لويش كـــذي؟؟؟؟؟؟؟؟!!!!

[فديـت الهـير]

السلام عليكم ورحمة الله وبركاته
شحال كلن بحاله
المنتدى مـــــــــــــــــــــــــــــــــــــــــــــــــ مــــــــــــــــل
المنتدى شكله مــــــــــــــيـــــــــــــــــــت ســريــريــا
لا في مواضيع يديده؟
لا في اعضاء تتفاعل
لافي حركة
سبحان الله هل الهير واعضاء المنتديين
كانهم مناهم من الامارت مايعرفون انه في الاتحاد قوة
اول المنتدى زحمة وحشرة وتنافس من ينزل مواضيع يحصل عليها ردود اكثر والــــــــــــــــخ
والحين O
ليش ماتستوي حالة دمج الاعضاء في منتديات الهير 2
في منتدى واحد انشط واحسن واكشخ واجمل وايدد
و و و و و و و و
صح كلامي ولا لا
ارجو انه الموضوع ماينغلق

شخص غيور على المصلحة العامة

[[ زحمة شموخ ]]

بصرآآأأإإحـــــــــــه كل اللـي قلتهـ مليوووووون بالميـه صـح ..

آول المنتدى ربشـــــــــــه وتفاعــــــــــــــــــل ...

البرؤؤؤؤؤؤؤؤد والهدؤؤؤؤؤؤء في المنتدى يشرد الاعضااء .. ياغير بعض الاعضااء صامديين في وجـه البرؤؤد والملل !!

انــــــا أقول : إن الاعضاااء طبؤؤ المنتدى للآسبااب خاصـه .. وحد منهمـ لاآأإن قسـم الالعااب مسكـر .!!

لااازمـ تسووون بحووث وتقاارير وتلفوون ع هل الهير . تتخبروونهمـ ليهـ الجفــــــا ؟؟!! << بتقلبها قصيدة .

امممم يمكن مديـر الهير غييير ورووح الهير غييييييير << يمكن كل مدير يحب الانفرااد بمنتداه !!

بس حلووووووووووه الفكـره .. لاازمـ الجهاات العلياا يتشااورن ^^

ناايس طــــــــــــــــــــــــــــــــــــرح ..

سلمت الشيح ع فتح هذا الموضووع المهـــــــــــــم ..

^^

[∫ ۶ـيٌۆטּ‘ مٌـعشۈقےَ «●]

يعطيك العافيه ياخوي.....

انا عضو يديد في المنتدى الهير .....

بس لكني مشارك في اكثر من منتدى كلهن ربشه....

مادري ليش....

يمكن عشان مواضيع محدده نقدر نخليه....

او مافي اعضاء وايدين في المنتدى........

[بنت الشاعر!]

هيه نعم كلامك صحيح اخويه

وانا ملاحضه هالركوود من فتره مااسميها قصيره ...واستويت احدر المنتدى بالايام مره واشوف المواضيع على ماهي ..وواخر الردود نفسهم هم !!!!

للاسف الاعضاء المتحمسين فالمنتدى ينعدون ع الاصابع ...

فكرة دمج منتدييين فكره عجيبه ..نطالب بهالشي علوه نحصل نتيجه طيبه ...

[حاحيم]

صح صح كلامك اخوي

المنتدين مافيهن حركه


جان حصل موضوع في اليومين زين


وان شاء الله يراجعون في الامر

[فديـت الهـير]

شكرا لكل من اطل بروحه وبقلمه المميز في هذا الموضوع

اتمنى اصحاب الكلمة يردون على الموضوع

[بنت العزبة]

وعليكم السلام ورحمه الله وبركاته

بخير وسهاله ...


عن البرود الي في المنتدى... انا تعبت من هالنقطه بصراحه .. انزل مواضيع في كل مكان اتمنى حد يتفاعل بس للاسف الاعضاء واحد بتلقى منهم او اثنينه يردون عليك ..

وانته اخويه فديت الهير من زمان مادخلت المنتدى .. فيه وايد مواضيع لاتقول ماشي مواضيع قول ماشي تفاعل من ناحيه الردود .. قلنا يمكن يبون مسابقات سوينا مسابقات في شهر رمضان بدال الوحده 3 يمكن بس للاسف التفاعل ماشي ينعدون ع الاصابع .. يعني نحن كإدارة سوينا الي علينا .. والباقي المفروض على الاعضاء ..

يعني اذا عندكم اقتراحات تفضلوا وقولوها ..

اما عن قسم الالعاب نحن نرتبه باذن الله ونرتب له قوانين وبنفتحه قريب ..


اتريا اقتراحاتكم


ولاتنسون عدم وجود مشرفين في المنتدى بعد .. مب كله على الاداره .. وللاسف محد يشجع يكون مشرف ..

والي يشوف نفسه قادر على الاشراف والتغيير يتفضل ويقول ..


والسموحه على القصور ..

