طلب من اهل الهير الكرام

[qweasd]

السلام عليكم
انا عضو جديد في المنتدى وحبيت استفيد منكم
انا طالب جامعي وعندي بحث تخرج
واخترت الهير لموضوع التخرج على الرغم اني من العين وما اعرف اي شي عن الهير بس انها تابعة للعين
من خلال بحثي مطلووب مني انا اعلج مشكلة سكان الهير
ولمعرفتي ان ناس الهير عرب طيبين وناس حالهم حال الي عايشين في العين يعني محتاجين كل سبل الراحة والخدمات الزينه
ابا منكم مساعدة متزويدي بصور عن المحلات اليوت الجديمة واليديده عدد السكان او اي معلومه ممكن تساعدني
انا من خلال بحثي بحاول احل المشاكل الموجودة عندكم من كهربا وماي واحتياجاتكم من مركز تسوق زين والي اخره من الخدمات الي انتو محتاجين انها تتوفر في الهير
ظهروا كل الي في خاطركم بس بليز انا بحثي جدي يعني ابا معلومات دقيقة موثقة ومصوره للمشكه واتمنى ان بحثي يحل بعض المشاكل الي عنكم لان لو طلع على مستوى زين افكر اقدمه لبلدية العين فرع الهير - وعسى يسون شي في مصلحة اهل المنطقة
وبكون شاكر وممنون لكم وبدعيلكم
:antok:

[ظبي العدامة]

وعليكم السلام

مرحبابك اخويه فالمنتدي

شوف اخويه حتي انا عندي بحث .. وللاسف بعد عن الهير .. بس الحمدلله انا عندي معلومات بس ما بعطيك لووول اسوي سوالف فالك طيب .. بساعدك بس لانه للتخرج والا كنت بسويها حركه النذاله


شوف انا اول شئ سويته في بحثي تكلمت عن مشكله المصنع بس اعتقد ان هالشئ انحل

شوف طال عمرك عندنا المشكله الاولى : العياده

2: السكن

3: الجمعيه << الله لا يراويك

اممممم شو بعد .. تقريبا هالاشياء الاساسيه

وانشاء الله بوافيك بالصور

وانشاء الله قدرت اساعدتك والسموووحه منك اخويه


تحياتي لك اختك : ظبي العدامة

[qweasd]

مشكوره وماتقصرين
بس التعاون حلو وانا خريج خلاص وبعدين اعتقد تخصصي يمكن يكون غير عن تخصصج
بس الموضوع واحد
مشكوره وماتقصرين واتريا منج المزيد وانا لو اقدر اساعدج بعد ما بقصر فالج طيب

[ظبي العدامة]

ع قولتك التعاون حلوو .. خلاص عيل من تخلص بحثك طرشلى نسخه منه خخخخخ


الله يوفقك

[راعية الشارجه]

انا من الشارجه بس كنت متزوجه من الهير معلوماتى عن الهير انها منطقه مميزه جدا بالنسبه لمناطق العين اهم مايميز سكانها ترابطهم من ناحية احتياجاتهم الهير ماتبا مول تبا شوية تصليحات فالجمعيه او فرع لكارفور

[حاحيم]

الله يوفقك بحااول اساعدك ان شاء الله

امم انا انصحك اتسير بلديه الهير يمكن يساعدونك فاشياء مثل عدد السكان

وجي

اذا عن المشاكل عندك الجمعيه

و قالوا بيسون ملاعب ورا مدرسه الاولاد ولحد الحين ما صار شي من هذا

مع انهم سوا استبيان ومن فتره هذا الكلام

في بيوت جديمه في الهير بس يعني اشوفه شي عادي لانه الناس تعوداو او شي من حياتهم

لان البيوت قراب من بعض

في بيوت قالوا بيبنونها في الهير حق المتزوجين مكرمه من عند الشيخ محمد بن زايد الله يحفظه

بس لحد الحين ما طلع شي كل مره يقولون هنا بيبنون وبعد فتره يغيرون

وفي العياده صح انها الحين تحت الصيانه بس انا اشوووف لو يسون عياده ثانيه واكبر احسن

لانه تستقبل ناس من مناطق ثانيه


والسموحه ع الاطاله وان شاء الله اكوون ساعتدك بشي

[بو حمد الوشاحيـ]

