عقبج يابنت عميه . .




سمحولنا وانتشاوف باجر جان الله رااد . .

[{«مَضمًرَة رًجآبً»}]

اليوم . . الثلاثاء 23-2-2010


ياصباح الخير جدواكم
وبالسرور الله يمسيكم

استدار الفكر جدواكم
واشتهيت اني احاجيكم



http://www.up-00.com/Feb10/BTZ15227.jpg (http://www.up-00.com/)


حلفت ماحد يظهر ويثور عني لين مايتناول له فنيال من قهوتيه


. . . . . . . . . . . . . . . . . . . . . . . . .


لي عوده هياكم عقب ماتفججون الصوع

موفجين

[{«مَضمًرَة رًجآبً»}]

يا مسا الخير ياسمح المحيا
حال مغليك من فرقاك تالف .!


حي العرب الطيبه

شو امسيتووا . ؟ يعلكم الا في خير وسهاله

يومي باختصار . .

بنت عميه : مظمره بتخاوينا صووب القريه

مظمره : نعم اني بخاويكم جو ارض بحر هههه لغير صبري علينا بناخذ شور العيوز

بنت عميه : تم تم امره هب ترمسين بنقصر الدوب هياكن

مضمره : تم ان فجت راسيه العيوز

بنت عميه : زين عيل عطينا العلم جان بتسيرين

مضمره : غايته عني افداج


المهم .. تخاوينا هيا بنت عميه وحرمة خوها وحرمة خويه . . وصلنا دون الساعه اربع . . ماخلينا قريه ماهبطناها . . نظهر من وحده ونحدر في وحده وهذا سيرنا . .

مضمره : ياخوات شمه خفن خفن السير ماروم امشي من هالقب لي متوسد ريولي . .

بنت عميه : صكتي عني . . والله يوقّع ع خشمي . .

حرمة خويه : ههههه عني بلاكن شكاظنكن عليه . .

مضمره : اشدرانيه خفه ضربتنا . .


المهم واحنا في القرية الاماراتيه . .

بنت عميه : طاعي طاعي هذا خوج والا يتراوالي . .

مضمره : لا تغربلتي .. وين اتشوفينه . .

بنت عميه : هااكوه لي لابس بنيه وشال بيج . .

مضمره تشهق : والله انه بلحمه وشحمه . . شو يسوي يتلى ع ثر هايلاك البنات . .

بنت عميه : ههههه زخيناه . .

مضمره : صبري صبري . . تعالي مناك بنجابله . .

وسرنا وجابلناه . . خطف حذانا طالعنا بطرف عين .. جنه الا عرفنا هههه . . بس مارمس . .

وشوي يرن تلفووني . .

مضمره : ههههههه درابنا غربلات عدوج .. آلووه

خويه : وييين انتي . .

مضمره : ههههه شعنه اتخبر

خويه : رمسي اقوولج

مضمره : هههههه

خويه : انتن لي خاطفات حذايه

مضمره : شعنه هب عايباتنك

خويه : عني بلا راسج والله انج ماغترتيني .. منوو فاج قيدج انتي

مضمره : هههه العيووز عني فدا خشمها .. اقوولك

خويه : هااه

مضمره : مايمدحوونه المغازل هههه

خويه : اقوولج كد سمعتي صووت القطار

مضمره : لا والله

تووووت توووت . . عنلااته .. دفن التلفون في ويهي ههه . .


المهم . . حدرنا خلاف قرية ماليزيا ورينا عندهم مساج . . شو مسااج عاد . . تحطون ريولكم في حوض فيه سمج ويتمن يحاوطن ريوولكم وياكلن اللحم الميت . .

مضمره : بنت عميه حطي حطي رويلتج . .

بنت عميه : مايسرر عني بلااج . .

مضمره : حطييها حطييها انقفضي والله طماشه . .

وحطتها عقب مووت . .

مضمره : ههههه عز الله انسقمن السمج . .

بنت عميه : ههههه صه صه

مضمره : ماياهن خير طالعي طالعي هالسمجه فارجت الحياه . .

بنت عميه : ههههههههه سلط الله ع عدووج


ظهرنا من المسااج وريولنا تلض منه . . وشوي لنه مأذن العشا . .ياضعف البخت ماواحى الوقت . . وسنتررنا سيده ناخذ لنا عييشه وخلاف ويهنا صووب البووابه مروحيين . .


