@سرقتي قلبي@
08-05-2009, 11:21 PM
بسم الله الرحمن الرحيم
اربعه حيطان .. معتقه اللون .. يأتيها شباب مختلفو الاشكال
تراوحت اعمارهم بين الـ19 والـ28
يقضون فيها نصف يوم ..
يتسامرون .. ويتبادلون الضحكات .. والهموم .. والحكايات..
اخترعت شخصيات خيآليه.. لعني اقضي بها فكره موضوعي ..
حوار يستفتح من قبل احدهم
ناصر : آآآه بس..
خالد : (جالس جنب ناصر) وش فيكـ ياخوي ..
ناصر : ابد سلامتك .. بس خايف ارفض للمره الثالثه
خالد: ليش ماردوا عليك اهل البنت
ناصر : بعد ان استجمع قواه .. لا ماردوا .. تتوقع يرفضوني ..
خالد: ليش ياخي انت شاب ماعليك ومصلح .. ليش يرفضونك..
ناصر : المهر.. المهر مبهذلني ..(يلتفت على خالد بشتكي له) انت تدري .. انا لا وضيفه سنعه ولا ورث.. جالس اجمع المهر على قدي
خالد: الله يعينك .. توكل بالله وادع الله ..
ناصر : امين يارب .. ونعم بالله ونعم بالله .. (يتنهت بخفيف)
خالد : (يلف على بقيه الشباب) يسأل بأبتسامه ..حمود .. ماقلتي لي وش صار عليك
حمود: صار بوشو ..؟؟
خالد: بزواجك .. هاه عساهم ردوا ..؟
حمود : لا ابشرك الحمد لله ردوا . . ووافقوا .. وان شاء الله قريب بنقرر متى الزواج
خالد وبقيه الشباب: ع البركه ..
حمود : الله يعين بس ..
خالد :بضحكه خفيف.. ياشيخ احمد ربك لقيت ناس قابلينك مو مثل صاحبنا .. (يلف لناصر بابتسامه ساخره)
حمود : ايه الحمد لله ههههه .. بس ياخي المعيشه صارت غاليه هالحين .. ابي ادور الشقه وابي ادفع مهرها وهذا غير حسابات وحسابات........الخ...
خالد : ربنااا يعيييينك .. صدق هالايام الشباب مايقدرون يصرفون
أحمد : (يطلع الزقاير من جيبه والولاعه)
يلف عليه فهد : وانت الى هالحين ماتركت التدخين
أحمد : (بعد مايولع الزقاره) يا اخي عجزناااا.. كل مره اقول بتركه بس اعجز
فهد: الله يهداك ياشيخ قسم بالله هالزقاير لعبت بحسبتك لعب ..
أحمد : يا اخي الحسبه خلها على جنب شوي ..صارت تاكل كل راتبي
فهد : وتستمر عليها بعد كل هذا
أحمد : تقدر تقول مدمن..ما اقدر اتركها..(يلف احمد بعد ان يسحب نفس عميق من الزقاره ليطلقه بعد ذاك بالجو )
فيصل : ( يحرك يده بالجو وكأنه يبي يبعد الدخان) ياخي ارحمني تدري معي ربو ..
أحمد : (بعد ان يطفى السيجاره بالطفايه ) آآسفين .. كم مره قلت لك لا تجلس قريب مني .. قم قم ..
فيصل : اقوم احسن لي .. قام وابتعد وجلس بجانب بدر ..
فيصل : ( يطالع في بدر ) .. بدر هيييييه .. وش فيك ساهي . . اللى ماخذ عقلك..
بدر: (بعد ماينتبه لنفسه) هلا هلا فيصل.. وش تقول
فيصل: لا انت مانت معي .. اللى ماخذ عقلك ياشيخ
بدر: ههههههه لا محد ماخذ عقلي المكافئه ياخي محتاج وابيها
فيصل: ليش ماصرفوها الى الان ..
بدر : الى الان تخيل .. سيارتي صار لها يومين بالورشه عجزت اطلعها اقطعت فيني يد ورجل..
