بنت العزبة
06-05-2009, 06:51 AM
خطوط سريعه ..
صباح \ مساء الطاعه ..
موضوع اعجبني .. وحبيت انشره لكم
و إن شاء الله ينال إعجابكم ..
- 1-
اليوم : أول أيام العيد
الوقت : 8 صباحا
المكان : مقبرة صليبيخات
ظل لمدة خمس دقايق و هو يمشي بين القبور وطول هالمده و هو يقول بصوت واطي
" اللهم إني أعوذ بك من عذاب القبر "
ليمن انتبه على الصوت الي قاله : وصلنا
رفع راسه باتجاه عمه و هو يشوف ايده الي تأشر على قبرين يم بعض على يمينه خطى خطوتين و عمه ابتعد شوي عنه و هو ركع على ركبته و ظل لفتره و عيونه على تراب القبرين غمض عيونه و نكس راسه و قبل لا يرفع ايدينه سمع عمه يقوله : ادعيلهم يا بدر محتاجين دعاءك
دعا بسره و دموعه تنزل على خده
يا رب ارحم أمي و أبوي و المسلمين الاحياء منهم و الاموات
يا رب اغفر لهم و اعفو عنهم و وسع مدخلهم واسكنهم جنة الفردوس
يا رب احشرهم مع النبيين و الصديقين و الشهداء
يا رب اجعل قبرهم روضة من رياض الجنه
يا رب نقهم من الخطايا كما ينقى الثوب الأبيض من الدنس
يا رب اغسلهم بالماء و الثلج و البرد
يا رب ..
يا رب ..
ظل يمكن فوق النص ساعه و هو يدعي لهم عقبها مسح دموعه و وقف على حيله لف صوب عمه الي كان بعيد عنه شوي و يوم وصل له قال : شنو أقدر أسوي لهم غير الدعاء؟
رد عمه عليه و قال : سو لهم مشاريع خيريه لأن حديث الرسول صلى الله عليه و سلم يقول (( إذا مات ابن آدمانقطع عمله إلا من ثلاث صدقة جاريه أو علم ينتفع به أو ولد صالح يدعو له ))
بدر : أذكر مره قريت بقصه قراية الفاتحه على روح الميت
العم وهو يحط ايده على جتف بدر : هذي بدع ما وردت عن الرسول صلى الله عليه و سلم ولا فيه دليل عليها بس الناس الله يهديهم يبتدعون و ينشرون بدعهم و البعض يتأكد من مدى صحتها و غيرهم على عماهم ..
" لا يجوز للمراه في الاسلام زيارة القبور لضعفها في هذه المواضع "
- 2-
شافه و البسمه شاقه الحلج شق
رد عليه بابتسامه و قال : دوم يا رب هالابتسامه
- والمسلمين اجمعين
- شخبارك و شخبار الاهل ؟
- بخير عساك بخير
- مستانس ونسنا معاك
- والله تبي الصج ما ادري من خلص رمضان و انا حاس بوناسه و راحه نفسيه و ادعي ربي يتممها علي لان اول مره تظل هالراحه بعد رمضان كل مره من يخلص رمضان ارجع مثل الاول ضيقة و أحس نفسي مو مرتاح و عصبيه وما أتحمل الكلام من احد بس هالمره الحمدلله ربي يتممها علي و عليك
- آمين
- بس ودي لو أعرف السبب
- سهله
- شلون ؟
- شوف شنو الشي إلي ظليت عليه حتى بعد رمضان و ما كان موجود قبل رمضان ؟
- صح كلامك بشوف
خذتهم السوالف ليمن انتبه على الوقت استأذن من رفيجه و رجع البيت و بنص الطريج مد ايده على الرادو الي خبره فيه من قبل رمضان لان طول رمضان وهو يستخدم المسجل ضغط على الزر و ارتجت السياره بصوت خلى تعابير ويهه اعتفست و ردت الفعل كانت انه صك الرادو على طول وهو يقول " استغفر الله " بهاللحظه حس ان احساس القلق و الضيقه رجعت و لا شعوريا فتح الدرج الي جدامه و سحب الاشرطه التي تارستها لي عينها و على طول شاحها بلزباله بما انه كان واقف بالاشاره ..
على الصوب الثاني حمد وصلتلك مسج عادي افتحها ؟
- اول شوف من منو و بعدين اقولك أي ولا لأ
- انزين هذي من تركي رفيجك
- خلاص افتحها و اقراها
- امممممممم يا طول العمر تقول المسج
عرفت السر
" حياتي بدون أغاني لها أسمى المعاني "
رفع راسه يبتسم حق اخوه الي رد عليه بابتسامه منوره ويهه ..