اسميه ذا اليوم مافيه حييله . .الا سوالف وضحك . . فججنا الصوع امره . .وردينا البييت سالمين غانميين . . وطحت هامده من التعب . .


وجيه السالفه . . يعلني ما ثجلت عليكم . .

انتشاوف باجر ع خير . .

فمان الله . .

[{«مَضمًرَة رًجآبً»}]

اليوم . . الاربعاء 24-2-2010





http://www.up-00.com/Feb10/KfH36548.jpg (http://www.up-00.com/)



اتلاقوا الأحباب مابينهم ضـو
ضو الوله وأنا بجسمي تكوّي . .

بعد التغلي ماصفا فالولع جو
نسيت في جو المحبه هدّوي . .

[{«مَضمًرَة رًجآبً»}]

اليوم . . الخميس 25-2-2010


يامرحبا بعلوم الأخيار
اموكده إلنا بتثابيـــت

الصبح يتنا وقت لفطار
على عجل وإلها تلقيت


برّجت الصبح ع صوت هالمسج :

من عرفتك

وانت يتزايد >غلاك<

وصار قلبي بالمحبه

>يحتويك<


عني افداها بنت عميه مطرشه مسج من فير الله . . فيذمتيه ذمه اني تولهت عليها ابطت علينا ف السفر . .

الدار عقبج هب مرغوبه ياخوية الرووح . .


العصر . . تفيزرت اروحيه ع العرقوب ودلتيه حذايه . . بنتك يابويه بلاها الدار ساكنه وين البني الليله . .سويت لبنت عميه 1 الحرمه مروحه العزبه . . ضربت ع رقم خالتيه لي اكبر عني بسنه . . قلت لها وين قالت العزبه . . شهالسلطه قاطعه قلدهن العزبه . . طاعووا منو يرمس هههه هب انا لي ما افارجها ليل ونهار . . اليوم مهب من اصبحت تهب وتسند الجو مول مايساعد . . زبنت ع العرقوب مارمت اسير . . ييها ياعرقوبي عنك ماتووبي . . خلاف ضربت ع رقم خالتيه لي كبري . . ويين . .؟ قالت القرية العالميه . . لقعه شو عفّدج فيها . . قالت اتكشت .. قلت لها ماريتي مونه ههه وسكرت عنها . . وختيه الله يهديها خامده مانشت تقصر الدوب هيايه . . امري لله . .يلست اشرب من هالدله واعد قصيد ههه . . خلاف يتني حرمة خويه . . يلسنا نسولف هياها ونرمس لين زلت الشمس . . خلاف سرت هيا ختيه وحرمة خويه صوب بيت عمتيه نعاونهم باجر عندهم عزيمه وربشه . . ويلسنا نفزع هيا الحرمات وتعشينا عندهم وعينّا خير وردينا البييت ع الساعه 10
وانا والله الحينه اكتب واتراوالي الشبريه بين عيوني هههه تعب تعب حالبّي . . سمحوليه رمست وايد ادري بعمري هذربان ماصكت ههه . . لغير قلت لازم اصف عليكم من علومي السنافيه ههه . . وانتشاوف هياكم بااجر ان الله راد .. موفجيين

[{«مَضمًرَة رًجآبً»}]

اليوم . . الجمعة 26-2-2010



http://www14.0zz0.com/2010/02/26/12/909347124.jpg (http://www.0zz0.com)




يـــــــارب

& يا مشرق الصبآح &

وجاعل القرآن أكبر إيضآح


احفظ أحبتي في كل مسآء وصبآح

& وارزقهم الجنة والفلآح &



. . جمعة مباركه . .

[{«مَضمًرَة رًجآبً»}]

اليوم . . الأربعاء 3-3-2010

ياهبوب الورد والفلي
مطلع قاصد من ادياري . .

مرحبابكم عد ما انهلي
م السحب غيثٍ وما ياري . .


سمحولنا ياخوان شمه تغيّبنا عن بعض الايام لظروف صحيه وجويه ههه

عفد بنا اليهد الله لا هيّسه حد من كثر الربعان ف المطر وتغدّيف العراجيب ههه حشا هب لهطه حلت علينا ع المطر ههه الله يدومه ياربيه ويعلها مبروكه عليكم الرحمه . .والظروف الجويه يتنا دبغة بروق شوطت كيبلات النت ف الشعبيه ماعرفنا وين نصقّع بعمارنا عقبهن لغير الحمدالله تمت التصليحات وردت المياه في مجاريها . .