فيصل: يهز راسه بخفيف.. لا حول ولا قوه الا بالله ..
يقاطع حديثهم عبدالله اللى كان فوق عربيه يقودها وعاجز عن السير ..
عبدالله: السلالالام عليكم ..
الجميع : عليكم السلام ورحمه الله وبركاته
يمشي عبدالله بعربيته ويحس نفسه مثل العاجز انه يسلم على كل واحد .. وقف في مكانه وجو يصافحونه وهو يمد يده لهم.. ومن بيد الايادي اللى صافحته يد جديده عليه
عبدالله: (بأبتسامه تعلوا محياه) .. هلا فيك يالاخو .. شكلك جديد عمري ماشفتك
سعود : هلا فيك والله .. انا سعود الـ........؟؟
عبدالله : بعد ما ارتسمت عليه ملامح الالم.. اخفها بأبتسامه تصنع .. ونعم والله .. اخذ بكرسيه الى مكان بعيد بالمجلس..ليسترجع احداث مؤلمه مر بها ..
سعود : (يراقب عبدالله عن كثب.. وتدور بذهنه مجموعه أسأله.. يلفت على صديقه فيصل).. فيصل.. خويكم هذا وش فيه
فيصل : ( بعد ماترتسم على ملامحه بعض الالم) خوينا هذا قصته قصه .. كان اكبر مفحط .. وفي يوم كانوا طالعين يفحطون هو وخويه بسياره .. صدم .. واقتلبت السياره .. هو مثل مانت شايف .. فقد المشي .. وخويه.. توفى الله يرحمه .. (ابتسم ابتسامه الم) اسمه سعود
سعود: اها علشان كذا تغير وجهه لما عرف اسمي ..ياما ناس راحوا ضحيه تفحيط .. الله يهداهم ويعقلهم ..
ماهي الا دقايق حتى يدخل وجه سمح متواضح في وسط المجلس ..
ماجد : السلالالالالالام عليكم
الشباب: وعليكم السلام ..
خالد : هه هذاني بسأل عنك ياخي .. وينك ماتنشاف..
ماجد : تعرف الوضيفه ومشاغل
خالد : الله واكبر كل الوضيفه شغل بسوق الخضره ..
ماجد : ياخي اهم شي مشي الحال
يلف سعود بعد مايسمع مقتطف الكلام..
سعود: ماجد وين تشتغل ..؟؟
ماجد : بسوق الخضره ..
سعود : وانت مالقيت غير هالشغل .. ليش وش شهادتك ابتدائي
ماجد : ههههههههه لا معهد ...
سعود: معهدددددد وسوق خضره يالظالم ... ليش.. طيب كم راتبك
ماجد : ياخي ملقيت وضيفه زين اللى شفت هذي.. راتبي يمشي الحال يعني بحدود الالف
سعود : تدري انه انعرض علي وظيفه براتب 4 ألآلف ورفضتها
ماجد : ليشششششش.؟؟ ياغبي نعمه
سعود : ياخي وش تسوي 4 بهالوقت .. وهذا غير ان الشغل كثير مايسوي 4
ماجد: يابن الحلال مع الوقت بيخف الشغل ويكثر الراتب صدقني ..
سعود: مشهاااااا بس .. ماني فاضي اقوم كل صبح علشان اربعه بس ...؟؟
ماجد: (يومي برأسه ويتأسف على عدم قناعه صديقه).. انت الخسران
سعود: الا الاخ الكريم اللى بالزاويه الى هالحين ماخلص مكالمته
ماجد: ( يلف ويطالع الزاويه) ليش وفايز يخلص مكالمات مع بنات خلق الله
سعد: الى هالحين على الحب القديم ..