- 3 -
- لا اله الا الله يا أخي انت ما مليت من مجابل هالنت ما غير من موقع لي موقع صايرلي مدمن
- احد شاكيلك الحال ؟
- لا بس ارحم عيونك بتنعمي
- عادي
- عادي تصير و قبل لا يكمل يقطع عليه رفيجه
- اسمع اسمع هالخبر يقولك سوو احصائيه عن الحوادث الي تصير بالشوارع
- قصدك حوادث مروريه
- أي لاحول ولا قوة الا بالله بالهبل الارقام شي مو طبيعي
- الله يعين ذكرتني بسفرتنا حق الشرقيه الله وكيلك ما قمنا نسوق ونخلي ابوي من كثر ما امي تنشف ريجنا ما غير لا تسرع و خفف و شوي شوي يعني عادي لو نمشي على الاربعين و نازل اطق جبدك عاد ليش رفعنا ايدنا و آخرتها طاحت طب بالسعوديين على سالفت تجاوزهم الاشاره و انهم مطايير و ابوي كل دقيقه يفتح موضوع و ترد و يرد يفتح موضوع و ترد على موضوع المشاخيط عاد آخر شي قالها أبوي : ما تلاحظين انج بديرتهم و تطبين فيهم لا وولدهم يسوق فيج
- منو ولدهم ؟
- نواف ولد عمتي كنا طالعين معاه عاد أمي ياوليدي مو قصدي و بصراحه هذا الي اشوفه ادري مو كلكم بس بعضكم الله يهديهم
- الوالده توهقت شكلها
- الله وكيلك احنا ماسكين ضحكتنا و ناطرين رد نواف
- شكله ما سكت
- لا رد و قالها خالتي لا تخليني أفكر اسوي تقرير مصور عن التشفط ( التفحيط ) بتقاطع اشارات منطقة القرين فما فوق تراها فضايح ولا الرادار الي حفظوه و حفظهم
- يحليله ولد عمتك مو هين والله
- ابد عاد اهو وهقنا جان امي تقول شنو الرادار و شسالفته و بط البرمه و الله وكيلك تنقلب امي علي و تغسل شراعي وتحلف علي ما اسوق اذا بسافر وكملتها علينا حتى ابوي
- ما سوت عليكم
- الله وكيلك محاضره عن احترام القوانين المروريه وين ما كنت
و ان احنا ما نحس يوم اهلنا يخافون علينا و ان الام ما ترتاح الا يوم تشوف عيالها يردون سليمين خاصه لي بدو يسوقون
- دارين مطافيق اعيال هالوقت
- عاد مو الكل
- صح بس بعد احيانا الواحد ينسى و تشوفه جنا بالشارع بروحه يمشي على الاميه و الخمسين جنه بطريج سريع ما اكنه بشارع داخلي ..
و منا لشباب الخليج من الكويت مرورا بالسعوديه دخولا بالبحرين و زيارة لقطر و اطلالة على الامارات و ختاما بعمان
" في التأني السلامه و في السرعه الندامه "
و دمتم برضى الرحمن
صباح \ مساء الطاعه ..
موضوع اعجبني .. وحبيت انشره لكم
و إن شاء الله ينال إعجابكم ..
- 1-
اليوم : أول أيام العيد
الوقت : 8 صباحا
المكان : مقبرة صليبيخات
ظل لمدة خمس دقايق و هو يمشي بين القبور وطول هالمده و هو يقول بصوت واطي
" اللهم إني أعوذ بك من عذاب القبر "
ليمن انتبه على الصوت الي قاله : وصلنا
رفع راسه باتجاه عمه و هو يشوف ايده الي تأشر على قبرين يم بعض على يمينه خطى خطوتين و عمه ابتعد شوي عنه و هو ركع على ركبته و ظل لفتره و عيونه على تراب القبرين غمض عيونه و نكس راسه و قبل لا يرفع ايدينه سمع عمه يقوله : ادعيلهم يا بدر محتاجين دعاءك
دعا بسره و دموعه تنزل على خده
يا رب ارحم أمي و أبوي و المسلمين الاحياء منهم و الاموات
يا رب اغفر لهم و اعفو عنهم و وسع مدخلهم واسكنهم جنة الفردوس
يا رب احشرهم مع النبيين و الصديقين و الشهداء
يا رب اجعل قبرهم روضة من رياض الجنه
يا رب نقهم من الخطايا كما ينقى الثوب الأبيض من الدنس
يا رب اغسلهم بالماء و الثلج و البرد
يا رب ..
يا رب ..
ظل يمكن فوق النص ساعه و هو يدعي لهم عقبها مسح دموعه و وقف على حيله لف صوب عمه الي كان بعيد عنه شوي و يوم وصل له قال : شنو أقدر أسوي لهم غير الدعاء؟
رد عمه عليه و قال : سو لهم مشاريع خيريه لأن حديث الرسول صلى الله عليه و سلم يقول (( إذا مات ابن آدمانقطع عمله إلا من ثلاث صدقة جاريه أو علم ينتفع به أو ولد صالح يدعو له ))
بدر : أذكر مره قريت بقصه قراية الفاتحه على روح الميت
العم وهو يحط ايده على جتف بدر : هذي بدع ما وردت عن الرسول صلى الله عليه و سلم ولا فيه دليل عليها بس الناس الله يهديهم يبتدعون و ينشرون بدعهم و البعض يتأكد من مدى صحتها و غيرهم على عماهم ..