الجو اليوم ماهوب طبيعي
نسمة هواه تداعب القلب ويفيق ..

شكله هاليوم حافل بالمغامرات هههه بنسدحها لكم انشالله ان خطفت ع خير ههه . .

لي عوده ان شالله

وخالفتنا السهاله . .

[{«مَضمًرَة رًجآبً»}]

مسا الخييير على كل من ويّه صوبي


تحمدوولي بالسلامه اشهد انه وايج عليّه الموت ورد ههه بتيكم السالفه في محور الحدييث . . اليوم ع المغيربان سرت صووب الشله المشتله ههه توالفنا لغير هنتيين قصرن ماين . . معذروات معذروات حليلهن وحده عاطنه م الجامعه وخمدتها ووحده مويهه دبي يعني مختصر الرمسه تمن الا البطاليات يتوحن بعمارهن هههه المهم سرنا صوب المقر الرئيسي بيت خالتيه وبالتحديد حجرة البشكاره علها تفضل بالعدوو ههه شو نسوي عاده ساتره علينا هالبقعه مانروم نقول شي . . وجدام حجرة البشكاره دري يالسات عليه وشوي اشووف حد حادر البيت عرض . . ولنهم ولد خالي وولد عميه راكبين سيكل لي بوثلاث تواير وااحد يسووق وواحد متفيزر في السله الورانيه . .

مضمره : لقعه لقعه وين تبوون . .

ولد خاليه : تعالن بتخبركن . . انتن دوم معسكرات هنيه . .

بنت عميه : هي وين تبانا نطس عيل . .

ولد عميه : تفاقدتن ههه . .

خالتيه : اهب هبييت الله لا قاله . .

مضمره : بتخبركم يهاال انتواا تقوودون لكم سييكل . .

ولد خاليه : هيه هيه يهاال . .

مضمره : حجاايج لا الله هب يهال هههه سيروا سيروا عنا فكونا من الوذا . .

وكلنا مطرشاات الدكاان ولا تم لنا شي هفّوو العيشه كلها هالمفلّع ووطّوا السييكل ف الحوي وحدرواا دااخل . . وقلنا فووقه بنلعب به طشوونه ههه وبنت عميه وخالتيه ماعندهن خلاف قالن غاايته ههه . . شارت علينا خالتيه انها هي تسووق قلنا لها تم ويلسنا انا وبنت عميه ف السله الورانيه اسمينا تعفصنا فيها لين ضلووعي تخالفن قلنا لها هب تسيريبنا صووب الدروازه حوطيبنا الا حذا المطبخ وييبنا من ورا البيت عن لا حد يشوفنا قاالت زين الدريوليه ههه . . وسارت وسارت ولفت بنا ورا البيت وهناك يطولي بعماركم ماشي سفر ولا ليتاات البقعه مظلمه وخالتيه لي معرسه يالسه تخدم عيشه في المطبخ وشافتنا وحطت يدينها ع راسها . .

خالتيه : غربلاتكن سايرن سايررن . .

مضمره : لحقي علينا دخيل الله ختج تخبلت كسرته القييج . .

وشوي عفدت بنا تحت الغاف والشير وبنت عميه تبغم عليها تقولها غربلج الله هب اتسيرين بنا صوب الغاف تحتهن السكن وخالتيه من سمعت الرمسه عطت بررريك من الخاطر وقزّت عن السيكل انا تميت فاجه عيوني هب مستوعبه وشوي اشوف السيكل مرتكز خشمه ويرد بنا شوي شوي ع ورا وخلاف الدبغه العووده طرباااااااااااااااااااااخ . . وصخت بنا الدنيا خمس دقايق . . خالتيه حاطه يدينها ع ثمها وصاكته اتريانا انّش . . فجيت عيوني شوي شوي واشوفني طايحه ع الصبّه وقابضه يد بنت عميه ومجابلتنها ويه بويه واشوف عويناتها يفرفرن . .

مضمره : بنت عميه متّي .؟

بنت عميه : لا فديتج حيّه . .