وعليكم السلام أخويه
مرحبابك ي منتدانا

1- أولا زياده البطاليه (( الهنود )) اللي يتواجدوم أمام مسجد الجمعه مخلين الهير (( لندن )) من كثرهم
2- إعاده بناية الاستراحه اللي بجانب الاتصالات لانه أصبح مهجورا
3- توسيع مسجد الجمعه لان عدد من المصلين يصلون خارجا في الحر الشديد حتى انا صليت برع
4- عدم تواجد إنارة الشارع في الشعبيه الثانيه
5- وضع لوحات في الشوارع تحدد السرعه المحدوده
6- زيادة العمال الذين الذين يعملون في المستشفى
7- صعوبه امتحانات الطلاب و الطالبات في الامتحانات و تشديد المنهج

شكرا اخويه و طول الله في عمرك
كثر الله من امثالك

[يدوه غلا]

للأسف مش من الهير
ولا جان ماقصرت
ماحبيت أظهر من دون رد ^_^
الله يوفقك لكل خير
ربي يحفظك
\
/
يدوه غلا
. . . .

[بنت العزبة]

وانا بعد مب من الهير .. واخوانا سكان الهير مابيقصرون وياك باذن الله ..

والله يوفقك ..

[فديـت الهـير]

مراااحب اخويه
خلني ابدا جد عندك وببعدين بعلق على رد كم عضو

1-سكن العزاااااااب>في مجمع سكني كامل وتكامل من كل شي في وحده من الشعبيات
فيها عمال من كل جنسية ويشتغلووون في دبي والعصر تلقاهم مسوين زحمه في الشارع لانه كله يتمشون وهذا اكبر خطر على العوايل
والمسؤولين خبر خير

2-
في عندك فلل خاصة انبنت والحين جاهزة واهلها بس ينتظرون ان يتم نوصيل الكهرباء لهم وهم من زمان يتريون واظني انهم بيتريون اكثر

3=
مثل ماذكروا الاعضاء العيادة هي اهم شي لانه الحين بس يعيدون صيانتها بينما هي بالاصل صغيرة وغير مفيدة لان كل اللي فيها ادول ودوا الكحة

4-
من وجهة نظري لانحتاج لمركز تسوق مول +< في الهير بل نحتاج لتوسعة الجمعية الموجودة وامدادها بمستلزمات جديدة تغطي طلب جميع الشرائح
5-
اتمنى من قلبي ان تفتح مدرسة صغيرة لتعليم اخوانا الباكستانين الموجودين في الهير لانه صدق مظلومين
حرااام تشوف واحد عمره 15 سنة مايعرف يكتب ولا يقرا >امي<
6-
عندك المطاعم والدكاكين اتمنى من البلدية بان تقوم بدورا في الحملات التفتيشية عليهم لان الاغلبية من المطاعم تقدم اطعمة غير صحية ولو تكون هناك رقابة عندي شك 100% انها سوف تغلق
7-
محطة بترول الهير قد اكل عليها الدهر وشرب
محطة بترول من 1000 سنة كل شي تطور الا المحطة , الشي الغريب في موضوع المحة ان موقعها حساس بالنسبة لزبائنها كونها تقع على الخط العام وهي موجودة في قرية كثافة السكان بها عالية
فنجدها تغلق عند الساعة العاشرة مساء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
8-
محطة المطافي <الدفاع المدني؛<
من وجهة نظري ان موقعها ليس صحيح لانها في موقعها الحالي سوف تستغرق الكثير من الوقت لكي تصل الى مكان الحرائق او الحوادث
اتمنى ان يتم تقريب المسافة \
9-
عدد المساجد التي تقام بها خطبة الجمعه تعد على اصابع اليد الواحدة هناك من 4 الى 5 مساجد فقط في الهير
اتمنى ان يتم تشييد مسجد واحد على الاقل ليواكب الكثافة في التعداد
لي عودة لاحقا

------------------------- بوحمد الوشاحي
مع احترامي الشديد لوجهة نظرك
عندما اسلفت ان؛ صعوبه امتحانات الطلاب و الطالبات في الامتحانات و تشديد المنهج؛
هل تعتبر مشكلة ام ان المناهج في تطور مستمر مايستوجب على طلاب مواكبة تطور المناهج
شكرا لك
-------------------------------

[راعية الشارجه]

صح لسانك كفيت ووفيت والله يافديت الهير كلامك فى محله والله هالمنطقه من احلا ماشفت فالعين شوف دخلتها ونته ياى مالعين وحكم وماشالله كل شى بدا يكون فيها من بنك وتصالات ومكتب عدل وامور كثيره انشالله يايه فالطريج انا سكنت فيها خمس سنين تنش الصبح حتا هواها غير وناسها غير ولى فيها والله انهم غير

[بو حمد الوشاحيـ]