[بووحمد]

السلام عليكم .
اولا مشكور اخوي فديت الهير على الموضوع الطيب وان دل هذا على شي فانما يدل على غيرتك للمنتدى .

بصراحة انا اوافقك الرأي ان المنتدى عايش في ركود . لكن مع احترامي لك وللذين ردوا وللكل سواء اعضاء او اداريين هل سئلتم انفسكم ليش هذا الركود ؟

المنتدى مب ادارة ، المنتدى اعضاء ويعتبرون هم فريق العمل وهم الي يرفعون منتداهم وفي نفس الوقت هم الي ينزلون مستوى منتداهم . لاتزعلون مني الي انتقدتم المنتدى هل سئلتم انفسكم كم عدد المواضيع الي نزلتوها او كم عدد المشاركات اليومية ؟ بيديكم تقدرون تردون المنتدى مثل اول بمواضيعكم وبمشاركاتكم طبعا انا مااطلع نفسي من هذا الاتهام انا مثلكم مقصر يمكن مشاركاتي قليلة بالنسبة لكم والسبب انك لما تكتب موضوع تلقى الردود لاتذكر وهذا الي الي يخلي الواحد انه مايتشجع يشارك بشي والشي الثاني الشلليه موجوده في المنتدى انا اعرف فلان برد على مواضيعه واذا مااعرفه البسه وهذا مايصير . هذا بالنسبة للاعضاء

اما بالنسبة للادارة فهذي بعد مشكلة للاسف من الاداريين او المشرفين مانلقى غير بنت العزبة الله يعطيها الصحة والعافية ويعطيكم كذلك. والايد الوحدة ماتصفق الاخت ماقصرت سوت اعلان للي يشوف عمره قادر على الادارة يتقدم وبصراحة تم اختيار كم من عضو للاشراف وعقب اختفوا ماندري ليش .

انا اشوف ان الهروب من المشلكة بدمج منتديين هذا غلط يفترض اذا كانت في غيرة على المنتدى فبيديكم تردونه مثل اول لكن اول شي يتم تعيين مشرفين على كل قسم وكل مشرف يعمل على تطوير القسم الي ماسكنه وتكون عنده كل الصلاحيات دون الرجوع للادارة اما اذا بقى على بنت العزبة بروحها فااعتقد انها مابتقدر تحارب على جميع الجهات ( طبعا هذا مب تقليل من جهدها لكنها هي انسانة ولها طاقة معينة) .

والسموحة اذا غلطت على حد

[راعيها]

عليكم السلام ورحمة الله وبركاته

تسلم اخويه فديت الهير على الموضوع

انا بقول رأيي وبكل صراحة .. في البداية اتفق مع اخويه بو حمد في كلامه

العيب مب في الإدارة لانهم مب مقصرين وبو الريم ما شاء الله عليه مواكب الاحداث إلي تستوي في الهير وكذلك بنت العزبه نشاطها ملحوظ في المنتدى ما شاء الله والرحال مانبخص حقه

العيب فينا ( الاعضاء ) وقبل كل شي لازم نحط في بالنا ان المشاركة في المنتدى اختيارية مب الزامية .. الاعضاء يشاركون حبا منهم للمنتدى ويعطون من وقتهم وافكارهم عشان المنتدى يرتقي ويتطور ولو كنت تدخل يوميا بتشوف

إذا كنا نغار على المنتدى ونبغيه يتحرك لازم نبادر سواء بالمواضيع او الردود او حتى الافكار والاقتراحات إلي تساهم في تفعيل المنتدى

وإن شاء الله بتشوفون منتدى الهير في احسن حال

[الـلاّل]

السلام عليكم ورحمة الله وبركاته

يعطيكم العافيه جميعا

فكرة الدمج أثارت الغيرة فبرغم تقصيرنا إلى أن مولدنا ونشأتنا كانت في منتدى الهير وأتمنى من الإدارة أن لا تضعف وتقبل بالدمج سواء الآن أو بعد

من وجهة نظري احدى اسباب الركود هو كثرة الأقسام تقريبا يوجد 25 قسم رئيسي هذا غير المتفرعة منها اضافة إلى تقارب مضمونها من المواضيع فمثلا ماذا يفرق قسم ( قلم مبدع ) عن قسم ( لمسة مبدع) وهذا ما يسبب نشاط قسم على حساب قسم آخر

أتمنى اعادة النظر في هذا الترتيب و التقسيم وإن أمكن الحذف فخير وبركه ..:kfkkk:

حاولت البحث عن الأسباب و ليس التفكير في الدفاع فقط وإن شاء الله سنتواصل مع الإدارة في أي ملاحظات اخرى تفيد المنتدى و تبقيه نابضاً..


إلى الملتقى..

الـلاّل

[أبو شوشة]

ربما الخطأ موجود بالأعضاء!!

وربما بالإدارة !!

وربما بشكل المنتدى العام !

وربما في الأقسام الموجودة !!


وربما.. وربما.. وربما!!!!