مضمره : ههههههه نشي نشي عني بلا راسج . .

ونشت بنت عميه حليلها تسحب ريلها والدمان سبييح لغير الحمدالله انا دفع الله عني البلا وسلمت من الشر ههه اسميها طارت حمامة فوادي من الفليخه وهزبت خالتيه هزبه محترمه عنبو جان نفدتنا وسدحتنا ف الدخاتر . . حليلها بنت عميه مبخوصه من رويلتها .. ماياها خيير فيذمتييه . . وماشي خلاف ويهّنا صوب بيت يدتييه حلفت علينا خالتيه انتعشا عندها متلومه فينا الحرمه هههه . . وعقب العشا ضويت البيت وصكيت الدعنه من عقب الهوامه ههه . .

خالفتنا عليكم السهاله . .

[{«مَضمًرَة رًجآبً»}]

اليوم . . الخميس 4-3-2010


اهـداء لعربان غابـوا عن العين والشووف . .






الـبـارحـه مـــن جفـنـيـه فـــر نــوم العـبـاد الـلــي تغـيـضـه
لــي نـامـت الدلهـيـن يـسـهـر ويهيـض مـا بالقـلـب مخفـيـه



يــا مــل قـلـب صـــار مـحـتـر يـبـغـي ولا حـصــل مـنـاويــه
أنــا اشـهـد ان الفرقـيـا مـــر وفرقـا الأحـبـه مــن يقاسـيـه




والـلــي أوده يـسـكــن الــبــر ولي مـا يـدل الـدار مـا يجيـه
مــن هجـرهـم كـــم باتـصـبـر وكـثـر الصـبـر دلــه براعـيـه




أنـوح غيـر النـوح مــا يـسـر ونـوح بليـا وصــل ش ابغـيـه
لـي فـي حشـايـا بـانـي قـصـر قـديــم مـــا هـــو تـــو بـانـيـه




بوصـيـك يالـلـي رايــح الـبـر رده سـلامــي يــــوم بـتـجـيـه
بوصيك وانته هب وصي شر رده عـلــى الـغـالــي وثـنـيــه




هـذا سـلام أحلـى مــن الــدر وأخـن مــن العنـبـر بطـاريـه
وان سـال عنـي عقبـه بـشـر لــي صابـنـي عـسـاه يخطـيـه




شروات لي في موسـم الحـر ظامي يشوف الماء ولا يجيه
مــا يوصـلـه غـيــر الـمـخـدر لـي فـي الرمـال يـدل راعـيـه




يللـي وطـا فـي السـيـح غـبـر ريعـان ضـارب فــي مـداريـه
ويـلـي بــدا المـطـلاع يشـهـر ويـبـلــغ الـمـشـتـاق غـالـيــه




يعجـبـك يــوم الصـبـح ينـشـر من دونه اللـي ليـل مـا يجيـه
فــي مجلـسـي هــذا مـسـخـر ولاف مـــا لـــي حـايــة فـيــه




لـي مـن ذكـرتـه دمعـيـه خــر واســج مــن شـغـل أسـويــه
ودي بوصلـه غيـر مــا اقــدر لـو الآدمــي تحـصـل منـاويـه




كلمات الشاعر : أحمد بن زعل الفلاحي . .

[{«مَضمًرَة رًجآبً»}]

اليوم . . الجمعة 5-3-2010


يمعه مبااركه عليكم يميييع


اصبحنا الصبح الحمدالله آخير عن قبل خف اليهد عنا طشوونه وفجتنا الحمى . . طالعت التلفون وريت مسج

من بنت عميه يوم قريته بحلقت عيوني زين ماطاحن في جف يديه ههه كاتبه ( الغناه انا في الدااار ) . . يالله

عني افدااها ردت الحرمه من السفرر ويّهت مسعفه صووب بييت عميه ومسوين غدا وعبااله صكينا الترااب

عندهم وتغدينا . . وعقب الغداا ظهرنا خاارري انا وبنت عميه ورينا مووتر عيوزها الراف وااجف هالموتر

مايسيرون فيه الا صوب العزبه مايواحي يغدف العراجييب ههه سرنا صوبه يوم خشعنا الباب لنّه مفتووح

والسويج فييه طالعتني بنت عميه وطالعتها ههه انتشاور بالنظراات محد يفطن لهن غيرنا ههه قالت ركبي