ماجد: اي حب اي خرابيط هذي السابعه او الثامنه كل يوم داخل علينا بأسم
سعود: يا اخي مايخاف الله هالانسان.. الله يبليه بخواته بكرا او بناته
ماجد: ماعندك احد اتركه بس...على الاقل ارحم حال من تركي
سعود: وانت الصادق (يلف ويطالع لتركي اللى نايم من دخلتهم) ياخي المخدرات لعبت بسمه لعب
ماجد: فقد اهله وفقد بيته وعياله واسرته وامه وابوه وماله.. وبكرا بيفقدنا ويفقد نفسه بسبتها
سعود: لا حول ولا قوه الا بالله ياخي المفروض نتحرك ننصحه.. الساكت عن الحق شيطان اخرس
ماجد: ومن يقووووووول مانصحناه .. يبكي ويقول بتوب وبتركها ويدخل علينا من بكرا دايخ وماهو لمنا ..
سعود: الله يهداه يارب الله يهداه..
ماجد: آمييين ..
(يقاطهم صوت خالد بعد ان ترك هموم الموافقه على الزواج على الجانب يمضى بعض الساعات برفقه اصدقائه .. وينسي بعض همومه )
خالد: شباب وش اخر اخبار البلوتوث
محمد : اما ياخالد .. عندي لك مقطع .. اوووف خطير ..
خالد:مقطع وشو ..؟
محمد : مقطع بناااات.. انما ايييه .. لا انت ماشفت الصور شي ثاني ..
خالد : ورني ورني بالله ارسلها لجوالي..
فيصل: ياشباب تدرون انه ذنب عليكم تتنقلون صور هالبنات المساكين ..
خالد: ياخي فلها وش فيك انت متعقد ..
فيصل: يا اخي ماهي مسأله تعقيد .. بس تخيل لو انها اختك وشاب قاعد يشوفها ويقول هالكلام عنها.. بترضى
خالد: ياخي هن لو خايفات على انفسهن ماصورن
فيصل: من ستر على مسلم ستر الله عليه يوم القيامه .. ماتدري عن ضروف كل بنت . بعضهم جاهم حقهم بسبب الاهمال.. والبعض انظلم .. بسبب صور مالهم ذنب فيها ..
خالد: وانت الصادق.. مابي اظلم احد.. ولا احب الظلم..ذكرتني بزملنا عبدالعزيز الله يذكره بالخير .. هالانسان تحس دينه صح .. مشاء الله عليه
فيصل: ايوه والله مشاء الله عليه ياخي انسان تقى فاهم الدين صح .. مو مثل اخوه اللى فجر بناس وعوائل واطفال مساكين مالهم دخل ..
خالد: الارهاب فرق شبابنا وامتنا .. وخلى رجال الدين اكبر عدو للدول الغربيه .. وربي حرام هالشي..
فيصل: وانت الصداق راحت ارواح بريئه .. واطفال مالهم ذنب .. وناس تيتمو بسبب التفجيرات.. وياليتها عاد تصير باجانب المشكله انها بداخل بلادنا وتقتل مواطنين سعودين وعرب ..
لم يمضى وقت طويل حتى ارتفعت بيوت الله بالاذان وبدأت تصدح فيه ..
حمود : يالله ياشباب الصلاه ..
قاموا بعضهم .. والبعض تجرأ واكمل جلوسه بعد ان اخذ ورق الشده يكمل جلسته .. ولم يلبي نداء الله له ..
مضت السنوات تجر بعضها البعض وكانها حلم ليل ..
اربعه حيطان .. معتقه اللون .. يعود لها مجموعه من بعض شباب كانوا يسكنونها
قضو فيها ايامهم ..
يتسامرون .. ويتبادلون الضحكات .. والهموم .. والحكايات..
ماجد : السلالالالام عليكم
الشباب : وعليكم السلام ياهلا والله وغلا بماجد منو
ماجد: النور نوركم .. (يتجه ليجلس بصدر المجلس .. يلتفت يمه ويسره) وشلونكم شباب
الجميع: الحمد لله بخير بشرنا عنك ..