شكرا اختي فديت الهير يمكن الفاعل خير يوصل كلامنا عند التربيه يزاج الله خير
انتوا ما تسمعون اول العرب قامو يقولون وين ايامك يا زايد
الحين الهندي والبنغالي قامو يقولون
ما كذبوا اهل الهير مظلومين

اسم الهير الجديد

(( الهير المظلومه )) أو (( الهير الناقصه شي ))
وين ردودكم أهل الهير

[qweasd]

السلام عليكم
كل الردود اعجبتني ومشكورين وماقصرتوا كل ما مريت على رد واحد منكم اقول يزاه الله خير ويساعده ربي مثل ماساعدني
كل الاشياء الي ذكرتوها برفقها في البحث واتمنى ان البحث يطلع زين ويفيد سكان الهير واخاذ عليه A
لاني بقدمه هديه للبلديه (بس اخاف مصيره الدرج والغبار و شباك العنكبوت او اقرب زباله)

المهم
مشكوووووووووووووووووووووورييين
وكنت عارف انكم مابتقصرون
واتمنى التواصل معاي بكل جديد وبصور واكون جد شاكر ومن قلبي اقول
الله يفتحها عليكم بالخير وين مارحت يا الي بتساعدني

[فديـت الهـير]

اتمنى من الاعضاء اللي دخلوا ولا قالوا شي
انهم يردون وكل واحد يدلو بدلوه في الموضوع
------------------------------
لايوجد في الهير مبنى للجنسية والاقامة
نادي العين الرياضي الثقافي في الهير غير مفعل ولا له ادور رياضي او ثقافي على الاطلاق
--------------------------
لي عودة لاحقا
-----------
اخوي الوشاحي
انا عضو

---------
دمتم بالف خير

[مسولفجيه]

مشكووور وما قصر ما شا الله الهير منطقه راقيه لو اني مب من الهير بس جد منطقه ولا اروع واللي يحليها عربها المهم مره كنا في بيت يدي ورحت العياده (لسبب ما) ويوم رحت شفتها في مكان يديد (على فكره موقعها اللي ييتلها فيه كان بيت اجار بسبب الصيانه بس اتمنى انكم توسعوون العياده اليديده وتطورونها ) وثاني شي الجمعيه يبالها اشياء اضافيه وبعد المطاعم لازم رقابه ومشكووووور

[بو حمد الوشاحيـ]

اسمحيلي أخويه (( فديت الهير )) بس و الله ما عرفت المهم سامحتني :yt2ml:

[ماله علاج]

ياريال انا بفيدك الهير احسن مواقع سياحية في العين حتى انهم خلو الوادي مننتجع وثاني شي الهير اكثر سكان فيها بدو في الامارات.. اللي يالزم الهير :


1- هدم الجمعية او بناء كارفور يكون احسن
2- بناء مول او منبا صغير للسينما او العاب حق الكبار او الصغار
3- نادي العين فرع الهير وايدين من الشاباب نم الهير عندهم مواهب بس ما يعرفون وين يودونها واتمنا ان يسوون نادي راقي للهير (صيانة )يعني يسوون دوري حق الشعبيات كل شعبية اروحة بس ملاعب العشب( لامانع مه ان يسوون ملاعي كرة قدم للنساء)
4- المطابات وايد حشا كسرن سياييرنا
5- مساجد ما عليها كلام
6- لي عودة

[ماله علاج]

كل شي لازم يتوفر في الهير معلومه لو اتفكر البلدية اشوي كان سوو شي فضيع والسموحة

[فديـت الهـير]

مسموح خوي وشاحي

كل واحد له وجهة نظر
واتمنى من كاتب الموضوع انه ياخذ الافكار اللي تفيد المجتمع والسكان علما انه مجتمع محاااااااااااااااااااااااااااااااااااااااااااااااا اااااااااااااااااااافظ

[بو الريم]

السلام عليكم
كل الردود اعجبتني ومشكورين وماقصرتوا كل ما مريت على رد واحد منكم اقول يزاه الله خير ويساعده ربي مثل ماساعدني
كل الاشياء الي ذكرتوها برفقها في البحث واتمنى ان البحث يطلع زين ويفيد سكان الهير واخاذ عليه A
لاني بقدمه هديه للبلديه (بس اخاف مصيره الدرج والغبار و شباك العنكبوت او اقرب زباله)

المهم
مشكوووووووووووووووووووووورييين
وكنت عارف انكم مابتقصرون
واتمنى التواصل معاي بكل جديد وبصور واكون جد شاكر ومن قلبي اقول
الله يفتحها عليكم بالخير وين مارحت يا الي بتساعدني

تم غلق الموضوع لإنتهاء الغرض منه

تمنياتي لك أخي الكريم بالتوفيق