ركبي بنسير صووب الدكاان العررب مشتطه مابتدريبنا قلت لها هزرج قاالت نعم قلت لها تووكلي امررره ولا

عليج خووف ههه عاد مارمنا نخوّن ف الشله قلنا بنخطف عليهن سويت لخالتيه قلت لها انقفضي انقفضي

انترياج خااري يت الحرمه وغبرتها ع ثررها مادل شو السالفه قلت لها ركبي ركبي هب ترمسيين وركبت

حافظ عليها ماتقوول لا خووية شمه ههه وخطفنا ع الباجييات ويتضااكمن في الدبه ههه ماطاع يحترك

المووتر صكت مكينته ف الدعنه هههه عز الله سلمت الشمس واحنا نسحته الدرب صووب الدكاان ههه

وصلنا الدكاان يوم ليّنت الجاامه لنه خمسة رووس ظااهره من الدريشه اسميه فلخ راعي الدكاان قال

استغفر الله عشر نفر داكل هذا سياره صغيير ههه خذنا باارد وردينا ع ثرنا صووب الشعبيه فرينا كل وحده

عند بيتها وعدت السيرره ع خيير وسهااله . .

هذا مقتطف من يووومي ماروم اصفّه كاامل صبيعااتي ضووربن من الكتاابه ههه انتشااوف هيااكم بااجر

وسمحولنا ع الزلاات . .

[{«مَضمًرَة رًجآبً»}]

اليوم . . الأحد 14-3-2010



عقب العشا . . اشتلن الحرمات صوب بيت عرب يقربون لنا مسوين عزيمه واشهد انها هب عزيمه عرس عرس امره

والمواتر اتراكت صووبهم والشعبيه من طرفنا خليّه الا انا وخالتيه مسوياتلنا روس رواحنا ههه . . وأنا من

العصر أزاول في بيت يدتيه وكل شوي تتصلي العيوز اتخبرني وين اقولها في البيت امره ماسرت بعيد عنه هههه

التوبه ياربيه هب ضاريه ع الجذب المهم كنا يالسات انا وخالتيه لي كبري ولي اكبر عني بسنه

نسولف ونصف العلوم من كل يانب ههه خلاف ظهرنا انا وخالتيه قلنا بنتمشى طشونه

وخالتيه لي اكبر عني قالت ماروم اخاويكن تعبانه قلنالها برايج بنويّه عنج يعلج في داعة الثعلب هههه المهم واحنا انتمشى ردت

لي الذاكره وقلت لخالتيه هب جننا مطرشات الدكان .؟ قالت خيبه نسيناه .. واشوف الساعه لنها عشر
سود الله ويه مايعرفك من دكان خدم بنا خدمه الهرم . .

وشوي لن ولد خالي واقف حذانا وليّن الجامه : مرحبا ملايين .. انا وخالتيه فاجات عيونا اول مره يرحب بنا لوّل دوم حك صك هيانا هههه

قلنااله المرحب باجي .. ولد خاليه : علوومكن غلامتين .؟ والله ماعندنا علوم معزر بنا الدكان ويالسات انترياه ..

ولد خاليه : شو مطرشات ؟ ماشي غير بارد لا برّد الله ع فواده .. ولد خاليه :هههههه افا عليكن عندي بارد في الثلاجه ..

وشوي يخطف ولد خالتيه الصغير ويزقره قال له دوك عط البنات وشوي وشوي اتّقف تراهن ممزورات واحنا

فاجات لغوبنا من الفرحه مشكور مشكور طوول الله بعمرك .. ولد خاليه : العفوو هههههه ويعطيه الريس ويروّح ..

يانا ولد خالتيه يربع وكل وحده غفت لها واحد .. وقفت متبلمه واهز الغرشه طالعت خالتيه واشوفها تهز الغرشه عنلاااات صداه خليّات مافيهن شي ..

متنا قهر عقيناهن ع طوول يدنا ف الصافج ماعليه وين بيطس عنا مردوده الحركه ..

قلت لخالتيه وصليني لين دون البيت بتضوي العيوز وانا ماضويت قالت غايته وصلتني وردت ع ثرها

وماشي طاحت الحيه وهبطنا البيت في خير وسلامه ..

سمحولنا ع الهـذره ههه ..