ماجد : لا انا الحمد لله بخير وسيتن نعمه ( يقاطعه صوت صاحبه سعود الجالس بجنبه)
سعود: ماجد وشلونك.. بشرناعنك وعن شغلك
ماجد: والله بخير يالغالي ابد الحمد لله والشغل ماشي ميه ميه ..
سعود: والله ياخوي ماجد انا خجلان منك انت عارف الدنيا مصاريف وحوسه ومقتضيات وعارف صديقك لا وضيفه ولا شي .. انا ادري تسلفت منك اكثر من مره بس ياليت تسلفني ووعد اول ما الاقي شغل امدها لك كامله
ماجد: افا بس ياسعود .. جيبي هو جيبك .. وانت تامر امر بس ذكرني لا طلعت ( ويتردد بباله قبل كم سنه.. في نفس المكان.. كم عاب شغله وسخر منه ومن راتبه القليل .. والان يطلب السلف منه .. )
سعود: ماتقصر طول عمرك رايتك بيضاء..
ماجد: ياشباب فايز وينه انا فاقده من زمان لا اتصال ولا شي
( الكل اودى برأسه يتهرب عن نظرات ماجد ونظرات غيره وكانهم يخفون وراهم خبر مفجع)
ماجد: وش فيكم تكلموا .. ؟؟ وين فايز ..؟
فيصل: والله مادري وش اقولك ياماجد بس فايز .. قتل اخته وذبح نفسه ..؟؟
ماجد : ليشششششششش .. لا حول ولا قوه الا بالله وش السالفه
فيصل: اخته طالعه مع شاب وهو كشفها .. وذبحها وذبح نفسه بعدها
ماجد: ياسبحان الله كما تدين تدان .. كان يلعب على بنات الناس.. الله يرحمه يارب
ماجد: شباب احمد وينه بعد ..؟
محمد: احمد الله يسلمك تعبان قبل كم يوم مسوى عمليه ..كله من التدخين واضراره ..
ماجد: لا حول ولا قوه الا بالله العلي العظيييييم..ليش وش فيه
محمد: ادامنه على التدخين دهور حالته واتعب رئته .. وهالحين عايش على نص رئه .. حالته تخرع ياخي
ماجد: الله يشفييييه يارب.. ويحرم كل شاب من التدخين الا ماوراه الا الضرر
ناصر: (حب يغير الموضوع شوي) ياشباب ابشركم .. زواجي قريب ان شاء الله
الشباب: مشاء الله مبروووووك..!!
ناصر: الله يبارك فيكم.. ياخي واخيراً قدرنا نكون انفسنا ونلقى اللى ترضى فينا ... ياخي المهر مشكله .. بس الحمد لله . . راح عمري وانا اجمع فيه
اخذ ماجد يقلب عيينه بزوايا الغرفه بحثاً تركي (راعي المخدرات) لم يجده بأحدى زواياها .. اغمض عينه واخذ نفس عميق.. لا حول ولا قوه الا بالله .. ينظر اليه فهد وكانه عرف مايجول بخاطره ..
فهد: مسكين تركي .. ربي يرحم حاله ..
احمد : اميييين .. هو وينه هالحين ..؟
فهد: بالمصح ..
احمد: الله يشفيه يارب الله يشفيه ويحرم المخدرات على كل شاب
الجميع:آآمين
ماهي الا دقائق .. واعلت اصوات المساجد بذكر الله وكأن الزمن يعود بنفسه ..
احمد : (بابتسامه صامته)الصلاه ياشباب..
لم يتبقى احد بالمجلس حينها بعد ان عرفوا ماهي الصلاه وماقيمتها ..
كان هذا مجلس شباب .. مثل اي شباب يعانون من هموم الدنيا بين
(وظيفه مفقدوه ووظيفه غير مقنعه - وزواج - ومهور مرتفعه - وتفحيط بالشوارع - ومخدرات وتدخين اخذ بارواحهم - ومكافئات لم تصرف وهم بامس الحاجه لها - ومعاكسات تنقلب عليهم بالنهايه -وارهاب شتت عقولهم - وصلاه لم تصلي الا من ندر قام بها )
اربعه حيطان .. معتقه اللون .. يأتيها شباب مختلفو الاشكال
تراوحت اعمارهم بين الـ19 والـ28
يقضون فيها نصف يوم ..