" لا يجوز للمراه في الاسلام زيارة القبور لضعفها في هذه المواضع "
- 2-
شافه و البسمه شاقه الحلج شق
رد عليه بابتسامه و قال : دوم يا رب هالابتسامه
- والمسلمين اجمعين
- شخبارك و شخبار الاهل ؟
- بخير عساك بخير
- مستانس ونسنا معاك
- والله تبي الصج ما ادري من خلص رمضان و انا حاس بوناسه و راحه نفسيه و ادعي ربي يتممها علي لان اول مره تظل هالراحه بعد رمضان كل مره من يخلص رمضان ارجع مثل الاول ضيقة و أحس نفسي مو مرتاح و عصبيه وما أتحمل الكلام من احد بس هالمره الحمدلله ربي يتممها علي و عليك
- آمين
- بس ودي لو أعرف السبب
- سهله
- شلون ؟
- شوف شنو الشي إلي ظليت عليه حتى بعد رمضان و ما كان موجود قبل رمضان ؟
- صح كلامك بشوف
خذتهم السوالف ليمن انتبه على الوقت استأذن من رفيجه و رجع البيت و بنص الطريج مد ايده على الرادو الي خبره فيه من قبل رمضان لان طول رمضان وهو يستخدم المسجل ضغط على الزر و ارتجت السياره بصوت خلى تعابير ويهه اعتفست و ردت الفعل كانت انه صك الرادو على طول وهو يقول " استغفر الله " بهاللحظه حس ان احساس القلق و الضيقه رجعت و لا شعوريا فتح الدرج الي جدامه و سحب الاشرطه التي تارستها لي عينها و على طول شاحها بلزباله بما انه كان واقف بالاشاره ..
على الصوب الثاني حمد وصلتلك مسج عادي افتحها ؟
- اول شوف من منو و بعدين اقولك أي ولا لأ
- انزين هذي من تركي رفيجك
- خلاص افتحها و اقراها
- امممممممم يا طول العمر تقول المسج
عرفت السر
" حياتي بدون أغاني لها أسمى المعاني "
رفع راسه يبتسم حق اخوه الي رد عليه بابتسامه منوره ويهه ..
- 3 -
- لا اله الا الله يا أخي انت ما مليت من مجابل هالنت ما غير من موقع لي موقع صايرلي مدمن
- احد شاكيلك الحال ؟
- لا بس ارحم عيونك بتنعمي
- عادي
- عادي تصير و قبل لا يكمل يقطع عليه رفيجه
- اسمع اسمع هالخبر يقولك سوو احصائيه عن الحوادث الي تصير بالشوارع
- قصدك حوادث مروريه
- أي لاحول ولا قوة الا بالله بالهبل الارقام شي مو طبيعي
- الله يعين ذكرتني بسفرتنا حق الشرقيه الله وكيلك ما قمنا نسوق ونخلي ابوي من كثر ما امي تنشف ريجنا ما غير لا تسرع و خفف و شوي شوي يعني عادي لو نمشي على الاربعين و نازل اطق جبدك عاد ليش رفعنا ايدنا و آخرتها طاحت طب بالسعوديين على سالفت تجاوزهم الاشاره و انهم مطايير و ابوي كل دقيقه يفتح موضوع و ترد و يرد يفتح موضوع و ترد على موضوع المشاخيط عاد آخر شي قالها أبوي : ما تلاحظين انج بديرتهم و تطبين فيهم لا وولدهم يسوق فيج
- منو ولدهم ؟
- نواف ولد عمتي كنا طالعين معاه عاد أمي ياوليدي مو قصدي و بصراحه هذا الي اشوفه ادري مو كلكم بس بعضكم الله يهديهم
- الوالده توهقت شكلها
- الله وكيلك احنا ماسكين ضحكتنا و ناطرين رد نواف
- شكله ما سكت
- لا رد و قالها خالتي لا تخليني أفكر اسوي تقرير مصور عن التشفط ( التفحيط ) بتقاطع اشارات منطقة القرين فما فوق تراها فضايح ولا الرادار الي حفظوه و حفظهم
- يحليله ولد عمتك مو هين والله
- ابد عاد اهو وهقنا جان امي تقول شنو الرادار و شسالفته و بط البرمه و الله وكيلك تنقلب امي علي و تغسل شراعي وتحلف علي ما اسوق اذا بسافر وكملتها علينا حتى ابوي
- ما سوت عليكم
- الله وكيلك محاضره عن احترام القوانين المروريه وين ما كنت
و ان احنا ما نحس يوم اهلنا يخافون علينا و ان الام ما ترتاح الا يوم تشوف عيالها يردون سليمين خاصه لي بدو يسوقون
- دارين مطافيق اعيال هالوقت
- عاد مو الكل
- صح بس بعد احيانا الواحد ينسى و تشوفه جنا بالشارع بروحه يمشي على الاميه و الخمسين جنه بطريج سريع ما اكنه بشارع داخلي ..
و منا لشباب الخليج من الكويت مرورا بالسعوديه دخولا بالبحرين و زيارة لقطر و اطلالة على الامارات و ختاما بعمان
" في التأني السلامه و في السرعه الندامه "
و دمتم برضى الرحمن