[{«مَضمًرَة رًجآبً»}]

السموحه والعذر منكم ياخوان شما توني اشوف التعليقات

شرفتوني يميع بمتابعتكم المتواصله ليومياتي


الرحــال

&

بنت العزبه

&

سولعية غرام

&

غلاك اتعبني

&

الولايات المتحده البدويه

&

همس قلبـي

&

حاحيــم


لكم مني جزيل الشكــر على الاطراءات الجميله

ماعليكم قصـــور ابد

[{«مَضمًرَة رًجآبً»}]

اليوم . . الاثنين 15-3-2010


قصيدة من القـلب إلى القـلب دزّهـا دافـع الشـوق لخويـّاتي ورفيقـات الدراسـه


بـدويـه كسـرتيـم & عـنـود الـصـيـد




http://uaefm.net/music/sh/sh03/alromathi/rm/alrumethi_ala-ya-shooq.ram



لا خليت منهن ربي يابعـدي

[{«مَضمًرَة رًجآبً»}]

حاحيم : يالبي ع الشله خطييره .. ويستاهلن ربيعاتج ونرقب الزؤؤد من ابداعج اختي
ربي لا شلك ع خطفتك صووبي اشهد انك ماقصرت . .


الصمت : هههههههههه حلوه سوالفج اختيه
مرورك الأحلى ولا هنت ياطوويل العمر . .



بنت العزبة : قصيدة رووعة وشلتها اروع .. تسلمين ياذوق .. ونتريا الزود .. ومتابعين لج ^_^
اشكرج يالغناه ع المتابعه ونوورج دوم شال الصفحـه . .


منصوريه طر : مافيـــ ج حيـــله بدعتي بسوالفج ^^ نرقب اليديد من صوبج خويتيه
خطفتج لي مافيها حيله لا خليت منج ياخوية شما على هالتواصل الفنـان . .

[{«مَضمًرَة رًجآبً»}]

اليوم . . الثلاثاء 16-3-2010



http://www9.0zz0.com/2010/03/16/12/758755430.jpg (http://www.0zz0.com)


لي لمحت الشمس في وقت [ الغـروب ]

فز "قلبـــي" بيتعلق بالشعاع . .


الهوى غربي وأنا قلبي [ جنـــوب ]

والمدى بيني وخلّي فـ اتســاع !!

[{«مَضمًرَة رًجآبً»}]

اليوم . . الخميس 18-3-2010


انتـه يالزعلان لو تعرف غلاك
جان عفت الدنيا ولشوفي عنيـت . .


ريت ختيه فديتها زعلانه وتصيح متبيهس فيها خويه وضاربنها دوم هالثنينه مايتوالفون ع خير ههه . .


http://www10.0zz0.com/2010/03/18/12/831251638.jpg (http://www.0zz0.com)



لا تترك الدمع فوق الخد يتحدر

حاسب !! ترى كل عمري فوق وجناتك

ماتدري انك اذا اتكدرت انا اتكدر

وافرح لجل فرحتك واشره لشرهــاتك . .

[{«مَضمًرَة رًجآبً»}]

الرحال: كلمات جميلة للغروب وتناسق بينها وبين الغروب في الصورة.. استمري ي الشاعره.. لا هنت يالرحال ع التواصل ويعلك دوم سالم . .


بنت العزبة : روووعة .. صح لسانج .. ودومج مبدعة ونتريا اليديد منج .. ومتابعه لج ..^_^
تشرفني متابعتج يالغنـاه ولج كل الشكر . .


الولايات المتحده البدويه : فدييتهاا اناا... قوليله يالدب لاااتصكهاا ولا بالشوزن هههه الله يخليهم الكم^^
ههههه مارمنا له ع حييله يالغناه مسمينه ساطع لاطم ماعنده غير هالموونه هههه . . والرب لا شلج ع الخطفه . .

حاحيم: لا تترك الدمع فوق الخد يتحدر..×~ افاا ليش الزعل .. راضيها كله ولا زعلها خخخ .. نرقب يديدج ختي
افا علييك لا تستهم راضيناها في ساعتها كله ولا آخر العنقود ههه . . ولا هنت ع المرور السنع . .