يتسامرون .. ويتبادلون الضحكات .. والهموم .. والحكايات..
اخترعت شخصيات خيآليه.. لعني اقضي بها فكره موضوعي ..
حوار يستفتح من قبل احدهم
ناصر : آآآه بس..
خالد : (جالس جنب ناصر) وش فيكـ ياخوي ..
ناصر : ابد سلامتك .. بس خايف ارفض للمره الثالثه
خالد: ليش ماردوا عليك اهل البنت
ناصر : بعد ان استجمع قواه .. لا ماردوا .. تتوقع يرفضوني ..
خالد: ليش ياخي انت شاب ماعليك ومصلح .. ليش يرفضونك..
ناصر : المهر.. المهر مبهذلني ..(يلتفت على خالد بشتكي له) انت تدري .. انا لا وضيفه سنعه ولا ورث.. جالس اجمع المهر على قدي
خالد: الله يعينك .. توكل بالله وادع الله ..
ناصر : امين يارب .. ونعم بالله ونعم بالله .. (يتنهت بخفيف)
خالد : (يلف على بقيه الشباب) يسأل بأبتسامه ..حمود .. ماقلتي لي وش صار عليك
حمود: صار بوشو ..؟؟
خالد: بزواجك .. هاه عساهم ردوا ..؟
حمود : لا ابشرك الحمد لله ردوا . . ووافقوا .. وان شاء الله قريب بنقرر متى الزواج
خالد وبقيه الشباب: ع البركه ..
حمود : الله يعين بس ..
خالد :بضحكه خفيف.. ياشيخ احمد ربك لقيت ناس قابلينك مو مثل صاحبنا .. (يلف لناصر بابتسامه ساخره)
حمود : ايه الحمد لله ههههه .. بس ياخي المعيشه صارت غاليه هالحين .. ابي ادور الشقه وابي ادفع مهرها وهذا غير حسابات وحسابات........الخ...
خالد : ربنااا يعيييينك .. صدق هالايام الشباب مايقدرون يصرفون
أحمد : (يطلع الزقاير من جيبه والولاعه)
يلف عليه فهد : وانت الى هالحين ماتركت التدخين
أحمد : (بعد مايولع الزقاره) يا اخي عجزناااا.. كل مره اقول بتركه بس اعجز
فهد: الله يهداك ياشيخ قسم بالله هالزقاير لعبت بحسبتك لعب ..
أحمد : يا اخي الحسبه خلها على جنب شوي ..صارت تاكل كل راتبي
فهد : وتستمر عليها بعد كل هذا
أحمد : تقدر تقول مدمن..ما اقدر اتركها..(يلف احمد بعد ان يسحب نفس عميق من الزقاره ليطلقه بعد ذاك بالجو )
فيصل : ( يحرك يده بالجو وكأنه يبي يبعد الدخان) ياخي ارحمني تدري معي ربو ..
أحمد : (بعد ان يطفى السيجاره بالطفايه ) آآسفين .. كم مره قلت لك لا تجلس قريب مني .. قم قم ..
فيصل : اقوم احسن لي .. قام وابتعد وجلس بجانب بدر ..
فيصل : ( يطالع في بدر ) .. بدر هيييييه .. وش فيك ساهي . . اللى ماخذ عقلك..
بدر: (بعد ماينتبه لنفسه) هلا هلا فيصل.. وش تقول
فيصل: لا انت مانت معي .. اللى ماخذ عقلك ياشيخ
بدر: ههههههه لا محد ماخذ عقلي المكافئه ياخي محتاج وابيها
فيصل: ليش ماصرفوها الى الان ..
بدر : الى الان تخيل .. سيارتي صار لها يومين بالورشه عجزت اطلعها اقطعت فيني يد ورجل..