كل هذه الاحتمالات وارده


(الركود) آفة المنتدى

بختصـــــــــــــار

كل ذي عقل يؤمن بمقولة

(نجاح الشركة قائم على نجاح الموظفين )


فالمعنى الظاهر أن الأعضاء هم الموظفين في إنجاح الشركة ولكن ..


من يرسم الطريقة الهندسية التي يسير عليها الموظفين ؟؟

هكذا علمني صديقي

من يرسم الطريقة الهندسية ؟؟

مجمل الأراء رائعة وكل أقتراح وقع عليه الأعضاء جميل

ولم يتبقى إلا التطبيق والعمل

فالأنتعاش مرتبط بالحركة والحركة مرتبطة بأوامر الأدارة


كل ما على الأدارة الأن هو تصفية الأراء التي طرحت


ووضع الخطة المناسبة للأنطلاق بهذا الصرح إلى عهده السابق



وأنا مستعد أن أساعد في الدعم الفني أو طريقة ترتيب المنتدى أو تغير الاستايل العام

لخبرتي الطويلة في هذا المجال


تحياتي أبو شوشة

[يـآس]

السلام عليكم ورحمة الله وبركاته


شكرا فديت الهير على الطرح


اللآل أشارت الى نقطة مهمه وهي كثرة الاقسام في المنتدى وهذا من أسباب الركود وانا اوافقها عليها

وفي نظري المنتدى بكل مافيه ممتاز ,, إدارة وتقنية ومضمون
الباقي على المشاركين وهمتهم ومميزاتهم

ووجود منتدى ثاني ويحمل أسم الهير أعتقد فيه ظلم ,, هذا الاول وله الحق في البقاء
وعلى الطرف الثاني يغير الاسم او يستمر اذا قدر له الاستمرار



وفي الحقيقة تواجه كثير من المنتديات حالة الركود هذي
وتقل وتزيد على حسب الزوار والمشاركين لانهم ما يثبتون في مكان واحد

وين ما يلقى الشخص نفسه يستقر
يمكن رحل الكثير من الاعضاء لهذا السبب وهو عدم وجود الشيء المميز الذي يجدون انفسهم فيه

التميز في عالم المنتديات صعب
لكن الهير أعتبره بيت لأهل الهير والي يحبونها ولو تخصص في شؤون الهير وزادوا عليه بعض الاقسام الادبية والتصويريه والاخباريه والدينية
بيكون بسيط ومتخصص ورائق لذائقة العامة

أتمنى للهير الاستمرار
ولاعضاء الهير التميز


ونقدر لك حرصك فديت الهير

[الرحال]

السلام عليكم ورحمه الله وبركاته

في البداية جزيل الشكر لكم جميعاً على حرصكم واهتمامكم بمنتدى الهير

فديت الهير شاكر لك بالاخص غيرتك على المنتدى فأنت كنت أحد الاعمدة المميزة في موقع الاشراف في فترة من الزمن فلا نستغرب اهتمامك..

نقاط كثيرة وضعت هنا واقتراحات من تقليل الاقسام وغيرها من النقاط

الرحال شخص يشعر باللوم من تقصيره تجاه الهير كثير لظروف جداً صعبة ولا ماتركت الهير دقايق لانتمائي الشديد لهذا الصرح الذي اعتبره بيتي الذي ما استغني عنه في يوم

ثانياً.. فكرة الدمج لن تحصل لمنتدى الهير ان شاء الله( هذا الساس ويظل منبع العطاء جاري)

ركود المنتدى ماب بس في هالفترة مرت علينا فترات اصعب بكثير جدا من لي يمر علينا الحين

ما أجمل ذلك الشعور من التكاتف هنا للرقي بهذا الصرح الوحيد والوفي لاعضائه وزواره

سيبقى منتدى الهير شعلة العطاء والوصل بينا جميع كآخوة وخوات هنا..

يكفي ان منتدى الهير يحظى بشرف نقل أخبار علوم دار الهير اولاً بأول وهذا دافع مشجع نحو التواصل المستمر

هناك ظروف تشغل الجميع ما بخص حد

الكل مقصر الجميع.. لكن لا نجعل من اللوم على الواحد نقطة اجرام بحد شخص معين

لنتواصل معاً من آجل منتدى الهير

الرحال شخص منكم وفيكم واعدكم ببذل الجهد من أجل هذا الصرح الجميل

كونوا على العهد باقين.. والهير بيرد في القريب ان شاء الله

^_^

اعذروني ثاني مرة

كل الود


الرحال

[بو الريم]

في البداية نستسمح منكم على القصور وعلى الركود اللي في المنتدى

وهذا الموضوع تناقشنا فيه قبل أسبوعين مع الإداريين وكان من المفروض أنه

نعمل تغييرات في الأقسام وتعديلات على المنتدى ومن ضمنها منتدى الألعاب

ولكن لظروف أحكام ..

وإن شاء الله نوعدكم باللي يسركم في الأيام القليلة القادمة