سولعيه غرام : فديييييييييت روووحهـآأإ // دآأإم السالفه فيهاا بنت وصبي ~ آخرتهاا صياااح ... / آآه عوقي رقم ثلاااثه لو سمحتوآأإ طرشوآأإ البحري صوبناا ^^
عل اتفداج العافيه . . ههه معلوم عني افداج حكم القوي ع الضعييف . . ومن صووبج البحري يفداج امره ههه . .



ღ♥ غلاك أتعبني ღ♥ : يآلله عني فدآآ دمووعهـآآ .. خآآطري آصفعله آخوج آلدب ><" هع .. عنووني لآتزعلون آلدلووعه مره ثآآنيه آووكي ؟!.
ههه يباله كفخه طشونه ع راسه وبيفجن عنه الزيران هههه . . وانشالله هب مزعلينها ماطلبتي امرره . .

[{«مَضمًرَة رًجآبً»}]

اليوم . . السبت 20-3-2010


يامرحبا مليون بكمال
ماهبت الشرتا مراويح

وين النسيم ايهبّ يوّال
وزهور ورده في تفتّيـح


اليوم يطولي بعماركم الصبح ريت راعي الخلاقين وعيوزي متفيزره اتشرّى عنده سرت صوووبها وهفيت لي كمن قطعه ين ع المزاج ههه عاد انا جريم عني افداني ههه ماسرتن عن بالي يابنات المنتدى خذتلكن هيايه وكل وحده اتنقالهاا قطعه . .






http://www11.0zz0.com/2010/03/20/10/695358236.jpg (http://www.0zz0.com)




وعلهن مبروووكات . .

[{«مَضمًرَة رًجآبً»}]

سولعيه غرام : عني فدآأإج / عااد ني ماتسدنيه وحده ههههههه بغي الحمرآأإ والبحريه هههه / علهن مبروكـآأإت لااخليييييييت ...

امره كلهن يفدنّج يالغناه . . لا هنتي ع الخطفه الترتيييب ..


الولايات المتحده البدويه : انا ابا الحمرى^^... وملبوس العافيه....متابعين يومياتج الطر ..

من صووبج عني افـدااج .. وتشرفني متابعتج يالغنيّه . .

[{«مَضمًرَة رًجآبً»}]

♥ غلاك أتعبني ღ♥ : آآبــآآ آلعنـآآآبيه ^^" .. وآلله آنج غرآآم دآآمج مآنسيتينـآآ هع .. علهن مبرووكآآآت عنووني ^^

تفدااج هي وراعيتها . . خطفتج الغرام لا عدمتها ربي يابعدي ..


جريح الحب : استمري الشاعره على درب الابداع الله يعطيكم العافية

شرفتني بالمرور الكريم . . لا هنت وعساك ع القوة ..


بنت العزبة: انا ابا البحريه ^_* .. ويعلج تلبسينهن وانتي فرحانه يارب ..

من صوووبج يالغناه . . والله يفرح فواادج ياربيه ..

[{«مَضمًرَة رًجآبً»}]

اليوم . . السبت 27-3-2010




http://www13.0zz0.com/2010/03/27/17/431853327.jpg (http://www.0zz0.com)



اشعلت عمـــــري~ شمعـه

يوم انطفت لشمـــوع !!

ذوّبتها من الولعــه

لي به وصابـــه مــوع . .


ألعي وأطلب { فزعـــه

ولا ياني المفــزوع

من اللذي له سمعـه ~

والنب له مسمـووع . .


عمري بــلاه اش نفعــه ؟!

لي من غدى ممنـوع

سيدي ~ بهي الطلعـه~

ساكن وسط { الضلـــوع } . .


حبـه بقلبي زرعــه

اسجيـه فيـض ادمـوووع !!

يلين نظّــر فـرعـه

وقلبي ذوت بـه فــرووع . .


ونيت وبيه لســعـه

وش حيلت الملســوع

ماطابت لي الهيعــه

يوم الخلايـا اهيـــوووع .!


عطشـان وأبعـد نبعـه

عني وهو لي نبـــوع ~

يلي وعدني برجعــه

بعيّـد بـ لـرجوووع . .


أن ولّفتنا الربعـــه ~

نذراً علي مدفـووع

له من صلاتي ركعــه

ومن الصيـام اسبـوووع . .