فيصل: يهز راسه بخفيف.. لا حول ولا قوه الا بالله ..
يقاطع حديثهم عبدالله اللى كان فوق عربيه يقودها وعاجز عن السير ..
عبدالله: السلالالام عليكم ..
الجميع : عليكم السلام ورحمه الله وبركاته
يمشي عبدالله بعربيته ويحس نفسه مثل العاجز انه يسلم على كل واحد .. وقف في مكانه وجو يصافحونه وهو يمد يده لهم.. ومن بيد الايادي اللى صافحته يد جديده عليه
عبدالله: (بأبتسامه تعلوا محياه) .. هلا فيك يالاخو .. شكلك جديد عمري ماشفتك
سعود : هلا فيك والله .. انا سعود الـ........؟؟
عبدالله : بعد ما ارتسمت عليه ملامح الالم.. اخفها بأبتسامه تصنع .. ونعم والله .. اخذ بكرسيه الى مكان بعيد بالمجلس..ليسترجع احداث مؤلمه مر بها ..
سعود : (يراقب عبدالله عن كثب.. وتدور بذهنه مجموعه أسأله.. يلفت على صديقه فيصل).. فيصل.. خويكم هذا وش فيه
فيصل : ( بعد ماترتسم على ملامحه بعض الالم) خوينا هذا قصته قصه .. كان اكبر مفحط .. وفي يوم كانوا طالعين يفحطون هو وخويه بسياره .. صدم .. واقتلبت السياره .. هو مثل مانت شايف .. فقد المشي .. وخويه.. توفى الله يرحمه .. (ابتسم ابتسامه الم) اسمه سعود
سعود: اها علشان كذا تغير وجهه لما عرف اسمي ..ياما ناس راحوا ضحيه تفحيط .. الله يهداهم ويعقلهم ..
ماهي الا دقايق حتى يدخل وجه سمح متواضح في وسط المجلس ..
ماجد : السلالالالالالام عليكم
الشباب: وعليكم السلام ..
خالد : هه هذاني بسأل عنك ياخي .. وينك ماتنشاف..
ماجد : تعرف الوضيفه ومشاغل
خالد : الله واكبر كل الوضيفه شغل بسوق الخضره ..
ماجد : ياخي اهم شي مشي الحال
يلف سعود بعد مايسمع مقتطف الكلام..
سعود: ماجد وين تشتغل ..؟؟
ماجد : بسوق الخضره ..
سعود : وانت مالقيت غير هالشغل .. ليش وش شهادتك ابتدائي
ماجد : ههههههههه لا معهد ...
سعود: معهدددددد وسوق خضره يالظالم ... ليش.. طيب كم راتبك
ماجد : ياخي ملقيت وضيفه زين اللى شفت هذي.. راتبي يمشي الحال يعني بحدود الالف
سعود : تدري انه انعرض علي وظيفه براتب 4 ألآلف ورفضتها
ماجد : ليشششششش.؟؟ ياغبي نعمه
سعود : ياخي وش تسوي 4 بهالوقت .. وهذا غير ان الشغل كثير مايسوي 4
ماجد: يابن الحلال مع الوقت بيخف الشغل ويكثر الراتب صدقني ..
سعود: مشهاااااا بس .. ماني فاضي اقوم كل صبح علشان اربعه بس ...؟؟
ماجد: (يومي برأسه ويتأسف على عدم قناعه صديقه).. انت الخسران
سعود: الا الاخ الكريم اللى بالزاويه الى هالحين ماخلص مكالمته
ماجد: ( يلف ويطالع الزاويه) ليش وفايز يخلص مكالمات مع بنات خلق الله
سعد: الى هالحين على الحب القديم ..
