تسجيل الدخول

مشاهدة النسخة كاملة : توجيه آخر للبلدية ...


E L W A R S
03-09-2009, 12:56 AM
بسم الله الرحمن الرحيم

وبه نستعين << ياخوفي تنزل مقاله :shoof1:


كل مافي الموضوع هو:

أنتوا تعرفون انه الحين في رمضان << أنزين خلص :7wagb:

والعيد قريب ماشيء باقي عنه << وبعدين

..

وطبعاً تعرفون أن صلاة العيد ..تكون فالمصلى اللي عدال القاعه

وباركنات المصلى ..ماشاء الله تبارك الرحمن فل..

وفي سيارات توقف من الينوب ..جهة مصلى الحريم

والبقعه هناك هب مستويه وفي غرزات ..

والدرب هب سالك .. وحتى الحريم يتعثرن..

ولاتنسون ان اغلبهن عيايز اللي يسيرن يصلن ..

يرومن ولا مايرومن ..يعفدن فالتراب..<<ياويل حالهن كاشخات وعافدات فالتربات

..

أنا حبيت أنوه للجهات المسؤوله فالبلديه

يقومون بتسوية المكان حتى لو بكدش

منها السيايير تخطف ..وحتى نحن لو مرينا مناك ماتخيس نعالنا وثيابنا

مع العلم انا يوم بسير اصلي العيد البس نعالي القديم ..عشان مايتوصخ اذا مريت بهذيج البقعه<<يحيد عمره دوم يوصل متأخر ومايحصل باركن

أدري طولنا عليكم

بس الموضوع يستاهل النظر فيه

والمباشره بأسرع وقت..لانه ماشي وقت

..

وسلامتكم
يـآس
03-09-2009, 01:21 AM
ياعيني عليك


اضم صوتي لصوتك
E L W A R S
03-09-2009, 01:27 AM
دلعوه

عاد أنته عوقك هالسوالف

^_*
يـآس
03-09-2009, 01:33 AM
شو رايك نحطك مستشار للبلدية
وانا العمده

صدقني شو اشياء بتغير!!!!
واولهم بنسويلك الكدش حق المصلى ^_*
بو الريم
03-09-2009, 04:31 AM
وأنا أضم صوتي لصوتكم

---------------

وأيظا في صلاة العيد .. لما تجب الصلاة .. تحصل البنقالية مسببين زحمه على بوابات المصلى

ويصفون آخر شي وفي مكان يكون فاضي في الوسط .. حتى في صلاة الجمعة ..

وهذا طبعا مب دور البلدية .. بيكون دور الإمام ودور المصلي على تنبيهم .. بس لا حياة لمن تنادي
راعيها
03-09-2009, 06:00 AM
ملاحظة في محلها لكن ابسط الحلول هو رش البقعة بالماي ليلة العيد

ماتشل اليداد عشان مايتوصخن ولا عشان ماينسرقن وتعيد بالقدام ^_*

تسلم على الملاحظة

والله يبلغنا العيد
E L W A R S
03-09-2009, 07:28 AM
شاكر لكم مروركم

//

عاد البنقال والهنود اروحهم سالفة في المصلى المفروض يسولهم على طرف شبج يصلون فيه ويكون داخل المصلى طبعاً <<خخخ أمزح أكيد


فكرة رش الماي كانت وارده في سنوات قبل

لكن تعرفون الشواب من يصلون الفير غبشوا المصلى ويشتكون من البرد هناك

والعيايز مثل يغبشن بشواذرهن ..


صح عيد الفطر هاي السنه حر..لكن الاضحى برد على شهر 12 ..

وبعدين مابيضرهم شي الا كدش هو ..تراهم يسحتون للعزب والمزارع

هذا بيت الله ولهم أجر فيه ..أن عدلوه

//

بالنسبه للنعال <<عشان الاثنين ^_____^
بنت العزبة
03-09-2009, 07:58 AM
صدقت والله

مب الا مصلى العيد الي في الهير

حتى في اماكن ثانيه يحتاي الهن كدش .. ويوم نسير نصلي العبي يخيسن كلها تراب ..

ارجوا النظر لهذه المساله قبل العيد

وشكرا على الطرح اخويه الورس

والله يعطيك الصحه والعافيه ..
قـلب الغـرام
03-09-2009, 09:54 AM
صـــدقــــتوووو واللهــ


يااااارب حد يشوووف صرفه في هالمشكله


تسلم أخوويه الورس على طرحك للمشكله هااذي وان شاء الله يتم حلها
الهوجاس
03-09-2009, 11:04 AM
الصراحه ما فيه شي مصلا العيد حلوو

ومافيه مشاكل الامووور طيبه بس يبغيله سجاد

وتنضيف واهتمام وتكبير ورعايه من البلديه
راعيها
05-09-2009, 01:16 AM
ملاحظة الهوجاس في محلها .. الأهتمام بنظافة المصلى حيث تكثر الأعشاب فيه و وضع سجاد للمصلين

اما بخصوص الكدش انا أفضل رش المكان بالماي .. إذا حد تأخر على الصلاة و مالقى مكان في المصلى بيصلي خاري وين بيقدرون يصلون على الكدش والحصي

هاي الملاحظة المفروض تكون للاوقاف
E L W A R S
07-09-2009, 06:01 AM
خاري ولا داخل كله حصى

والاماكن اللي يبالها كدش مب حول المصلي كامل..وين البقعه هب مستويه

[ خارج المصلي وليس داخله ]

اذا بيكون هناك في رش ..فيفضل يكون داخل المصلى

لأنه غالباً مايكون هناك غبار وأتربه وطين

//


فكرة السجاد صعبه

لان المصلى يكون مكشوف ..والسجاد بيكون معرض للهواء والامطار والغبار

فبالتالي مابيي عيد الاضحى الا والسجاد منتهيه صلاحيته

أكيد المصليين يشلون سياداتهم معاهم ..

والاعشاب هذي عاد تخص البلديه أعتقد