[{«مَضمًرَة رًجآبً»}]

سولعيه غرام : وقسسسسسسسسسسسسسسسسم إنها تفجييييييييييييييييير / بتخبرج من كاتبهـآأإ ؟؟ / وإذا إنتي صح لساانج مليووون ^^


مادري يالغنيّه منو الشاااعر . . هاي غنية ميحد ضاربه ع المزاج اليوم ويالسه اتصوخها وقلت بكتبها لكم . . وفيذمتيه شرا ماقلتي تفجيير هالقصيده اشهد انه ابدع فيها راعيها . . ولا هنتي ياخوية شمه ع الخطفـه . .

[{«مَضمًرَة رًجآبً»}]

اليوم . . الاثنين 29-3-2010



أبيك في عيد ميلادي

تجي في وقت ميعـادي

تكمّل فرحة أعيـــادي

تكحّل لجلي عيـوونـك . .


http://up.arab-x.com/Mar10/w6u89520.jpg (http://up.arab-x.com/)


ياصوت القلب ياسمعه

تفضل نطفي الشمعه

تكرّم امسح الدمعــــه

وعيش في عين مضنونـك . .

بعد عامـاً من أيامــي

أبيـك تكون جدامـــي

تواصل غايـة أحلامـي

تصـون الحــب وأصـونــك . .




بسبب هاي المناسبه الكريمه ههه تراكتن عليه البني وكل وحده شاله ع راسها كيكه ههه

عني افداهن ماقصرن علني اسوق هالكيك صوبهن ف الأفراح . .




http://up.arab-x.com/Mar10/e2L89520.jpg (http://up.arab-x.com/)


http://up.arab-x.com/Mar10/tpw89520.jpg (http://up.arab-x.com/)


http://up.arab-x.com/Mar10/3JV89820.jpg (http://up.arab-x.com/)


http://up.arab-x.com/Mar10/qee89820.jpg (http://up.arab-x.com/)



ويعلهن بالعافيه

تراهن من صوبكـم . .

[{«مَضمًرَة رًجآبً»}]

اليوم . . السبت 3-3-2010

هلا بكم عد ماخط الكتابي
وعدد ماخلق من حصبا الترابي . .

وماشكّل حمام الدوح فنّـه . .
على الأعواد في روس الروابي . .


اليوم ويّهت صوب العزبه ودغشت لكم هالصوره

http://up.arab-x.com/Mar10/GkP38629.jpg (http://up.arab-x.com/)


حمام ياللي باللعى موجعنّي . .
أرّقت جفناً بات ليله صحاوي . .

أشكي حبيبٍ باعد الزول عني . .
إلا لنا بين القلوب النجاوي . .

أشتاق شوفه لو يفيد التمني . .
لو كان له بين الرّعايين ضاوي . .

سلام مع ريف النسانيس مني . .
أهديه له عبر الأثير السماواي . .


للشاعرة القديرة : فتاة العرب . .

[{«مَضمًرَة رًجآبً»}]

اليوم . . الاثنين 5-4-2010



http://up.arab-x.com/Mar10/w8D07260.jpg (http://up.arab-x.com/)


يسافر في دروب الحب فكري
يعيد أيام ذكراها حصايــب . .


يردد وين ياديرة صبــــانا ؟!!
زمـان الود وأيامـاً أطايـــب . .


تقول الدار "لاتبكـي بحسـره
صروف الدهـر فيها م الغرايـب . .

تبدل من توده دون زلــه
رحل من غير مايبدي سبايــب .!

[{«مَضمًرَة رًجآبً»}]

اليوم . . الخميس 15-4-2010


http://img105.herosh.com/2010/04/15/212474454.jpg





قلبـــي أنا وقلبه ربـاعـــه

جنّآ بجسد واحد يعيشـوون

قلبه خزن فيه "القطاعــه"

وقلبي أنا بالحـب مخـــزون


قلت الغلا بستان طـاعـه

فيه الورق وتشيـله غصـون

ماعاد لك عين القنـااعـه

صرت ابهـوايه مالك عيـوون

[{«مَضمًرَة رًجآبً»}]

اليوم . . الأربعاء 28-7-2010



http://www9.0zz0.com/2010/07/28/13/881021106.jpg (http://www.0zz0.com)


وش حالتـه . . لي روحـه وحيـد . .

من شـووف خلّـــه . . صـآآر محـرووم . .