ماجد: اي حب اي خرابيط هذي السابعه او الثامنه كل يوم داخل علينا بأسم
سعود: يا اخي مايخاف الله هالانسان.. الله يبليه بخواته بكرا او بناته
ماجد: ماعندك احد اتركه بس...على الاقل ارحم حال من تركي
سعود: وانت الصادق (يلف ويطالع لتركي اللى نايم من دخلتهم) ياخي المخدرات لعبت بسمه لعب
ماجد: فقد اهله وفقد بيته وعياله واسرته وامه وابوه وماله.. وبكرا بيفقدنا ويفقد نفسه بسبتها
سعود: لا حول ولا قوه الا بالله ياخي المفروض نتحرك ننصحه.. الساكت عن الحق شيطان اخرس
ماجد: ومن يقووووووول مانصحناه .. يبكي ويقول بتوب وبتركها ويدخل علينا من بكرا دايخ وماهو لمنا ..
سعود: الله يهداه يارب الله يهداه..
ماجد: آمييين ..
(يقاطهم صوت خالد بعد ان ترك هموم الموافقه على الزواج على الجانب يمضى بعض الساعات برفقه اصدقائه .. وينسي بعض همومه )
خالد: شباب وش اخر اخبار البلوتوث
محمد : اما ياخالد .. عندي لك مقطع .. اوووف خطير ..
خالد:مقطع وشو ..؟
محمد : مقطع بناااات.. انما ايييه .. لا انت ماشفت الصور شي ثاني ..
خالد : ورني ورني بالله ارسلها لجوالي..
فيصل: ياشباب تدرون انه ذنب عليكم تتنقلون صور هالبنات المساكين ..
خالد: ياخي فلها وش فيك انت متعقد ..
فيصل: يا اخي ماهي مسأله تعقيد .. بس تخيل لو انها اختك وشاب قاعد يشوفها ويقول هالكلام عنها.. بترضى
خالد: ياخي هن لو خايفات على انفسهن ماصورن
فيصل: من ستر على مسلم ستر الله عليه يوم القيامه .. ماتدري عن ضروف كل بنت . بعضهم جاهم حقهم بسبب الاهمال.. والبعض انظلم .. بسبب صور مالهم ذنب فيها ..
خالد: وانت الصادق.. مابي اظلم احد.. ولا احب الظلم..ذكرتني بزملنا عبدالعزيز الله يذكره بالخير .. هالانسان تحس دينه صح .. مشاء الله عليه
فيصل: ايوه والله مشاء الله عليه ياخي انسان تقى فاهم الدين صح .. مو مثل اخوه اللى فجر بناس وعوائل واطفال مساكين مالهم دخل ..
خالد: الارهاب فرق شبابنا وامتنا .. وخلى رجال الدين اكبر عدو للدول الغربيه .. وربي حرام هالشي..
فيصل: وانت الصداق راحت ارواح بريئه .. واطفال مالهم ذنب .. وناس تيتمو بسبب التفجيرات.. وياليتها عاد تصير باجانب المشكله انها بداخل بلادنا وتقتل مواطنين سعودين وعرب ..
لم يمضى وقت طويل حتى ارتفعت بيوت الله بالاذان وبدأت تصدح فيه ..
حمود : يالله ياشباب الصلاه ..
قاموا بعضهم .. والبعض تجرأ واكمل جلوسه بعد ان اخذ ورق الشده يكمل جلسته .. ولم يلبي نداء الله له ..
مضت السنوات تجر بعضها البعض وكانها حلم ليل ..
اربعه حيطان .. معتقه اللون .. يعود لها مجموعه من بعض شباب كانوا يسكنونها
قضو فيها ايامهم ..
يتسامرون .. ويتبادلون الضحكات .. والهموم .. والحكايات..
ماجد : السلالالالام عليكم
الشباب : وعليكم السلام ياهلا والله وغلا بماجد منو
ماجد: النور نوركم .. (يتجه ليجلس بصدر المجلس .. يلتفت يمه ويسره) وشلونكم شباب
الجميع: الحمد لله بخير بشرنا عنك ..
ماجد : لا انا الحمد لله بخير وسيتن نعمه ( يقاطعه صوت صاحبه سعود الجالس بجنبه)
سعود: ماجد وشلونك.. بشرناعنك وعن شغلك
ماجد: والله بخير يالغالي ابد الحمد لله والشغل ماشي ميه ميه ..
سعود: والله ياخوي ماجد انا خجلان منك انت عارف الدنيا مصاريف وحوسه ومقتضيات وعارف صديقك لا وضيفه ولا شي .. انا ادري تسلفت منك اكثر من مره بس ياليت تسلفني ووعد اول ما الاقي شغل امدها لك كامله
ماجد: افا بس ياسعود .. جيبي هو جيبك .. وانت تامر امر بس ذكرني لا طلعت ( ويتردد بباله قبل كم سنه.. في نفس المكان.. كم عاب شغله وسخر منه ومن راتبه القليل .. والان يطلب السلف منه .. )
سعود: ماتقصر طول عمرك رايتك بيضاء..
ماجد: ياشباب فايز وينه انا فاقده من زمان لا اتصال ولا شي
( الكل اودى برأسه يتهرب عن نظرات ماجد ونظرات غيره وكانهم يخفون وراهم خبر مفجع)
ماجد: وش فيكم تكلموا .. ؟؟ وين فايز ..؟
فيصل: والله مادري وش اقولك ياماجد بس فايز .. قتل اخته وذبح نفسه ..؟؟
ماجد : ليشششششششش .. لا حول ولا قوه الا بالله وش السالفه
فيصل: اخته طالعه مع شاب وهو كشفها .. وذبحها وذبح نفسه بعدها
ماجد: ياسبحان الله كما تدين تدان .. كان يلعب على بنات الناس.. الله يرحمه يارب
ماجد: شباب احمد وينه بعد ..؟
محمد: احمد الله يسلمك تعبان قبل كم يوم مسوى عمليه ..كله من التدخين واضراره ..
ماجد: لا حول ولا قوه الا بالله العلي العظيييييم..ليش وش فيه
محمد: ادامنه على التدخين دهور حالته واتعب رئته .. وهالحين عايش على نص رئه .. حالته تخرع ياخي
ماجد: الله يشفييييه يارب.. ويحرم كل شاب من التدخين الا ماوراه الا الضرر
ناصر: (حب يغير الموضوع شوي) ياشباب ابشركم .. زواجي قريب ان شاء الله
الشباب: مشاء الله مبروووووك..!!
ناصر: الله يبارك فيكم.. ياخي واخيراً قدرنا نكون انفسنا ونلقى اللى ترضى فينا ... ياخي المهر مشكله .. بس الحمد لله . . راح عمري وانا اجمع فيه
اخذ ماجد يقلب عيينه بزوايا الغرفه بحثاً تركي (راعي المخدرات) لم يجده بأحدى زواياها .. اغمض عينه واخذ نفس عميق.. لا حول ولا قوه الا بالله .. ينظر اليه فهد وكانه عرف مايجول بخاطره ..
فهد: مسكين تركي .. ربي يرحم حاله ..
احمد : اميييين .. هو وينه هالحين ..؟
فهد: بالمصح ..
احمد: الله يشفيه يارب الله يشفيه ويحرم المخدرات على كل شاب
الجميع:آآمين
ماهي الا دقائق .. واعلت اصوات المساجد بذكر الله وكأن الزمن يعود بنفسه ..
احمد : (بابتسامه صامته)الصلاه ياشباب..
لم يتبقى احد بالمجلس حينها بعد ان عرفوا ماهي الصلاه وماقيمتها ..
كان هذا مجلس شباب .. مثل اي شباب يعانون من هموم الدنيا بين
(وظيفه مفقدوه ووظيفه غير مقنعه - وزواج - ومهور مرتفعه - وتفحيط بالشوارع - ومخدرات وتدخين اخذ بارواحهم - ومكافئات لم تصرف وهم بامس الحاجه لها - ومعاكسات تنقلب عليهم بالنهايه -وارهاب شتت عقولهم - وصلاه لم تصلي الا من ندر قام بها )